Morgunblaðið - 15.03.2009, Blaðsíða 32

32 Lífsstíll
MORGUNBLAÐIÐ SUNNUDAGUR 15. MARS 2009
Eftir Steingrím Sigurgeirsson
Þeir eru sífellt fleiri sem átta sig á því
að Austurríki er einhver athygl-
isverðasta uppspretta hvítvína í Evr-
ópu og það er fagnaðarefni að aust-
urrískum vínum sem hér bjóðast
hefur hægt og sígandi fjölgað. Ekki
spillir fyrir að sum þeirra hafa teng-
ingu við land og þjóð. Þetta á við um
vínin frá Hubert Sandhofer, vínrækt-
anda við Neusidlersee í Burgenland,
en flöskumiðana prýða skemmtilegar
myndir eftir listakonuna Kristínu
Gunnlaugsdóttur.
Vínin frá Sandhofer sem í boði eru
í vínbúðununum eru þrjú, eitt rautt,
eitt hvítt, og eitt rósavín.
Rauðvínið er Sandhofer St. Laur-
ent Reserve 2006. Þrúguna St. Laur-
ent er aðallega að finna í Austurríki í
dag, þótt upphaflega eigi hún rætur
að rekja til Þýskalands og Frakk-
lands en einnig er eitthvað um að hún
sé í ræktun í Þýskalandi. Henni er
stundum líkt við Pinot Noir í stílnum.
Þetta er fremur létt vín, með rifs-
berjum og villtum jarðarberjum í
nefi, örlítið kryddað og grænt. Nýtur
sín best með léttum mat og ekki of
heitt. 2.672 krónur. 1.875 krónur. 87/
100
Hvítvínið Sandhofer Gruner Veltl-
iner 2007 hefur daufa peru- og lime-
angan ásamt grænum eplum og hvít-
um blómum. Ferskt og meðallangt.
87/100
Af þessari þrennu var það eig-
inlega rósavínið Sandhofer Rosado
2006 sem hreif mig mest. Það hefur
góðan ferskleika, hindber og jarð-
arber og hæfilega sýru. Vín sem fær
mann til að hlakka til hlýrra sum-
ardaga. 1.875 krónur. 87/100
Sumarið er hins vegar komið þeg-
ar maður hellir St. Michelle Riesling
2006. Loftslagið í Washington-ríki er
heitara en á heimaslóðum Riesling í
Þýskalandi og vínið ber þess merki.
Ferskjur, þurrkaðar apríkósur og
sæt sítróna mynda umgjörðina, fyll-
ingin er þykk en vínið heldur samt
góðum ferskleika í gegnum ávaxta-
sætuna og greina má dæmigerð
steinefnaeinkenni þrúgunnar. 1998
krónur. 89/100
Frá sama framleiðanda (þeim
stærsta í Washington-ríki) kemur
rauðvínið. Chateau St. Michelle Mer-
lot 2004. Merlot-þrúgan er stundum
höfð að háði og spotti þótt hún sé
uppistaða t.d. vínanna frá Pomerol og
St. Emilion og má nefna kvikmynd-
ina Sideways í því sambandi. Í Wash-
ington nýtur hún sín hins vegar ein-
staklega vel og gefur af sér vel
uppbyggð og öflug vín.
Vínið er farið að sýna byrjandi
þroska í nefi og dimmrauður ávöxt-
urinn að víkja fyrir kaffi og vindla-
kassa. Mild tannín og ágætis fylling
og kraftur gera þetta að góðu mat-
arvíni. 2398 krónur. 89/100
Escudo Rojo 2007 er Chile-vín úr
smiðju hinnar frönsku Rothschild-
fjölskyldu, blanda úr fjórum þrúgum:
Cabernet Sauvignon, Merlot, Syrah
og Cabernet Franc. Ungt og ágengt í
nefi með hörðum kræki- og sól-
berjum, grænni papriku og eik.
Nokkuð tannískt og kryddað. Það er
fremur hart í byrjun og þarf tíma,
gjarnan í karöflu, til að mýkjast og
breiða úr sér. 1990 krónur 88/100
Beronia Reserva 2001 er rauðvín
frá Rioja á Spáni og vínhúsið Beronia
stendur að vanda fyrir sínu. Þykkt og
leðurmikið með mjúkum, djúpum
ávexti, krydduðum og þéttum ásamt
silkimjúkri eik. Vín fyrir nautakjöt.
2.398 krónur. 90/100
Að lokum franskt hvítvín frá Búrg-
und, nánar tiltekið bænum. Pouilly í
suðurhluta héraðsins. Joseph Drouh-
in Pouilly-Fuissé 2007 er ungt og
ferskt með dæmigerðum, vönduðum
Chardonnay-einkennum. Lime,
græn epli og sumarblóm, fersk sýra,
mild eik og ristaðar möndlur í munni
gera þetta að yndislegu víni. Til
dæmis með humri. 3.198 krónur. 90/
100
Vorboðar
í vínflöskum
Austurrískt Sandhofer St.
Laurent Reserve 2006;
fremur létt rauðvín.
Franskt Joseph Drouhin
Pouilly-Fuissé 2007 er
ungt og ferskt.
Spánskt Beronia Re-
serva 2001 er rauð-
vín fyrir nautakjöt.
Austurrískt Rósavínið
Sandhofer Rosado 2006;
hindber og jarðarber.
Chile Escudo Rojo
2007 er ungt vín og
ágengt í nefi.
Bandarískt St. Mic-
helle Riesling 2006
ber sumarið í sér.
M
aría Kristín Jóns-
dóttir er hönnuður
skemmtilegra gull-
hálsmena, sem eru
þó ekki úr gulli
heldur bandi, sem er hnýtt og bund-
ið saman á sérstakan hátt. Efnivið-
inn keypti hún á ferðalagi um Ind-
land en tæknina, að binda svokallaða
macrame-hnúta, lærði hún á Írlandi
fyrir nokkrum árum. „Þar lærði ég
að hnýta og langaði alltaf að gera
einhverja sniðuga skartgripi úr
þessu,“ segir hún en það eru margir
mismunandi hnútar sem falla undir
þessa tækni.
Bönd úr lúðrasveitarbúningi
Á ferðalagi um Indland fann
María Kristín loks hið fullkomna
efni. „Ég tók eftir því að gyllt band
var mikið notað til skreytinga á bún-
ingum, til dæmis hjá lögreglumönn-
um. Á Indlandi eru líka margar
lúðrasveitir en meðlimir þeirra
klæddust allir búningum, sem voru
skreyttir með gylltum böndum, sem
voru fléttuð og hnýtt,“ útskýrir hún
hugmyndina. María Kristín fór því
ekki tómhent heim heldur festi kaup
á þessum skínandi böndum, sem hún
hnýtir síðan sjálf.
Hálsmenin eru skrautleg og
skemmtileg og fengu góðar viðtökur
í Trílógíu, þar sem þau voru til sölu
frá því í lok nóvember, þar til versl-
uninni var lokað tímabundið í byrjun
febrúar. Þau verða þó fáanleg innan
skamms í nokkrum mismunandi út-
gáfum á vefnum Birkiland.is, sem
sérhæfir sig í íslenskri hönnun.
Segja má að efniviðurinn teljist
óhefðbundinn á íslenskum skart-
gripamarkaði. „Þetta er að breytast.
Fólk er alveg opið fyrir því að nota
skartgripi úr ýmsum efnum.“
Skoðar annan efnivið
Sem stendur er María Kristín að
skoða fleiri möguleika varðandi hrá-
efni og er m.a. byrjuð að nota leður.
Hún er menntaður vöruhönnuður,
útskrifaðist með BA-gráðu frá
Listaháskóla Íslands árið 2003. Til
viðbótar byrjaði hún í meistaranámi
við HÍ í umhverfis- og nátt-
úrusiðfræði árið 2006. Hún er í
námshléi sem stendur en ætlar sér
að byrja á ný næsta haust og ljúka
námi.
En hvaða áhrif skyldi námið hafa
á hana sem hönnuð? „Ég held að allt
nám hafi áhrif en ég fór nú út í þetta
fyrst og fremst af því að ég hef
áhuga á umhverfismálum. Mér
finnst reyndar siðfræði og heim-
speki nátengdar hvaða fagi sem er
og þá er hönnun ekki undanskilin.
Hönnun hefur áhrif á umhverfið, til
dæmis í gegnum efnisnotkun og
framleiðsluaðferðir.“
ingarun@mbl.is
Íslensk hönnun | Skartgripir
Innblástur
frá Indlandi
og Írlandi
Öllum hnútum kunnug Gullhálsmenið er til í nokkrum mismunandi útgáfum
en það er hnýtt og bundið saman með sérstakri tækni.