Morgunblaðið - 25.04.2009, Blaðsíða 49

Umræðan 49
MORGUNBLAÐIÐ LAUGARDAGUR 25. APRÍL 2009
Í GREIN í Mbl. í
fyrradag, 19.4., er
fjallað um fullveldi
Íslands, bankahrunið
og fleira. Þar segir:
„Hvers virði er full-
veldið núna, þegar
misheppnuð einka-
væðing ríkisbank-
anna undir forystu
Sjálfstæðisflokks og
Framsóknarflokks er
sannanlega frumorsök
þess að fjármálakerfi
þjóðarinnar hrundi
með hrikalegum af-
leiðingum?“ – Ýmsir
menn hafa sagt eitt-
hvað svipað um orsak-
ir hrunsins og þó
einkum vegið að fyrr-
nefnda flokknum.
Um þetta kunna að
vera skiptar skoðanir
en hér skal minnt á hvað Mats Jo-
sefsson, sérfræðingur ríkisstjórn-
arinnar við endurreisn fjár-
málakerfisins, sagði á
blaðamannafundi 11.2.: „Banka-
stjórar og eigendur gömlu bank-
anna geta ekki vikið sér undan því
að þeir, og þeir einir, bera ábyrgð
á því hvernig fór fyrir bönkunum.“
Okkur Íslendingum hefur um
flest gengið vel eftir að við feng-
um fullveldi og sjálfstæði. Það
væri glapræði að fórna þessu þótt
við eigum í miklum erfiðleikum
um skeið. Við vitum í meg-
inatriðum, hvað er í boði ef við
gengjum í ESB. – Olli Rehn,
framkvæmdastjóri stækkunarmála
hjá ESB, segir Íslendinga tæpast
geta átt von á verulegum tilslök-
unum frá sjávarútvegsstefnu sam-
bandsins, sbr. Mbl. 20.11. sl.
Heyrst hafa raddir um að við Ís-
lendingar eigum til að reyna að
breyta stefnu ESB innan frá. –
Það er víst hægt að segja hvað
sem er í seinni tíð! – Svipað má
segja um landbúnaðinn. Telja
menn að okkur myndi hér farnast
vel ef við værum undir oki og
regluverki ESB? Landbúnaðurinn
er mjög mikilvægur fyrir öryggi
okkar.
Að síðustu skal hér vitnað í lok
tveggja kvæða. Hið fyrra er Vor-
hvöt (frá 1870) eftir Steingrím
Thorsteinsson:
Og aldrei, aldrei bindi þig bönd
nema bláfjötur Ægis við klettótta
strönd.
Hið síðara er: Ísland er land
þitt (frá 1970) eftir Margréti Jóns-
dóttur:
Ísland sé falið þér, eilífi faðir.
Ísland sé frjálst meðan sól gyllir haf.
Hvers virði er
fullveldi Íslands?
Eftir Ólaf Oddsson
Ólafur Oddsson
» Það væri glapræði að
fórna þessu þótt við
eigum í miklum erf-
iðleikum um skeið. Við
vitum í meginatriðum,
hvað er í boði ef við
gengjum í ESB.
Höfundur er kennari
ÞAÐ ÆTTI að vera umhugsunarefni
fyrir frambjóðendur VG og Samfylk-
ingar fyrir þessar kosningar að þús-
undir landsmanna vinna við veiðar og
vinnslu hjá svokölluðum „kvótakóng-
um, sægreifum, gjafakvótaliði, kvóta-
bröskurum og glæpahyski“ – og aðrir
frasar. Það er ábyrgðarlaust að halda
því fram að hægt sé að gera út til fisk-
veiða eða -vinnslu nema hafa aflaheim-
ildir til margra ára til að gera rekstr-
arplön.
Að sitja uppi með dýr atvinnutæki
eins og fiskiskip og fiskvinnslu án
nokkurra trygginga um að aflaheim-
ildir verði til staðar fyrir viðkomandi
eigendur atvinnutækjanna gengur
ekki upp og að halda öðru fram er með
ólíkindum og óábyrg atkvæðasmölun í
101 Rvík.
Það virðist vera mikið réttlætismál
hjá vinstriflokkunum að fyrna starf-
andi sjávarútvegsfyrirtæki á Íslandi,
bara til að geta úthlutað aflaheimildum
til einhverra annarra, svokölluð nýlið-
un, er það réttlæti?
Nú veit ég að mér verður sjálfsagt
svarað á þann veg að ég sé með
hræðsluáróður, handbendi LÍÚ, kjós-
andi Sjálfstæðisflokksins eða eitthvað
þaðan af verra. Því það má skilja
vinstrimenn á þann veg að ef þú kýst
D þá ertu vond kona eða maður sem
hefur engan rétt á því að starfa í sjáv-
arútvegi eða koma að útgerð.
Ég skal viðurkenna að það varð smá
vinstrisveifla í kollinum á mér við efna-
hagshrunið í haust. En þegar ég sá og
gerði mér grein fyrir því í samtölum
við aðra sjómenn og fólk sem starfar
við fiskvinnslu að vinstriflokkarnir
hafa það á stefnuskrá sinni að gera
mig og þúsundir annarra sem starfa
við fiskvinnslu og -veiðar atvinnulausa
á fjórum til sex árum komst ég að því
að það er bara einn kostur fyrir mig í
kjörklefanum í komandi kosningum.
Frasinn um að fiskur verði áfram
veiddur á Íslandi þótt starfandi fyr-
irtæki verði fyrnd því atvinnutækin
verði ennþá til staðar („skipum verði
ekki sökkt og fiskvinnslur ekki
brenndar“ eins og tveir frambjóð-
endur sögðu, annar frá VG og hinn frá
Samfylkingu) gengur ekki upp. Að
sjálfsögðu verður atvinnutækjunum
ekki fargað en skipin verða seld úr
landi þar sem mikil eftirspurn er eftir
fiskiskipum í dag og ekki er hlaupið að
því að opna fiskvinnslu ef hráefni og
markaðir fyrir vöruna eru ekki fyrir
hendi. Í nafni réttlætis ætla vinstri-
flokkarnir að gefa upp á nýtt, það er
greinilega ekkert réttlæti í því að þeir
sem starfa í útgerð og vinnslu í dag
geri það áfram.
Hvers eigum við þá að gjalda sem
starfa hjá þessu „glæpaliði“ en líður þó
vel í vinnunni og höfum fullan vilja til
að starfa þar áfram?
Ég hef verið til sjós frá 1985 og von-
ast eftir að geta starfað við það áfram.
Kveðja frá sjómanni sem í dag til-
heyrir „ofurlaunaliðinu“ að sögn VG.
ÁSGEIR GUÐBJARTUR
PÁLSSON,
sjómaður.
Opið bréf til
frambjóðenda
VG og Sam-
fylkingar
Frá Ásgeiri Guðbjarti Pálssyni