Morgunblaðið - 25.04.2009, Blaðsíða 42

42 UmræðanKOSNINGAR 2009
MORGUNBLAÐIÐ LAUGARDAGUR 25. APRÍL 2009
FRAMSÓKNARMENN vilja klippa 20%
af öllum skuldum. Gott ef það væri einhver
glóra í því. Að gera ráð fyrir því að þeir sem
hafa enga þörf fyrir slíka aðstoð muni rjúka
til og kaupa sér fullt af óþarfa til að örva
efnahagslífið er rugl. Allir á Íslandi í dag
spara og borga niður skuldir ef þeir geta.
Því munu þeir sem fá 20% niðurfellinguna
og ekki hafa þörf fyrir hana ekki örva at-
vinnulífið heldur minnka sínar eigin skuldir
hraðar en hinir. Lítið réttlæti í því.
Frjálslyndi flokkurinn ætlar að afnema
verðtrygginguna. Við höfum áður flutt um það frum-
vörp á Alþingi. Sem fyrsta bráðaaðgerð fyrir heimilin
þá frystum við verðtrygginguna við 5% og öll verð-
trygging umfram það leggst inn á biðreikning. Þetta
gildir afturvirkt. Sá biðreikningur verði síðan gerður
upp þegar um hægist Mjög sennilega munu ein-
staklingar njóta afskrifta eins og sum fyrirtækin.
Ástæða afskriftanna er óréttlæti verðtryggingarinnar.
Það er alltaf sá sem lánar sem nýtur vafans. Verð-
bólguhækkunin sem við höfum upplifað undanfarið
tengist neyslu sem er ekki í dag. Að auki tóku bank-
arnir stöðu gegn krónunni og juku þar með
verðbólguna, sér í hag. Það er ekkert rétt-
læti að skuldarar taki einir allt á sig. Byrð-
unum verður að skipta af réttlæti á milli að-
ila.
Undir stjórn sjálfstæðismanna hefur frelsi
fyrir fjöldann verið fótum troðið. Einokun
hefur verið meginþemað. Kvótinn í sjávar-
útvegi og landbúnaði er á fárra hendi. Það
hefur útilokað alla eðlilega nýliðun. Sam-
þjöppun í bankarekstri og smásölu er algjör.
Það eru bara stórlaxarnir sem hafa haft að-
gang að súrefni undir stjórn Sjálfstæð-
isflokksins undanfarin ár. Þeir kalla það
hagræðingu en í þágu hverra? Frjálslyndi flokkurinn
vill frelsi fyrir fjöldann, frelsi til athafna. Frelsi án
hafta og ofríkis stóra bróður. Afnemum einokun og
gefum frjálsu framtaki einstaklinga tækifæri, leysum
úr læðingi kraft fjöldans til nýsköpunar og framleiðslu.
Kjósum Frjálslynda flokkinn og höfnum meðvirkni
Sjálfstæðisflokksins með sérhagsmunum einok-
unarsinna.
Kjósið Frjálslynda flokkinn –
við þiggjum það en ekki mútur
Eftir Helgu Þórðardóttur
Helga Þórðardóttir
Höfundur er í öðru sæti Reykjavík norður fyrir Frjálslynda
flokkinn.
Í SÍÐUSTU grein talaði ég um tvær
ástæður fyrir því að ÖSE væri að fylgjast
með kosningunum og hér velti ég fyrir mér
fleiri mögulegum ástæðum. Það má benda á
fjórða valdið í íslensku samfélagi sem eru
fjölmiðlarnir. Nú eigum við Íslendingar rík-
isfjölmiðil sem hefur m.a. það lögbundna
hlutverk að gæta jafnræðis og koma með
hlutlausa og óháða umfjöllun. Það er öllum
ljóst að þeir standa sig ekki í þeim efnum.
Í fyrsta lagi þurfti að þrýsta verulega á
RÚV svo þeir sýndu frá borgarafundum þó
þeir sýndu ekki frá mörgum. Það er enginn
vafi á því að mikill meirihluti almennings vildi sjá þá. Það
að bera fyrir sig fjárskort þegar kemur að lýðræðinu er
út í hött. Í öðru lagi hefur verið einblínt rosalega á próf-
kjör og landsfundi ákveðinna flokka og nánast heilu
fréttatímarnir helgaðir því. Það er ekki leiðinlegt að fá
góða ókeypis kynningu og hamra svo á því að ný framboð
eigi ekki að fá að sýna ókeypis 10 mín. kynning-
armyndband.
Í þriðja lagi má nefna kosningaáróður sem heitir öðru
nafni Eldhúsdagsumræður á Alþingi sem var í beinni út-
sendingu á RÚV. Lúmsk og góð leið til að
komast hjá því að blanda nýjum framboðum
inn í umræðuna. Í fjórða lagi má nefna nýlega
frétt í sambandi við rosalegt spillingarmál og
ein fréttin hljómaði svo „x-menn eru miður
sín…“ Já, það er nú gott að vita. Viljið þið
greyin ekki bara skila peningunum og við
bara gleymum þessu? Sama hvernig menn líta
á þetta þá er ábyrgðarhlutverk fjölmiðla gíf-
urlegt. Heldur einhver að fyrirsögn fréttar-
innar hefði verið í þessa áttina ef um annan
minni flokk væri að ræða eins og t.d. frjáls-
lynda?
Þjóðin verður að átta sig á því að það er
ástæða fyrir því að ÖSE er með kosningaeft-
irlit hér á landi. Af hinum Norðurlöndunum hafa þeir að-
eins metið kosningar í Finnlandi en aldrei fylgst með
eins og þeir munu gera í næstkomandi kosningum á Ís-
landi. Ég vil landinu mínu aðeins það besta og því verður
að halda því í hávegum að jöfn tækifæri eru forsenda lýð-
ræðis, réttlætis og hreinnar samvisku.
Af hverju fylgist ÖSE með kosn-
ingunum á Íslandi árið 2009?
Eftir Jóhann Gunnar Þórarinsson
Jóhann Gunnar
Þórarinsson
Höfundur er á framboðslista
Borgarahreyfingarinnar.
HVERSU lengi eiga
heimilin í landinu að
bíða eftir því að eitt-
hvað verði gert þeim til
bjargar? Hvar er þessi
„skjaldborg“ sem slá
átti um heimilin og
bjarga þeim frá fjölda-
gjaldþrotum? Greiðslu-
jöfnun er ekkert annað
en lenging í henging-
arólinni og greiðsluað-
lögun einungis ný tegund af gjald-
þroti.
Verðtrygginguna þurfum að
losna við, og það strax. Það er
engin hemja að ef Ríkinu dettur í
hug að hækka t.d. verð á áfengi
eða tóbaki, þá hækki húsnæð-
islánin um leið. Verðtrygging lán-
anna gerir það að verkum að
áhætta lánveitandans er lítil sem
engin, sérstaklega þar sem hús
eru jú lögð að veði, en lántakand-
inn situr eftir með sárt ennið. Það
er enginn möguleiki á því að
borga þessi lán til baka, svo lengi
sem þau eru verðtryggð en laun
almennings ekki.
Alltaf hefur mér t.d. þótt
greiðslumat bankanna, sem allir
þurftu að fá til að geta tekið lán,
einstaklega fyndinn gerningur,
þar sem maður hafði
varla yfirgefið bankann
þegar það var orðið úr-
elt. Hvers vegna? Jú
vegna þess að lánið sem
sótt var um var verð-
tryggt, en launin ekki.
Lánavísitalan hækkar
svo daglega en launin
standa í stað, þannig að
afborgunin hækkar
jafnt og þétt. Þegar
kerfið svo hrundi í
haust steyptist yfir okk-
ur enn hærri verðbólga
en áður með þeim skelfilegu af-
leiðingum að við fjölda heimila
blasir gjaldþrot.
Við hjá Borgarahreyfingunni
viljum færa vísitöluna aftur til
janúar 2008 sem bráðaaðgerð til
leiðréttingar á þessu óréttlæti.
Höfuðstóll og afborganir húsnæð-
islána lækki til samræmis við það.
Raunvextir á verðtryggðum lánum
verði að hámarki 2-3% og afborg-
unum af húsnæðislánum megi
fresta um tvö ár með lengingu
lána. Skuldabyrði heimila vegna
gengistryggðra íbúðalána verði
lagfærð í samræmi við verðtryggð
íbúðalán. Í framhaldinu verði gert
samkomulag við eigendur verð-
tryggðra húsnæðislána um að
breyta þeim í skuldabréf með föst-
um vöxtum og verðtrygging-
arákvæði í lánasamningum verði
afnumin.
Kjósum spillinguna burt, tökum
til óspilltra málanna og setjum X
við O.
Eftir Ingifríði R.
Skúladóttur
Ingifríður R.
Skúladóttir
Höfundur skipar 3. sætið á lista
Borgarahreyfingarinnar
í Suðvesturkjördæmi.
Verðtrygginguna burt!
KJÖRDÆMA-
PÓLITÍK þykir heldur
neikvæð. Þó er kjör-
dæmapólitík í grunninn
aðeins sú pólitík að fólk
í kjördæmunum veki
athygli stjórnmála-
manna á brýnustu
verkefnum í sínu
byggðarlagi. Enda er
gert ráð fyrir að málin
gangi þannig fyrir sig.
Í Borgarahreyfingunni erum við
samt sem áður sannfærð um að
leggja verði nýjan grunn að ís-
lensku samfélagi. Efnahagshrunið
hefur fært okkur heim sanninn um
að ekki verði áfram byggt á sama
gildismati. Ef við hugum ekki að
því sem mestu máli skiptir kemur
annað fyrir lítið. Þótt kjördæmi
fengi allar óskir sínar um verklegar
framkvæmdir uppfylltar yrði ham-
ingja íbúa þess lítil ef grunnþarfir
þeirra eru vanræktar, ef grunn-
stoðir samfélagsins eru vanræktar.
Hugsjón okkar og velferð
Borgarahreyfingin vill að þjóðin
semji sér sjálf eigin stjórnarskrá
og leggi í framhaldinu þá dönsku
til hliðar. Við viljum að í
nýrri stjórnarskrá verði
meðal annars tekið mið af
Mannréttindayfirlýsingu
Sameinuðu þjóðanna þar
sem kveðið er á um rétt-
inn til lífskjara sem nauð-
synleg eru til verndar
heilsu og vellíðan: „Öllum
skal tryggður réttur til
grunnlífskjara sem nauð-
synleg eru til verndar
heilsu og lífsviðurværi
þeirra sjálfra og fjöl-
skyldu þeirra. Grunnlífs-
kjör teljast vera nauðsynleg nær-
ing, hreint vatn, klæði, húsnæði,
læknishjálp og félagsleg þjónusta,
svo og réttur til öryggis vegna at-
vinnuleysis, veikinda, fötlunar, fyr-
irvinnumissis, elli eða annars sem
skorti veldur og menn geta ekki við
gert.“ Öllum skal tryggður í lögum
réttur til almennrar menntunar og
fræðslu við sitt hæfi. Börnum skal
tryggð í lögum sú vernd og umönn-
un sem velferð þeirra krefst.
Lyftum huganum hærra. Greið-
um hugsjónum okkar og velferð at-
kvæði 25. apríl. Setjum X við O.
Lyftum huganum
hærra 25. apríl
Eftir Ragnhildi Örnu
Hjartardóttur
Ragnhildur Arna
Hjartardóttir
Höfundur er frambjóðandi
Borgarahreyfingarinnar
í norðausturkjördæmi.
Með og á móti
Sverrir Stormsker | Vinstri grænir á
leið í Heims(k)metabókina
Jóhannes Kári Kristinsson | Hvað
hefði Jón Sigurðsson gert?
Einar Kristinsson | Sjálfstæðismenn
komið heim – X-D
Meira: mbl.is/kosningar
MORGUNBLAÐIÐ birtir alla út-
gáfudaga aðsendar umræðugreinar
frá lesendum. Blaðið áskilur sér rétt
til að hafna greinum, stytta texta í
samráði við höfunda og ákveða hvort
grein birtist í umræðunni, í bréfum
til blaðsins eða á vefnum mbl.is.
Blaðið birtir ekki greinar, sem eru
skrifaðar fyrst og fremst til að kynna
starfsemi einstakra stofnana, fyrir-
tækja eða samtaka eða til að kynna
viðburði, svo sem fundi og ráðstefn-
ur.
Innsendikerfið
Þeir sem þurfa að senda Morgun-
blaðinu greinar eru vinsamlega
beðnir að nota innsendikerfi blaðs-
ins. Formið er undir liðnum „Senda
inn efni“ ofarlega á forsíðu mbl.is.
Einnig er hægt að slá inn slóðina
www.mbl.is/sendagrein
Móttaka að-
sendra greina
Ljúktu upp kínverskri ævintýra-
veröld fullri af vörgum, munkum,
keisurum, slátrurum, vígamönnum,
draugum …
„Unaðslegur lestur.“
PÁLL BALDVIN BALDVINSSON / KIL JAN
„Spriklandi og sprelllifandi verk sem
kitlar í fingur og tær.“
ÚLFHILDUR DAGSDÓT T IR / BOKMENNT IR.IS
„Glæsileg bók að utan jafnt sem innan.“
DÓMNEFND MENNINGARVERÐLAUNA DV
„Sannkallaður bókmenntaviðburður.“
LESBÓK MORGUNBLAÐSINS
TIL HAMINGJU
í sl ensk u þý ðing av er ðl aunin 2 0 0 9