Morgunblaðið - 11.05.2009, Blaðsíða 15

Fréttir 15ERLENT
MORGUNBLAÐIÐ MÁNUDAGUR 11. MAÍ 2009
Brown rú-
inn fylgi
VERKAMANNAFLOKKUR Gord-
ons Browns í Bretlandi er með 23%
fylgi og hefur það ekki verið minna
frá því kannanir
hófust 1943. Bæði
Íhaldsflokkurinn
og Frjálslyndir
demókratar mæl-
ast nú stærri.
Brown á mjög í
vök að verjast
vegna krepp-
unnar og ýmissa
hneykslismála.
Segja fjölmiðlar að svo geti farið að
flokkur hans bíði gríðarlegan ósigur
í næstu kosningum sem verða í síð-
asta lagi 2010.
Upplýsingum um kostn-
aðargreiðslur til ráðherra og þing-
manna árin 2004-2008 var nýlega
lekið. Brown greiddi bróður sínum
fyrir ræstingar og lét þingið borga
brúsann, þá rukkaði hann tvívegis
sama pípulagningareikninginn.
Fleiri ráðherrar þurfa að svara
óþægilegum spurningum vegna und-
arlegra reikninga sem þeir fengu
greidda. Fréttir af þessari sóun og
fégræðgi þingmanna og ráðherra
hafa vakið mikla reiði almennings.
kjon@mbl.is
Gordon Brown
Flokkur hans með
aðeins 23% fylgi
Eftir Kristján Jónsson
kjon@mbl.is
TALIÐ er að minnst 378 óbreyttir borgarar hafi
týnt lífi og um 1100 særst er beitt var stórskotaliði
í bardögum stjórnarherliðs og liðsmanna upp-
reisnarsveita Tamíl-Tígra á norðanverðu Srí
Lanka aðfaranótt sunnudags, að sögn læknis sem
starfar fyrir stjórnvöld. Læknirinn, V. Shanmug-
arajah, sagði að mannfallið gæti verið mun meira
þar sem mörg lík hafi áreiðanlega verið grafin þar
sem fólkið dó í stað þess að farið væri með þau á
bráðabirgðasjúkrahús.
Tígrarnir, sem hafa í 25 ár barist fyrir sjálf-
stæði þjóðarbrots Tamíla á Srí Lanka, verjast nú
af örvæntingu á nokkurra ferkílómetra svæði sem
þeir ráða enn yfir. Þeir segja að stjórnarherinn
hafi fellt yfir 2.000 óbreytta borgara síðustu daga.
Talsmaður hersins, Udaya Nanayakkara, vísaði
því á bug og sagði herinn eingöngu nota léttvopn í
baráttunni gegn skæruliðum.
„Það er alls ekki verið að skjóta neinum
sprengjukúlum,“ sagði hann. Stjórnvöld segja að
skæruliðar hafi sjálfir beitt sprengjuvörpum í
bardögunum „til þess að sverta ímynd hersins í
augum almennings í landinu og utanlands“.
Ráðamenn á Srí Lanka meina fréttamönnum og
starfsmönnum hjálparsamtaka aðgang að svæð-
inu og því er mjög erfitt að sannreyna hvað hæft
er í yfirlýsingum deiluaðila.
Herinn segist hafa fundið furðulegan búnað í
skóginum, um 110 metra langan járnbrautarvagn,
sem ætlunin hafi verið að aka út í sjó og nota þar
sem eins konar neðansjávarbyrgi fyrir leiðtoga
Tígranna, Velupillai Prabhakaran. Hann er 54 ára
og segja ráðamenn á Srí Lanka að hann stýri enn
liði sínu en Prabhakaran hefur ekki sést op-
inberlega í 18 mánuði. Hafa verið vangaveltur um
að hann sé fallinn eða flúinn úr landi.
Mikið mannfall á Srí Lanka
 Deiluaðilar saka hvorir aðra um að beita þungavopnum gegn saklausu fólki
 Hundruð og jafnvel þúsundir óbreyttra borgara hafa látið lífið síðustu daga
Reuters
Bardagar Brennandi rúta á svæði
Tamíla-Tígra á Srí Lanka.
HARÐIR bardagar geisuðu í gær
milli stjórnarhers Pakistans og tal-
ibana í norðvesturhéruðum landsins
þar sam talibanar hafa fært sig
mjög upp á skaftið að undanförnu.
Talið er að um 100.000 óbreyttir
borgarar hafi flúið frá Swat-dal í
gær en þar býr um hálf önnur
milljón manna. Stjórnvöld afléttu
útgöngubanni um stundarsakir til
að fólk gæti flúið átökin en sumir
náðu ekki að komast í skjól áður en
bannið tók gildi á ný. Margir flótta-
menn hafast því nú við á þjóðvegi
skammt frá Mingora, sem er
stærsta borgin í Swat.
Talsmaður pakistanska hersins
segir að um 200 talibanar hafi verið
felldir síðustu daga. „Þetta er stríð
um framtíð landsins okkar,“ sagði
forsætisráðherra Pakistans, Yusuf
Raza Gilani. David H. Petraeus,
hershöfðingi og yfirmaður Banda-
ríkjahers í Miðausturlöndum, sagð-
ist í gær telja að eining hefði nú
skapast meðal ráðamanna og hers-
höfðingja í Pakistan um að berjast
af krafti gegn talibönum.
Heimildarmenn fullyrða að nú
haldi margir herskáir múslímar frá
arabalöndum og Evrópu til átaka-
svæðanna til að berjast með talib-
önum. kjon@mbl.is
Herða sókn
gegn talib-
önum
STARFSMAÐUR árlegrar kraftakeppni, „Orrustu
drottninganna“, milli kúa í Aproz í Valais-kantónu
Sviss heldur í hornin á Herens-kú í gær. Kýrnar keppa
um forystuhlutverkið áður en farið er með þær í græna
Alpahagana, sú vinnur sem tekst að hrekja hinar á
brott. Þá er hentugt að vera með öflug horn.
Reuters
„Orrusta drottninganna“
Eftir Jóhönnu Maríu Vilhelmsdóttur
í Kabúl.
MOLDARVEGIR, hús að hruni
komin, vopnaðir menn og konur í
búrkum er það sem mætir þeim sem
leggja leið sína til Kabúl í Afganist-
an. Það hljómar vissulega klisju-
kennt en er engu að síður staðreynd.
Það sem má hins vegar líka sjá eru
valhoppandi skólabörn, fólk að selja
ávexti, karla í fótbolta, konur á spjalli
á götuhornum, ósköp venjulegt fólk
sem lifir sínu daglega lífi á vordögum
í Kabúl þrátt fyrir gríðarlega fátækt
og viðvarandi stríðsástand.
Búðir opnaðar og
vegir lagfærðir
Ferðafélagar mínir sem margir
hverjir hafa verið nokkrum sinnum
áður í borginni segjast í fljótu bragði
sjá miklar framfarir frá því fyrir
nokkrum árum, því búðir hafi nú ver-
ið opnaðar og vegir verið lagfærðir.
En hafi margt lagast þá er ljóst að
ástandið hefur verið með ólíkindum.
Enn er það svo að aðeins um 40%
borgarbúa hafa aðgang að rennandi
vatni og aðstæður eru mun verri á
landsbyggðinni. Sturtan á glæsihót-
elinu sem ég bý á ásamt litlum hópi
evrópskra blaðamanna virkar reynd-
ar með miklum ágætum. Það gera
víst einnig sturturnar hjá banda-
ríska sendiráðinu en þetta er önnur
saga sem vissulega vekur sam-
viskubit.
Uppbyggingin er rétt að hefjast
og hefur Bandaríkjastjórn verið
gagnrýnd fyrir að ekki hafi strax
verið stutt við samfélagið og hugað
að uppbyggingu fyrir um átta árum
þegar talibanar voru hraktir frá
völdum.
ISAF, fjölþjóðaher undir forystu
Atlantshafsbandalagsins, NATO,
vinnur nú ásamt ýmsum hjálp-
arsamtökum og Sameinuðu þjóð-
unum að uppbyggingunni sem er
erfið og torsótt í landi þar sem ekk-
ert til að byggja á og nær engar
grunnstoðir eru fyrir hendi.
Jim Dutton, aðstoðaryfirmaður
ISAF-sveitanna, vill þó hvorki líta
um öxl né viðurkenna að NATO hafi
vanmetið erfiðleikana.
„Við höfum aðeins verið hér í þrjú
ár. Okkur hefur kannski ekki orðið
eins ágengt og við hefðum viljað,“
sagði hann í viðtali við Morgun-
blaðið. „En svo ekki sé dvalið í fortíð-
inni heldur horft fram á veginn er ég
sannfærður um að við áttum okkur
mun betur á ástandinu nú en árið
2006 og höfum gert betri áætlanir.“
Moldarvegir og framfarir í Kabúl
Morgunblaðið/Jóhanna
Harðjaxlar Víða sjást vopnaðir menn á götum Kabúl í Afganistan.
Þrátt fyrir gríðarlega fátækt og stöðug átök reyna Afganar að lifa eðlilegu lífi
og á götum höfuðborgarinnar sjást valhoppandi skólabörn að leik
MEXÍKÓAR hafa orðið fyrir áfalli
vegna þess að upptök svínaflens-
unnar eru talin hafa verið í landinu;
orðspor þjóðarinnar hefur beðið
hnekki. Nógu slæmt er að verða
vitni að því að tugir mexíkóskra
ferðalanga séu settir í sóttkví í
Hong Kong. En nú hefur meðferð
ríkja Suður-Ameríku á fótbolta-
félögum frá Mexíkó virkað eins og
salt í sárin, að sögn The New York
Times.
Ætlunin var að tvö félög, Chivas
Guadalajara og Santos Luis, lékju
alls 16 leiki við brasilísk og úrú-
gvæsk félög í Mexíkó. En gestirnir
hættu við, þeir voru smeykir við að
smitast og bera veiruna heim með
sér.
Mexíkóum finnst að þeir séu með-
höndlaðir eins og úrhrök. Mexíkó á
aðild að Concacaf, sambandi knatt-
spyrnufélaga í N- og S-Ameríku auk
Karíbahafsríkjanna, og hefur tekið
þátt í þrem keppnum með liðum frá
S-Ameríku. En forseti mexíkóska
sambandsins hefur nú ákveðið að
draga landið úr áðurnefndum þrem
keppnum. kjon@mbl.is
Mexíkóar
illa særðir
S-amerísk félög
neita að spila fót-
bolta í landinu