Morgunblaðið - 27.06.2009, Qupperneq 25

Daglegt líf 25
MORGUNBLAÐIÐ LAUGARDAGUR 27. JÚNÍ 2009
Rúnar Kristjánsson brá sér áfjöruhlaðborðið á Vatnsnesi á
laugardagskvöldið en það er liður í
héraðshátíðinni „Bjartar nætur“.
Hann var himinlifandi með hvernig
til tókst og orti eftir ferðina:
Veglegt þótti veisluhald
Vatnsnesdætra í öllu.
Gleðin hóf þar háan fald,
hringt var inn með bjöllu.
Þar við flóans miðju mar
mátti kostum hæla.
Allt á borðum íslenskt var,
ó, sú blessuð sæla.
Best við þessa Vatnsnesvist
vökvast landans rætur.
Ýta vel þar undir lyst
Íslands „Björtu nætur“.
Fundu allir föngin við
flest sem magann gladdi.
Hamarsbúðar hlaðborðið
hann að fullu saddi.
Forðans neyttu fljóð og menn
fjarri öllu hangsi.
Kraftaverk sín kynna enn
konurnar og Bangsi.
Hallmundur Kristinsson bregður
á leik með limruna:
Nokkuð drjúgur í djammi
var doktor Pálmi frá Hvammi.
Hann konum var kær
og kláraði þær
meðan bændurnir biðu frammi.
VÍSNAHORNIÐ pebl@mbl.is
Bjartar
nætur
Strandamenn láta sér ekki leiðast á
sumrin frekar en á öðrum árstímum,
enda einkennir það samfélög sem
þetta hér að menn þurfa að vera
sjálfum sér nógir um afþreyingu, auk
þess sem við fáum reglulega lista-
menn og aðra góða gesti í heimsókn
til að lífga upp á mannlífið. Það sem
af er sumri hefur margt verið í boði
auk þess sem fyrirtækjum í ferða-
þjónustu er alltaf að fjölga svo allir
ættu að finna eitthvað við sitt hæfi.
  
Um síðustu helgi fór fram Skákhátíð í
Árneshreppi. Mikið fjölmenni var á
hátíðinni sem hófst í Djúpavík á föstu-
dagskvöld en á laugardaginn var há-
punktur hátíðarinnar, minningarmót
um Guðmund í Stóru-Ávík, en hann
lést nú á vordögum. Fór mótið fram í
Síldarverksmiðjunni í Djúpavík og
sigurvegari var Helgi Ólafsson. Tæp-
lega 50 manns tóku þátt, þ. á m.
nokkrir stórmeistarar. Á sunnudag-
inn var svo tefld hraðskák í Kaffi
Norðurfirði og var þátttakan þar
einnig mjög góð. Umgjörð mótsins,
sem Hrafn Jökulsson hafði veg og
vanda af, var hin glæsilegasta.
Bæjarhátíðin Hamingjudagar á
Hólmavík verður haldin í fimmta sinn
dagana 2.-5. júlí næstkomandi. Á
Hamingjudögum er lögð áhersla á
fjölskylduvæna afþreyingu í fallegu
umhverfi í Strandabyggð. Tónlist
hefur frá upphafi sett mikinn svip á
hátíðina. Að þessu sinni verða m.a.
þrennir tónleikar, með Svavari Knúti,
Árstíðum og Helga Val á fimmtu-
dagskvöldi, Gunnari Þórðarsyni á
föstudagskvöldi og KK og Magga Ei-
ríks á laugardagskvöldi. Hamingju-
dansleikurinn í ár verður með hljóm-
sveitinni Von frá Sauðárkróki. Þá
verður útiskemmtun þar sem heima-
menn standa fyrir veglegri dagskrá
ásamt Felix Bergssyni sem kynnir
dagskrána og skemmtir börnum á öll-
um aldri. Einnig munu kraftakeppnin
Vestfjarðavíkingurinn, Furðuleikar í
Sævangi, Tómas Ponzi teiknari og
Hrönn spámiðill setja svip á hátíðina.
Á Hamingjudögum er líka ávallt fjöl-
breytt afþreying í boði, svo sem laser-
tag, sjóstangveiði, golf, mótorkross,
gönguferðir, hestaferðir og árlegt
kassabílarallí.
  
Í framhaldi af velheppnuðum súpu-
fundum á Café Riis sl. vetur hefur
verið ákveðið að kveikja aftur undir
pottunum! Þróunarsetrið á Hólmavík
í samstarfi við Vaxtarsamning Vest-
fjarða og Menningarráð Vestfjarða
hefur ákveðið að efna til atvinnu- og
menningarmálasýningar á Ströndum
29. ágúst nk. Sýningin verður haldin í
félagsheimilinu á Hólmavík og þar á
að leiða saman hefðbundna og óhefð-
bundna starfsemi og miðla fjölbreytni
atvinnu- og menningarlífs Stranda-
manna út á við. Fyrirtækið AssA,
þekking & þjálfun í Trékyllisvík sér
um framkvæmd sýningarinnar.
Minningarmót Helgi Ólafsson og
Jóhann Hjartarson að tafli.
HÓLMAVÍK
Kristín Sigurrós Einarsdóttir,
fréttaritari
úr bæjarlífinu
LUMMUDAGAR verða haldnir há-
tíðlegir í Skagafirði um helgina.
Um er að ræða fjölbreytta
skemmtidagskrá á Sauðárkróki,
Hólum og Varmahlíð, sem stendur
til sunnudagskvölds. Hófust
Lummudagar í gær með lummu-
kaffi á leikskólum í Skagafirði en
formleg dagskrá var svo í gær-
kvöldi með opnunarhátíð, kvöld-
vöku og varðeldi við nýja Suð-
urgarðinn á Sauðárkróki. Í dag
bjóða skagfirsk fyrirtæki og Skag-
firðingar upp á lummusmakk,
karnivalstemmning verður á Sauð-
árkróki og sérstök lummukeppni
verður háð kl. 12 fyrir framan
Sauðárkróksbakarí.
Morgunblaðið/Skapti Hallgrímsson
Hólar Þar verða líka Lummudagar.
Fjölbreyttir
Lummudagar
YFIRTÖKUTILBOÐ TIL HLUTHAFA ALFESCA HF.
Lur Berri Iceland ehf. gerir hluthöfum Alfesca hf. tilboð um að kaupa hluti þeirra í félaginu
Þann 28. maí 2009 gerðu Lur Berri Holding SAS, Kjalar Invest B.V., Alta Food Holding B.V., Kaupthing Singer
& Friedlander Ltd. (í greiðslustöðvun) og tilteknir stjórnendur Alfesca hf. (hér eftir nefndir „samstarfsaðilarnir“)
með sér samninga um stjórn og rekstur Alfesca hf. (hér eftir nefnt „Alfesca“ eða „félagið“). Samstarfsaðilarnir
eiga samtals 68,34% af útgefnu hlutafé félagsins og fara með 68,73% af atkvæðisrétti.
Samningar samstarfsaðilanna og kaup Lur Berri Iceland ehf. á hlutum í Alfesca hafa gert það að verkum að
skylt er að gera öðrum hluthöfum yfirtökutilboð, þ.e. að bjóðast til að kaupa hluti þeirra í Alfesca, í samræmi
við 100. gr. laga um verðbréfaviðskipti nr. 108/2007 („VVL“), samanber X. og XI. kafla laganna. Lur Berri
Iceland ehf., sem er íslenskt einkahlutafélag í eigu Lur Berri Holding SAS, gerir yfirtökutilboð byggt á skilmál-
um og skilyrðum sem sett eru fram í opinberu tilboðsyfirliti sem dagsett er 25. júní 2009 („tilboðsyfirlitið“).
Tilboðshafar
Tilboðið nær til allra hluta í Alfesca sem ekki eru í eigu samstarfsaðilanna eða Alfesca á þeim degi sem tilboðið
er gert. Hluthöfum sem skráðir eru í hluthafaskrá Alfesca í byrjun dags 25. júní 2009 mun verða sent tilboðs-
yfirlitið, samþykkiseyðublað og svarumslag.
Framangreind skjöl eru einnig aðgengileg hjá fyrirtækjaráðgjöf Nýja Kaupþings banka hf., Borgartúni 19
í Reykjavík. Jafnframt er hægt að nálgast tilboðsyfirlitið á heimasíðu Nýja Kaupþings banka hf.,
www.kaupthing.is.
Ráðgjafar og umsjónaraðili
Ráðgjafar Lur Berri Iceland ehf. og Lur Berri Holding SAS eru MPE Finances og DragonKnight Advisors. Fyrir-
tækjaráðgjöf Nýja Kaupþings banka hf. (hér eftir nefndur „bankinn”) hefur verið ráðin umsjónaraðili með
yfirtökutilboðinu fyrir hönd tilboðsgjafa. Nánari upplýsingar veita verðbréfaráðgjafar bankans í síma 444 7000.
Tilboðsverð og greiðsla
Tilboðsverðið er 4,5 krónur fyrir hvern hlut í Alfesca, kvaða- og veðbandalausan. Greiðslur fyrir hluti þeirra
sem samþykkja tilboðið verða greiddar í íslenskum krónum inn á bankareikning viðkomandi hluthafa sem
tilgreindur er á samþykkiseyðublaðinu. Greiðsla verður innt af hendi eigi síðar en fimm viðskiptadögum eftir
að gildistími yfirtökutilboðsins rennur út.
Tilboðstímabil
Gildistími yfirtökutilboðsins er frá kl. 9:00 þann 2. júlí 2009 til kl. 16:00 þann 30. júlí 2009. Samþykki við yfirtöku-
tilboðinu verður að hafa borist fyrirtækjaráðgjöf Nýja Kaupþings banka hf. eigi síðar en kl. 16:00 þann 30. júlí
2009. Hluthafar bera sjálfir ábyrgð á að samþykkiseyðublaðið hafi borist umsjónaraðila. Lur Berri Iceland ehf.
áskilur sér einhliða rétt til að ákveða hvort samþykkiseyðublöð sem berast eftir að gildistími tilboðsins rennur
út verði tekin gild. Yfirtökutilboðið getur verið framlengt að því marki sem heimilt er samkvæmt VVL.
Afskráning af markaði
Ef (i) samstarfsaðilarnir eiga 90% eða meira af útgefnu hlutafé og atkvæðisrétti í Alfesca í kjölfar tilboðsins;
eða (ii) Alfesca uppfyllir ekki lengur skilyrði til að vera með hluti sína skráða í viðskiptum á aðallista NASDAQ
OMX Iceland, munu Lur Berri Iceland ehf. og samstarfsaðilarnir beita sér fyrir því að hlutir Alfesca verði teknir
úr viðskiptum á aðalmarkaði NASDAQ OMX Iceland.
Reykjavík, 25. júní 2009
Fyrir hönd Lur Berri Iceland ehf.
Fyrirtækjaráðgjöf Nýja Kaupþings banka hf.