Morgunblaðið - 05.07.2009, Blaðsíða 26

26 Veitingahús
MORGUNBLAÐIÐ SUNNUDAGUR 5. JÚLÍ 2009
www.veggfodur.is
Birt með fyrirvara um prentvillur. Heimsferðir áskilja sér rétt til
leiðréttinga á slíku. Ath. að verð getur breyst án fyrirvara.
Verð kr. 79.990
Ótrúlegt sértilboð - Principito ***+
Netverð á mann, m.v. 2 fullorðna og 2 börn í
íbúð í 2 vikur. Verð m.v. 2 saman kr. 89.990.
Sértilboð 14. júlí. Aukalega fyrir hálft fæði í 2
vikur kr. 44.000 fyrir fullorðna og kr. 22.000
fyrir börn.
Verð kr. 64.990
2 vikur
Netverð á mann, m.v. 2 fullorðna og 2
börn í íbúð í 2 vikur. Stökktu tilboð 14.
júlí. Verð m.v. 2 saman kr. 74.990.
Aukalega fyrir hálft fæði í 2 vikur kr.
44.000 fyrir fullorðna og kr. 22.000
fyrir börn.
Aðeins örfá sæti og íbúðir á þessum kjörum!
Costa del Sol
14. júlí
frá kr. 64.990 - 2 vikur
- með eða án fæðis
Skógarhlíð 18 • sími 595 1000 • www.heimsferdir.is
Heimsferðir bjóða frábær tilboð á allra síðustu sætunum til Costa del Sol
þann 14. júlí í 2 vikur. Í boði er stökktu tilboð, með eða án fæðis, þar sem
þú bókar sæti (og fæðisvalkost) og 4 dögum fyrir brottför færðu að vita
hvar þú gistir. Bjóðum einnig frábært sértilboð, með eða án fæðis,
á Aguamarina íbúðahótelinu, einum af okkar allra vinsælustu gisti-
staðnum á Costa del Sol. Ath. aðeins örfáar íbúðir í boði.
Gríptu þetta frábæra tækifæri og njóttu lífsins í sumarfríinu á vinsælasta
sumarleyfisstað Íslendinga á ótrúlegum kjörum.
Eftir Steinþór Guðbjartsson
steinthor@mbl.is
Eldofninn ehf. Pizzeria í Grímsbæ viðEfstaland neðan við Bústaðaveg íReykjavík hefur ekki fengið vínveit-ingaleyfi vegna hugsanlegra mistaka
við skiptingu borgarinnar í íbúðasvæði og önn-
ur svæði, að sögn eiganda staðarins. Hann er
samt bjartsýnn á að leyfið fáist.
Hjónin Ellert A. Ingimundarson og Eva
Karlsdóttir tóku við húsnæðinu í Grímsbæ í
febrúar. Þar hafði verið söluturn en þau vildu
reka pizzustað og hófu þegar breytingar með
það í huga. Þegar kom að því að sækja um vín-
veitingaleyfi rákust þau á vegg.
Ekki við sama borð
Ellert segir að fyrir um áratug hafi verið sett
löggjöf sem heimilaði ekki vínveitingar í íbúða-
hverfum. Í kjölfarið hafi Reykjavíkurborg
skipt borginni í íbúðasvæði og önnur svæði. Á
síðarnefndu svæðunum megi veitingastaðir
vera með vínveitingaleyfi en ekki hinum.
„Glæsibær og Sprengisandur falla til dæmis
undir önnur svæði en Grímsbær undir íbúða-
svæði,“ segir hann og undrar sig á að sömu
reglur gildi ekki um öll þessi svæði. „Grímsbær
er í svipaðri fjarlægð frá íbúðabyggð og Glæsi-
bær og Sprengisandur en þeir sem skiptu
borginni í svæði 2002 hafa ekki áttað sig á því
að Grímsbær hefði átt að falla undir annað
svæði á sömu forsendum og hin nefndu svæðin,
þar sem hann tengist opnu svæði eins og þau.“
Eftir að Ellert fékk synjun um vínveit-
ingaleyfi hjá sýslumanni vegna neitunar hjá
Reykjavíkurborg segir hann að sér hafi verið
bent á að hann hefði átt að spyrja fyrst hvort
hann fengi ekki vínveitingaleyfi áður en hann
réðst í umfangsmiklar framkvæmdir. „Fram að
því hvarflaði ekki að okkur eða öðrum að við
fengjum ekki vínveitingarleyfi ef við færum
eftir skilyrðum byggingarfulltrúa, heilbrigð-
iseftirlits og slökkviliðs,“ segir hann. Ellert
bendir ennfremur á að öll orkan hafi farið í að
fá önnur tilskilin leyfi. Tíminn kosti peninga og
hvorki þau né aðrir hafi efni á því til lengdar að
leigja húsnæði án reksturs. „Við reiknuðum
samt ekki með því að við þyrftum að flytja
Grímsbæ út í sveit til þess að fá vínveiting-
arleyfi.“
Ekki allt í 101
Þrátt fyrir þetta segist Ellert hafa mikla trú
á stjórnmálamönnum borgarinnar og að málið
fái farsælan endi. „Þeir sjá að þetta er mein-
gölluð löggjöf sem þarf að laga,“ segir hann.
„Af hverju þarf allt að vera í 101 Reykjavík eða
á sér afmörkuðum svæðum? Af hverju mega
ekki vera litlir veitingastaðir í hverfunum? Ég
finn fyrir miklum áhuga hjá nágrönnum á því
að geta gengið út og fengið sér pizzu og rauð-
vínsglas og til þess er leikurinn gerður. Þetta er
spurning um að fólk hafi val um hvort það fari
niður í bæ og taki síðan leigubíl heim eða gangi
á litla veitingastaðinn í sínu hverfi til þess að fá
það sama.“
Til langs tíma hefur Ellert verið fastráðinn
leikari við Borgarleikhúsið en síðastliðið haust
sagði hann upp samningnum. Skömmu síðar
missti Eva vinnuna og þá ákváðu þau að gera
það sem þau hafði lengi langað til þess að gera
– að reka lítinn veitingastað í góðu hverfi.
Eldofninn hefur fengið góðar viðtökur, en
Ellert segir það mikil vonbrigði að hafa ekki
fengið vínveitingaleyfið. Fyrir bragðið sé
reksturinn öðruvísi en að hafi verið stefnt.
„Samt gengur alveg rosalega vel og við höfum
ekki yfir neinu öðru að kvarta, en vonandi leys-
ist þetta mál fljótlega,“ segir hann.
Vínveitingaleyfi ekki sjálfgefið
Morgunblaðið/Jakob Fannar
Leiga Hjónin Ellert Ingimundarson og Eva Karlsdóttir leigja húsnæði fyrir Eldofninn í Grímsbæ.
Fyrir skömmu skipaði borg-arráð nefnd sem á að endur-skoða reglur um vínveitingar í
borginni og staðsetningu vínveit-
ingahúsa. Nefndin á fyrst og fremst
að skoða ástandið í miðborginni og
hvernig læra megi af reynslunni af
lengri opnunartíma vínveitingahúsa.
Júlíus Vífill Ingvarsson, borg-
arfulltrúi og formaður nefndarinnar,
segir að mál Eldofnsins og sambæri-
leg mál falli jafnframt undir vinnu
nefndarinnar.
Júlíus segir að Ellert A. Ingimund-
arson hafi haft samband við sig
vegna málsins 10. júní sl. og þá hafi
hann beðið lögfræðing skipulags- og
byggingasviðs og lögfræðing borg-
arinnar að fara yfir það.
Skilgreint íbúðasvæði
Veitingastaðir flokkast í staði án
áfengisveitinga, umfangslitla áfeng-
isveitingastaði og umfangsmikla
áfengisveitingastaði. Ekki er hægt
að breyta úr umfangslitlum í um-
fangsmikinn áfengisveitingastað
nema sækja sérstaklega um slíka
breytingu. Í sumum tilfellum getur
slík breyting kallað á nýja umsókn
um byggingarleyfi, meðal annars
vegna hljóðvistarkrafna.
Grímsbær er staðsettur innan
skilgreinds íbúðasvæðis samkvæmt
gildandi aðalskipulagi Reykjavíkur
og samkvæmt málsmeðferð-
arreglum borgarráðs um veit-
ingastaði og gististaði er óheimilt að
veita áfengisveitingastöðum á slíku
svæði rekstrarleyfi. Við fyrstu sýn
virðist því ekki heimilt að setja vín-
veitingahús í Grímsbæ, en Júlíus
bendir á að í reglunum sé að finna
undantekningu ef um er að ræða
svæði þar sem gert er ráð fyrir versl-
un og þjónustu innan íbúðasvæða.
Því hafi hann óskað eftir því að
skoðað yrði hvort hún ætti ekki við í
þessu tilviki, þar sem um versl-
unarkjarna væri að ræða. „Þetta er
fjölskipað stjórnvald en mér sýnist
vera prýðilegar líkur á því að þetta
mál geti fengið jákvæða nið-
urstöðu.“
Auk borgarinnar veita umsögn
heilbrigðisnefnd, slökkvilið, vinnu-
eftirlit, byggingarfulltrúi og lög-
regla. „Óheimilt er að gefa út rekstr-
arleyfi ef einhver framangreindra
aðila leggst gegn útgáfu leyfisins og
skal rekstrarleyfi jafnframt bundið
þeim skilyrðum sem fram kunna að
koma í umsögnunum“, segir m.a. í
lögum um veitingastaði, gististaði
og skemmtanahald (nr. 85/2007).
Júlíus segir að við aðstæður eins
og í sambandi við Eldofninn geti ver-
ið eðlilegt og jafnvel sjálfsagt að
fólk geti keypt vín eða bjór með
pizzu. Hins vegar sé ekki útilokað að
nágrannar hafi eitthvað um málið að
segja og fara þurfi yfir þeirra at-
hugasemdir ef einhverjar eru. Hafa
þurfi í huga að ákvörðunarvaldið sé
ekki eingöngu hjá borgarráði en það
sé umsagnaraðili og það vegi þungt
geri það ekki athugasemdir við að
veita leyfið.
Prýðilegar líkur á jákvæðri niðurstöðu
Morgunblaðið/Jakob Fannar
Grímsbær Eldofninn er í verslunarmiðstöð og á slíkum stöðum má heimila vínveitingaleyfi.