Saga - 1989, Blaðsíða 45

STJÓRNMÁLAÁTÖK OG KRISTNIBOÐ
43
egi. Líklegast er að þetta hafi verið danskur leiðangur, sem hinn land-
flótta konungur og kappi var fenginn til að stjórna. Markmiðið var að
endurreisa veldi Dana í Englandi. Eiríkur hefur áreiðanlega verið fús
til fararinnar, því þarna gafst honum kærkomið tækifæri til að hefna
harma sinna á Engilsöxum.
Samkvæmt engilsaxnesku annálunum gerðust þessir atburðir á
árunum 947-48, en samkvæmt íslenskum heimildum nokkru fyrr.15
Hingað til hefur verið gengið út frá því að engilsaxnesku annálarnir
fari rétt með hvenær Eiríkur réðst inn í Norðimbraland, en skekkja sé
i tímatali íslensku heimildanna. Aftur á móti hafa menn talið að
íslensku heimildirnar fari rétt með hve langan tíma þessir atburðir
tóku. Pað hefur því verið haft fyrir satt að Eiríkur hafi aðeins ríkt í eitt
til tvö ár í Noregi og að hann hafi ráðist inn í Norðimbraland næstum
strax eftir að hann var rekinn úr landi. Ég þori ekki annað en gera ráð
fyrir því, að íslensku heimildunum skeiki hvað þetta varðar rétt eins
og um tímatalið. Það er eins víst að Eiríkur hafi ríkt nokkru lengur í
Noregi en gert er ráð fyrir í norrænum heimildum og að hann hafi
dvalist í Danmörku um nokkurra ára skeið áður en hann lagði upp í
herförina til Norðimbralands. Ef svo hefur verið, hefur Hákon Aðal-
steinsfóstri ríkt lengur í Noregi en nú er almennt álitið.
Með því að koma Hákoni til valda í Noregi fylltu Engilsaxar ekki
aðeins það skarð sem myndast hafði í diplómatískan varnarvegg
þeirra í norðri, heldur hlúðu þeir líka að þeirri veikburða kristni sem
hjarði hér og þar um vesturhluta Noregs og í Víkinni því Hákon Aðal-
steinsfóstri var vel kristinn og hafði á prjónum metnaðarfullar áætlan-
ir um kristniboð.
Trúboð Hákonar Aðalsteinsfóstra
Eftir að hafa hrakið Eirík bróður sinn úr landi tók Hákon konungur að
treysta sig í sessi. Hann lét taka sig til konungs á þingum og setti þá
menn til landvarna sem hann treysti. Einnig hóf hann hið merka lög-
gjafarstarf sitt. Þar lét hann fljóta með ýmsar breytingar sem síðar
gætu komið að gagni við að kristna landsmenn. Eitt af því sem hann
15 Sjá aftanmálsgrein 1.