Saga - 1989, Page 126

124
STEFÁN AÐALSTEINSSON
úrvali eftir landnám hér þyrfti ekki lengur að ganga út frá írskum
uppruna íslendinga umfram það sem sögur hermdu.
Árið 1985 birtist ritgerð eftir undirritaðan um hugsanleg áhrif bólu-
sóttarfaraldra á tíðni einstakra blóðflokka innan ABO-kerfisins. Sú
ritgerð byggði á efniviði frá Indlandi frá 7. áratugnum og gaf mjög
ákveðna bendingu um að tíðni hinna einstöku gena innan ABO-kerf-
isins hefði getað breyst hér frá landnámi.1
Samtímis fékkst viðunandi skýring á hárri O-flokkstíðni hjá út-
jaðrafólki í Evrópu og víðar. Þetta fólk lifði í einangrun á eyjum eða til
fjalla. Bólusótt barst til þess sem faraldur með löngu millibili og valdi
gegn A-flokki en tíðni O-flokks hækkaði að sama skapi. Við þessa
uppgötvun var komin ástæða til að endurskoða öll þau skrif um upp-
runa íslendinga sem byggð voru á ABO-kerfinu.
Efniviður og umræða
í riti sínu Gaelic influence in lceland telur Gísli Sigurðsson að landnáms-
menn á íslandi séu í miklum mæli ættaðir af Irlandi og Skotlandi.2 Því
til áréttingar dregur hann fram mörg dæmi til stuðnings máli sínu en
leggur minna upp úr þeim niðurstöðum sem ekki styðja tilgátu hans.
Gísli fjallar um erfðaþætti þá sem hafa verið notaðir til að kanna
skyldleika íslendinga við Norðurlandabúa og Kelta í III. kafla á bls.
35-40. í þessum kafla, sem ber heitið „Blood groups of Icelanders and
other genetic evidence", orkar margt tvímælis og þar er gefin ófull-
nægjandi mynd af þeirri þekkingu sem fyrir liggur. Hér á eftir verður
einvörðungu fjallað um III. kafla ritgerðar Gísla.
í fyrsta hluta þessa kafla rekur Gísli mælingar á beinum úr fornum
gröfum á íslandi, írlandi og í Noregi. Hann getur þess að af þessum
mælingum hafi verið dregnar þær ályktanir að íslendingar séu blanda
af Norðmönnum og Keltum.3 Hins vegar nefnir hann ekki samanburð
mælinga á íslendingum og íbúum Valle í Setesdal og víðar í Noregi á
nútíma en um þann samanburð segir Jón Steffensen svo:
í Vallesókn í Setesdal á Austur-Ögðum er fólk, er hefir búið
þar á ættaróðulum mann fram af manni, tiltölulega einangrað
1 Stefán Aðalsteinsson (SA) (1985), 275-81.
2 Gísli Sigurðsson (GS), 35.
3 GS, 35.