SunnudagsMogginn - 01.11.2009, Síða 13

1. nóvember 2009 13
Desember fjallar um popparann Jonna sem snýr heim til Íslands í
byrjun desember eftir að hafa yfirgefið vini og vandamenn nokkuð
fyrirvaralaust nokkrum árum áður. Hann dreymir um að ná gamla
bandinu sínu saman á nýjan leik en það hafði eitt sinn slegið í gegn
með smellinum „Heppinn“. Eins vill hann endurnýja kynnin við kær-
ustuna sína sem var með honum í hljómsveitinni í denn og hlakkar
til að halda jól í faðmi fjölskyldunnar. Við heimkomuna uppgötvar
hann að allt hefur breyst. Hans nánasta fjölskylda glímir við veikindi
og fjárhagserfiðleika og gamla kærastan er tekin saman við vel
stæðan útfararstjóra. Jonni gerir örvæntingarfullar tilraunir til að
redda málunum með misjöfnum og jafnvel grátbroslegum árangri.
Leikstjóri myndarinnar er Hilmar Oddsson, handritshöfundur er
Páll Kristinn Pálsson en framleiðendur eru Anna María Karlsdóttir og
Hrönn Kristinsdóttir. Auk þeirra Tómasar og Lovísu leika í myndinni
Laufey Elíasdóttir, Stefán Hallur Stefánsson, Ellert Ingimundarson,
Guðrún Gísladóttir, Unnur Birna Jónsdóttir og fleiri.
Allt breytt við heimkomu
Morgunblaðið/Kristinn
Þegar ég var búin að
tala við hann sagði ég
við pabba að þetta
hefði verið einhver
maður að spyrja mig
hvort ég gæti leikið í
bíómynd og hann fór
að skellihlæja.