SunnudagsMogginn - 18.07.2010, Blaðsíða 12

12 18. júlí 2010
Þriðjudagur
Sigga Víðis Jónsdóttir – nei,
svona grínlaust hvernig er hægt
að eiga 700 hárteygjur og finna
ekki eina einustu teygju í allri
íbúðinni? Muuu … Stúlkan sem
var á leið í almenningshlaup með
baggaband í hárinu.
Fimmtudagur
Gerður Kristný
þrælaði ungviðinu
í gegnum Júra-
garðinn. Þetta
verður að kunna
skil á helstu ævin-
týramyndum kvikmyndasögunnar.
Snareðlurnar voru jafnbrattar og í
Háskólabíói haustið 1993.
Dagur Gunnarsson á fjögurra ára
son sem veltir þróunarkenning-
unni fyrir sér. Við vorum fiskar er
afi var markmaður hjá KR.
Sigurður Svavarsson þraukar enn
í skrifstofufárviðrinu sem nú geis-
ar í höfuðborginni …
Föstudagur
Ármann Guð-
mundsson dreymdi
í nótt að hann sæi
Nóbelsskáldið
gubba og segja
svo eitthvað aga-
lega hnyttið. Man bara ekki
hvað …
Fésbók
vikunnar flett
Er of dýrt að leigja
bílaleigubíl á Íslandi?
N
ei, það er ekki of dýrt en það er að sjálf-
sögðu dýrt yfir háannatímann. Það eru
margar ástæður fyrir því að bílaleigubílar
eru dýrir á Íslandi. Háannatíminn nær
ekki nema frá byrjun júlí fram í miðjan ágúst eða í
aðeins 45 daga. Á þessum tíma er fjöldi bílaleigubíla
rúmlega 6.000 og um 35% af þeim leigjast eingöngu í
þessar 6 vikur yfir árið. Ferðamönnum fer að fjölga í
byrjun maí og stendur það fram í september en þá er
nýtingin í heildina að hámarki 50% af heildarflot-
anum. Yfir veturinn er ekki markaður fyrir nema
1.200-1.500 bíla flota. Þessar sveiflur kalla á mikla
fjárfestingu í nýjum bifreiðum í upphafi hvers sum-
ars auk mikils bílaflota sem stendur allan veturinn.
Þarna er gífurleg fjárfesting, háir vextir og geymslu-
kostnaður auk þeirra affalla sem bílarnir verða fyrir
við að eldast þó þeim sé ekki ekið neitt. Greinin hef-
ur reynt að auka viðskiptin með mun lægra verði á
veturna en á sumrin en það hefur ekki borið tilætl-
aðan árangur.
Endurnýjunarþörf er mikil, ca 35% hjá bílaleigu
sem vill fylgja stöðlum um aldur bíla og öryggi. Af
þessari ástæðu er þetta fjárfrek atvinnugrein. Ég
mæli alls ekki með að það sé verið að leigja út gamla
mikið ekna bíla, við eigum að bjóða upp á örugga
gæðavöru á ásættanlegu verði.
Við hrun krónunnar hafa bifreiðar, varahlutir,
dekk olíur og flest sem viðkemur rekstri bílaleigu
hækkað gífurlega.
Ferðamenn á Íslandi aka mjög mikið, þ.e. á 7-8
daga ferðalagi má reikna með að eknir séu a.m.k.
2.500 kílómetrar
Tryggingaiðjöld á Íslandi eru mun hærri en í ná-
grannalöndunum. Þá er tíðni óhappa og slysa einnig
meiri. Auk þess sem vegakerfið og umhverfð veldur
meira útlitssliti, t.d. skemmdum vegna grjótkasts,
rúðubrotum og fleiru sem fylgir mikill kostnaður.
Kostnaður við að hafa virk útibú og þjónustubíla
víða um landið er mikill.
Fyrir þrem árum bárum við saman kostnað við
standsetningu og þrif á bílum í þjónustustöð hjá
okkur og þjónustustöð á Heathrow-flugvelli í Lond-
on, munurinn var ótrúlegur eða nálægt því að vera
áttfaldur.
Verðleggja þarf þjónustuna a.m.k. ár fyrirfram
þannig að óvæntar breytingar á vörugjöldum, tollum
eða vsk. geta komið illa niður á okkur, þ.e. ekki er
hægt að velta þeim út í verðlagið, vsk. breytingin
síðastliðinn vetur lenti alfarið á fyrirtækjunum.
Til þess að gæta allrar sanngirni í verðsamanburði
við önnur lönd þarf að reyna að komast sem næst því
að hafa samanburðinn sem raunhæfastan. Utan há-
annar eru bílaleigubílar á Íslandi oft mjög sam-
keppnishæfir og jafnvel ódýrari en í nágrannalönd-
unum, þá er fólk að aka minna og dugar oft að kaupa
pakka með 100 km akstri á dag og í löndum eins og
Noregi hafa á veturna verið fáanlegir bílar hér sem
eru jafnvel 50% ódýrari en þar.
Síðastliðin 10 ár hefur bílaleigubílum fjölgað úr ca
2.000 í rúmlega 6.000 eða í miklu hærra hlutfalli en
fjölgun ferðamanna. Þetta hlýtur að þýða það að
ferðamennirnir eru sáttir við verðlagninguna, ann-
ars hefði þessi vöxtur aldrei orðið. En að sjálfsögðu
þarf að gæta hófs og berjast fyrir því að halda kostn-
aði í lágmarki og gera sér grein fyrir því að ferða-
þjónustan á Íslandi er í samkeppni við önnur lönd og
bílaleigurnar eru einn af mikilvægu hlekkjunum í því
að viðhalda fjölgun á ferðamönnum til landsins þó að
það séu alltaf takmörk fyri því hvað bílaleigur, hótel
eða aðrir geti fjárfest mikið til þess að sinna toppnum
á háannatíma.
MÓTI
Bergþór Karlsson
Framkvæmdastjóri
Bílaleigu Akureyrar
U
ndanfarin misseri hefur Ísland verið kynnt í Evrópu
sem ódýr valkostur fyrir ferðamenn. Bent er á að
hrun íslensku krónunnar geri það að verkum að fólk
sem býr í Evrópu fái nú mun meira fyrir evrurnar
sínar en áður. Þegar fólk fer hins vegar að skipuleggja ferðina til
Íslands blasir annar veruleiki við. Mörg hótel á Íslandi gefa verð
herbergja upp í evrum og bílaleigur á Íslandi leigja bíla sína út á
mun hærra verði en gengur og gerist í Evrópu.
Við fjölskyldan búum í Belgíu og höfum reglulega leigt
bílaleigubíla þar. Síðastliðið sumar langaði okkur til þess að leigja
bíl meðan á dvöl okkar á Íslandi stóð og vorum við tilbúin að
borga það sama í evrum og við borgum fyrir sambærilega leigu
úti. Verðlagningin kom okkur hins vegar mjög á óvart. Miklu
dýrara reyndist að leigja bíl á Íslandi en í Belgíu þrátt fyrir fall
krónunnar. Verðið reyndist svo hátt að við hreinlega hættum við
að leigja bíl.
Ef farið er á heimasíðu Avis á Íslandi kemur í ljós að leiga á bíl í
flokki B (Opel Astra 1.4 eða sambærilegur bíll) í vikutíma (frá
20.-27. júlí 2010) kostar 121.800 kr. eða tæpar 771 evrur. Hjá Avis
í Belgíu er hægt að fá bíl í sama flokki (WW Golf eða sambæri-
legur bill) á sama tímabili á rúmlega 268 evrur. Það er sem sagt
288% dýrara að leigja bíl á Íslandi en í Belgíu!
Ekki þekki ég til reksturs bílaleiga og það kann að vera að ein-
hverjir rekstrarþættir séu dýrari hér á landi en í Belgíu. Stærð-
arhagkvæmni spilar inn í og eins það að ferðamannatímabilið er
nokkuð stutt hér á landi. Ég á samt afar erfitt með að skilja að
þessir þættir skýri hátt í 300% verðmun á verði bílaleigubíls í
þessum tveimur löndum. Í öllu falli er ekki klókt að kynna Ísland
sem ódýran valkost fyrir ferðamenn þegar allt annar veruleiki
blasir við.
MEÐ
Sigfús Sigmundsson
stjórnmálafræðingur