SunnudagsMogginn - 18.07.2010, Blaðsíða 45

18. júlí 2010 45
Lífsstíll
Ú
ti í guðsgrænni náttúrunni undir bleikri
regnhlíf stend ég í grenjandi rigningu og horfi
á eina af bestu vinkonum mínum giftast. Það
mætti segja að himnarnir grétu af gleði, enda
er allt í lagi að vera væminn á brúðkaupsdögum. Athöfnin
er óformleg og gestirnir standa í stígvélum og gúmmí-
skóm í grænni lautu sem ilmar í regninu. Presturinn segir
að fleiri mættu gifta sig á rauðum stíg-
vélum eins og brúðurin í dag. Síðan
talar hún fallega til brúðhjónanna og
tengir áhuga þeirra á ferðalögum við
hjónabandið. Stundum haldi fólk að
það sé komið á sólarströnd en sé svo
kannski bara statt á norðurpólnum.
Taka verði bæði því góða og slæma með
æðruleysi og fara aldrei ósáttur að sofa.
Bróðir brúðgumans spilar lag íklæddur
skærgulum pollagalla sem var líklegast
notaður síðast í brekkunni á Þjóðhátíð.
There is no combination of words I could put on the
postcard … Mmm, so much better when we’re together.
Orðin gætu ekki átt betur við og þau kitla tárakirtlana og
það byrjar næstum því að leka í gegnum maskarann.
Þegar brúðhjónin hafa verið gefin saman klifra gestir
aftur upp á veg yfir blautt gras og steina. Það er einhver
ólýsanleg tilfinning sem fylgir brúðkaupsdögum og ekki
annað hægt en að vera í góðu skapi og brosa við öllu og
öllum. Mikið sem brúðhjónin hljóta að vera glöð geti
brúðkaupsgestur glaðst svo mjög. Eftir notalega athöfn er
komið að veislunni sem haldin er að hluta til í uppgerðri
hlöðu og innan úr henni er gengið út í veislutjald. Þetta er
alvöru sveitabrúðkaup, krúttlegt og rómantískt með góð-
um mat og víni og fjörugum ræðuhöldum yfir matnum. Á
borðum eru bæði hjartalagaðar pappírsmiðar til að skrifa
á heilræði fyrir brúðhjónin sem síðan eru hengd á heilræ-
ðatréð góða og vísubrot. Við sessunautarnir við borðið
brjótum heilann og reynum að botna
vísurnar eins og við getum. Ekki að
furða kannski að það gangi betur eftir
því sem lengra líður á kvöld og bokkan
tæmist. Eftir borðhaldið er bróðir
brúðgumans aftur kominn með gítar í
hönd. Nema nú er hann farinn úr
pollagallanum og hefur vaska sveina
sér innan handar við að kalla fram
dúndrandi sveitaballatónlist. Gestir á
öllum aldri dilla sér og syngja, brúð-
guminn sveiflar brúði sinni um gólfið.
Skyndilega eru kokteilar tilbúnir á barnum og bolla sem
rennur ljúflega niður í gesti. Brúðurin vippar sér á bak við
barborðið og mer myntu af miklum móð en brúðguminn
skellir sér upp á svið og tekur eitt gott lag með hljóm-
sveitinni. Nóttin er ung og hún iðar í takt við gestina,
brúðhjónin gefa ekkert eftir í dansinum og nokkrum
verður svo heitt í hamsi að þeir fletta sig klæðum og dansa
léttklæddir á hlöðugólfinu. Ærlegt sveitabrúðkaup hefur
tekist glimrandi vel og gestir halda sælir og glaðir heim á
leið út í sumarnóttina.
Brúð-
kaup
Brúðkaupsdagurinn er stór
dagur í lífi fólks og einn sá
hamingjuríkasti. Gleðin er alls-
ráðandi og ástin blómstrar.
María Ólafsdóttir
maria@mbl.is
Morgunblaðið/Árni Sæberg
’
Orðin gætu ekki
átt betur við og
þau kitla tárak-
irtlana og það byrjar
næstum því að leka í
gegnum maskarann.
Brúðkaup fræga fólksins hefur löngum vakið athygli.
Brúðkaup Karls Bretaprins og Díönu hinn 29. júlí árið
1981 vakti t.d. heimsathygli og voru 600.000 manns
samankomnir á götum London til að fylgjast með.
Díana var aðeins tvítug að aldri og, eins og gefur að
skilja, smástressuð yfir því að vera að giftast í beinni
sjónvarpsútsendingu. Þetta tókst þó bara vel nema
þegar hún ruglaðist lítillega á nafni prinsins og kallaði
hann Philip Charles Arthur George en ekki Charles Phil-
ip eins og rétt var. Um alvöru prinsessubrúðkaup var
að ræða en þau lifðu þó ekki hamingjusöm til æviloka
eins og flestir vita sem komnir eru til vits og ára.
Nafnarugl við altarið
Kjólar Díönu á uppboði hjá Sotheby’s í París.
Reuters
Segja má að Matthew Huss-
ey sé ástarguð okkar tíma og
örugglega maðurinn sem
margar konur hafa leitað að.
Hann hjálpar konum nefni-
lega við að finna þann eina
rétt og landa honum almenni-
lega. Matthew er breskur og
hefur löngum unnið með fólki
við sjálfstyrkingu af ýmsu
tagi. Í starfi sínu leggur hann
einmitt áherslu á að fólk öðl-
ist fullnægju á öllum sviðum
lífsins því það segir hann
einu leiðina til að stofna til sambands sem geti enst.
Matthew telur að hver og einn hafi sína persónu-
legu lífstækni og hann kennir fólki aðferðir til að
bæta þá tækni til að ná enn betri árangri, bæði í
einkalífi og starfi. Í einkalífinu segist Matthew meðal
annars geta hjálpað konum við að finna hinn eina
sanna, kennt þeim leiðir til að laða að sér karlmenn
án þess að óttast höfnun. Síðast en ekki síðst lofar
hann líka nokkrum skotheldum aðferðum til að fá
fenginn til að skuldbinda sig. Matthew heldur bæði
fyrirlestra og tekur fólk í einkatíma en fyrir áhuga-
sama heldur fyrirtæki Matthew úti vefsíðunni
www.gettheguy.co.uk.
Nútímaástarguð kennir
veiðiaðferðir
Einhver myndi
kannski bara vilja
Matthew sjálfan?
Galicnik-brúðkaupshátíðin er haldin ár-
lega í samnefndum bæ í Makedóníu.
Þar fá útvalin brúðhjón að gifta sig á
hefðbundinn Galichka-hátt. Upp-
runalega stóðu brúðkaup í fimm daga í
Makedóníu en aðalhátíðarhöldin voru
á degi heilags Péturs hinn 12. júlí.
Þessir fimm dagar voru eini tími ársins
sem fólk gifti sig á en í dag er brúð-
kaupið hluti af Galickho Leto eða Galic-
nik-sumarhátíðinni. Brúðkaupið stend-
ur yfir í tvo daga og er hluti af því að
viðhalda menningu og hefðum Make-
dóníumanna auk þess sem hátíðin lað-
ar að sér ferðamenn.
Vegleg brúðkaupsveisla
Á hverju ári keppist fjöldi para frá
Makedóníu um að fá að giftast á hátíð-
inni. Hefðin er sú að gestir klæða sig í
þjóðbúninga og karlmennirnir dansa
Teškoto sem er táknrænn dans um
raunir Makedóníumanna í gegnum ald-
irnar. Fjölda hefða, sem borist hafa
mann fram af manni, er viðhaldið en
meðal þeirra má nefna að vinir brúð-
gumans raka hann áður en haldið er til
kirkjunnar. Nánir ættingjar sem við-
staddir eru sýna tregablandaða sorg á
meðan þar sem raksturinn táknar að-
skilnað brúðgumans við móður sína og
föður. Móðir brúðgumans býður hins
vegar tengdadóttur sína velkomna í
fjölskylduna með litlum gjöfum og brúð-
urin kyssir hönd hennar í þakkarskyni.
Eftir það gerir brúðurin sig tilbúna áður
en haldið er til kirkju.
Fimm daga
brúðkaup
Uppáklæddar konur í Galicnik-brúðkaupi.