SunnudagsMogginn - 18.07.2010, Blaðsíða 31
18. júlí 2010 31
M
argt er þessari þjóð gefið, fátt þó í meira mæli en seigla. Ella hefði hún
líklega ekki staðið af sér fár, harðindi og myrkur aldanna. Mörg dæmi
um íslenska seiglu má finna í Sunnudagsmogganum í dag. Fyrstur skal
nefndur Sigurður Bjarklind, kennari á Akureyri, sem á tveimur áratug-
um hefur ræktað upp myndarlegan skóg, þar sem áður var gamalt, ónýtt tún en engin
planta, breytt ónýtri geymslu í glæsilegan bústað og að auki byggt nokkur hús, í forn-
um stíl, með eigin handaafli. Heimsókn í Maríugerði í Kaldakinn í Suður-Þingeyj-
arsýslu lætur engan mann ósnortinn. Svo segist Sigurður vera „bara venjulegur mað-
ur“.
Rafn Hafnfjörð ljósmyndari er annað dæmi um ólseigan Íslending. Hann ann náttúru
þessa lands og hefur verið vakinn og sofinn yfir þeirri köllun að kynna hana fyrir út-
lendingum – í meira en hálfa öld. Um miðjan sjötta áratuginn byrjaði hann að leggja
Loftleiðum til ljósmyndir í kynningarbæklinga og hann er enn að. Nú nýverið birtist
eftir Rafn glæsileg flennistór mynd af gosinu í Eyjafjallajökli í tímariti Sameinuðu þjóð-
anna, UN Special, auk tveggja smærri mynda. Og Rafn var ekkert að rukka fyrir við-
vikið. „Ég var ekkert að tala um þóknun við hann [ritstjóra tímaritsins] enda lít ég
fyrst og fremst á þetta sem viðurkenningu og landkynningu.“
Fá orð lýsa íslensku tónlistarfólki betur en seigla en í bráðum heila öld hefur það
barist fyrir sérhönnuðu húsi undir listsköpun sína. Nú sér loksins fyrir endann á þeirri
baráttu – tónlistarhúsið Harpa við höfnina í Reykjavík verður tekið í notkun á næsta
ári. Rætt er við nýráðinn tónlistarstjóra hússins, Steinunni Birnu Ragnarsdóttur, í Les-
bók Sunnudagsmoggans í dag. Þar segir hún meðal annars: „Þetta er auðvitað mjög góð
tilfinning og mikil tilhlökkun, sérstaklega vegna þess hvað það er spennandi tækifæri
að koma að uppbyggingu og mótun þessa húss sem búið er að vera draumur tónlistar-
manna svona lengi. Það er hátt í heil öld frá því hugmyndir um það létu fyrst á sér
kræla og bjartsýnismenn fóru að sjá í hillingum að hægt væri að byggja tónlistarhús á
Íslandi. Það er eiginlega alveg ótrúlegt hvað þetta er þó búið að taka langan tíma.“
Harpa verður höfuðvígi Sinfóníuhljómsveitar Íslands, sem um langt árabil hefur not-
ið alþjóðlegrar viðurkenningar og hylli – spilandi í kvikmyndahúsi. Hvað gerir Sin-
fónían á nýja staðnum? Hljóðfæraleikararnir verða væntanlega eins og kýr að vori.
Menningu og listum eru víðar reist hús. Akureyringar eru í þann mund að taka sitt
menningarhús, Hof, í notkun. Það verður vígt með pomp og prakt 28. ágúst. Fram-
kvæmdir eru á lokastigi, eins og Skapti Hallgrímsson, blaðamaður Morgunblaðsins á
Akureyri, upplýsir lesendur Sunnudagsmoggans um í máli og myndum í þættinum Bak
við tjöldin. Eitt af fyrstu verkefnunum í húsinu verður frumsýning Leikfélags Akureyr-
ar á söngleiknum sívinsæla Rocky Horror Picture Show í haust.
Það er gömul saga og ný að listin dafni aldrei betur en þegar kreppi að.
Ólseig þjóð
„Maður má aldrei hafa það of gott til
lengdar og ganga að einhverju sem
vísu.“
Róbert Gunnarsson, landsliðsmaður í handbolta,
sem hefur skipt um lið í Þýskalandi.
„Það hefði geigvænlega neikvæð
áhrif og myndi koma harkalega niður
á atvinnustigi okkar félagsmanna.“
Gylfi Arnbjörnsson, forseti ASÍ, um tillögur AGS
um breytingar á skattkerfinu.
„Það er erfitt að gleðja menn ef
þetta gleður þá ekki.“
Andrés Eyjólfsson, leiðsögumaður við Þverá í
Borgarfirði, en áin er full af laxi.
„Ef þú gengur inn í búð, þá er
það kúnnunum að þakka að hún
er opin.“
Sigurður Þór Sigurðsson í versluninni
2001.
„Ef maður ætlar sér að
verja víti ætti maður að
geta varið eitt eða tvö af
fimm.“
Einar Hjörleifsson, markvörður
og hetja Víkings Ólafsvík í bik-
arleiknum gegn Stjörnunni.
„Hann bara rétt
stoppaði í um það bil
hálftíma, fékk sér að
míga og hélt svo af stað.“
Pétur Eyjólfsson, bóndasonur í Eystri-Pétursey, en
ókunnugur maður lenti þyrlu í túninu hjá honum í
vikunni.
„Spánverjar eru með frábært lið og
við reynum að herma eftir þeim.“
Páll V. Gíslason, þjálfari knattspyrnuliðs Þórs, eftir
6:3-sigur á HK. Sem kunnugt er unnu Spánverjar
flesta leiki sína á HM 1:0.
„Ég ætla ekkert að halda upp á af-
mælið, því það er ekkert stórt af-
mæli.“
Margrét Hannesdóttir frá Núpsstað sem varð 106
ára sl. fimmtudag.
„Veðmál er veðmál.“
Spænski söngvarinn Enrique Iglesias sem
lofaði að leika listir sínar nakinn á brimbretti
yrðu Spánverjar heimsmeistarar í knatt-
spyrnu.
„Mér finnst
skemmtilegast að
klæða mig í geim-
búningana. Bara ef
ég myndi nú fá geim-
hanska, geimskó og
geimhjálm.“
Adam Emil Ríkharðsson, 7
ára, sem hefur útskrifast úr
geimbúðum í Bandaríkj-
unum.
Ummæli vikunnar
Útgáfufélag: Árvakur hf., Reykjavík.
Stofnað 1913
Útgefandi: Óskar Magnússon
Ritstjórar: Davíð Oddsson Haraldur Johannessen
Aðstoðarritstjóri: Karl Blöndal
verið mokað til fámennrar klíku, án tilskilinna
veða, þótt endurheimtur þess væru augljóslega
mjög ólíklegar. Félögin, sem féð fengu, voru
burðug á yfirborðinu, en höfðu verið mergsogin af
eigendum sínum og eiginfjárstaðan fölsuð og var
þegar loks var skoðuð ein rjúkandi rúst. Þegar
blekkingarleiknum varð ekki lengur haldið áfram
blöstu rústirnar við innan við leiktjöldin. Þá var í
rauninni „allt brunnið sem brunnið gat“. Mesta
gæfan í öllu þessu óláni var sú að fjármunum
þjóðarinnar var ekki fleygt á þetta bál þótt eftir
því væri leitað af miklum þunga og margur studdi
slíkt með ráðum og dáð, sem ekkert vill við slíkt
kannast í bráð.
Skal bæta úr böli eða bæta það?
Vonin var svo einkum sú að menn myndu fikra sig
vel frá þessum vanda og ekki síður hitt að menn
myndu læra af honum. Hið fyrra hefur ekki farið
eins vel og vænst var. Í þeirri ferð hafa mörg skref
verið illa stigin og stefna verið röng. Þess vegna
gengur endurreisnin hægar en skyldi og þjóðfé-
lagið verður lengur lamað. Og hitt, lærdómurinn
af öllu saman, lætur svo sannarlega á sér standa.
Þegar horft er til framgöngu Landsbankans og Ar-
ions banka sést að viljinn stendur allur til þess að
arka aftur í foraðið sem draga átti bankakerfið upp
úr. Fyrir framgöngu þeirra í þeim málum sem
mest hafa verið rædd eru engar viðskiptalegar
forsendur. Formerkin eru öll öfug. Forsendur
þeirra eru því aðrar en viðskiptalegar. Þær eiga
því ekki að njóta bankaleyndar og þær verður að
rannsaka. Það er miklu líklegra til árangurs að
rannsaka slíka hegðun áður en þessir bankar
verða aftur komnir í þrot en eftir það. Rannsókn-
irnar verða einnig aðgengilegri nú en áður var því
nú geta stjórnendur þessara banka ekki borið því
við að þeir hafi ekki vitað að þeir væru að eiga
viðskipti við stærstu svindlara íslenskrar við-
skiptasögu. Þeir eru nú eins víðsfjarri góðri trú í
viðskiptum og hægt er að komast.
Miðnætursól
á Akureyri.
Morgunblaðið/Ómar