SunnudagsMogginn - 15.08.2010, Side 17

Úlfar Eysteinsson á Þremur Frökkum, yfirkokkur Fiskidagsins mikla,
bauð m.a. upp á hrátt hrefnukjöt. Arnþór Sigurðsson er vinstra megin.
’
Á laugardeginum voru fram-
reiddir um 130 þúsund mat-
arskammtar; sem dæmi má nefna
að bakaðar voru 16 fjögurra fermetra
saltfiskpítsur, austurlensk fiskisúpa
var soðin í 1200 lítra potti og rúmlega
10.000 fiskborgarar grillaðir.
Sushi réttirnir sem Friðrik V og
hans fólk bauð upp á „ísbar“ í
frystiklefa vöktu mikla lukku en þar
voru einnig til sýnis listaverk skor-
in í ís. Tuga metra löng röð var þar
fyrir utan allan daginn!
Dalvíkingar renndu blint í sjóinn þegar
þeir ákváðu að halda Fiskidaginn mikla í
fyrsta skipti árið 2001. Sumir bjuggust við
nokkur hundruð gestum, aðrir gerðu ráð
fyrir því að aðallega heimamenn myndu
njóta þess sem boðið yrði uppá. Þó var
ákveðið að hafa matarskammtana fleiri en
færri og það kom sér vel því 5.800 manns
voru á hátíðarsvæðinu; hafnarsvæðinu á
Dalvík. Tæpur áratugur er liðinn og hátíð-
in hefur vaxið jafnt og þétt síðan.
Gestir voru í fyrsta skipti fleiri en 30
þúsund árið 2005 og talið er að ríflega 35
þúsund manns hafi verið á Fiskideginum
mikla að þessu sinni, á laugardaginn var.
Framkvæmdastjóri hátíðarinnar frá
upphafi, Júlíus Júlíusson og hans fólk,
mettuðu alla með kræsingum úr hafinu og
allt var ókeypis að vanda.
Um kvöldið var afmælisdagskrá í boði
Samherja, sem frá upphafi hefur verið
helsti bakhjarl Fiskidagsins mikla. Um 20
þúsund komu sér þá fyrir við höfnina og
þar tróðu upp m.a. Matthías Matthíasson,
söngvari Papa, rokkarinn Eyþór Ingi
Gunnlaugsson og Karlakór Dalvíkur undir
stjórn Guðmundar Óla Gunnarssonar.
Fjöldinn tók vel undir og skemmti sér
greinilega konunglega. Kvöldinu lauk svo
með stórkostlegri flugeldasýningu sem
sett var upp af björgunarsveitinni á Dalvík
en tveir brottfluttir Dalvíkingar buðu
uppá, þeir Jón Ægir Jóhannsson sem býr
og starfar í Kanada og Friðrik Már Þor-
steinsson sem býr og starfar í Bretlandi.
Oft hefur mátt sjá flott fírverk á Íslandi en
undirrituðan grunar að þessi toppi aðrar.
Hún var löng og kraftmikil; fólk tók and-
köf hvað eftir annað.
Fiskisúpukvöldið mikla er orðið ómiss-
andi upptaktur að stórhátíðinni sjálfri; að
þessu sinni buðu um 120 fjölskyldur upp á
fiskisúpu og talið er að um 24 þúsund
manns hafi verið á röltinu um bæinn.
Á laugardeginum voru framreiddir um
130 þúsund matarskammtar; sem dæmi
má nefna að bakaðar voru 16 fjögurra fer-
metra saltfiskpítsur, austurlensk fiskisúpa
var soðin í 1200 lítra potti og rúmlega
10.000 fiskborgarar grillaðir.
Góða veislu
gjöra skal
Bak við tjöldin
Markmið Fiskidagsins mikla á Dalvík er að fólk
komi saman, hafi gaman og borði fisk. Óhætt er
að fullyrða að markmiðið hafi náðst um síðustu
helgi þegar hátíðin fór fram í 10. skipti.
Skapti Hallgrímsson skapti@mbl.is
Rækjudrottning-
arnar Linda Björk
Holm og Margrét
Ásgeirsdóttir
Þyrlusveit Landhelg-
isgæslunnar lék list-
ir sínar að morgni
Fiskidagsins.
Hvanndalsbræður spiluðu við hús Loga Bergmann Eiðssonar og Svanhildar
Hólm Valsdóttir á Fiskisúpukvöldinu mikla. Fjöldi fólks var á staðnum.