SunnudagsMogginn - 15.08.2010, Qupperneq 36

36 15. ágúst 2010
L
inda Steinunn Pétursdóttir er
þrefaldur Íslandsmeistari í
áhaldafimleikum en leiðir nú
fólk til betra lífs í hlutverki sínu
sem heildrænn heilsuráðgjafi. Hún hefur
verið búsett Bandaríkjunum í 16 ár og
starfar í Washington D.C. og nágrenni en
er stödd hér á landi til að halda fyrirlestur
og matreiðslunámskeið á vegum heilsu-
keðjunnar Maður lifandi.
Linda æfði fimleika í þrettán ár með
Fimleikafélaginu Björk í heimabænum
Hafnarfirði. Þegar mest var æfði hún 30
tíma á viku. Hún þekkir því aga og að-
haldið var mikið í sambandi við mataræði
og fleira. „Við vorum með kínverskan
þjálfara og hann hvatti okkur til að fara
ekki á skólaböll, í skíðaferðalög eða vera
með strákum. En við hlýddum því nú
ekkert alltaf,“ rifjar Linda upp.
Leiðin frá því að vera fimleikadrottning
yfir í að gerast heilsugúrú var ekki bein
heldur með nokkrum stökkum og snún-
ingum. Linda hélt utan tvítug að aldri til
háskólanáms í sálfræði og starfaði síðan
við starfsmannastjórnun og einbeitti sér
að því að klífa metorðastigann á daginn og
skemmta sér á kvöldin.
Glataði lífsgleðinni
„Þetta var skemmtilegt á tímabili en ég fór
á mis við sjálfa mig í sambandi við andlega
og líkamlega heilsu. Ég hlustaði ekki á það
sem ég vissi að væri rétt. Ég vissi innst inni
að ég væri á röngum stað hvað varðaði
marga þætti í lífi mínu og var ekki ánægð,“
segir Linda sem þyngdist líka um nokkur
kíló á þessu tímabili. „Lífsgleðin var ekki
til staðar.“
Hún segir að það hafi tekið langan tíma
að breyta eigin viðhorfi til heilsu. „Ég fór
kannski í líkamsrækt sex daga í viku í þrjár
vikur en svo ekki í neinu einhverja mán-
uði,“ segir Linda um lífsreynslu sem
áreiðanlega margir þekkja. Hún kynntist
manni sínum, sem hvatti hana eindregið
áfram og útskrifaðist Linda frá Institute for
Integrative Nutrition árið 2005 en þar er
lögð mikil áhersla á heildræna nálgun á
heilsu. „Heilsa snýst ekki um kúra heldur
breytingu á viðhorfi og lífsstíl. Það þarf að
snúa skipinu í nýja átt,“ segir Linda og
grípur til myndlíkingar eins og henni er
tamt í lifandi fyrirlestrum sínum og sam-
skiptum við skjólstæðinga.
Grundvallarfæða sálarinnar
„Ég lýsi þessu eins og að vera týndur úti á
sjó og vita ekkert hvert þú ætlar að fara.
Þú þarft að ákveða áfangastað og snúa
skipinu þangað en gera þér grein fyrir að
ferðalagið tekur tíma,“ segir hún.
Leiðin liggur til betri heilsu og lífs og
leggur Linda áherslu á að svokölluð
„grundvallarfæða“, einhvers konar fæða
sálarinnar, sé í lagi. „Ef hún er ekki í lagi
fer fólk að teygja sig í rangan mat sem er
skammtímalausn,“ segir Linda en til
dæmis dugar lítið að dæla í sig mjólk-
ursúkkulaði og kaffi ef vandamálið er
svefnleysi. Ef skjólstæðingunum gengur
illa að fara eftir ráðum hennar varðandi
mataræði segist hún „lyfta upp húddinu“
og skoða hvað annað í lífi þeirra komi í veg
fyrir árangur.
Ráðgjöf til lengri tíma
„Þá kemur oft í ljós að manneskjan er
óánægð í vinnu, stríðir við streitu eða á í
hjónabandsörðugleikum,“ segir Linda og
„Það þarf að tala við börnin um hvaða matur kemur úr náttúrunni annars vegar og verksmiðjunni hins vegar. Sumir krakkar halda að tómatsósa sé græmeti,“ segir Linda.
Góð heilsa
er smitandi
Linda Steinunn Pétursdóttir er fyrrverandi fim-
leikadrottning sem hjálpar fólki við að ná jafn-
vægi í lífinu, bæði á sál og líkama. Uppáhalds-
nammið hennar í æsku var apollolakkrís en nú
kann hún betur að meta svardökkt súkkulaði.
Inga Rún Sigurðardóttir ingarun@mbl.is