SunnudagsMogginn - 15.08.2010, Page 37

leggur áherslu á að naflaskoðun sé nauð-
synleg á leiðinni til betri heilsu. Til grund-
vallar fæðu teljast heilbrigð samskipti við
annað fólk, regluleg hreyfing, gleði í starfi
og fullnægjandi andlegt líf.
Þetta endurspeglast í því að Linda tekur
aðeins við viðskiptavinum til lengri tíma,
eða í að minnsta kosti fjóra mánuði þó að
flestir séu hálft ár eða lengur í ráðgjöf.
„Fólk verður að vera tilbúið að breyta
lífi sínu. Stundum vill fólk lausnina en er
ekki tilbúið að leggja neitt á sig. Ég segi
fólki strax að ég geti ekki gert þetta fyrir
það. Það þarf að vinna vinnuna sjálft, ég
leiðbeini og veiti upplýsingar og er ein-
hvers konar klappstýra,“ segir Linda sem
veitir bæði einstaklings- og hóparáðgjöf.
Stór hópur af þeim sem Linda veitir
ráðgjöf eru foreldrar sem langar að taka til
í sínum málum og verða fyrirmynd fyrir
fjölskylduna.
„Þetta er eins og í flugvélunum. Þú setur
súrefnisgrímuna á þig sjálfa
fyrst og svo sinnirðu
börnunum,“ segir
hún og breyttur
lífsstíll nær oftar
en ekki til makans
ef annar helmingur
hjónabandsins tekur
sig á. „Hann fer að sjá
að með breyttum lífs-
stíl lítur makinn betur út og einhverjir
kvillar hverfa og vill því líka taka þátt.
Þetta smitar út frá sér.“
Linda á tvo stráka, þriggja og sex ára, og
lumar á heilsuráðum til foreldra. „Það er
best að vera góð fyrirmynd frá upphafi.
Það er aldrei of seint að breyta en það er
erfiðara að taka eitthvað út úr mataræðinu
sem krakkarnir eru vanir. Það er samt
hægt því það er svo margt til sem er
heilsusamlegt en samt gott. Það er um að
gera að fá börnin í lið með sér, leyfa þeim
að prófa sig áfram, velja sér grænmeti og
ávexti, jafnvel fara í skólagarðana og rækta
sjálf,“ segir hún.
Munum eftir börnunum
„Það þarf að tala við börnin um hvaða
matur kemur úr náttúrunni annars vegar
og verksmiðjunni hins vegar. Sumir
krakkar halda að tómatsósa sé grænmeti
og skilja ekki hvernig matur verður til.
Það þarf að standa á sínu, setja einhver
mörk eins og til dæmis að borða bara
nammi á laugardögum og venja sig við að
borða hollan morgun- eða hádegismat
fyrir afmæli.“
Henni finnst oft ekki nógu vel hugað að
mataræði barna. „Fólk er upptekið af því
að börnin séu í öruggustu bílstólunum,
gangi í gæðaskóla, hafi góða barnfóstru og
síðar eignist réttu vinina en sama gildir
ekki þegar kemur að mataræðinu. Það er
svo mikið í mat sem er hreinlega eitur fyrir
líkamann,“ segir hún og er að tala um lit-
ar-, rotvarnar- og gervisætuefni og
„þennan unna mat sem er varla matur
lengur. Börn geta fengið of hátt kólesteról
og alltof mörg börn þjást af sykursýki
tengdri offitu.“
Varðandi strauma og stefnur í heilsu-
heiminum segir Linda að í Bandaríkjunum
sé mikil vakning fyrir hráfæði og telur hún
að það sé næsta stóra bylgjan í heilsuheim-
inum. „Það góða er að núna er viðhorf til
heilsu að breytast úr kúrum yfir í lífsstíl.“
Hún segir að mörg fyrirtæki í Banda-
ríkjunum leggi áherslu á heilsueflingu
starfsmanna. Þannig lækki þau trygg-
ingaiðgjöld og bætt heilsa hafi það líka í för
með sér að starfsfólk taki færri veik-
indadaga.
Eftirsótt matreiðslunámskeið
Ljóst er að margir vilja læra að elda hollan
mat en uppbókað er á matreiðslunámskeið
Lindu á Manni lifandi og telur hún að
áhugi á eldamennsku hafi farið vaxandi
eftir kreppu. „Fólk fer ekki eins mikið út
að borða og vill læra að elda sjálft því það
er ódýrara. Fólk er farið að hlúa meira að
heilsunni en það gerði áður,“ segir hún en
fólk vill rækta sinn eigin garð. „Lífsham-
ingjan kemur að innan.“
’
Fólk verður að
vera tilbúið að
breyta lífi sínu.
Stundum vill fólk lausn-
ina en er ekki tilbúið að
leggja neitt á sig. Ég segi
fólki strax að ég geti
ekki gert þetta fyrir það.
Það þarf að vinna vinn-
una sjálft, ég leiðbeini
og veiti upplýsingar og
er einhvers konar
klappstýra.
Morgunblaðið/Eggert
15. ágúst 2010 37
Linda hélt fyrirlestur fyrir troðfullu húsi í Manni lifandi í Borgartúni í vikunni um hvernig takast
eigi á við sykurfíknina, sem áreiðanlega margir þekkja. Sykurfyrirlestur Lindu var svo vel sóttur
að búið er að bæta við öðrum næstkomandi þriðjudag. Að minnsta kosti er ekki vanþörf á að
taka á óhóflegri sykurneyslu landans en Íslendingar neyta að meðaltali 145 gramma af við-
bættum sykri á dag sem gerir 53 kíló á ári. Ráðlagt er að borða ekki meira en 24-36 grömm af
viðbættum sykri á dag.
Fyrirlesturinn kallaðist „Sykurfíknin söltuð!“ en ein leiðin sem Linda lagði áherslu á til úrbóta
var að fólk gerðist sykurspæjarar. Viðbættan sykur er nefnilega að finna víða og er nauðsynlegt
að verða vel umbúðalæs til að minnka syk-
urneysluna. Flestir gera sér grein fyrir að
kökur, sælgæti, gosdrykkir, sultur og ís
innihaldi jafnan viðbættan sykur en hann
er líka að finna í mjólkurvörum, sal-
atsósum, tómatsósu, brauðmeti, morg-
unkorni og nánast öllum pakka- og dósa-
mat.
Linda vill benda á að ef vitlaust er valið
er hægt að fylla dagskammtinn af við-
bættum sykri strax í morgunmatnum.
Dæmi: 24,4 g eru af viðbættum sykri í 330
ml af tilbúnum jarðarberjaskyrdrykk og ef
teskeið af sykri fer í kaffið bætast við fjög-
ur grömm til viðbótar. 10,5 g af viðbættum
sykri eru í dós af skólajógúrt og í 30 g
skammti af hunangs Cheerios eru 10,2 g.
Linda mælir með því að fólk setji heldur
ferska ávexti út í hreina ab-mjólk og setji
trefjaríkt korn á borð við All bran út í. Fyrir
þá sem vilja sæta þetta eitthvað mætti
setja 1 tsk. af hlynsírópi sem er ígildi 4 g af
viðbættum sykri.
Í fyrirlestrinum fór Linda yfir hvað gerist í
líkamanum þegar við neytum sykurs og
líka áhrif sykurneyslunnar. Dæmi um skammtímaáhrif sykurneyslu er fíkn í meiri sykur og líka
breytist umfram sykur í blóðfitu. Langtímaáhrif eru til dæmis sykursýki 2, þrálátar sveppasýk-
ingar, ónæmiskerfið raskast og of mikil sykurneysla getur einnig valdið höfuðverkjum og mí-
greni.
Hún minnir á að mataræðið verði oft betra þegar sykurinn er minnkaður. „Þegar sykurinn
minnkar kemur auðvitað eitthvað annað inn í staðinn og matarborðið fyllist af hollari mat,“ seg-
ir Linda sem hvetur skjólstæðinga sína frekar til að bæta inn sem mestu af hollum mat en að
einblína á að verið sé að „banna“ einhvern ákveðinn mat, þannig batni mataræðið sjálfkrafa.
Um áttatíu manns voru á fyrirlestrinum, nánast allt konur og vaknar þá sú spurning hvort kon-
ur leiði heilsubyltinguna? „Ég held að konur séu einhvern veginn meðvitaðari um hvernig þeim
líður og hvernig það sem þær eru að gera í lífinu hefur áhrif á þær. Karlmenn eru oft fljótari til að
hrista hlutina af sér og nenna kannski ekki að pæla eins mikið í þeim,“ segir Linda.
Að sögn Lindu er síðan besta leiðin til að slá á sykurfíknina að hægja á ferðinni og leita uppi
það sæta í lífinu án þess að það hafi nokkuð með mat að gera.
Nánar er hægt að fræðast um Lindu og ráðgjafarstarfsemi hennar á www.simplewell-
being.com.
Vertu sykurspæjari