Morgunblaðið - 16.03.2010, Blaðsíða 4

4 FréttirINNLENT
MORGUNBLAÐIÐ ÞRIÐJUDAGUR 16. MARS 2010
Eftir Helga Bjarnason
helgi@mbl.is
„DÓMSMÁLIN halda áfram. Aðgerðir stjórn-
valda breyta ekki réttarstöðu fólks sem leitað
hefur til dómstóla út af ágreiningi um lögmæti
samninganna,“ segir Árni Páll Árnason félags-
og tryggingamálaráðherra þegar hann er spurð-
ur að því hvers vegna ekki hafi verið beðið með
að kynna áform um niðurfærslu bílalána eftir að
Hæstiréttur dæmdi í tveimur málum varðandi
myntkörfulán sem áfrýjað hefur verið.
Samtök lánþega undrast hugmyndir félags-
málaráðherra og vekja athygli á því að líkur séu
á því að gengistryggð lán standist ekki lög. Telja
samtökin að sú leið sem rætt hefur verið um
gagnist fyrst og fremst fjármögnunarfyrirtækj-
unum sjálfum og leiði til að tjón sem skapast af
óvönduðum vinnubrögðum þeirra við samnings-
gerð lendi á skattgreiðendum.
Árni Páll segir að ágreiningsefnin um mynt-
körfulánin séu svo mörg að engin vissa sé fyrir
fordæmisgildi fyrsta Hæstaréttardómsins sem
falli um þessi mál.
„Skuldabyrðin er of mikil, langt umfram
greiðslugetu fólks og veðrými eignanna. Þetta
veldur verulegum vandræðum. Við verðum að
taka á þeim og getum ekki beðið endalaust,“ seg-
ir Árni Páll.
Eftir að útfæra hugmyndirnar
Fram hefur komið það sjónarmið að boðaðar
aðgerðir gagnist fyrst og fremst þeim sem
skuldsettu sig óhóflega en þó ekki endilega þeim
sem eiga í mestum greiðsluerfiðleikum. Félags-
málaráðherra segir að tekið verði á álitaefnum
um þetta þegar aðgerðirnar verða útfærðar nán-
ar. „Við munum ekki leggja okkur fram um að
mismuna fólki, það segir sig sjálft,“ segir Árni og
nefnir að sú leið sem verið hefur í umræðunni, að
færa bílalánin niður þannig að þau verði ekki
meira en 10% yfir markaðsverði bílanna, sé að-
eins ein af þeim leiðum sem ræddar hafi verið.
Þá segir Árni Páll aðspurður að ekki sé búið
að meta upphæð afskriftanna í heild, það verði
gert þegar aðgerðirnar verða útfærðar.
helgi@mbl.is
Breytir ekki réttarstöðu fólks
 Félagsmálaráðherra segir að engin vissa sé fyrir fordæmisgildi fyrsta Hæstaréttardóms um
ágreining um lögmæti gengistryggðra bílalána  „Getum ekki beðið endalaust,“ segir Árni Páll
Í HNOTSKURN
»Tveir dómar héraðsdómsvísa hvor í sína áttina um
lögmæti gengistryggðra
lána. Báðum hefur verið
áfrýjað til Hæstaréttar.
»Fyrri dómurinn verðurþingfestur í lok þessa
mánaðar og sá síðari ekki
seinna en undir lok aprílmán-
aðar.
»Dóms er ekki að væntafyrr en mörgum vikum
eftir þingfestingu, eftir að
báðum aðilum hefur gefist
kostur á að skila greinar-
gerðum.
Morgunblaðið/Ómar
Bílalán Margir hafa misst bíla að undanförnu.
Eftir Rúnar Pálmason
runarp@mbl.is
VETURINN sem er að líða verður
að öllum líkindum sá alversti fyrir
skíðamenn sunnan heiða frá því
skíðalyftur voru fyrst settar upp í
Bláfjöllum árið 1972. Nokkrar skíða-
lyftur voru opnar í fimm daga í byrj-
un mars en síðan hlánaði og skíða-
snjórinn hvarf um leið. Ekkert hefur
verið opnað í Skálafelli.
Starfsfólkið heldur í vonina um
öflugt páskahret en það þarf þá að
vera sannkallað áhlaup því nánast
enginn snjór er í fjöllunum og því
enginn grunnur til að byggja á.
Geta sinnt viðhaldi
Viltu koma upp eftir að skoða
páskaliljurnar, vorlaukana?“ sagði
Magnús Árnason, forstöðumaður
skíðasvæða höfuðborgarsvæðisins,
þegar hann var spurður um stöðuna
í Bláfjöllum í gær. „Þetta er búinn
að vera einstaklega slakur vetur,“
bætti hann við.
Starfsmenn í Bláfjöllum eru á
launaskrá frá janúar til apríl. Í snjó-
leysinu hafa þeir sinnt ýmsu viðhaldi
sem hefur setið á hakanum. „Það er
ekki búið að vera vont veður og snjó-
inn hefur vantað. Menn hafa verið í
hálfgerðum vorverkum, þeir mála
möstur og hús og gera ýmislegt
fleira,“ sagði Magnús. „Við erum
klárir með allt í tipp-topp standi, ef
hann sýnir sig snjórinn.“
Um 93.000 á skíðum í fyrra
Síðustu tvo vetur snjóaði mikið og
skíðasvæðin voru mikið opin. Því eru
umskiptin nú enn sárari. Veturinn
2007-2008 var opið 67 daga í Bláfjöll-
um og 52 í Skálafelli og þá komu
tæplega 76.000 skíðamenn á svæðin.
Í fyrravetur voru Bláfjöll opin í 56
daga og Skálafell í 30 og þá var sett
nýtt aðsóknarmet en tæplega 93.000
manns skemmtu sér þá á skíðum.
Slakasti veturinn frá 1998, en frá
þeim tíma liggja nákvæmar upplýs-
ingar fyrir, var veturinn 2003-2004.
Þá var aðeins opið í Bláfjöllum í 25
daga, 19 í Skálafelli og þrjá daga í
Hengli.
Alversti veturinn
 Snjórinn í Bláfjöllum dugði í fimm daga en bráðnaði svo
 Starfsfólkið sinnir vorverkum og vonast eftir páskahreti
Morgunblaðið/RAX
Hláka Brekkurnar í Bláfjöllum eru ekki beinlínis frýnilegar og veitti ekki af almennilegri austanátt með snjókomu.
Fyrstu skíðalyfturnar í Bláfjöll-
um voru settar upp af skíða-
mönnum í Ármanni árið 1972 og
Reykjavíkurborg setti upp
fyrstu lyftuna á árunum 1974-
1975. Skíðasvæðið hefur verið
opnað á hverjum vetri síðan þá.
„Þetta er auðvitað versti vet-
ur sem hefur komið síðan byrj-
að var með skíðavertíð í Blá-
fjöllum, það er ekki spurning,“
segir Þorsteinn Hjaltason, fyrr-
verandi fólkvangsvörður í Blá-
fjöllum, um veturinn sem er að
líða. Þorsteinn hóf þar störf árið
1978 og man því tímana tvenna.
Hann segir að einhvern tíma
hafi þó verið komið fram í miðj-
an febrúar áður en byrjaði að
snjóa og menn verið orðnir
voðalega svartsýnir. „En þá
gerði prýðissnjó og við vorum
með ágætisvertíð alveg fram í
maí,“ segir Þorsteinn sem er
svartsýnn á að hægt verði að
opna í Bláfjöllum úr þessu.
Alltaf opnað
„ÞAÐ sagði nú einn ættingi við mig að
ég væri loksins verðlaunaður fyrir sér-
viskuna. Og það segir kannski svolítið
um viðhorfið til náttúruverndar – að
hún skuli vera tal-
in sérviska,“ segir
Erlendur Björns-
son, bóndi í Segl-
búðum við Kirkju-
bæjarklaustur,
sem hlýtur í dag
umhverf-
isverðlaunin The
Environment and
Soil Management
Award.
Verðlaunin
hlýtur Erlendur fyrir uppgræðslu
lands og vistheimt raskaðra vistkerfa
á jörð sinni Seglbúðum, sem hann
byrjaði að græða upp 1982.
Hann segir vistvernd þó ekki hafa
verið sér ofarlega í hug fyrst í stað.
„Ég var fyrst og fremst að hugsa um
að ná mér í aukið beitiland, en svo sá
ég bara fegurðina í landinu eftir því
sem það þróast.“
Hlakkar til að beita landið
Erlendur, sem er sauðfjárbóndi,
kveðst hafa prufað í tvígang að beita
sauðfé á landið fyrir nokkrum árum,
en séð fljótt að það var enn of við-
kvæmt til að taka við fénu. „Ég hlakka
þó til þegar ég get farið að beita þetta
land,“ segir hann. Ómögulegt sé þó að
spá fyrir um hvenær það verði, enda
taki langan tíma að rækta upp land
sem byggt er á þeim gróðri sem fyrir
er.
Frá 1994 hefur Erlendur unnið að
uppgræðslu jarðarinnar í tengslum við
verkefnið Bændur græða landið, sam-
starfsverkefni bænda og Landgræðslu
ríkisins. Hann segir styrki verkefn-
isins til áburðarkaupa hafa komið sér
vel, líkt og 2.500 evra verðlaunaféð
sem hann hlýtur í dag á ráðstefnu
ELO, „European Landowner’s org-
anization“ mun gera.
„Mér finnst fallegt að geta sagt að
ég ætla að kaupa mér áburðar-
dreifara,“ segir Erlendur og er
ánægður með að vistverndarhugsunin
öðlist nú brautargengi. annaei@mbl.is
Verðlaunaður
fyrir sérviskuna
 Hlýtur evrópsk uppgræðsluverðlaun
Í HNOTSKURN
»„Bændur græða landið“ ersamstarfsverkefni Land-
græðslunnar og bænda um
uppgræðslu heimalanda.
»Markmið verðlauna ELOer að hvetja menn til að
leita nýrra leiða við verndun
landgæða.
Erlendur
Björnsson