Morgunblaðið - 16.03.2010, Blaðsíða 12
12 FréttirINNLENT
MORGUNBLAÐIÐ ÞRIÐJUDAGUR 16. MARS 2010
Eftir Silju Björk Huldudóttur
silja@mbl.is
MJÖG skiptar skoðanir eru meðal
hestamanna um staðarval Landsmóts
hestamanna árið 2012. Stjórn Lands-
sambands hestamannafélaga (LH)
ákvað á fundi sínum í lok síðasta árs
að hefja viðræður við Hestamanna-
félagið Fák í Reykjavík um að mótið
yrði haldið á félagssvæði Fáks í Víði-
dal og var gengið frá formlegum
samningi 12. mars sl.
Í framhaldinu sendu stjórnarmenn
26 hestamannafélaga frá sér ályktun
þar sem því var harðlega mótmælt að
horfið væri frá þeirri meginreglu að
hafa mótið á landsbyggðinni, til skipt-
is á Norður- og Suðurlandi. Ómar
Diðriksson, formaður Hestamanna-
félagsins Geysis, er einn þeirra sem
er ósáttur við staðarvalið og óttast að
ákvörðun stjórnar LH geti valdið
klofningi í röðum hestamanna.
„Vissulega gera lög LH ráð fyrir
að stjórn taki ákvörðun um staðarval,
en við teljum þetta það mikla stefnu-
breytingu að réttast hefði verið að
taka slíka ákvörðun á landsþingi
LH,“ segir Ómar og telur viðbúið að
fram komi tillaga á næsta landsþingi
um nánari tilhögun á því hvernig
staðið skuli að staðarvalinu sem sé í
betra samræmi við hefðina.
Fákur með bestu vellina
Ómar bendir á að miklir fjármunir
hafi verið settir í að gera Gaddstaða-
flatir á Rangárbökkum sem best úr
garði fyrir landsmót m.a. vegna
þeirrar hefðar að hafa mótið þar ann-
að hvert ár, en tekjur af landsmóti
áttu að mæta þeim kostnaði. „Við
munum nú reyna að vinna í því að
stækka Geysismótið sem hér er hald-
ið á vorin og laða til okkar stór hesta-
íþróttamót til þess að efla tekjur okk-
ar,“ segir Ómar.
Að sögn Haralds Þórarinssonar,
formanns LH, liggja fjórar megin-
ástæður að baki því að stjórn LH
ákvað að ganga til samninga við Fák.
Í fyrsta lagi hafi sérfræðingar LH
metið það sem svo að Fákur væri
með bestu vellina sem og aðstöðuna
fyrir hesta og knapa sem völ sé á í
landinu, í öðru lagi hafi menn talið ný
markaðstækifæri getast opnað með
því að halda mótið í höfuðborginni, í
þriðja lagi búi 40-50% félagsmanna
LH á höfuðborgarsvæðinu og í fjórða
lagi hafi þótt viðeigandi að fela
stærsta og öflugasta hestamanna-
félagi landsins framkvæmd mótsins á
90 ára afmælisári Fáks.
„Í ljósi alls þessa fannst stjórn í
lagi að skoða það á 10-20 ára fresti að
mótið færi fram í þéttbýli. Fáksmenn
hafa árum saman sóst eftir því að
halda landsmót og það er ekki enda-
laust hægt að sýna þeim þann dóna-
skap að ganga framhjá þeim,“ segir
Haraldur.
Hann vísar því á bug að ríkt hafi
þegjandi samkomulag um að halda
landsmótið til skiptis á Vindheima-
melum og Gaddstaðaflötum, en
kannast vel við að samkomulag sé um
að hafa mótið til skiptis á Norður- og
Suðurlandi. Að sögn Haraldar var
staðarvalið áður fyrr í höndum lands-
þings LH, en horfið hafi verið frá því
fyrir þremur áratugum vegna nei-
kvæðrar reynslu og stjórn í fram-
haldinu falið að sjá um valið.
Deilur um staðarval
landsmótsins 2012
Morgunblaðið/Ómar
Fræknir knapar Frá setningu Landsmóts hestamanna á Gaddstaðaflötum á Rangárbökkum sumarið 2008.
Stjórnarmenn 26 af 47 aðildarfélögum Landssambands
hestamannafélaga leggjast gegn því að mótið sé í Reykjavík
Í HNOTSKURN
»Landsmót hestamanna varsíðast haldið í Reykjavík
árið 2000.
»Síðan þá hafa mótin tilskiptis verið haldin á
Norður- og Suðurlandi.
»Stjórn LH hefur boðað for-menn allra 47 hesta-
mannafélaganna innan raða
sambandsins sem og formenn
nefnda LH til fundar 26. mars
nk. þar sem ræða á staðarval
landsmótsins 2012.
Eftir Gunnlaug Auðun Árnason
Stykkishólmur | Árnamessa var
haldin öðru sinni í grunnskólanum í
Stykkishólmi á sunnudaginn var. Til-
gangurinn var að minnast æskulýðs-
og bindindisstarfs Árna Helgasonar
og hvetja ungt fólk til dugnaðar og
sjálfstrausts í anda bindindis sem var
Árna mikið baráttumál.
Árnamessa var tvíþætt. Annars
vegar málþing og hins vegar skákmót
grunnskólanema. Málþingið hafði
yfirskriftina „Það býr kraftur í æsk-
unni“. Að þessu sinni var áhersla lögð
á mikilvægi þess að ungt fólk væri
virkir þátttakendur í samfélaginu,
ætti frumkvæði og tæki þátt í ný-
sköpun á sviði samfélagsmála, at-
vinnumála og umhverfis.
Á málþingið komu fyrirlesarar sem
hvöttu ungmennin til dáða og sögðu
frá þeim miklu möguleikum sem
þeim væru opnir, en mikilvægt væri
að hafa framtíðarsýn og markmið.
Einn af fyrirlesurum var Guðjón Már
Guðjónsson, frumkvöðull og hug-
myndafræðingur frá Hugmynda-
ráðuneytinu. Í viðtali við fréttaritara
sagði hann að ungmennin hefðu úr
svo mörgu að velja að það gæti reynst
þeim erfitt að finna réttu leiðina.
Örva þarf skapandi hugsun í skóla-
kerfinu. Þá öðlast ungmennin meira
sjálfstraust og verða ekki eins háð
umhverfi sínu. Mikilvægt er fyrir
hvern einstakling að eiga sér
framtíðarsýn. Það gefur lífinu tilgang
og eflir einstaklinginn að vera sjálf-
stæðari til að stjórna lífsstíl sínum og
hafa jákvæð áhrif á örlög sín. Það er
slæmt að eiga örlög sín undir öðrum.
Það kostar þolinmæði að ná fram
markmiðum sínum. „Við náum að
uppfylla drauma okkar í misstórum
skrefum, það er okkar lífsferðalag,“
sagði Guðjón.
Að loknum framsöguerindum
störfuðu umræðuhópar þar sem kruf-
in voru til mergjar málefni æskunnar
og samskipti unglinga og þeirra sem
eldri eru. Það er vilji þeirra, sem að
málþinginu stóðu, að fá nemendur
skóla á Vesturlandi, foreldrafélög,
æskulýðs- og ungmennaráð á Vestur-
landi til virkrar þátttöku við undir-
búning Árnamessu að ári.
Skákin vinsæl hjá ungu fólki
Um 100 krakkar mættu til leiks á
skákmóti Árnamessu. Þar á meðal
voru efnilegustu skákkrakkar lands-
ins auk þátttakenda af Snæfellsnesi.
Krakkarnir sýndu snilldartakta í
skáklistinni og börðust um efstu sæt-
in sem gáfu glæsileg verðlaun. Keppt
var í þremur flokkum og úrslit urðu
ekki ljós fyrr en síðustu skákunum
lauk.
Birkir Karl Sigurðsson úr Sala-
skóla stóð uppi sem sigurvegari móts-
ins. Hann vann alla sex andstæðinga
sína. Í yngri flokki vann Oliver Aron
Jóhannesson, Rimaskóla, og hlaut 5
vinninga. Í flokki Snæfellinga reynd-
ist Daníel Guðni Jóhannesson úr
Snæfellsbæ hlutskarpastur.
Eftir verðlaunaafhendingu var
dregið í happdrætti. Um þriðjungur
þátttakenda hélt heimleiðis hlaðinn
páskaeggjum, gjafabréfum, fatnaði
og taflsettum sem voru á meðal vinn-
inga. Skákstjórar voru þeir Helgi
Árnason og Páll Sigurðsson.
Kostar ekkert að
láta gott af sér leiða
Kraftur í æskunni á Árnamessu
Morgunblaðið/Gunnlaugur Árnason
Skákmót á Árnamessu Erla Friðriksdóttir bæjarstjóri leikur fyrsta leikinn
fyrir Kristófer Gautason sem kom frá Vestmannaeyjum.
Rangar upplýsing-
ar um skuldir
Reykjavíkur
Í töflu um skuldir Reykjavík-
urborgar sem birtist í Morg-
unblaðinu á laugardag birtust
rangar upplýsingar um skulda-
stöðu Reykjavíkurborgar. Sam-
kvæmt fjárhagsáætlun 2010 nema
skuldir A- og B-hluta samtals um
326 milljörðum króna. Þegar
skuldir Orkuveitu Reykjavíkur
hafa verið dregnar frá nema
skuldirnar um 75 milljörðum.
Skuldir Reykjavíkur eru því
um 120% umfram árlegar tekjur,
að frádregnum skuldum og
tekjum OR, en ekki 177% eins og
ranglega kom fram í töflunni.
Beðist er velvirðingar á þessum
mistökum.
LEIÐRÉTT
SPILUM
SAMAN
E
N
N
E
M
M
/
S
ÍA
/
N
M
4
12
4
5
Samtök eldri sjálfstæðismanna.
Allir velkomnir. Nánari upplýsingar á xd.is
Samtök eldri sjálfstæðismanna boða
til hádegisfundar í dag, miðvikudaginn
17. mars kl. 12.00 í Valhöll, Háaleitisbraut 1.
Framsögumenn eru alþingismennirnir
Lilja Mósesdóttir og Unnur Brá
Konráðsdóttir.
Boðið verður upp á súpu gegn vægu
gjaldi. Fundarstjóri er Styrmir Gunnarsson.
Lilja Mósesdóttir
Unnur Brá
Konráðsdóttir
Hvernig á að slá
skjaldborg um
heimilin?
vernig á að slá
skjaldborg um
heimilin?
Samtök eldri sjálfstæðismanna.
Allir velkomnir. Nánari upplýsingar á xd.is
Samtök eldri sjálfstæðismanna boða
til hádegisfundar í dag, miðvikudaginn
17. mars kl. 12.00 í Valhöll, Háaleitisbraut 1.
Framsögumenn eru alþingismennirnir
Lilja Mósesdóttir og Unnur Brá
Konráðsdóttir.
Boðið verður upp á súpu gegn vægu
gjaldi. Fundarstjóri er Styrmir Gunnarsson.
Lilja Mósesdóttir
Unnur Brá
Konráðsdóttir
AUGLÝSINGADEILD
netfang: augl@mbl.is eða sími 569 1111