SunnudagsMogginn - 28.11.2010, Blaðsíða 6

6 28. nóvember 2010
Fáum hefur sennilega gramist
jafn mikið velgengni Bristol Palin
í „Dancing with the stars“ og
manni nokkrum í Wisconsin í
Bandaríkjunum sem skaut sjón-
varpið sitt með haglabyssu eftir
að Palin komst alla leið í undan-
úrslitaþættinum á mánudag.
Eiginkona mannsins hringdi í
lögregluna á mánudagskvöld eftir
að hafa lagt á flótta frá manni sín-
um sem trylltist í kjölfar þess að
tilkynnt var um niðurstöður áhorf-
endakosningarinnar.
Náði lögregla ekki að yfirbuga
hann fyrr en næsta morgun eftir
15 klukkustunda umsátur um hús
hans.
Samkvæmt lýsingu eiginkon-
unnar á hann að hafa öskrað
„Helv… stjórnmál“ þegar Bristol
birtist á skjánum, en honum mun
ekki hafa þótt mikið til danshæfi-
leika hennar koma. Stuttu síðar
hljóp hann upp á loft til að ná í
haglabyssu sem hann hlóð og
skaut af á sjónvarpið.
Samkvæmt fréttum glímir mað-
urinn við geðhvarfasýki en hafði
auk þess drukkið áfengi um
kvöldið. Var eiginkonan hrædd um
að maðurinn myndi skjóta á sig
og hringdi því eftir hjálp.
Skaut á sjónvarpið af reiði yfir þátttöku Bristol
Sarah og Todd Palin fylgjast með dóttur sinni í einum af undanþáttunum
en manninum virtist gremjast að stjórnmálum væri blandað í keppnina.
Reuters
B
andaríska ABC-sjónvarpsstöðin fékk allt
sem hún vildi út úr lokaþætti raunveru-
leikaþáttarins „Dancing With the Stars“
á þriðjudag: 25% meira áhorf en í fyrra
og sigurvegara sem aðdáendum þáttarins finnst
vel að sigrinum kominn.
Velgengni þessarar þáttaraðar má þakka þátt-
töku Bristol Palin, dóttur fyrrverandi ríkisstjóra
Alaska og varaforsetaefnis repúblikana, Söru Pal-
in. Í þáttunum eru frægir einstaklingar paraðir
við atvinnudansara og í hverri viku keppa pörin í
samkvæmisdönsum. Dómarar gefa þeim stig auk
þess sem áhorfendur greiða uppáhaldsparinu sínu
atkvæði sitt. Dómaraeinkunn og atkvæðagreiðslu
er svo slegið saman og fellur það par úr keppni
sem hlýtur lægstu samsettu einkunnagjöfina.
Hávær gagnrýni heyrðist yfir því að sjónvarps-
áhorfendur skyldu kjósa Bristol Palin áfram, alla
leið í lokaþáttinn, þar sem hún fékk almennt lág-
ar einkunnir frá dómurum þáttanna. Þannig
þurftu pör með hærri dómaraeinkunn að lúta sjö
sinnum í lægra haldi fyrir henni. Héldu ýmsir því
fram að Teboðshreyfingin svonefnda, sem hefur
dálæti á móður hennar, stæði á bak við
áhorfendakosninguna. M.a. stærði nafnlaus,
íhaldssamur aðdáandi sig af því að hafa kosið
áttatíu sinnum á tveimur klukkutímum og á
mánudag var álagið á sím- og netkerfi sjónvarps-
stöðvarinnar svo mikið að það hrundi.
Bristol Palin féll úr leik á þriðjudagskvöld, en
var á skjánum meirihluta lokaþáttarins. Móðir
hennar var ekki viðstödd en hvatti dóttur sína
áfram í undanúrslitunum kvöldið áður.
Þáttastjórnandinn viðurkenndi að þátta-
tímabilið væri hið umtalaðasta í sögu þáttanna og
leikur enginn vafi á að áhugi á Bristol Palin – bæði
jákvæður og neikvæður – átti drýgstan hlut í því
að hífa upp áhorfstölurnar.
Palin sjálf kynti undir umræðurnar með því að
segja opinberlega að með þátttöku sinni væri hún
að bjóða „hatursfólkinu“ byrginn eins og hún
kallaði það – fólki sem gerði lítið úr frammistöðu
hennar vegna óbeitar á móður hennar.
Hún var við sama heygarðshorn í lokaþætt-
inum þegar hún sagði að sigur í þættinum yrði sé
afar mikilvægur og um leið „stór langatöng í and-
lit allra þeirra sem hata mömmu mína og mig“.
Öll þessi aukaathygli var himnasending fyrir
ABC. Um 25 milljónir áhorfenda stilltu á sjón-
varpsstöðina þetta kvöld, sem er mesta áhorf
þáttarins í sex ár og alger viðsnúningur miðað
undangengin ár. Undanúrslitin á mánudag og
lokaþátturinn á þriðjudag eru þeir tveir
skemmtiþættir sem fengið hafa mest áhorf í
Bandaríkjunum á þessu áhorfstímabili og í ár hafa
aðeins þrír leikir í bandaríska fótboltanum slegið
þessar áhorfendatölur út.
Deilurnar um Bristol Palin náðu hámarki þegar
efasemdir um árangur hennar voru viðraðar
opinberlega. Í kjölfarið spunnust umræður meðal
fólks um hvort hugsanlegur sigur Palin stefndi
trúverðugleika keppninnar í voða.
Að lokum var það hins vegar leikkonan Jenni-
fer Grey sem fór með sigur af hólmi en einhverjir
muna eftir henni í hlutverki Frances „Baby“
Houseman sem dansaði á móti Patrick Swayze í
kvikmyndinni Dirty Dancing. Hún virðist hafa
litlu gleymt því flestir voru á einu máli um að
hún væri besti dansarinn í þáttunum. Bristol Pal-
in og félagi hennar enduðu hins vegar í þriðja
sæti.
Dansandi Palin
veldur deilum
ABC-sjónvarpsstöðin sigraði
í stríðinu um áhorfendurna
Bristol Palin og dansfélagi hennar Mark Ballas fengu ekki burðuga um-
sögn hjá dómurum þáttanna. Hér hlusta þau á athugasemdir á mánudag.
Reuters
Leikkonan Jennifer Gray og dansfélagi hennar Derek
Hough hampa verðlaunabikarnum eftir sigurinn.
Reuters
Vikuspegill
Bergþóra Njála Guðmundsdóttir
ben@mbl.is
Jólahlaðborð
að hætti Nóatúns
www.noatun.is
eða í Austurveri, Hringbraut og Grafarholti
Pantaðu veisluna þína á
www.noatun.is
RÍKULEGA
ÚTILÁTIN
JÓLAVEISL
A
1990
Á MANN
AÐEINS
Ve
rð
fr
á
NÝTTfyrir jólin