SunnudagsMogginn - 30.10.2011, Side 44

44 30. október 2011
Alan Glynn – Bloodland bbbbnn
Írski rithöfundurinn Alan Glynn er líklega þekktastur fyrir það að
hafa skrifa bókina The Dark Fields og síðan handrit upp úr henni
sem varð að kvikmyndinni Limitless, en hann á að
baki fleiri bækur, nú síðast Bloodland sem kom út í
byrjun september. Hún segir frá ungum írskum
blaðamanni sem tekur að sér að rannsaka andlát
ungrar stúlku með það í huga að skrifa um hana
bók, en hún fórst í þyrluslysi. Hann kemst fljótlega
á snoðir um að eitthvað var bogið við slysið, það átti
auðsjáanlega að ráða einhverjum bana, en erfitt að
átta sig á hvern farþeganna átti að myrða. Á sama
tíma eru dularfullir hlutir að gerast í Kongó sem tengjast heimsókn
öldungadeildarþingmanns þangað, en hann er með í bígerð forseta-
framboð, og drykkfelldur fyrrverandi forsætisráðherra Bretlands
býr sig undir að leysa frá skjóðunni um skuggalegt leyndarmál.
Frekar flókin saga, en lipurlega skrifuð og skemmtilegt hvernig írska
húsnæðisbólan birtist í henni.
Gregg Hurwitz – You’re Next bbmnn
Bandaríski rithöfundurinn Gregg Hurwitz er margfaldur metsölu-
höfundur og einnig afkastamikill handritshöfundur og hefur skrifað
margar teiknimyndasögur. Það fer og ekki á milli
mála að hann kann sitt fag, kann að flétta saman
svo snúinn söguþráð að lausnin kemur ekki í ljós
fyrr en á síðustu metrunum og heldur samfelldri
spennu allan tímann. Í sem skemmstu máli þá
fjallar bókin um munaðarlausan mann sem kvænist
og eignast dóttur. Lífið leikur við hann, hann rekur
byggingarfyrirtæki í örum vexti og nýtur mikillar
hamingju í einkalífinu, þar til skyndilega að flest fer
að ganga honum í óhag. Ólánið hefst með því að hann er svikinn af
illum undirverktaka og svo taka ofbeldishneigðir óþokkar að elta
hann á röndum. Lögreglan vill síðan ekkert fyrir hann gera og fljót-
lega þarf hann að glíma við ofurefli liðs nánast einn síns liðs án þess
þó að vita af hverju. Fljótlega verður honum þó ljóst að það er sitt-
hvað óuppgert í fortíðinni. Líkt og vill vera með bandarískar
spennusögur þá er mikið ofbeldi í bókinni, fullmikið jafnvel, og þeir
sem hafa ekki smekk fyrir því að sakleysingjar séu barðir til bana eða
pyntaðir til að skapa spennu ættu að láta bókina eiga sig. Þeir sem
harðari eru af sér geta haft af henni nokkurt gaman.
Árni Matthíasson arnim@mbl.is
Erlendar bækur
9. - 22. október
1. Gamlinginn sem skreið út um
gluggann -
Jonas Jo-
nasson /
JPV útgáfa
2. Ekki líta
undan - El-
ín Hirst /
JPV útgáfa
3. Stóra Disney köku- & brauðb.
- Walt Disney / Edda
4. Húshjálpin - Kathryn Stockett
/ JPV útgáfa
5. Hjarta mannsins - Jón Kal-
man Stefánsson / Bjartur
6. Órólegi maðurinn - Henning
Mankell / Mál og menning
7. Þræðir valdsins - Jóhann
Hauksson / Veröld
8. Hollráð Hugos - Hugo Þór-
isson / Salka
9. Galdrakarlinn í OZ - L. Frank
Baum / Edda
10. Fallið er hátt - Anna Grue /
Vaka-Helgafell
Frá áramótum
1. Gamlinginn sem skreið út um
gluggann -
Jonas Jo-
nasson /
JPV útgáfa
2. Ég man þig
- Yrsa Sig-
urðardóttir
/ Veröld
3. 10 árum yngri á 10 vikum -
Þorbjörg Hafsteinsdóttir /
Salka
4. Stóra Disney köku- & brauðb.
- Walt Disney / Edda
5. Einn dagur - David Nicholls /
Bjartur
6. Bollakökur Rikku - Friðrika
Hjördís Geirsdóttir / Vaka-
Helgafell
7. Djöflastjarnan - Jo Nesbø /
Undirheimar
8. Betri næring - betra líf - Kol-
brún Björnsdóttir / Veröld
9. Ljósa - Kristín Steinsdóttir /
Vaka-Helgafell
10. Frelsarinn - Jo Nesbø / Upp-
heimar
Bóksölulisti
Lesbókbækur
Skannaðu
kóðann til að
lesa
Listinn er byggður á upplýsingum frá
Bókabúð Máls og menningar, Bóka-
búðinni Eskju, Bókabúðinni Hamra-
borg, Bókabúðinni Iðu, Bókabúðinni
við höfnina Stykkishólmi, Bóksölu-
stúdenta, Bónus, Hagkaupum,
Kaupási, N1, Office 1, Pennanum-
Eymundssyni og Samkaupum. Rann-
sóknasetur verslunarinnar annast
söfnun upplýsinga fyrir hönd Félags
íslenskra bókaútgefenda.
G
oðsögnin um drykkfellda og úfna snill-
inginn er lífseig og stundum dugir það
miðlungslistamönnum að vera drykk-
felldir og rytjulegir; best ef þeir drekka
sig í hel, þá eru þeir mærðir sem vanmetnir snill-
ingar. Það eru þó til listamenn sem lifað hafa í
skugganum, eða réttara sagt skugghverfunum, og
samt, eða kannski þrátt fyrir það, skilið eftir sig
listaverk. Bandaríski rithöfundurinn Charles Bu-
kowski er dæmi um það, meistari orðsins, sem
glímdi við drykkjusýki alla tíð og var alltaf upp á
kant við þjóðfélagið og borgaralegt regluverk.
Fyrir stuttu gáfu Uppheimar út bókina Hollywood
eftir Bukowski, sem er aðeins fjórða bókin eftir
hann sem gefin er út á íslensku, þó að ljóð eftir
hann sé víða að finna í ljóðasöfnum á íslensku.
Bukowski fæddist 16. ágúst 1920 og lést 9. mars
1994. Hann fæddist í Andernach í Þýskalandi, átti
þýska móður en bandarískan föður, og var gefið
nafnið Heinrich Karl Bukowski. Þess má geta að
föðurafi hans var einnig þýskur, fluttist til Banda-
ríkjanna undir lok nítjándu aldar. Þegar piltur var
þriggja ára fluttist fjölskyldan til Bandaríkjanna,
til Los Angeles, og Bukowski ólst þar upp. For-
eldra hans köllu hann Henry upp á amerískan
máta, en þegar Bukowski óx úr grasi kaus hann
frekar nafnið Charles.
Í æviminningabrotum rakti Bukowski það að
faðir hans hefði verið vandræðapési sem tyftaði
fjölskylduna þegar svo lá á honum og snemma má
segja að drengur hafi horfið inn í sig, hann dró sig
í hlé frá umhverfinu og átti lítið samskipti við
jafnaldra sína. Áfengið var honum mikill lausnari
og hann hefur lýst því hvað það hafi verið frábær
tilfinning að smakka áfengi í fyrsta sinn og hann
eyddi síðan ævinni í að reyna að komast í það dá-
semdarástand að nýju.
Bukowski stundaði nám við háskóla í Los Ang-
eles en lauk því námi ekki, hann vildi lifa en ekki
læra og ákvað að reyna fyrir sér sem rithöfundur
og blaðamaður. Hann vakti snemma athygli fyrir
smásögur sem þykja forvitnilegar í dag, en vöktu
ekki ýkja mikla hrifningu á sínum tíma og svo fór
að Bukowski hætti að skrifa og einbeittri sér að
því að drekka í um áratug. það tímabil varð hon-
um ríkuleg uppspretta í einskonar æviminn-
ingaskáldskap með aukasjálfið Henry Chinaski í
aðalhlutverki. Á þessum tíma vann hann ýmsa
vinnu, var um tíma í niðursuðufabrikku og bar út
póst.
Segja má að drykkjan hafi komið honum aftur í
gang sem rithöfundi, eða réttara sagt afleiðingar
drykkjunnar, því hann var lagður á sjúkrahús nær
dauða en lífi með blæðandi magasár 1955 og eftir
það tók hann að skrifa ljóð. Fyrstu ljóðabækurnar
komu svo út 1963, It Catches My Heart in Its
Hands, og 1965, Crucifix. Hann skrifaði líka fastan
pistil í dagblað á þeim árum, en vann annars fulla
vinnu hjá póstinum. 1969 hætti hann dagvinnu og
tók til við að skrifa í fullu starfi. Fyrsta skáldsagan
Post Office, kom út ári síðar, en alls liggja sex
skáldsögur. Hollywood er ein þeirra, segir frá því
er Henry Chinaski tekur að sér að skrifa handrit
að kvikmynd, en bókin, sem kom út 1989, byggist
á reynlsu Bukowskis sjálfs af því að skrifa hand-
ritið að kvikmyndinni Barfly sem byggist á
reynslu Bukowskis af samfelldri drykkju til
margra ára.
Charles Bukowski lést úr hvítblæði skömmu
eftir að hann lauk við síðustu skáldsögu sína,
Puklp, sem kom út á íslensku undir nafninu Reyf-
ari 1995. Eftir hann liggur grúi verka, áður er getið
um sex skáldsögur, en ljóðabækurnar eru nærfellt
fimmtíu og ekki allt komið, því hann skrifaði
mikið fyrir allskyns jaðarblöð sem eru löngu horf-
in og gleymd, en einnig eru ellefu smásagnasöfn,
nokkur greinasöfn, leikrit og á annan tug kvik-
myndahandrita.
Charles Bukowski er dáður í dag og metinn sem magnaður rithöfundur, en einu sinni var hann bara fyllibytta.
Drykkfelldur og
úfinn snillingur
Fyrir stuttu kom út skáldsagan Hollywood eftir þann
merka mann, Charles Bukowski, sem er í dag talinn með
helstu rithöfundum Bandaríkjanna, en var á sinni tíð álit-
inn drykkjurútur og flysjungur.
Árni Matthíasson arnim@mbl.is