Morgunblaðið - 08.04.2010, Blaðsíða 44

FIMMTUDAGUR 8. APRÍL 98. DAGUR ÁRSINS 2010
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 350 ÁSKRIFT 3890 HELGARÁSKRIFT 2400 PDF Á MBL.IS 2200
1. Urðu úti að Fjallabaki
2. Robben skaut United út
3. Ákvörðun Álfheiðar „ólíðandi“
4. Rannsókn að hefjast
»MEST LESIÐ Á mbl.is
FÓLK Í FRÉTTUM
 Fyrsta sólóplata Jónsa þýtur nú
upp vinsældalista iTunes. Platan er í
2. sæti í Kanada, 3. sæti á Írlandi og
Belgíu, 5. sæti í Bandaríkjunum, 7.
sæti í Finnlandi og 8. sæti í Bretlandi,
Ítalíu og Japan.
Jónsi hátt á iTunes
– Go á siglingu
 Skáldsagan
Ofsi eftir Einar
Kárason frá 2008
mun brátt koma
út hjá danska for-
laginu Gyldendal,
en sama forlag
gaf út fyrri bók
Einars um Sturl-
ungaöldina,
Óvinafagnað, sem hefur hlotið góðar
undirtektir í Danmörku. Útgáfuréttur
á Ofsa hefur þegar verið seldur til
Þýskalands.
Ofsi Einars kemur
út í Danmörku
 Hljómsveitirnar
Sororicide og Sól-
stafir ætla ásamt
In Memoriam og
Bastard að efna
til heljarinnar
þungarokksveislu
á Sódómu næst-
komandi föstu-
dagskvöld. Sól-
stafir var nýlega valin af ritstjórum
blaðsins Metal Hammer til að koma
fram á stórum tónleikum í London.
Veislan byrjar kl. 22.30.
Blása til þungarokks-
veislu á Sódómu
Á föstudag Gengur í suðaustan 8-15 m/s, hvassast suðvestantil. Rigning, einkum S- og
V-lands. Hiti 3 til 8 stig.
Á laugardag Suðlæg átt og vætusamt, en úrkomulítið NA-lands. Hiti 6 til 12 stig.
Á sunnudag, mánudag og þriðjudag Suðvestanátt og rigning með köflum.
SPÁ KL. 12.00 Í DAG Sunnan og suðvestan 3-8, léttskýjað á austanverðu landinu en
skýjað og lítilsháttar úrkoma um tíma vestan til. Hiti 3 til 8 stig þegar líður á daginn.
VEÐUR
Selfyssingar tryggðu sér í
gærkvöldi sæti í úrvalsdeild
karla í handknattleik. Þeir
sigruðu Aftureldingu í
hreinum úrslitaleik í loka-
umferð 1. deildarinnar á
Selfossi, 27:24, eftir að
hafa lent fimm mörkum
undir í fyrri hálfleiknum.
Fjögur ár eru síðan Selfyss-
ingar áttu síðast lið í hópi
þeirra bestu í handbolt-
anum. Afturelding fer hins
vegar í umspil. »1
Selfyssingar upp
í úrvalsdeildina
Lokaumferðin á Íslandsmóti karla
í handknattleik er leikin í kvöld.
Allir fjórir leikirnir skipta miklu
máli og úrslit munu ráðast um
hverjir mætast í undanúrslit-
unum, hvaða lið fellur úr deildinni
og hverjir þurfa að fara í umspil.
Segja má að um nán-
ast fullkomna niður-
röðun sé að ræða hjá
HSÍ. »3
Nánast fullkomin niður-
röðun í handboltanum
Það var mikil dramatík á Old Trafford
í Manchester í gærkvöldi þegar Eng-
landsmeistarar Manchester United
féllu úr leik í Meistaradeildinni þrátt
fyrir 3:2-sigur á Bayern München.
United komst í 3:0 í fyrri hálfleik en
Bayern gafst ekki upp og skoraði tvö
mörk sem fleytti því áfram í undan-
úrslitin þar sem það mætir franska
liðinu Lyon. »2
Bayern München sló út
Englandsmeistarana
ÍÞRÓTTIR
INGI Þór Hafdísarson og Sigurður Heiðar Hös-
kuldsson slógu heimsmetið í ballskák (e. pool)
síðdegis í gær, þegar þeir höfðu spilað samfleytt
í meira en 53 klukkustundir og 25 mínútur. Þeir
eru að safna áheitum fyrir MS-félag Íslands og
ætla að spila til hádegis í dag.
HEIMSMETIÐ Í BALLSKÁK SLEGIÐ
Morgunblaðið/Ómar
SARA Lind Guðnadóttir hugsar sig
ekki tvisvar um þegar blaðamaður
spyr hver lykillinn sé að árangri í
dansíþróttinni; „æfingin skapar
meistarann“. Sara hefur, ásamt dans-
herra sínum, Elvari Kristni Gapunay,
náð framúrskarandi árangri það sem
af er ári. Og það sem meira er, þau
eru aðeins átta ára.
Parið hefur unnið allar keppnir í
sínum flokki á árinu, fengið alls átta
gullverðlaun. Í síðasta mánuði urðu
þau Sara Lind og Elvar tvöfaldir bik-
armeistarar í samkvæmisdönsum og í
febrúar unnu þau tvenn gullverðlaun
í sínum flokki á Opna Kaup-
mannahafnarmótinu.
Jafnframt kepptu þau í flokki 10-11
ára í Kaupmanannahöfn, þar á meðal
við landa sína í þeim flokki, og kom-
ust í tólf para úrslit. Þar kepptu þau á
móti ellefu pörum sem öll komu frá
Rússlandi, og öll voru eldri.
Elvar og Sara Lind byrjuðu að
dansa þegar þau voru fimm ára. Þau
æfa stíft í viku hverri og að mati er-
lendra dómara eru þau til alls líkleg í
framtíðinni. Það er því ljóst að þau
eru með efnilegustu danspörum hér á
landi í sínum aldursflokki.
Parið keppir næst á Íslandsmeist-
aramótinu sem fram fer 1. og 2. maí
nk. og í haust er stefnan tekin á al-
þjóðlegt dansmót sem haldið verður í
Lundúnum. Að sögn Söru Lindar er
stefnan að sjálfsögðu tekin á gullið.
Með efnilegustu dönsurum
 Átta ára danspar
hefur unnið gull
í öllum keppnum
Gullið Sara Lind og Elvar Kristinn
með verðlaunin í Kaupmannahöfn.
Í HNOTSKURN
»Sara Lind Guðnadóttir ogElvar Kristinn Gapunay
æfa bæði dans í dansskóla Sig-
urðar Hákonarsonar.
»Faðir Elvars, Edgar K.Gapunay, er þar skóla-
stjóri og eldri systir Söru
Lindar æfir einnig þar. Þau
tengjast dansinum því vel.