Morgunblaðið - 10.05.2010, Blaðsíða 4

Eldgosið í Eyjafjallajökli4
MORGUNBLAÐIÐ MÁNUDAGUR 10. MAÍ 2010
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Sértilboð á Aguamarina
Heimsferðir bjóða frábært tilboð í 8 nátta
Hvítasunnuferð til Costa del Sol í vor. Í boði
er frábært sértilboð, með eða án fæðis á
Aguamarina íbúðahótelinu, einum allra
vinsælasta gististað okkar. Ath. mjög tak-
markaður fjöldi herbergja í boði á þessum kjörum.
Fyrstur kemur, fyrstur fær! Gríptu þetta frábæra tækifæri og njóttu
lífsins í vor á Costa del Sol á ótrúlegum kjörum.
Verð kr. 79.900
Netverð á mann, m.v. fjóra í
íbúð með einu svefnherbergi í
8 nætur á Aparthotel Aguama-
rina. Aukalega fyrir hálft fæði
kr. 19.200 fyrir fullorðna og
kr. 9.600 fyrir börn. Sértilboð
17. maí
Verð frá 79.900
Costa del Sol
Frábær Hvítasunnuferð til
Eftir Sigurð Boga Sævarsson
sbs@mbl.is
ÆTLAÐ var að í gærkvöldi væri um þriðjungur
rúmlega 300 íbúa Víkur í Mýrdal að heiman, þar er
nú grátt yfir að líta af völdum öskufalls úr Eyja-
fjallajökli. Strax þegar askan fór að leggjast yfir
kauptúnið ákváðu margir að hverfa til vina og ætt-
ingja annars staðar. „Við eigum þó von á að tals-
vert af þessu fólki snúi aftur til baka strax í kvöld
eða fyrramálið enda er staðan hér nú orðin allt
önnur og betri en var,“ sagði Guðmundur Ingi
Ingason, lögreglumaður í þjónustumiðstöð Ríkis-
lögreglustjóra, í samtali við Morgunblaðið í gær-
kvöldi.
Hreinsað og spúlað
Talsverð svifryksmengun var í Vík í Mýrdal í
gær en talsvert minna öskufall en á föstudag og
laugardag. Um helgina var unnið að hreinsunar-
starfi í byggðarlaginu. Á laugardaginn var unnið
við að spúla gangstéttar og götur og tankbíll var
notaður til rykbindingar á götum þar sem aska lá
yfir. Áhersla hefur verið lögð á að hreinsa um-
hverfis grunnskólann í Vík svo skólahald komist
sem fyrst aftur í réttan takt, enda er miðað við að
það hefjist að nýju á morgun, þriðjudag.
Í gær var kapp á að koma hrossum úr Mýrdal í
öruggt skjól. Talsvert stóð var flutt austur á
Kirkjubæjarklaustur og í Árnessýslu. Þá hafa
bændur fengið aðstoð við sauðburðinn og fólk sem
vant er sveitastörfum verið kallað til.
Þurfa iðnaðarmenn
„Núna þegar sauðburðurinn stendur sem hæst
þurfum við að koma upp gerðum við fjárhús og
negla plötur á bragga. Því höfum við kallað eftir
liðsinni við slíkt. Ef til dæmis iðnaðarmenn sem
eru án atvinnu vilja leggja okkur lið mættu þeir
hafa samband í gegnum Neyðarlínuna,“ sagði
Guðmundur Ingi.
Sem fyrr segir starfrækir Ríkislögreglustjóri
þjónustumiðstöð í félagsheimilinu Leikskálum þar
sem lögregla og Rauði krossinn eru á vaktinni,
veita fólki aðstoð eins og þarf og svara spurn-
ingum. Í gær voru björgunarmenn af Árborgar-
svæðinu í Vík við hreinsunarstörf en í hamför-
unum að undanförnu hafa fjölmargir lagt
hjálparstarfi lið með ýmsu móti.
Á laugardag lá þykkt öskuský yfir Víkurþorpi
og skyggni ekki nema 100 til 200 metrar. Nær eld-
stöðinni hvolfdist aska úr gosmekkinum yfir og á
Sólheimasandinum var skyggni varla nema ein til
tvær bíllengdir. Í gærkvöldi var samkvæmt lýs-
ingum talsvert öskufall undir Eyjafjöllum, þá
einkum frá Drangshlíð og austur að Skógum. Í
Mýrdal var staðan orðin betri.
Íbúar í Vík eru að snúa aftur
 Þriðjungur yfirgefur Víkurþorp  Hreinsunarstarf í fullum gangi  Þurfa
iðnaðarmenn  Askan hvolfdist yfir á Sólheimasandi  Tveggja stika skyggni
Morgunblaðið/Sigurður Bogi
Ryk Götur í Vík hafa verið rykbundnar, svo sem
slóðinn upp að kirkjunni sem er efst í þorpinu.
Morgunblaðið/Helgi Bjarnason
Mökkur Gosmökkurinn úr gíg Eyjafjallajökuls nær talsverðri hæð og kvöldsólin gerir gráan mökkinn brúnan úr fjarlægð. Í forgrunni er Gígjökull þar sem
hraun kemur fram ef það nær að bræða sig í gegnum íshaftið. Á föstudagskvöld sást gufa frá bræðsluvatni en um helgina virðist hafa dregið úr henni.
FRAMLEIÐSLA gosefna í eld-
gosinu á Eyjafjallajökli fer hægt
dvínandi ef tekið er mið af síðustu
sjö dögum. Gos-
virknin hefur þó
gengið í bylgjum
og má búast við
áframhaldandi
sveiflum í virkni.
Ekkert bendir
þó til þess að
gosinu sé að
ljúka. Þetta
segja jarðvís-
indamenn Veð-
urstofu Íslands og Jarðvís-
indastofnunar HÍ í daglegri
skýrslu um framgang gossins.
Skv. veðurratsjá nær gosmökk-
urinn fjögurra til fimm km hæð og
stundum í allt að sex km. Gjósku-
fall í gær var vestar en áður, það
er einkum undir Eyjafjöllum – frá
Þorvaldseyri að Skógum. Drunur
frá gosinu hafa heyrst í Vest-
mannaeyjum, Borgarfirði og í
Vatnsdal í A-Húnavatnssýslu en
frá eldstöðinni og þangað eru um
200 km í beinni loftlínu. Eldingar
við gosstöðina hafa ekki sést síð-
asta sólarhringinn. sbs@mbl.is
Gosvirknin
gengur í
bylgjum
Drunur í Vatnsdal
Gosmökkurinn.
Veðurstofan ger-
ir ráð fyrir ösku-
falli suður af eld-
stöðinni í Eyja-
fjallajökli. Þar er
átt við svæðið
undir undir
Eyjafjöllum, það
er frá Hvammi
og austur að
Skógum.
Á miðviku- og
fimmtudag má búast við öskufalli
fyrir austan eldstöðina og mun ask-
an berast austur á Síðu og í Skaft-
ártungur en í hve miklum mæli
mun þó ráðast af vindstyrk og
krafti gossins. Samkvæmt ösku-
fallsspá Metoffice fyrir háloftin
breiðir askan enn úr sér á Norður-
Atlantshafi undir 20 þúsund feta
flughæð og nær einnig ofar í há-
loftin, allt að 35 þúsund fetum.
Flug á Suður-Grænlandi hefur
einnig legið niðri. sbs@mbl.is
Áfram spáð
öskufalli á
Suðurlandi
Hreinsun í Vík.
ICELANDAIR áformar nú í morgunsárið að fljúga fjór-
ar ferðir frá Akureyri til Glasgow. Flugvöllurinn þar er
líkt og undanfarna daga tengipunktur í flugi félagsins yf-
ir Atlantshafið, á meðan flugsamgöngur eru úr lagi vegna
ösku frá Eyjafjallajökli. Breytingarnar ná til alls flugs
Icelandair í dag, en stefnt er að því að flug til Boston und-
ir kvöld verði frá Keflavíkurflugvelli. Miðað við spár er
nú gert ráð fyrir að flug verði komið á áætlun á þriðjudag.
„Við höfðum aldrei gert áætlanir með tilliti til þess að
flug raskaðist vegna öskufalls og ekki yrði fært til og frá
landinu nema með flugi milli Akureyrar og Glasgow. Að
þetta hafi tekist er í raun mikill sigur,“ segir Guðjón Arn-
grímsson, upplýsingafulltrúi Icelandair.
Iceland Express flýgur einnig frá Akureyri í dag. Vél-
arnar til London og Kaupmannahafnar fara um og eftir
hádegi og Berlínarvélin í kvöld.
Vegna öskufalls hefur orðið að breyta áætlun og leið-
um flugvéla sem fara yfir Atlantshaf. Óvenjulega margar
flugvélar hafa farið um íslenska flugstjórnarsvæðið og
miðað við tölur frá í gærmorgun fóru sólarhringinn þar á
undan alls 758 flugvélar um svæðið. Það er langt yfir
þeim tölum sem sést hafa en hjá Isavia, sem áður hét
Flugstoðir, þótti líklegt að metið myndi ekki standa lengi.
Vegna þessa var álag í flugstjórnarmiðstöðinni í Reykja-
vík og hvert borð skipað. sbs@mbl.is
Áfram verður flogið um
Akureyri og Glasgow
 Öll umferðarmet slegin á íslenska flugstjórnarsvæðinu
Morgunblaðið/Skapti
Flug Farþegar að heiman og heim fara um Akureyri.