Morgunblaðið - 24.06.2010, Page 15

Fréttir 15INNLENT
MORGUNBLAÐIÐ FIMMTUDAGUR 24. JÚNÍ 2010
Í dag, fimmtudag kl. 20:00, stendur
Vinafélag Krýsuvíkurkirkju fyrir
stuttri en táknrænni helgistund í
Krýsuvík að kvöldi Jónsmessu. Sr.
Gunnþór Ingason og sr. Þórhallur
Heimisson stýra henni við grunn
Krýsuvíkurkirkju sem brann þann
2. janúar sl. Helgistundin miðar að
því að viðhalda helgihaldi í Krýsu-
vík þrátt fyrir kirkjubrunann.
Eftir helgistundina verður farið í
stutta göngu um Krýsuvíkurtorf-
una undir leiðsögn Jónatans Garð-
arssonar og boðið síðan í kvöldkaffi
í Sveinssafni, húsi málarans. Þar
stendur yfir nýopnuð málverkasýn-
ing, sem nefnist „Charlottenborg-
arárin“. Allir eru velkomnir.
Helgistund í Krýsu-
vík á Jónsmessu
Í dag, fimmtu-
dag, mun Njörð-
ur P. Njarðvík
ganga með gest-
um um Þingvelli.
Jafnframt flytur
hann erindið
„Dvergmál djúp
og löng, Þing-
vellir í huga
þjóðar.“ Þar mun
Njörður fjalla um
hvernig Þingvellir og saga þeirra
birtast í ljóðum og textum skálda
frá mismunandi tíma. Hann ræðir
sögu þjóðarinnar, vonir og von-
brigði sem tengjast ártölunum 930,
1874 og 1944 og hugmyndir um lýð-
veldi og stjórnarskrá. Gönguferðin
hefst við fræðslumiðstöðina Hakið
kl: 20:00 og eru allir velkomnir.
Gönguferð um
Þingvelli í kvöld
Njörður P.
Njarðvík
ÚR BÆJARLÍFINU
Skapti Hallgrímsson
Akureyri
Sá síðasti af stofnendum veitingastaðarins
Bautans 1971 hefur nú selt hlut sinn í fyrir-
tækinu. Það er Hallgrímur Arason, en kaup-
endur eru hjónin Guðmundur Karl Tryggva-
son og Helga Árnadóttir sem hafa átt
veitingastaðinn með Hallgrími og eiginkonu
hans, Guðrúnu Ófeigsdóttur, undanfarin ár.
  
Fyrsta embættisverk Geirs Kristins Aðal-
steinssonar sem forseta bæjarstjórnar var að
flytja ávarp í Lystigarðinum á þjóðhátíð-
ardaginn. Hann sagðist aldrei hafa tekið sjálf-
an sig of hátíðlega og upplýsti því með bros á
vör að sjö ára sonur hans, Viktor Ernir, hefði
lýst því yfir daginn áður að hann myndi aldrei
kalla pabba sinn pabba framar – bara forseta.
  
Tónlistarskólinn á Akureyri verður á
þriðju hæð menningarhússins Hofs sem tekið
verður í notkun í sumar. Þar verða kennslu-
stofur nefndar eftir tónskáldum sem tengjast
Akureyri og Norðurlandi.
  
Veitingastaður sem verður í Hofi heitir
1862 nordic bistro. Þar mun vísað til ársins
sem Akureyri fékk kaupstaðarréttindi.
  
Í tilefni þess að 40 ár eru síðan Led Zep-
pelin hélt tónleika á Íslandi stígur hljóm-
sveitin Dúndurfréttir á svið á Græna hatt-
inum í kvöld og leikur lög sveitarinnar
goðsagnakenndu. Annað kvöld verða fé-
lagarnir í Dúndurfréttum á sama stað og leika
músík Pink Floyd, Deep Purple, Uriah Heep
og fleiri.
  
Sniglabandið verður með 25 ára afmælis-
tónleika á hattinum á laugardagskvöld.
  
Arctic Open-golfmótið hefst á Jaðarsvelli
í dag og lýkur aðfaranótt laugardags. Óhætt
er að hvetja áhugafólk um blóðrautt sólarlag
til að kíkja við því spáin er góð. Þátttakendur
eru um 160 að þessu sinni, þar af 36 útlend-
ingar.
  
Akureyrarhlaup KEA og UFA fer fram á
laugardaginn. Ræst er kl. 10 við Átak.
Geir er ekki lengur
pabbi, bara forseti
Morgunblaðið/Skapti Hallgrímsson
Það mjakast Hringtorg við aðalinngang
menningarhússins Hofs var malbikað í gær.
80%
Málning - fyrir íslenskar aðstæður
Þeir sem til þekkja nota Steinvara 2000 eða Steintex á steinsteypu og
múrverk utanhúss. Íslenskt veðurfar, íslensk vöruþróun, íslensk útimálning.
*Hlutfall málarameistara sem eru í viðskiptum við Málningu hf.
Gunnþórunn Jónsdóttir
gunnthorunn@mbl.is
Heimsmeistaramótið í fótbolta 2010
hefur varla farið fram hjá nokkrum
manni en mótið stendur yfir í fjórar
vikur. Ýmist er fólk yfir sig hrifið af
viðburðinum en aðrir áhugalitlir og
bíða jafnvel spenntir eftir að þessu
ljúki. Ríkisútvarpinu hafa borist
kvartanir, bæði frá þeim sem finnst
vera of mikið um fótbolta í dagskrá
sjónvarpsins og frá þeim sem finnst
vera of lítið um fótbolta. Páll Magn-
ússon, útvarpsstjóri Rúv, segir
kvartanir sem borist hafa vera álíka
margar frá báðum hliðum.
Erfitt er að mæla viðhorf fólks eft-
ir fjölda hringinga til Rúv segir Páll
en samkvæmt fjölmiðlakönnun
Capacent Gallup yfir uppsafnaða
tíðni áhorfs í íslensku sjónvarpi fyrir
síðustu viku kemur í ljós að HM á
sex sæti af tíu vinsælustu dagskrár-
liðunum. Fréttir, sem venjulega eru
ofarlega á lista, detta niður í 9. sæti á
listanum.
„Við hvetjum þá sem finnst ekki
gaman að horfa á þetta til umburð-
arlyndis þessar fjórar vikur á fjög-
urra ára fresti, enda er dagskrá svo
sem ekki mikið riðlað,“ segir Páll.
Dagskráin á Rúv raskast örlítið en
fréttir eru sendar út um klukku-
stund fyrr eða kl. 18:00. Smekkur
fólks er mismunandi og segir Páll að
reynt sé að gera sem best við sem
flesta. Hann telur að best væri mál-
um fyrirkomið ef Rúv væri með sér-
staka íþróttarás til að sýna megnið af
þessum viðburði. „Sjálfsagt munum
við gera það þegar við erum komin í
stafræna dreifingu. Það væri svolítið
sérkennilegt af okkar hálfu að setja
þetta inn á dreifikerfi sem er með
svo takmarkaða útbreiðslu. Það væri
bara lítill hluti af sjónvarpsáhorfend-
um sem næðu sendingu. [Eins] yrði
það rosalega dýrt,“ segir Páll. „En
þegar Rúv verður komið í stafræna
dreifingu sem verður ábyggilega
fyrir næstu heimsmeistara-
keppni, ef út í það er farið, þá
munum við alveg örugglega
sýna megnið af viðburðum á
sérstakri rás“.
Ekki stendur því til að stofna
einhverskonar Rúv-sport-
sjónvarpsstöð enn sem komið
er en það mun líklegast verða
að veruleika í náinni framtíð.
Stórtap frétta fyrir fótbolta
 Með stafrænni dreifingu verður Rúv-sport jafnvel að veruleika fyrir næsta HM
 HM á sex af tíu efstu sætum í áhorfskönnun Gallup og fréttir detta í 9. sætið
1.
2.
3.
4.
5.
6.
7.
8.
9.
10.
HM2010 (England-Bandaríkin) | Sjónvarpið
HM2010 (Brasilía-Fílabeinsströndin) | Sjónvarpið
HM2010 (Frakkland-Úrúgvæ) | Sjónvarpið
Setningartónleikar HM í fótbolta | Sjónvarpið
Landsleikur í handbolta - þri | Sjónvarpið
Lífið (Life) | Sjónvarpið
HM2010 (Argentína-Nígería) | Sjónvarpið
HM2010 (Ítalía-Nýja Sjáland) | Sjónvarpið
Fréttir kl. 19 (meðaltal) | Sjónvarpið
Landsl. í handbolta -mið | Sjónvarpið
55,1%
51,6%
45,0%
41,9%
38,0%
37,3%
35,8%
34,7%
34,4%
33,7%
Uppsafnað áhorf (topp 10)
Jafnréttisstofu hafa á und-
anförnum dögum borist ábend-
ingar og kvartanir vegna skorts
á sýnileika kvenna við lýsingar á
HM í Suður-Afríku. Samkvæmt
þessu virðast karlar vera í aðal-
hlutverki leikskýrenda hér-
lendis og það dæmi er nefnt, að
allir leikskýrendur séu karlar
hjá Rúv.
Páll Magnússon útvarpsstjóri
segist geta tekið undir þetta að
mörgu leyti og vildi hann sjálfur
sjá fleiri konur taka þátt í spjall-
þáttum um leikina. Páll telur
skýringar vera á skorti kvenna í
leikskýringum. Hann segir það
hafa verið vandkvæðum bundið
að fá konur til þess að taka
að sér þetta verkefni. Hann
tekur þó fram að með þess-
um skýringum sé ekki verið
að afsaka málið, en svo
virðist sem erfitt hafi verið
að fá konur í þetta hlut-
verk.
Skortur á
kvenfólki
BOLTALÝSINGAR