Morgunblaðið - 01.07.2010, Blaðsíða 2
2 FréttirINNLENT
MORGUNBLAÐIÐ FIMMTUDAGUR 1. JÚLÍ 2010
Júnímánuður hefur verið ein-
staklega hlýr og það skýrist í dag,
þegar Veðurstofan birtir yfirlit
sitt, hvort hitamet hafi fallið.
Einar Sveinbjörnsson veð-
urfræðingur hefur verið að rýna í
hitatölur og segir að í Stykk-
ishólmi, þar sem mælt hefur verið
samfellt frá 1845, gæti júní mögu-
lega orðið sá hlýjasti. „Ef það fer
svo heyrði það tvímælalaust til
stórtíðinda í veðurfarssögunni,“
segir Einar. Hlýtt var 2007 og eins
árið 2003. Þá fór meðalhitinn í
Hólminum yfir 10°C, sem gerist
ekki oft. Áður gerðist það árin
1941 og 1939.
„Við bíðum spennt“
Sama er með Reykjavíkurhitann
í júní að sögn Einars. Mánaðarmet
kann að verða slegið og hitinn
stefnir í það að fara þó nokkuð yfir
11°C, líkt og gerðist árið 2003.
„Við bíðum spennt yfirferðar
Veðurstofunnar strax eftir mán-
aðamótin,“ segir Einar.
Maí var einnig mjög hlýr í
Reykjavík. Meðalhitinn mældist 8,2
stig og er það 1,9 stigum ofan með-
allags. Ívið hlýrra var í maí 2008,
en þessir tveir maímánuðir eru
þeir hlýjustu frá 1960 í Reykjavík.
sisi@mbl.is
Morgunblaðið/Ernir
Blíða Veðrið hefur leikið við lands-
menn í nýliðnum mánuði.
Júní hefur
verið sér-
lega hlýr
Skýrist í dag hvort
hitamet hafa fallið
Kríuvarpið virðist ekki vera komið langt en er
þó í fullum gangi eins og er samkvæmt upplýs-
ingum Freydísar Vigfúsdóttur, líffræðings hjá
Náttúrufræðistofnun. Hún segir varpið á Snæ-
fellsnesi hafa byrjað seint en þar er hún að vinna
að rannsóknum um þessar mundir. Hún segir
ungana vera að klekjast þessa dagana og verið
sé að mæla þá. Öllu máli skiptir að nóg æti sé til
staðar þegar ungarnir klekjast en það hefur ver-
ið vandamál undanfarið vegna skorts á æti á
mökunartíma og hafa margir ungar drepist úr
hor. Fyrstu dauðu ungarnir hafa nú fundist á
sunnanverðu Snæfellsnesi. Freydís segist ekki
vera bjartsýn en næstu vikur skeri úr um hvort
varpið hafi gengið vel.
Morgunblaðið/Ómar
Skortur á æti oft vandamál fyrir kríur á mökunartíma
Baldur Arnarson
baldura@mbl.is
„Tölur um umsóknir 10. bekk-
inga í grunnskólum liggja fyr-
ir. Í ár sóttu 96,5% nemenda
um skólavist í framhaldsskól-
um og fengu 95% þeirra inni í
skólum í 1. og 2. vali,“ segir
Katrín Jakobsdóttir mennta-
málaráðherra, spurð hvernig
innritunin hafi gengið.
Að sögn Katrínar breytist
hlutfallið lítið á milli ára en
hún leggur áherslu á að bæði
árin hafi árgangarnir úr grunnskólunum verið
óvenjustórir.
Katrín bætir því við að enn sé eftir að afgreiða
umsóknir eldri nemenda um vist í framhalds-
skólum en hún tekur fram að þar sé ekki ein-
ungis um kvöldskóla að ræða. Því liggi þær tölur
ekki fyrir.
Ríflega átta af hverjum
10 fá fyrsta valkost
Katrín segir 82% umsækjenda úr 10. bekk
hafa fengið inni í 1. vali og að nýtt fyrirkomulag,
þar sem búseta hafi aukið vægi, hafi leitt til þess
að fleiri fái inni í hverfisskólum en í fyrra. Þeim
5% nemenda sem ekki fengu inni í 1. og 2. vali
hafi verið boðið upp á vist í öðrum skólum.
„Við teljum að þetta hafi gengið betur fyrir sig
en í fyrra. Við munum yfirfara ferlið og leita
leiða til að bæta það enn frekar fyrir næsta ár.“
Ríflega átta af hverjum tíu
fengu inni í fyrsta valkosti
Fleiri komast í framhaldsskóla í hverfinu sínu en í fyrra Allir fá skólavist
Katrín
Jakobsdóttir
Stórir árgangar
» Af hlutfallslegum fjölda umsókna má
ráða að 4.513 nemendur hafi útskrifast úr
grunnskólum í ár og að þar af hafi 158 ekki
sótt um vist í framhaldsskóla, eða 3,5%.
» Menntamálaráðherra kvaðst ekki hafa
upplýsingar um einkunnaþröskuld ein-
stakra framhaldsskóla á hraðbergi.
» Til þess að komast inn í Verzlunarskól-
ann í fyrra þurfti tæplega 8,5 í með-
aleinkunn.
Á hverjum degi til 3. ágúst í sumar fær
einn dælulykilshafi áfyllinguna endurgreidda.
Sæktu um dælulykil á www.atlantsolia.is
SUMARLEIKUR ATLANTSOLÍU
EINN HEPPINN Á DAG FÆR FRÍA ÁFYLLINGU
ÍS
L
E
N
S
K
A
/S
IA
.I
S
/A
O
L
50
59
6
06
/1
0
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Rannsókn stendur yfir á orsökum sprengingarinnar sem
varð í járnblendiverksmiðju Elkem á Grundartanga að
kvöldi þriðjudags og leiddi til dauða starfsmanns.
Starfsmaðurinn var fluttur mikið slasaður á Landspít-
alann í Fossvogi þar sem hann lést af sárum sínum.
Sprengingin varð í einum ofna verksmiðjunnar og olli
því að maðurinn varð fyrir eldi og málmslettum. Slökkvi-
lið Akraness réð niðurlögum eldsins og stóð vakt eftir
slysið.
Rannsóknin er unnin á vegum Vinnueftirlitsins og lög-
reglu í samvinnu við Elkem. Tveir sérfræðingar á vegum
fyrirtækisins eru komnir hingað til lands frá Noregi
gagngert til að skoða aðstæður. Að auki hefur starfs-
mönnum verksmiðjunnar verið veitt áfallahjálp.
Svæðið þar sem sprengingin varð hefur verið skil-
greint sem hættusvæði og fór engin vinna þar fram í gær.
Ekki er vitað til þess að aðrir starfsmenn hafi verið í
hættu en það er í skoðun.
„Við munum skoða málið alveg frá grunni en þetta er
alvarlegasta slys sem við höfum lent í,“ segir Einar Þor-
steinsson, forstjóri Elkem á Íslandi sem rekur járn-
blendiverksmiðjuna. Hann ítrekaði það að hugur starfs-
manna væri fyrst og fremst hjá aðstandendum hins látna
þessa stundina. Maðurinn sem lést hefði verið vanur og
góður starfsmaður.
Einar segir ítarlegum verkferlum fylgt við rannsókn
slyssins og það sé mikilvægt að komast til botns í málinu.
Koma þurfi í veg fyrir að slys á borð við það sem varð á
þriðjudaginn endurtaki sig. hjaltigeir@mbl.is
Sérfræðingar rannsaka
Maður lést eftir sprengingu
á Grundartanga
Maðurinn sem lést eftir að sprenging varð í ofni járn-
blendiverksmiðju Elkem hét Óskar Stefánsson. Ósk-
ar var þrítugur að aldri, fæddur 3. ágúst 1979 og bú-
settur í Reykjavík. Hann lætur eftir sig dóttur á
þrettánda ári.
Óskar hafði unnið í rúm tvö ár hjá járnblendiverk-
smiðju Elkem, hóf þar störf árið 2008.
Nafn hins látna
ANDLÁT