Morgunblaðið - 01.07.2010, Blaðsíða 14

INNLENT
MORGUNBLAÐIÐ FIMMTUDAGUR 1. JÚLÍ 2010
Anna Sigríður Einarsdóttir
annaei@mbl.is
Töluverður fjöldi íslenskra flug-
manna starfar hjá írska lággjalda-
flugfélaginu Ryanair og flugu tveir
þeirra í gær fyrstu ferð Ryanair til
Watry-flugvallar í nágrenni Disn-
eylands í Frakklandi.
„Við erum um tuttugu íslenskir
flugmenn hér og ég veit að fleiri eru
að bætast í hópinn,“ segir Arnar Már
Baldvinsson, flugstjórinn í ferðinni.
Með honum flaug gamall flugnemi
hans, Jóhann Valdimarsson. „Við
höfum ekki flogið saman í tíu ár,“
segir Arnar Már og kveður gaman
að fá gamla nema til samstarfs.
Lítið er um atvinnu fyrir flug-
menn heima og því hafa margir leit-
að út fyrir landsteinana. „Ryanair á
von á nokkrum hundruðum flugvéla
sem þarf að manna og svo bætast ný-
ir áfangastaðir við í hverjum mán-
uði.“
Arnar Már, sem er í launalausu
leyfi hjá Icelandair, hefur verið hjá
Ryanair í tæp tíu ár. Hann segir
töluvert um að íslenskir flugmenn
hafi samband við sig og leiti upplýs-
inga um flugfélagið. „Mér var sagt
upp á sínum tíma og fór hingað út
2001 og er eiginlega búinn að vera
hjá Ryanair síðan.“
Nokkrir íslensku flugmannanna
störfuðu áður hjá Icelandair eða
Atlanta. Fyrir flesta er þetta hins
vegar fyrsta starfið. „Fólk klárar
þetta dýra nám og hefur svo um fátt
að velja. Sérstaklega sl. tvö ár þegar
Ryanair hefur verið eitt fárra flug-
félaga sem hafa verið að bæta við
fólki.“
Arnar Már segir vinnuálag ekki
meira en hann bjó við heima og
kannast ekki við álagið á starfsfólk
sem lýst var í nýlegri heimildamynd
um Ryanair. „Þetta eru fleiri vinnu-
stundir, en á móti kemur að við
vinnum eftir fastri vaktaáætlun sem
sveiflast lítið og felst í fimm daga
vinnu og svo fjögurra daga fríi.“
Sjálfur fer hann jafnan heim til Ís-
lands í fríunum. „Síðan er ekki verið
að segja fólki upp og það veitir mikið
öryggi.“
Litlar sveiflur og
engar uppsagnir
Reuters
Fjölga fólki Enn er verið að ráða fólk til starfa hjá Ryanair.
 Um 20 íslenskir flugmenn hjá Ryanair og fleiri á leiðinni
Í júnímánuði fengu 54 flugmenn
Icelandair uppsagnarbréf frá flug-
félaginu. Uppsögnin
á að taka gildi
1. sept-
ember
nk.
Eru
þetta
fleiri flug-
menn en sagt
var upp hjá fé-
laginu veturinn 2009-2010.
Stjórn Félags íslenskra atvinnu-
flugmanna hefur lýst undrun sinni
á uppsögnunum, sérstaklega í ljósi
þess að aukning er í áætlunarflugi
hjá Icelandair næsta vetur og jafn-
framt liggi nú þegar fyrir leigu-
flugsverkefni fyrir veturinn sem
lofi góðu.
Taki allar þessar 54 uppsagnir
gildi verða alls 90 flugmenn í upp-
sögn hjá félaginu.
Uppsagnir taki gildi í haust
FÆKKA FLUGMÖNNUM HJÁ ICELANDAIR
Jónas Margeir Ingólfsson
jonasmargeir@mbl.is
Sjötíu og sex manns var sagt upp
af verktakafyrirtækjum nú um
mánaðamótin. Fimmtíu manns
misstu vinnuna hjá Ístaki en tutt-
ugu og sex hjá Eykt.
Páll Daníel Sigurðsson, sviðs-
stjóri framkvæmdasviðs hjá Eykt,
segir fyrirtækið hafa reynt að
halda sínum starfsmönnum í vinnu
en kveður hópinn sem nú missir
vinnuna vera lungann af smiðum
fyrirtækisins. „Þetta er vegna fyr-
irséðs verkefnaskorts. Auðvitað
vonast maður til þess að það taki
að birta til en maður sér ekkert í
stöðunni í dag,“ segir Páll Daníel.
Kolbeinn Kolbeinsson, fram-
kvæmdastjóri Ístaks, segir mán-
aðamótin hafa verið fyrirtækinu
þung. „Við höfum þurft að segja
upp, því miður. Það eru fimmtíu
manns um þetta leyti,“ segir Kol-
beinn sem kveður stöðuna á Ís-
landi í dag erfiða fyrir verktaka-
fyrirtæki.
Staðan verri en búist var við
„Markaðurinn er svo gersamlega
steindauður hér einu og hálfu ári
eftir hrun að við sjáum fram á
þessa stöðu. Við skulum vona að
það breytist,“ segir Kolbeinn sem
vonar að hægt verði að draga upp-
sagnirnar til baka. „Ég sagði það
nú við okkar fólk að ég vonaði að
við þyrftum ekki að standa við þetta
þegar upp væri staðið, að við fengj-
um eitthvað að gera hérna heima.
En þetta er staðan í dag. Það er
ekkert byggt og lítið sem leigist.
Þessi staða er miklu verri en ég gat
ímyndað mér fyrir einu og hálfu ári.
Þetta leggst bara út af hérna
heima, það kemur ekkert nýtt.“
Vonar að draga megi til baka
Kolbeinn kveður fyrirtækið þó
reyna hvað það geti til að halda í
starfsfólkið. „Nú eru einhver
verkefni komin í útboð, þau útboð
verða opnuð í ágúst, vonandi
fáum við eitthvað út úr því. Þá
vænkast okkar hagur, en kannski
fá einhverjir aðrir aðilar það, þá
get ég ekki staðið að þessum hópi
manna sem nú er sagt upp, því
miður. Við reynum að gera allt
sem við getum til að halda í okkar
starfsmenn en þegar við höfum
ekkert í hendi og það er þriggja
mánaða uppsagnarfrestur á mjög
stórum hópi, þá verðum við að
gera það sem við gerum,“ segir
Kolbeinn.
Fjöldauppsagnir hjá
verktakafyrirtækjum
 Sjötíu og sex missa vinnuna vegna mikils verkefnaskorts
50
uppsagnir hjá ÍSTAK.
26
uppsagnir hjá Eykt.
‹ UPPSAGNIR Í JÚLÍ ›
»
Morgunblaðið/RAX
Verkefnaskortur Mörgum smiðum
var sagt upp en lítið er um verkefni.