Morgunblaðið - 01.07.2010, Blaðsíða 32
32 MenningFRÉTTIR
MORGUNBLAÐIÐ FIMMTUDAGUR 1. JÚLÍ 2010
Ensk-franska sveitin The Fancy
Toys, Ragnheiður Gröndal söng-
kona og Guðmundur Pétursson
gítarleikari efna til fernra tón-
leika á Norðurlandi og í Reykjavík
daga 7.-10. júlí. Með í för verða
kvikmyndatökumenn sem hyggjast
gera heimildarmynd um Íslands-
ferðina. Þetta fjölþjóðlega sam-
starf hefur vakið athygli í Bret-
landi en það þykir afar
áhugaverður tónlistarkokkteill
enskra, franskra og íslenskra
áhrifa. Tónleikaferðalagið hefst á
Græna hattinum á Akureyri 7. júlí
og lýkur í Reykavík hinn 10. á
Kaffi Rósenberg.
Halda tónleika á Norð-
urlandi og í Reykavík
Fólk
Gamalkunna hljómsveitin Kolrassa krókr-
íðandi kemur saman eftir margra ára hlé á
rokkhátíðinni Eistnaflugi í Neskaupstað dag-
ana 8.-10. júlí. Söngkona hljómsveitarinnar,
Elíza Geirsdóttir Newman, er nýkomin til
landsins en hún er nú búsett í Lundúnum.
„Við ætlum að prófa þetta og athuga hvern-
ig stemningin er. Það eru örugglega tíu ár síð-
an við komum síðast saman. Það verður gam-
an að sjá hvort kemestríið er þarna ennþá eða
hvort við förum strax að rífast,“ segir Elíza og
hlær.
„Við erum að fara að æfa núna. Ég er búin
að vera með þetta á ipodinum mínum á repeat.
Þetta er allt geymt ofan í skúffu einhvers stað-
ar, en er að rifjast upp.“
Að sögn Elízu mun hljómsveitin spila lög af
þremur fyrstu plötunum, Drápu, Kynjasögum
og Köld eru kvennaráð.
„Við tökum þetta bara í sumarfríinu, sem
gerir þetta skemmtilegra,“ segir Elíza og slær
á létta srengi: „Þeir sem þora að koma á
Eistnaflug munu ekki sjá eftir því.“
Elíza heldur tónleika ásamt tónlistarmann-
inum og upptökustjóranum Gísla Kristjánssyni
og hljómsveitinni Of Monsters and Men á Kaffi
Rósenberg í kvöld kl. 20. Þar mun hún flytja
lög af plötu sinni Pie in the Sky ásamt því að
taka slagarann „Eyjafjallajökull“ sem vakti
heimsathygli fyrir skömmu. Elísa segir að hún
muni einnig dusta rykið af enn eldri slögurum
ef stuðverður fyrir því. hugrun@mbl.is
Kolrassa krókríðandi snýr aftur
Kolrassa 18 ára gömul mynd af sveitinni.
Einn af þekktari hönnuðum
Dana um þessar mundir, Henrik
Vibskov, snýr aftur á Seyðisfjörð
í sumar og stýrir listasmiðju á
listahátíðinni LungA sem haldin er
dagana 12.-18. júlí, en hann stýrði
svipuðu verkefni á hátíðinni í
fyrra. Smiðjan mun þó ekki bara
snúast um fatahönnun. Vibskov er
einnig þekktur fyrir hönnun sína,
innsetningar, myndlist og tónlist,
en hann er partur af tónleika-
hljómsveitinni Trentemøller ásamt
Anders Trentemøller og Mikael
Simpson.
Henrik Vibskov snýr
aftur á LungA
Í maí síðastliðnum hélt hin sí-
vinsæla hljómsveit Mannakorn
tvenna tónleika í Háskólabíói.
Skemmst er frá því að segja að
uppselt var á hvora tveggja tón-
leikana og komust færri að en
vildu. Vegna fjölda áskorana hefur
verið ákveðið að endurtaka leikinn
með öðrum tónleikum í Há-
skólabíói laugardaginn 16. október
þar sem farið verður yfir feril
hljómsveitarinnar. Í aðalhlutverki
verða að vanda þeir Magnús Ei-
ríksson og Pálmi Gunnarsson, sem
hafa verið kjölfestan í bandinu frá
stofnun þess og þeim til halds og
trausts verður sami hópur og spil-
aði í maí, þar á meðal söngkonan
Ellen Kristjánsdóttir.
Almenn miðasala hefst í dag kl.
10 á Miði.is og öllum sölustöðum
Miði.is. Miðaverð er 4.400 kr. og
eingöngu verður selt í númeruð
sæti. Aðeins 900 miðar eru í boðið.
Miðasala hafin á tón-
leika Mannakorns
Arnar Eggert Thoroddsen
arnart@mbl.is
Það er að sönnu fengur að hing-
aðkomu sveitarinnar Spiritualized
sem leidd er af Jason nokkrum
Pierce, en hún er aðalnúmerið á tón-
leikunum sem fram fara í Hljóm-
skálagarðinum í Reykjavík í kvöld
að undirlagi Inspired by Iceland
átaksins. Spiritualized mun koma
fram ásamt tveimur strengjakvar-
tettum, þ. á m. hinum íslenska Ami-
ina.
Hvar eru norðurljósin?
Sveitin var stofnuð fyrir tuttugu
árum síðan og snerist fljótlega upp í
að verða eins manns verkefni Pierce
sem fær til sín tilfallandi aðstoð-
armenn. Pierce var áður í rokksveit-
inni Spacemen 3, einni áhrifaríkustu
neðanjarðarsveit Bretlands á níunda
áratugnum og hafði hún mikil áhrif á
skóglápssenuna svokölluðu sem
samanstóð af hljómsveitum eins og
My Bloody Valentine, Ride og Chap-
terhouse.
Meistaraverk Spiritualized er
platan Ladies and Gentlemen We
Are Floating in Space (1997) og er
sveitin í dag ein helsta költsveit
Bretlandseyja, tónlistarnerðir bíða
jafnan óþreyjufullir eftir fréttum af
næstu skrefum Pierce sem hefur á
undanförnum árum haldið til-
komumikla tónleika með sveit sinni
á forvitnilegustu stöðum, m.a. uppi á
toppi tvíburaturnanna og á norð-
urpólnum.
„Við komum hingað fyrir tveimur
árum síðan til að gera myndband
með TrueNorth,“ segir Pierce, of-
ursvalri og letilegri röddu. „Við
komum á tengingum og eignuðumst
vini en það gekk hins vegar illa að
bóka fyrir okkur tónleika.“
Aðspurður um hughrifin við það
að sjá Ísland í fyrsta skipti poppar
upp kunnuglegt – en ánægjulegt –
svar.
„Það er ótrúlega fallegt hérna er
það ekki?“ segir hann eins og ekkert
sé sjálfsagðara. „Þegar maður er að
ferðast getur maður verið staddur í
fallegustu borg heims en samt verið
inni á hóteli allan tímann vegna tón-
leikaskuldbindinga. Þegar ég var
hérna síðast hafði ég hins vegar
tækifæri til að drekka í mig feg-
urðina; horfa á norðurljósin o.sfrv.
Við komum reyndar með það að
markmiði að elta þau uppi og þau
birtust okkur svo loksins síðasta
daginn.“
Pierce hlær við þegar hann er
spurður að því hvort hann líti á sig
sem nokkurs konar ambassador fyr-
ir ímynd Íslands, en Inspired by Ice-
land átakið var sett í gang til að
bæta hana …
Ný plata í smíðum
„Já, þú segir nokkuð …nei, ég get
ekki sagt að ég líti á mig sem ein-
hvern sendiherra. En mér finnst
landið virkilega fallegt. Það er eitt-
hvað mjög dularfullt við það, það er
eins og maður geti týnst út um allt
hérna.“
Pierce læðir því að lokum til
blaðamanns að ný plata sé í smíðum,
en sú síðasta, Songs In A&E, kom út
fyrir tveimur árum síðan.
„Ég er að hljóðrita um þessar
mundir,“ segir hann. „Þetta er dálít-
ið skrítið, því að venjulega loka ég
mig af þegar ég er að búa til plötur.
En ég gerði undantekningu vegna
þessara mjög svo sérstöku tónleika.
Við erum með ágætis vinatengsl til
Íslands og í mínum huga var ekki
fræðilegur möguleiki á því að bakka
út úr þessu.“
Enginn ambassador Jason Pierce, leiðtogi Spiritualized, er hrifinn af Íslandi og finnst landið virkilega fallegt.
Dagskráin fyrir þennan einstaka
viðburð er fýsileg í meira lagi.
Sjálfir tónleikarnir verða haldnir í
Hljómskálagarðinum í Reykjavík
og verða þeir sendir út beint á net-
inu í bland við myndskeið sem tek-
in hafa verið sérstaklega upp fyrir
viðburðinn, með íslenskum og er-
lendum tónlistarmönnum í ís-
lenskri náttúru.
Í Hljómskálagarðinum spila
Amiina, Damien Rice, Dikta, Glen
Hansard, Hafdís Huld, Hilmar Örn
Hilmarsson, Steindór Andersen og
Páll á Húsafelli, Lay Low, Mammút,
Parabólur, Pondus, Seabear og
Spiritualized: AcousticMainlines. Í
netútsendingu verða For a Minor
Reflection, Gus Gus, Hjaltalín og
Retro Stefson.
Tónleikarnir eru öllum opnir og
ókeypis og eru Íslendingar hvattir
til að fjölmenna á þá. Dagskráin
hefst klukkan 20 í kvöld og stend-
ur til 23.
Mikill áhugi er á þessum tón-
leikum eins og sjá má á Fésbókar-
svæði átaksins sem og á Tíst-síðu
hennar. Útlendingar virðast ætla
að sækja tónleikana í nokkrum
mæli og er fólk að melda sig sam-
an á netinu hvað bílfar og annað
varðar.
DAGSKRÁIN
Damien Rice
Að draga inn fegurðina
Spiritualized eru aðalnúmerið á tónleikum Inspired by Iceland „Ég er eng-
inn ambassador,“ segir Jason Pierce, „en landið er alveg afskaplega fallegt“
Íslendingar og Íslandsvinir