Fréttablaðið - 06.10.2011, Blaðsíða 34

6. október 2
Kynning - auglýsing
Óhætt er að segja að rómantíkin hafi svifið yfir
vötnum þegar vor- og sumarlína Valentino var sýnd
í Parísarborg í vikunni. Klassískar pífur og blúndur
voru áberandi í bland við blómamynstur og ljúfa liti.
Fatamarkaðurinn var opnaður í desember á síðasta ári í kjallara á Laugavegi 118 og hefur fengið góðar móttökur frá upphafi. Agnes Björt Andradóttir, sem
situr vaktina í Fatamarkaði Spúútnik, segist finna fyrir
mikilli ánægju meðal viðskiptavina.
„Margir koma til mín og segja að það hafi vantað versl-
un með ódýr föt fyrir þemapartí, þemaböll og aðrar slík-
ar samkomur. Aðrir gleðjast yfir því að geta fundið
notaðan tískufatnað á verði sem þekkist ekki nema á
flóamörkuðum.“
Breiður hópur viðskiptavina sækir verslunina, útlend-
ingar jafnt sem Íslendingar og fólk á öllum aldri.
„Við höfum líka eitthvað fyrir alla. Við erum með diskó-
kjóla, jólavesti, kúrekastígvél og bara föt frá öllum tíma-
bilum á góðu verði. Ekkert kostar yfir 5.000 krónum, allir
kjólar eru á 3.000 krónur, töskur á 1.500 krónur, bakpokar
á 2.000 krónur, hlýjar vetrarpeysur á 2.500 krónur og vesti
á 500 krónur.“
Góður andi ríkir í versluninni og gleðst fólk þegar það
kemur inn í þennan ævintýralega kjallara á móti Hlemmi.
„Þú sérð í augunum á fólkinu að það er að koma inn í
einhverja fjársjóðskistu,“ segir Agnes og bætir við að fólk
gleymi sér í versluninni og margir missi af strætó. Það er
ekki að furða enda mikið úrval fatnaðar fyrir bæði kynin.
Agnes getur þess að sérstök deild fyrir karlmenn sé í versl-
uninni og er stefnt á að stækka hana á næstunni.
Aðstandendur kvikmynda og leiksýninga hafa tekið
búningamarkaðnum fagnandi. Einnig hafa komið hingað
stórir hópar í leit að búningum fyrir þemaböll í skólum
svo sem hiphop-böll og diskóböll.
„Hið þekkta 85‘ ball í Menntaskólanum í Sund er á
næsta leiti og við erum sko með nóg af fötum í þeim anda,
bæði fyrir vikuna og ballið.“
Nýjar vörur eru settar fram daglega á þennan litskrúð-
uga fatamarkað sem er opinn alla daga nema sunnudaga
frá klukkan 12 til 18.
Agnes veitir fólki iðulega hjálp við að setja saman búning fyrir ýmis þemapartí og böll. MYND/STEFÁN
Gamlar gersemar fyrir
þemapartí og tískudrósir
Fatamarkaður Spúútnik á Laugavegi 118 hefur til sölu notaðan tískufatnað á frábæru verði. Þar finnur
þú búning fyrir þemaveisluna eða grefur upp gamlar gersemar líkt og á erlendum flóamarkaði.
Notaður tískufatn-
aður á frábæru verði
er til sölu í þessum
ævintýralega kjall-
ara á móti Hlemmi.
Óskar Jónasson kvikmyndagerðarmaður var sex ára þegar
hann var fyrst sendur sumarlangt í sveit og eyddi þar næstu tíu
sumrum.
„Í sveitinni lærði ég fléttur af stórum krakkahópi sem fléttaði
bæði föx og tögl hestanna á bænum,“ segir Óskar þar sem
hann fléttar í fyrsta sinn dæturnar Júlíu 8 ára og Sigrúnu á sjötta
afmælisdegi hennar.
„Stelpurnar eru svo hársárar að ég hef látið eiga sig að grúska
í hári þeirra. Nú kemur í ljós að ég hef engu gleymt og útkoman
bara ágæt,“ segir hann ánægður og dæturnar einnig með pabba
sinn.
„Mig langar að geta fléttað betur því vinur minn er afar klár í
hári og greiðir dætrum sínum í bak og fyrir með föstum fléttum og
fleiru sem mér þykir öfundsvert,“ segir Óskar og leggur lokahönd á
gamladags, fallegar fléttur sem hann batt saman út frá tagli.
„Sem einstæður faðir þarf ég að vera húsbóndi og húsmóðir
og kunna ýmislegt fyrir mér. Fléttur eru margslungnar eins og ég
komst að þegar ég myndskreytti barnabókina okkar Evu Maríu, en
þá þurfti ég að biðja Matthildi dóttur okkar að flétta sig og skoðaði
fléttuna með nákvæmni til að finna út stærðfræðina í munstrinu.
Síðan horfi ég mikið á fléttaðar konur.“ - þlg
Hér fléttar Óskar Sigrúnu. Hann segir mæður oftast sjá um hár dætra
sinna en að feður hafi jafngott og gaman af því, enda notaleg sam-
verustund sem fylgi fléttingum. Í baksýn er Júlía. FRÉTTABLAÐIÐ/ANTON
Feður með
fima fingur
Tækniskólinn stendur fyrir námskeiði um helgina þar sem
feðrum er kennt að binda í hárið á dætrunum. En er virkilega
þörf á? Fréttablaðið kannaði hversu vel að sér pabbar eru í
þessum framandi fræðum.
Gunnar Hansson leikari hefur langa reynslu í hár-
greiðslu dætra sinna og segir takmarkið að ná því
að gera fastafléttu.
„Ég á dóttur sem er að verða átján ára og er
mikill fullkomnunarsinni,“ segir Gunnar. „Þegar
hún var lítil hikaði hún ekki við að rífa teygjuna úr
ef henni líkaði ekki útkoman. Og ég mátti gjöra
svo vel að byrja upp á nýtt. Oft þurfti margar til-
raunir og þetta reyndi mikið á þolinmæðina. En ég
lærði af þessu og var orðinn bara nokkuð góður
hárgreiðslumaður.“
Yngri dóttirin, Emilía Álfsól, er þriggja ára og ekki
orðin það síðhærð að hægt sé að flétta, en Gunnar
segir ekki síður vandasamt að greiða svona stutt
hár. „Ég kann ekki alveg nógu vel á þessa sídd.
En þetta er að koma og ég er spenntur að fá að
spreyta mig aftur á hárgreiðslunni.“ - fsb
Takmarkið er að læra að
gera fastafléttu
Ekki er síður vandasamt að greiða stutt hár segir
Gunnar. Emilía Álfsól lætur sér fátt um finnast.
FRÉTTABLAÐIÐ/STEFÁN
Fléttaði hesta í sveitinni
Feðgin á góðri
stundu.
Æfingin skapar meistarann
Sverrir Þór Sverrisson, betur þekktur sem Sveppi, þarf oft að leysa
flókin verkefni. Hann virtist þó ekki eiga í teljanlegum vandræðum
með að flétta dóttur sína, hana Þórdísi Kötlu 8 ára.
„Þetta var kannski ekkert sérstaklega vel gert þar sem þetta hefur
verið svolítið í verkahring móðurinnar. Mér veitti greinilega ekkert af
smá æfingu. Maður verður að taka viljann fyrir verkið. Annars er bara
best að kenna börnunum þetta sjálfum
snemma. Þá þarf maður ekki að
standa í því að búa til fléttur alla
daga,“ sagði hann
léttur í lund en sú
stutta skemmti
sér konunglega
yfir öllu saman.