Fréttablaðið - 06.10.2011, Blaðsíða 45

KYNNING − AUGLÝSING úlpur6. OKTÓBER 2011 FIMMTUDAGUR 3
Súperstjarnan okkar þessa dag-ana er Snæfell,“ segir Hjördís María Ólafsdóttir, verkefna-
stjóri 66°Norður, og sýnir vatnsheld-
an, ófóðraðan öndunarjakka, f lík
sem flokkast sem skel og hægt er að
nota við ólíkar aðstæður. „Við höfum
unnið tvenn mjög virt verðlaun fyrir
Snæfellið á þessu ári, annars vegar
Scandinavian Out door Award sem
norrænu útivistar merkin taka þátt í
og hins vegar ISPO Outdoor Award
sem eru ein virtustu útivistarfata-
verðlaun í Evrópu. Þar unnum við
alla stóru risana á markaðinum og
erum stolt af.“
Jakkinn Snæfell er úr nýju efni
sem heitir NeoShell. „Efnið er með
mikla vatnsheldni (10.000 mm)
en andar samt einstaklega vel og
hefur marga af kostum svokall-
aðra softshell-jakka,“ segir Hjördís
María og tekur fram að jakkinn sé
með skjólgóðri hettu sem fylgi vel
hreyfingum höfuðsins og hindri
aldrei sýn.
„Við munum sérframleiða þenn-
an jakka fyrir Slysavarna félagið
Landsbjörg í litum þess. Okkur
finnst mikill heiður að Landsbjörg
hafi valið Snæfell í sína vörulínu,“
segir hún og tekur fram að fjögurra
ára hönnunar- og þróunarferli liggi
að baki jakkanum. „Þetta er ekkert
sem er hrist fram úr erminni – en
vinnan og metnaðurinn skilar sér,“
segir hún og snýr sér að úlpunum.
Laki heitir ein glæný, stutt dún-
úlpa með hettu og skinnkanti. Hún
er úr mjúku og lipru efni, með 90/10
dúnblöndu sem þýðir að fyllingin
í henni er 90% dúnn og 10% fjaðr-
ir. „Þetta er þægileg úlpa í skólann
og hvað sem er,“ segir Hjördís María
sannfærandi. „Þegar maður er kom-
inn í hana vill maður helst ekki fara
úr henni, hún er svo mjúk.“
Tindur heitir önnur ný dúnúlpa.
Hún er aðeins meiri fjallaf lík en
Laki, úr þykkara efni og fyllt með
gæsadúnblöndu og með snjóhlíf að
innanverðu sem kemur í veg fyrir
að snjór komist innanundir úlp-
una. „Tindur er með klassísku dún-
úlpusniði en með ákveðnum atrið-
um sem minna á fyrri tíð, hún er til
dæmis með gamla sjóara lógóinu
okkar og dragböndin í hettunni eru
með leðurstillingu en ekki plast-
klemmu,“ útskýrir Hjördís María.
Langjökull er aðeins meiri innan-
bæjarflík en Tindur. Þetta eru hlýir,
léttir og mjúkir hettulausir jakkar
fyrir dömur og herra með fyllingu
sem heitir PrimaLoft. „Primaloft
er mjög sniðugt gerviefni, upphaf-
lega hannað fyrir svefnpoka, þunnt
en hlýtt og létt,“ lýsir Hjördís María.
„Þetta er flík sem hægt er að nota allt
frá því að ganga niður Laugaveginn í
það að ganga á Hnúkinn. Við höfum
verið með þessa jakka í léttu, glans-
andi efni í tvö ár og dömu jakkarnir
eru enn þannig en nú eru herrajakk-
arnir komnir í nýtt ullarb landað
efni. Þeir eru til í tveimur litum, ljós-
gráum og svörtum en þeir klassísku
eru dökkbláir og svartir.“
Esja kemur næst til sögunnar.
Esja er lík úlpu sem heitir Þórsmörk
og margir eiga, nema hvað þessi er
góður kostur fyrir þá sem hvorki
vilja dún né skinn. „Einangrunin
í Esju er gerviskinn, mjúkt, þægi-
legt og hlýtt. Við höfum notað
það í húfur. Það er bæði í kantin-
um og hettunni á Esju,“ segir Hjör-
dís María og tekur fram að úlpan
sé væntanleg í verslanir fljótlega.
Úlpan Arnarhóll er hluti af línu
sem heitir 66°N og byggð er á arf-
leifð fyrirtækisins. 66°Norður er í
grunninn 85 ára gamalt fyrirtæki
með góða sögu í gerð skjól fatnaðar.
„Arnarhóll er endurgerð og ný út-
færsla á úlpu sem var gríðarlega
vinsæl fyrir 40 árum. Hún var með
gæru en nýja útgáfan er með flís
sem lítur út eins og gæra og hægt er
að smella úr,“ segir Hjördís María.
Hún segir 66°Norður hafa fengið
gamla VÍR-úlpu frá Veður stofunni
sem var þar í notkun og hafði verið
í 40 ár. „Þeir sem lásu á mælana
smeygðu sér alltaf í hana rétt á
meðan þeir hlupu út. Við skiptum
við þá og létum þá fá nýja og fína
úlpu en notuðum þá gömlu við
hönnunarferlið á þessari. Henni
hefur verið mjög vel tekið og það er
skemmtilegt.“
Unnu alla stóru risana
Allar útivistarvörur fyrirtækisins 66°Norður fyrir fullorðna heita eftir örnefnum á Íslandi.
Nýjar yfirhafnir þar núna eru m.a. Snæfell, Laki, Tindur, Langjökull, Esja og Arnarhóll.
„Við erum að fá inn mikið af nýjum vörum í verslanirnar og núna eru úlpurnar áberandi,“
segir Hjördís María. MYND/STEFÁN
Léttar, mjúkar og
hlýjar eru þær úlpurnar í
66°Norður.
Arnarhóll er
ný úlpa en
kunnugleg
mörgum.
Snæfell,
verðlaunajakki
sem hentar við
margvíslegar
aðstæður.
Tindur sækir smáatriði í
fortíðina, svo sem sjóara-
lógó á ermi og leður á
hettuböndunum.
Esja er góður kostur
fyrir þá sem vilja hlýja
flík sem ekki er með
dúnfyllingu.
Laki heitir
þessi dúnúlpa,
sem er úr afar
lipru efni.
Langjökull er mættur
á svæðið með ullar-
blönduðu ytra byrði.