Fréttablaðið - 10.11.2011, Síða 44

4 •
Heyrnarskerðing er varanleg.
Verndaðu heyrnina á meðan þú hefur hana.
Tónlistarfólk notar heyrnarsíur sem dempa
hávaða án þess að valda bjögun á hljómgæðum.
Bjóðum fjölbreytt úrval af heyrnarsíum.
Allt frá stöðluðum upp í sérsmíðaðar.
Hávaði skaðar heyrnina
Hlíðasmára 11 - Kópavogi - 534-9600www.heyrn.is
POPPSKÚRINN
Horfðu á Lay
Low flytja
lög af nýju
plötunni í
Poppskúrnum
á Vísi.is.
„Ég held það sé hægt að heyra hvar
ég er stödd á ferlinum með því að
hlusta á plöturnar mínar í röð. Ég
hef þróast mikið sem tónlistarmaður.
Kannski er hægt að tala um þroska
en ég held að þetta sé líka reynslan
af þessum heimi. Þegar ég gerði
fyrstu plötuna mína vissi ég ekkert
hvað ég var að gera og var í raun
að gera allt í fyrsta sinn. Þá snerist
þetta um að ná einhverjum fíling og
við tókum flest lögin í einni töku til
að fanga hann. Á annarri plötunni var
ég með tónlistarmenn sem mættu
í stúdíóið og spiluðu inn á plötuna
með mér. Nýja platan var einhvern
veginn allt öðruvísi ferli, því ég var
bara að dunda mér og liggja yfir
lögunum. Ég spilaði allan gítarinn
sjálf og tók miklu meiri þátt í allri
pródúseringunni, sem var ótrúlega
skemmtilegt.“
Á Brostnum streng er aðeins einn
texti eftir Lovísu sjálfa en hinir eru
allir ljóð eftir íslensk kvenskáld.
Lovísa lagðist í mikla rannsóknar-
vinnu og las í gegnum ótal ljóða-
bækur til að finna réttu ljóðin, þau
sem hún gat tengt við.
„Þetta var allt mjög nýtt fyrir mér,
ég vissi ekki mikið hvað ég var að fara
út í og var ekki mikill ljóðagrúskari.
Upphaflega lagði ég ekkert upp með
að velja bara ljóð eftir konur, en
það vildi svo til að ég byrjaði á því
að lesa kvenskáldin og svo fannst
mér ég ná rosalega góðri tengingu
við þau. Öll ljóðin sem ég valdi áttu
það sameiginlegt að mér fannst
þau snerta við einhverju hjá mér
og mér fannst ég get notað þau til
að tjá mínar tilfinningar með orðum
annarra kvenna.“
Lovísa segir þessa leið líka hafa
verið tilvalda, því hana hafi langað til
að gera plötu á íslensku en alltaf átt
í basli með að skrifa íslenska texta.
„Það var líka svolítil áskorun að fara
þessa leið. Þegar ég geri mín eigin
lög og texta þarf ég aldrei að vinna
í því að ná tengingu við textann af
því að að þá er þetta eitthvað sem
ég hef að segja. Þarna þurfti ég
aðeins meira að leggjast yfir það
og pæla þannig að þetta væri ekki
bara þannig að ég væri að syngja
texta eftir einhvern annan og það
væri engin tilfinning á bak við það.“
Lovísa er búin að vera afkastamikil
á síðustu árum og hefur alls ekki í
hyggju að slaka á. Hún er í þann
veginn að leggja upp í tónleika-
hringferð um landið til að fylgja
plötunni eftir, fyrstu tónleikarnir
verða í Vestmannaeyjum á laugar-
daginn. Hún segist hlakka mikið
til að ferðast um landið og spila á
stöðum sem hún hefur ekki heimsótt
áður. „Ég bjó til dæmis á Selfossi
og ég held ég hafi aldrei spilað þar,
ég gæti samt verið að ljúga. Maður
veit ekkert hvort fólk mætir en við
erum allavega sex í bandinu þannig
að það er ágætis hópur. Við getum
þá verið bara ein á sviðinu.“
Lovísa eyddi stórum hluta síðustu
þriggja ára á tónleikaferðalagi með
Emilíönu Torrini og þekkir því orðið
allar gerðir af tónleikahaldi. „Þetta
var ótrúleg reynsla. Við fórum í tvo
Evróputúra og spiluðum í Banda-
ríkjunum, Ástralíu og Japan. Fyrir mig
sem var búin að spila eitt og eitt gigg
hér og þar var þetta alveg massíft.
Við fengum líka mjög góðar viðtökur,
ég held að aðdáendur Emilíönu séu
rosalega almennilegt fólk. Þau voru
öll mjög indæl við mig sem þau
þekktu ekki neitt og var eitthvað að
gaula þarna á undan henni.“
Þó svo að Lovísa hafi viljað gera
alíslenska plötu útilokar hún alls
ekki að hún muni halda áfram að
reyna fyrir sér erlendis. Hugurinn
er nefnilega strax farinn að leita til
næstu plötu, sem hún vonast til að
geta byrjað að taka upp strax eftir
áramót. „Mér finnst algjör forréttindi
að fá að gera það sem ég geri, þetta
er svo ótrúlega gaman. Ég hugsa að
mig langi bara að nota tækifærið á
meðan ég kemst upp með það að
vera í þessum heimi.“
FORRÉTTINDI AÐ
BÚA TIL TÓNLIST
Lovísa Elísabet Sigrúnardóttir vann hug og
hjörtu íslensku þjóðarinnar í fyrsta sinn sem
hún plokkaði gítarinn og opnaði munninn
undir nafninu Lay Low. Síðan eru liðin fimm
ár og mikið vatn hefur runnið til sjávar.
Lovísa hefur gefið út þrjár sólóplötur, farið
í tónleikaferð um heiminn, leikið í kvikmynd
og samið tónlist fyrir bæði leikrit og kvik-
myndir. Reynslan leynir sér ekki á nýrri plötu
hennar, Brostnum streng, sem er mun marg-
slungnari en forverar hennar.
ÚTGÁFUTÓNLEIKAR Í FRÍKIRKJUNNI
„ÉG VERÐ MEÐ ÚTGÁFUTÓNLEIKA 18. NÓVEMBER Í FRÍKIRKJUNNI.
ÞETTA ER Í ÞRIÐJA SINN SEM ÉG HELD ÚTGÁFUTÓNLEIKANA ÞAR
EN ÉG MAN EKKERT EFTIR SÍÐUSTU TVEIMUR. Í FYRRA SKIPTIÐ
STAFAÐI MINNISLEYSIÐ AF STRESSI OG Í SEINNA SKIPTIÐ VAR ÉG
FÁRVEIK.” MIÐASALA FER FRAM Á MIDI.IS.
Lay Low ætlar að ferðast
um Ísland og spila eins lengi
og veður og færð leyfa. Hér
er hún ásamt hljómsveitinni
sinni glæsilegu.
LAY LOW
FLYTUR
PLEASE DON'T HATE ME
OG FLEIRI LÖG
Í POPPSKÚRNUM
Á VÍSI.IS