Fréttablaðið - 10.11.2011, Qupperneq 72

10. nóvember 2011 FIMMTUDAGUR56
folk@frettabladid.is
mini

Ny
r og
skemm
tilegu
r
va
lkostu
r

*Pantanir þurfa að berast
fyrir 15:00 daginn áður
Nú bjóðum við okkar frábæru pítur sem smárétti fyrir
öll stór og smá tilefni. Mini píturnar eru afgreiddar á
hentugum bökkum í þremur útfærslum*
Klassík: Buff, kjúklingabringa,
grænmeti, lamb og beikon
Exótík: Sjávarréttir, lax,
kalkún-beikon og kebab
Mix: Roastbeef, buff,
skinka og kjúklingalundir
Skipholti 50 C
Pöntunarsími: 562 9090
www.pitan.is
2.990.-
12 mini pítur
klassí
k

mix
exótí
k
kíló hefur söngkonan Mariah Carey losað sig við síðan hún eignaðist tvíburana sína,
Moroccan og Monroe, fyrir sex mánuðum. Carey er í skýjunum yfir að vera komin aftur í
kjörþyngd en því lýsti hún yfir í viðtalsþættinum The Rosie Show á dögunum.
32
Elísabet Olka myndlistar-
kona hélt sína fyrstu einka-
sýningu í Kaupmannahöfn
um helgina og vakti mikla
athygli. Elísabet hefur verið
búsett í Danmörku í fimm
ár og segir það auðveldara
fyrir listamenn að koma
heim og sýna ef þeir hafa
þegar fengið viðurkenning
ytra.
„Það komu miklu fleiri en ég
hefði nokkurn tíma trúað og
þetta heppnaðist mjög vel,“ segir
myndalistarkonan Elísabet Olka,
sem opnaði sína fyrstu einkasýn-
ingu á Vesturbrú í Kaupmanna-
höfn um helgina.
Elísabet hefur verið búsett í
Danmörku ásamt tveimur börn-
um og manni undanfarin fimm
ár. Hún er menntuð frá Listahá-
skólanum og fór í smíða- og
myndlistarkennaranám úti. „Ég
lærði smíðakennarann hérna
úti en hef verið að sinna mynd-
listinni síðan ég útskrifaðist
og gengið mjög vel. Ég á samt
örugglega eftir að nýta mér
kennsluréttindin síðar,“ segir
Elísabet sem sýnir bæði málverk
og skúlptúra eða eins konar þrí-
víddarmálverk á þessari sýningu.
Efniviðinn í listaverkin sín
hefur Elísabet fundið á víð og
dreif um borgina en í Kaup-
mannahöfn tíðkast það að setja
hluti út á götu sem eigandinn
hefur ekki not fyrir lengur. „Ég
er alltaf með augun opin fyrir
skemmtilegum hlutum sem ég
get notað og er þekkt fyrir að
draga með mér gamla stóla heim
af djamminu. Það er ekki alltaf
vinsælt meðal heimilisfólksins,“
segir Elísabet hlæjandi en það
er henni hugleikið að koma verð-
lausum hlutum aftur í umferð og
gefa þeim nýtt líf.
„Ég var tilbúin með svo mörg
verk sem mig langaði að koma
frá mér og hef þegar selt fimm
verk,“ segir Elísabet en það er
ansi gott fyrir ungan listamann
á sinni fyrstu sýningu. „Það er
þekkt að maður fer ekki að selja
nein verk fyrr en kynslóðin sem
maður er af fer að eignast pen-
inga og tíma að eyða honum í list,
en ég er greinilega að komast á
þann aldur.“
Elísabet stefnir á að koma heim
með sýninguna á næstunni og
viðurkennir að það er auðveld-
ara fyrir listafólk að koma heim
og halda sýningu ef það hefur
fengið viðurkenningu ytra. „Ég
stefni á að koma heim og kynna
afraksturinn fyrir Íslendingum í
bráð en af einhverjum ástæðum
er það auðveldara að sýna heima
ef manni hefur gengið vel úti.“
Þeir sem eru staddir í Kaup-
mannahöfn og vilja berja sýningu
Elísabetar augum geta komið við
í Vesterbro Showroom VESS á
Oehlenschlægersgade 36 næstu
tvær vikurnar.
alfrun@frettabladid.is
Listakona tekur gamla stóla
með sér heim af djamminu
ÁNÆGÐ MEÐ AFRAKSTURINN Elísabet
Olka er í skýjunum yfir sinni fyrstu
einkasýningu í Kaupmannahöfn en hún
sýnir bæði málverk og skúlptúra eða eins
konar þrívíddarlist.
FLOTTIR LITIR Verk úr sýningu Elísabetar
en miðjan í verkunum á þessari sýningu
er táknið og fígúran, og hugmyndin er að
túlka innri átök sem við sköpum okkur
sjálf við ýmsar aðstæður.
Breska söngkonan Adele nær
sér að fullu eftir aðgerð sem hún
gekkst undir á raddböndum. Söng-
konan hefur verið í vandræðum
með röddina um hríð en í haust
var ástandið orðið svo slæmt að
hún þurfti að fresta öllum tónleik-
um út árið og fara í aðgerð til að
bjarga ferlinum.
Adele gekkst undir aðgerð hjá
sérfræðingum í Boston fyrr í vik-
unni sem segja aðgerðina hafa
heppnast vel og að ekki líði á löngu
þangað til söngkonan geti staðið á
sviði á ný.
Adele nær fullum
bata eftir aðgerðina
NÆR FULLUM BATA Adele getur staðið
á sviði á ný eftir aðgerð á raddböndum
sem gekk vel.
NORDICPHOTOS/GETTY
George Clooney er ein skærasta kvikmyndastjarna
heims í dag og gerir um það bil það sem hann
vill. Hann frumsýndi nýlega myndina The Ides of
March, sem er gæluverkefni hans og kostaði ekki
mikið.
„Hún er ekki fyrir alla, en mér er skítsama,“
sagði Clooney í viðtali við Rolling Stone. „Ég þarf
ekki meiri frægð og við skutum hana fyrir tólf
milljónir dala. Þannig að allt sem við gerum er
fínt.“
Myndin hefur þegar aflað 36 milljóna dala og fær
í þokkabót frábæra dóma gagnrýnenda. Clooney
leikstýrir myndinni ásamt því að leika aðalhlut-
verkið. Hann vill setjast oftar í leikstjórastólinn.
„Ég starfa sem leikari, en mig langar að vera leik-
stjóri,“ sagði hann. „Þannig að ég tek að mér góð
hlutverk sem bjóðast milli mynda sem ég leikstýri
sjálfur.“
Einhvern veginn fór viðtalið í Rolling Stone út af
sporinu og allt í einu er hann byrjaður að tala um
prumpblöðrur. „Ég held að það sé fyndnasta upp-
finning í mannkynssögunni,“ sagði hann. „Að segja
orðið „prump“ kemur mér til að hlæja. Ég er með
iFart í símanum mínum og ég á fjarstýrðar prump-
blöðrur. Prump, það er ekkert fyndnara.“
George Clooney er skítsama
HLÆR AÐ PRUMPI George Clooney er með prumpforrit í sím-
anum sínum og á fjarstýrða prumpblöðru. NORDICPHOTOS/GETTY