Fréttablaðið - 10.11.2011, Síða 74

10. nóvember 2011 FIMMTUDAGUR58
Rækju-
samloka
169 kr
...opið í 20 ár
Conrad Murray var á mánu-
dag fundinn sekur um að
hafa valdið dauða poppgoðs-
ins Michaels Jackson með
gáleysi sínu af kviðdómi
dómstólsins í Los Angeles.
Hann á yfir höfði sér fjög-
urra ára fangelsi. Murray
er ekki allur sem hann er
séður þótt fæstir efist um
læknishæfileika hans.
Breska blaðið Daily Mail birti í
vikunni ítarlega grein um fortíð
læknisins Conrad Murray sem
var fundinn sekur um að hafa
valdið dauða Michael Jackson með
gáleysi sínu í júní 2009. Murray á
yfir höfði sér fjögurra ára fang-
elsi og verður væntanlega sviptur
læknisréttindum ævilangt. Fjöl-
skylda Jacksons fagnaði ákaft
þegar kviðdómurinn kynnti niður-
stöðu sína í dómsal í Los Angeles
og sagði að réttlætinu hefði verið
fullnægt. Við réttarhöldin kom
fram að Murray hefði átt í síma-
samskiptum við þrjár ástkonur
sínar þegar hann átti að vera að
hjúkra Jackson þennan örlagaríka
dag í júní.
Það voru ekki faglegar ástæður
sem bjuggu að baki þeirri ákvörð-
un Murray að taka við starfi
læknis hjá Michael Jackson. Hans
helsta hlutverk var að sprauta
poppgoðið með sterku svefnlyfi
sem á endanum dró það til dauða.
Murray var ákaflega viðkunnan-
legur læknir í Las Vegas sem
hafði nóg að gera. Vandinn var
hins vegar sá að verkefnin nægðu
ekki til að borga þær skuldir
sem hann hafði komið sér í með
glamúrlífsstíl sínum. Murray
var nefnilega óforbetranleg-
ur kvennabósi, átti nánast konu
og barn í hverri höfn, skuldaði
himinháar upphæðir í meðlög og
hafði auk þess komið sér í veru-
lega vond mál með glæsilegri
villu sinni í Las Vegas. Hún var á
leiðinni á uppboð vegna 96 þúsund
dollara skuldar þegar Jackson
birtist eins og riddarinn á hvíta
hestinum og bauð honum starf
sem einkalæknir sinn. Murray fór
vel og vandlega yfir fjárhagsstöðu
sína, sá að þar stefndi í óefni og
ákvað að gera Jackson tilboð;
hann vildi fá 4,8 milljónir dollara
fyrir starfið en sættist að lokum á
160 þúsund dollara á mánuði sem
samsvarar tæplega nítján milljón-
um íslenskra króna.
Samkvæmt Daily Mail er
Murray kvæntur maður en hefur
feðrað að minnsta kosti sjö börn
með sex konum, flest af þeim utan
hjónabands. Hann hefur verið
kærður fyrir ógreidd meðlög all-
nokkrum sinnum og var gert að
sitja inni árin 2007 og 2009. Í bæði
skiptin tókst honum að komast hjá
fangelsisvist með því að greiða
sektirnar. Sem dæmi um kven-
semi Murray þá borgaði hann leigu
upp á 2.564 dollara fyrir ástkonu
sína, Nicole Alvarez, í Kaliforníu
á meðan hann bjó með eigin konu
sinni og tveimur börnum í Las
Vegas. Murray neyddist jafn-
framt til að flytja frá San Diego,
þar sem hann var læknir, eftir að
hafa gert hjúkrunar konu þar barn
samkvæmt frétt Daily Mail, sem
greinir einnig frá því að við réttar-
höld í barnsfaðernismáli árið 1999
hafi Murray viðurkennt að hafa átt
það til að barna konur og yfirgefa
þær svo. freyrgigja@frettabladid.is
SKULDUM VAFINN KVENNABÓSI
MURRAY OG FRÚRNAR
Þær Michelle Bella, Sade Anding
og Nicole Alvarez viðurkenndu allar
fyrir dómstólnum í Los Angeles að
þær hefðu átt í samskiptum við
Conrad Murray um það leyti sem
hann átti að vera að hjúkra Jackson
þennan örlagaríka dag í júní fyrir
tveimur árum. Murray átti í miklum
fjárhagslegum erfiðleikum þegar
Michael Jackson réð hann í vinnu
og var síður en svo við eina fjölina
felldur.
Frank Black, söngvari Pixies, hefur sett á fót eigin
plötuútgáfu, sem fengið hefur nafnið The Bureau.
Black, sem um þessar mundir er á tónleikaferða-
lagi um Bandaríkin með Pixies, segir að hann muni
gefa út eigin tónlist hjá útgáfufyrirtækinu auk þess
sem stefnan sé að uppgötva nýja og spennandi lista-
menn. „Það var ekkert á dagskránni að stofna eigin
plötuútgáfu, en ég vona að ég fái nú boð í alvöru fín
partí,“ segir Black.
Frank Black hefur um langt skeið verið afkasta-
mikill í útgáfu á sólóplötum í eigin nafni. Hann segir
að upphaflega hafi ætlunin verið að gefa út eigin tón-
list því hefðbundin plötufyrirtæki séu ekki spennt
fyrir því að hann vill gefa út plötur á níu mánaða
fresti.
Black segir að rekstur plötufyrirtækja sé alveg
eins og áður fyrr, eini munurinn sé að fyrirtækin hafi
úr minni peningum að spila. „Það eru minni peningar
í umferð, en ég held að það sé bara gott. Það setur
bara pressu á fólk að standa sig vel. Sum þessara
plötufyrirtækja þurfa að hætta að láta eins og fífl.“
Að síðustu tjáði Black sig um nýtt efni frá Pixies
sem hann segir að muni ekki koma út hjá The Bureau.
„Pixies mun annaðhvort gera eitthvað mjög hefð-
bundið með stóru plötufyrirtæki eða eitthvað mjög
róttækt. Ég vona að við förum róttæku leiðina.“
Frank stofnar plötuútgáfu
NÝTT PLÖTUFYRIRTÆKI Frank Black, söngvari Pixies, hefur
stofnað plötuútgáfuna The Bureau. Hér er hann á tónleikum í
Kaplakrika árið 2004. FRÉTTABLAÐIÐ/STEFÁN
Harry Bretaprins er þessa dagana
staddur í Bandaríkjunum þar sem
hann lýkur við menntun sína sem
þyrluflugmaður hjá hernum. Þar
sem æfingabúðirnar eru í Kali-
forníu hefur prinsinn eytt frítíma
sínum í bænum Gila Bend og eytt
nóttunum með stúlkum bæjarins.
Bæjarstjórinn þar er ekki
par ánægður með dvöl prinsins.
„Það eru margir feður hérna
sem geta beitt ýmsum brögðum
til verja dætur sínar. Það eru
margar sætar stelpur í bænum
en feður þeirra vilja ekki prins,
sem drekkur og fer í partí allar
nætur, sem tengdason. Þetta er
enginn partíbær,“ segir bæjar-
stjórinn Ron Henry í viðtali við
blaðið Daily Mail.
Harry prins sleit nýverið sam-
bandinu við nærfatafyrirsætuna
Florence Brudenell-Bruce.
Harry prins í
stelpubann
VILJA EKKI HARRY Bæjarstjórinn í
bænum Gila Bend í Kaliforníu vandar
Harry prins ekki kveðjurnar en hann
hefur eytt frítíma sínum með stúlkum
bæjarins. NORDICPHOTOS/GETTY