Fréttablaðið - 01.12.2011, Side 78

1. desember 2011 FIMMTUDAGUR66
Clarins kynning hjá Snyrtistofunni Hrund
í dag 1. desember. 20% af öllum Clarins vörum*
Glæsilegur kaupauki fylgir þegar keypt er fyrir 5.900 kr. eða meira.
Sérfræðingur Clarins verður á staðnum frá 13:00 – 20:00
Húð- og förðunarráðgjöf.
*Nema 10% af jólagjafaöskjum
Grænatún 1
200 Kópavogur
Sími 554 4025
www.Hrund.is
Kíktu á www.clarins.com
Tónlist ★★★★
Aðeins meira Pollapönk
Pollapönk
Síhressir pollar
Fyrsta plata Pollapönks var hluti af
lokaverkefni Botnleðjudrengjanna
Halla og Heiðars í Kennaraháskól-
anum, en þeir eru báðir leikskóla-
kennarar. Ágæt plata. Þegar önnur
Pollapönksplatan, Meira Polla-
pönk, kom út í fyrra höfðu Guðni
Finnsson bassaleikari og Arnar
Gíslason trommuleikari gengið í
hljómsveitina. Sú plata var algjört
dúndur og fór beint í hóp bestu
íslensku barnaplatnanna frá upphafi. Og nú er
plata númer þrjú komin út.
Tónlistarlega gefur Aðeins meira Pollapönk síðustu plötu ekkert eftir.
Pollapönk er ein þéttasta hljómsveit landsins, skipuð hljóðfæraleikurum
sem geta spilað hvað sem er. Það eru fínar lagasmíðar á nýju plötunni,
flutningurinn er í toppklassa og útsetningarnar eru fjölbreyttar og
hugmyndaríkar.
Textalega séð eru þeir Halli og Heiðar líka að gera ágæta hluti, þó að
síðasta plata hafi hitt enn betur í mark hvað það varðar. Slagararnir 113
vælubíllinn, Pönkafinn, Keyrða kynslóðin og Gemmér GSM voru meðal
annars svona vinsælir af því að textarnir náðu svo vel bæði til krakkanna og
foreldranna.
Það er ekkert á Aðeins meira Pollapönk sem skorar alveg jafn hátt og
Vælubíllinn eða Pönkafinn, en það er samt fullt af lögum og textum sem
höfða bæði til barna og fullorðinna. Textar eins og Bjartmar og Ættarmót
eru meira fyrir foreldrana, en Er líf í öðrum ísskápum, Hamborgarastjórinn,
Þreytta vélmennið og Hermikrákulagið ná betur til krakkanna. Og svo eru
líka lög sem krakkar og fullorðnir leggja kannski ekki sömu merkingu í,
eins og Pönk á Polló, sem fjallar um sjóræningjana Hannes Smára, Kaftein
Pálma, Grjóna og Bjögga …
Á heildina litið er Aðeins meira Pollapönk ágætlega heppnað framhald af
síðustu plötu. Langbesta barnaplatan á árinu. Trausti Júlíusson
Niðurstaða: Fleiri hressilegir smellir fyrir krakka á öllum aldri.
Ísabella Rós Þorsteinsdóttir
leikur annað titilhlutverkið
í jólasýningu Borgar-
leikhússins, Fanný og
Alexander eftir Ingmar
Bergman. Ísabellu finnst
sérstaklega gaman að fara
í alla kjólana sem hún
klæðist í sýningunni.
„Það er mjög gaman á æfingum.
Ég er ekki með svo mikinn texta
en er mikið á sviðinu,“ segir Ísa-
bella Rós Þorsteinsdóttir, ellefu
ára stúlka úr Garðabænum sem fer
með annað titilhlutverkanna í jóla-
sýningu Borgar leikhússins, Fanný
og Alexander.
Ísabella byrjaði að leika á sviði
þegar hún var sjö ára gömul í
Kardimommubænum og hefur
dansað í leikritinu um Oliver Twist
sem og komið fram í kvikmynd-
inni Bjarnfreðarson og nokkrum
stuttmyndum. Það má því segja
að Ísabella sé að verða vön sviðs-
ljósinu en móðir hennar er dans-
höfundurinn Birna Björnsdóttir
og móðursystir hennar er Selma
Björnsdóttir leikkona og leikstjóri.
Ísabella hefur því ekki langt að
sækja hæfileikana. „Það var bent
á mig fyrir hlutverk Fannýjar og
ég fór í leikprufuprufu fyrir Stefán
[innsk.blm. Baldursson] leikstjóra.
Sama dag var hringt í mig og ég
beðin um að mæta í myndatöku
fyrir plakatið. Það var æðislega
gaman,“ segir Ísabella en æfingar
hófust fyrir mánuði.
Vegna þess hve stórt hlutverk
Fannýjar er í leikritinu var Katrín
Ynja Hrafnkelsdóttir nýlega fengin
til að leika á móti Ísabellu og skipta
þær hlutverkinu nú bróðurlega á
milli sín. Hilmar Guðjónsson fer
með hlutverk Alexanders og meðal
annarra leikara í sýningunni eru
Halldóra Geirharðsdóttir, Krist-
björg Kjeld, Þröstur Leó Gunnars-
son og Rúnar Freyr Gíslason.
Skólafélagar Ísabellu í Hofs-
staðaskóla í Garðabæ eru forvitnir
um vinnuna hennar í leikhúsinu og
margir spenntir að sjá hana á sviði.
Ísabella segir samt að leikritið sé
ekki beint barnaleikrit og meira að
segja pínu hræðilegt á köflum. En
hvað er skemmtilegast við að leika?
„Mér finnst allt skemmtilegt. Það
er til dæmis mjög gaman að skipta
um búninga en ég held að ég klæð-
ist sjö kjólum í sýningunni.“
Fanný og Alexander er eftir
sænska kvikmyndaleikstjórann
Ingmar Bergman og fjallar um
systkini sem takast á við andlát
föður síns og síðar harðræði stjúp-
föður síns. Sagan var kvikmynduð
árið 1982 og hlaut fern Óskarsverð-
laun. Leikritið var fyrst sett upp
árið 2009 í Noregi.
Jólin verða því með óvanalegu
móti hjá Ísabellu ár þar sem frum-
sýning leikritsins er 29. desember
og stífar æfingar fram að því.
„Ætli ég fái ekki frí á aðfangadag.
Ég er samt komin í smá jólaskap
því ég er byrjuð að föndra músa-
stiga með Ingibjörgu sýningar-
stjóra sem verða líklega notaðir
sem skraut í sýningunni sjálfri.“
alfrun@frettabladid.is
Föndrar músastiga fyrir sýninguna
UPPRENNANDI STJARNA Ísabella Rós
Þorsteinsdóttir er ekki eins og venjuleg
ellefu ára skólastúlka en hún eyðir
fjórum dögum vikunnar uppi í Borgar-
leikhúsi við æfingar á jólaleikritinu
Fanný og Alexander.
FRÉTTABLAÐIÐ/ANTON
Von er á fjölgun í Kardashian-
fjölskyldunni, en elsta systir-
in Kourtney tilkynnti í gær að
hún ætti von á sínu öðru barni.
Kourtney er aðeins komin níu
vikur á leið en gat hreinlega ekki
beðið með að opinbera gleði-
fregnirnar. „Ég veit að maður á
að bíða í 12 vikur en ég er örugg
og langaði til að segja öllum,“
segir Kourtney, sem á fyrir
tveggja ára son, Mason, ásamt
barnsföður sínum Scott Disick.
Kardashian
fjölgar sér
TVEGGJA BARNA MÓÐIR Elsta
Kardashian-systirin, Kourtney, á von á
sínu öðru barni.
NORDICPHOTOS/GETTY