Fréttablaðið - 01.12.2011, Síða 86

1. desember 2011 FIMMTUDAGUR74
VILDARÁSKRIFT AÐ STÖÐ 2 SPORT INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
ALLIR LEIKIR Á BESTA TÍMA!
02. des. 22:55 Opnunarleikur mótsins
03. des. 16:50 Ísland – Svartfjallaland
04. des. 21:25 Ísland – Angóla
06. des. 19:15 Ísland – Noregur*
07. des. 21:30 Ísland – Þýskaland (í opinni dagskrá)*
09. des. 21:20 Ísland – Kína
11. des. 16:20 16. liða úrslit (1 leikur í opinni dagskrá)**
12. des. 19:05 Forsetabikar (1 leikur í opinni dagskrá)**
14. des. 16:20 8. liða úrslit
16. des. 19:05 Undanúrslit
18. des. 19:05 Úrslitaleikurinn (í opinni dagskrá)
*Sýnt á Stöð 2 Sport 2 **Ef Ísland er að spila
Þorsteinn J & gestir fyrir og eftir alla leiki
Íslands
Íslensku landsliði hefur enn á ný tekist það ótrúlega.
Nú keppa Stelpurnar okkar í fyrsta skipti á HM og
við fylgjumst með ævintýrinu beint frá Brasilíu.
Sjáðu alla leiki íslenska liðsins í beinni á Stöð 2 Sport.
Sjáðu alla leiki
stelpnanna okkar
KÖRFUBOLTI Tímabilið fór ekki vel
af stað hjá Solna Vikings í sænska
körfuboltanum. Liðið byrjaði á
þremur útileikjum og þeir töpuðust
allir. Þegar liðið tapaði á móti Borås
í fyrsta leik nóvembermánaðar sátu
Solna-menn í næstsíðasta sæti með
aðeins tvo sigra í átta leikjum.
Nú tæpum mánuði síðar er staðan
allt önnur og í síðustu tveimur leikj-
um hafa Solna-menn unnið dramat-
íska sigra á toppliðum Sundsvall
Dragons og LF Basket. Það hefur
enginn leikmaður Solna Vikings
verið heitari en Íslendingurinn Logi
Gunnarsson sem hefur verið stiga-
hæsti leikmaður liðsins í fjórum af
fimm leikjum í sigurgöngunni.
Sendu báða Kanana heim
„Það er búið að ganga vel núna, við
erum að vinna og þetta er bara rosa
gaman. Það voru miklar manna-
breytingar frá því í fyrra og við
vorum lengi að stilla saman streng-
ina. Ameríkanarnir hentuðu okkur
ekki nægilega vel þannig að við
sendum þá báða heim,“ segir Logi
en annar þeirra var stigahæsti leik-
maður deildarinnar þegar hann var
látinn fara.
„Um leið og við skiptum þeim út
þá varð allt betra. Andinn í liðinu
varð betri, boltinn rúllaði mikið
meira og það voru allir meira með.
Boltinn hefur komið meira til mín
núna eftir að þessi strákur sem
stigahæstur var látinn fara. Hann
var leikstjórnandi sem hékk á
boltanum og það hentaði ekki fyrir
okkur,“ segir Logi sem fann sig ekki
nógu vel til að byrja með.
24 stig í leik í síðustu 5 leikjum
„Þetta lítur miklu betur út og það
er allt léttara í kringum klúbbinn.
Í svona atvinnumannaklúbbum er
mikil pressa sett á bæði þjálfara og
leikmenn þegar liðið er að tapa enda
eru allir á launum,“ segir Logi, en
hann hefur skorað 24 stig að með-
altali í leik í fimm leikja sigur-
göngu liðsins og sett niður helming
þriggja stiga skota sinna þrátt fyrir
að skora yfir fjóra þrista í leik.
Logi hefur verið að taka af skarið
á lokamínútum leikjanna. „Þetta er
að detta okkar megin og við erum
með leikmenn sem geta klárað leik-
ina. Það var annar leikmaður sem
kláraði leikinn á móti LF Basket
og við erum með góð vopn í liðinu.
Það er samt stutt á milli. Við erum
búnir að vinna tvo leiki í röð með
einu stigi og úrslitin hefðu getað
farið á hinn veginn og þá værum
við ekki í góðum málum,“ segir
Logi.
Hitti úr öllum skotunum í lokin
Í sigrinum á Sundsvall í fyrrakvöld,
á móti landsliðsþjálfaranum og
þremur félögum sínum í landslið-
inu, var Logi óstöðvandi á lokamín-
útunum. Hann hitti úr öllum fimm
skotum sínum í lokaleikhlutanum,
skoraði þá 14 af 22 stigum Solna og
endaði leikinn á því að skora sigur-
körfuna.
„Það er alltaf gaman að spila við
þá. Þeir eru allir hörkuleikmenn og
svo er það náttúrulega landsliðs-
þjálfarinn sem er að þjálfa þá. Við
erum allir góðir félagar, þeir tóku
okkur síðast þannig að maður varð
aðeins að hefna fyrir það,“ segir
Logi í léttum tón.
Allir í lykilhlutverkum
„Það er gaman að sjá að við erum
allir í lykilhlutverkum í okkar
liðum. Það er mikið talað um
okkur hérna og mikið talað um að
íslensku víkingarnir séu svo dugleg-
ir og ákafir. Við erum allir búnir að
stimpla okkur vel inn,“ sagði Logi.
Logi hefur hitt úr 46 af 48 víta-
skotum sínum í vetur sem skilar
honum 95,8 prósenta vítanýtingu.
Hann hefur nú sett niður 19 víti í
röð. „Það eru ákveðnir hlutir sem
maður tekur fyrir og vill bæta og
þetta er eitt af því sem ég hef lagt
áherslu á. Það er mikilvægt að setja
þessi skot í og ég hef einbeitt mér
að því í allt sumar,“ segir Logi og
bætir við:
„Ég er mjög sáttur við þetta og
vonandi get ég haldið þessu áfram.
Ég þarf að halda áfram að skjóta
vítaskotum á æfingum til þess að
halda þessu við,“ segir Logi sem
hefur einnig verið í hópi bestu
þriggja stiga skyttna deildarinnar.
Búinn að skjóta mikið aukalega
„Skotnýtingin mín er góð. Maður
hefur verið að skjóta mikið í
gegnum árin og maður passar sig
á því þó að maður sé orðinn svona
gamall að hætta aldrei að skjóta
aukalega. Ég held að það skili sér
á endanum,“ segir Logi en fáir æfa
skotin sína meira en hann.
„Ég hef passað mig á því þó að
ég sé orðinn þrítugur að æfa eins
mikið og þegar ég var yngri. Skot-
menn þurfa alltaf að vera að skjóta
á körfuna og þeir mega aldrei hætta
því,“ segir Logi að lokum.
ooj@frettabladid.is
Það er mikið talað um okkur hérna
Nóvember var frábær mánuður fyrir Loga Gunnarsson í sænsku úrvalsdeildinni í körfubolta en hann hefur verið allt í öllu í fimm
leikja sigurgöngu Solna Vikings. Logi endaði mánuðinn á því að skora 15 af 28 stigum sínum í fjórða leikhluta í eins stigs sigri á
sænsku meisturunum í Sundsvall í fyrrakvöld.
SJÓÐANDI HEITUR Logi Gunnarsson hefur skorað 24 stig að meðaltali í síðustu fimm
leikjum Solna og liðið hefur unnið þá alla.
Tölurnar hans Loga
Sigurhlutfall Solna
Fyrstu 8 leikirnir 25% (2 sigrar - 6 töp)
Sigurgangan 100% (5-0)
Stig í leik
Fyrstu 8 leikirnir 14,1
Sigurgangan 24,0
Þriggja stiga körfur í leik
Fyrstu 8 leikirnir 2,3
Sigurgangan 4,2
Þriggja stiga skotnýting
Fyrstu 8 leikirnir 36% (50/18)
Sigurgangan 50% (42/21)
Framlag í leik
Fyrstu 8 leikirnir 11,9
Sigurgangan 20,8