Fréttablaðið - 01.12.2011, Síða 90

1. desember 2011 FIMMTUDAGUR78
golfogveidi@frettabladid.is
BÓKIÐ AUGLÝSINGAR
TÍMANLEGA:
ÍVAR ÖRN HANSEN
S: 512 5429, GSM: 615 4349
ivarorn@365.is
Sérblað um jólagjöfina hans kemur
út þann 6. desember.
JÓLA
GJÖFIN
HANS
Elvar Árni Lund, formaður Skotvís,
segir skotveiðimenn nokkuð sátta
við rjúpnaveiðitímabilið sem lauk
um síðustu helgi, þrátt fyrir að
veiðidagarnir hafi aðeins verið níu
talsins. Umhverfis ráðuneytið lagði
til að 31.000 fugl yrði veiddur fyrir
þessi jól, sem er helmingi færri en
í fyrra.
„Ég held að á þessum síðustu
og verstu tímum hafi menn
tekið hverjum degi sem bauðst
fagnandi,“ segir Elvar léttur í
bragði í samtali við Fréttablaðið.
Veiðimenn hafi séð talsvert af fugli
þó að aðstæður hafi ekki verið upp
á það allra besta.
„Langflestir gátu veitt það sem
þeir þurftu og mér heyrist sem
flestir séu sáttir við tímabilið þó að
það hafi verið stutt og veðrið ekki
alltaf eins og best væri á kosið.
Það voru nokkrir góðir dagar, en
ég veit að margir söknuðu þess
að geta ekki veitt í kjarri eftir
að snjórinn kom núna í vikunni.
Næsta helgi hefði því orðið mjög
skemmtileg.“
Elvar segir skotveiðimenn
munu fara fram á að stefnumörk-
un í rjúpnaveiðum verði tekin mun
fastari tökum á næstunni.
„Það þarf að horfa til lengri tíma
í stað þess að ákveða nokkrum
vikum fyrir upphaf tímabilsins
hvernig veiðunum verði háttað.“
Nú er tímabili gæsa-, hrein-
dýra- og rjúpnaveiði nýlokið, en
Elvar segir að skotveiðimenn þurfi
ekki að leggja byssunni. „Nú eru
einhverjir sem stunda andaveiðar
og ef tíðin er góð er hægt að fara
að skjóta svartfugl. Svo er alltaf
hægt að skjóta ref. Það er mikið
þjóðþrifaverk.“
Þannig er ljóst að skotveiðimenn
þurfa ekki að sitja aðgerðarlausir í
vetur. - þj
Formaður Skotvís segir skotveiðimenn vera nokkuð sátta við rjúpnatímabilið:
Langflestir fengu í jólamatinn
Rannsóknir hafa leitt í ljós að veiðistofn rjúpu hér á landi er nú aðeins
350.000 fuglar, en síðustu ár hefur stofninn verið áætlaður 810 til 850
þúsund.
Um reglubundna sveiflu í stofnstærð er að ræða og er gert ráð fyrir að
stofninn nái lágmarki árin 2015 til 2018.
Rjúpnastofninn í mikilli lægð:
Á VEIÐUM Einar Árni Lund, formaður Skotvís, segir skotveiðimenn sátta við rjúpna-
veiðitímabilið þrátt fyrir að veiðidagar hafi verið fáir og veður ekki eins og best
verður á kosið. MYND/ÚR EINKASAFNI
Þrátt fyrir kreppu og
vonbrigði með aðsókn að
sumum af dýrari svæðum
Stangaveiðifélags Reykja-
víkur gengur mun betur á
öðrum vígstöðvum og er
reksturinn að snúast í rétta
átt. Hér er gluggað í árs-
skýrslu SVFR.
„Gríðarlegur taprekstur áranna
2009 og 2010 hefur hoggið djúp
skörð í eigið fé félagsins og staðan
í lok síðasta árs, í nóvember 2010
var vægast sagt svört. Á árinu
sem nú var að líða náðist ákveðinn
viðsnúningur,“ segir Bjarni Júlíus-
son, formaður Stangaveiðifélags
Reykjavíkur í nýrri ársskýrslu
félagsins.
„Rekstur félagsins hefur verið
þungur um nokkurt skeið,“ segir
í ársskýrslunni. „Á árunum 2009
og 2010 var félagið rekið með tals-
verðu tapi, og nam tap ársins 2010
um 43 milljónum á verðlagi dagsins
í dag. Afkoman er betri í ár þó enn
sé tap á rekstrinum. Það hefur hins
vegar náðst ákveðinn viðsnúningur
í sjálfum rekstri þessa árs. Hann
er kominn í jafnvægi og er félagið
rekið nálægt núllpunkti í ár.
Hækkanir fram undan
Samkvæmt athugun sem formaður
SVFR gerði fyrir um tveimur árum
hafði verð veiðileyfa tvöfaldast að
raungildi á tveimur áratugum. Í
ársskýrslunni segir að það sé ætíð
stefna stjórnar félagsins að bjóða
veiðileyfi á sem hagstæðustu til
félagsmanna. Miðað við nýjar
fréttir af miklum hækkunum á
öðrum veiðisvæðum sé ljóst að
venjulegir veiðimenn þurfi að
hugsa sinn gang.
„Munu stangveiðimenn kaupa
veiðileyfi eftir slíkar hækkanir?
Munu veiðimenn sækja frekar í
silungsveiði, í straumvötnum eða
vatnaveiði? SVFR þarf að vera
tilbúið að takast á við breytingar
af þessum toga og halda áfram að
efla framboð á veiðileyfum þar sem
verðlagningu er stillt í hóf,“ segir í
skýrslunni. „Hjá Stangaveiðifélagi
Reykjavíkur verða óhjákvæmilega
einhverjar hækkanir á verði veiði-
leyfa á milli ára. Í flestum tilvikum
teljum við að þær séu hóflegar
og í takt við verðlagshækkanir í
landinu á milli ára.“
Sala gekk vonum framar
Að því er segir í ársskýrslunni
gekk sala veiðileyfa vonum framar.
„Veiðileyfi í Norðurá, Hítará,
Elliðaám, Gljúfurá og Nessvæði
Laxár í Aðaldal, seldust því sem
næst upp við úthlutun. Reyndar
var salan mjög góð á mörgum
svæðum. Salan í Soginu var ágæt
og þegar leið á sumarið má segja að
Sogið hafi því sem næst selst upp,“
segir af góðum fréttum en þannig
voru þær ekki allar. „Tungufljót
og urriðasvæðin fyrir norðan eru
til dæmis ekki nægjanlega vel seld
og eru svæðin rekin með nokkrum
halla.“
Útlendingar sækja í urriðann
SVFR hefur nú haft urriðasvæðin
í Laxá í Mývatnssveit og Laxárdal
á leigu í þrjú ár og hafa þau verið
félaginu erfið. „Salan minnkaði
mikið frá því sem verið hafði strax
eftir að SVFR tók svæðin yfir.
Vissulega hækkaði verð veiðileyfa
eitthvað og því miður, þá er eins
og markaðurinn trúi því að sú
hækkun hafi öll verið einhverju
sprengi tilboði SVFR um að kenna.
Svo var alls ekki. Það skal því
rifjað upp hér að SVFR átti ekki
hæsta boðið og var í þriðja til
fjórða sæti.“
Fram kemur að verð leyfa í Laxá
hefur lækkað frá 2008 því veiði-
réttareigendur hafa gefið eftir vísi-
töluhækkun og félagið selt leyfin
nánast án álagningar.
„Við teljum að nú sé dæmið að
snúast við fyrir norðan. Fyrir-
spurnir erlendis frá eru fleiri en
fyrr og við verðum vör við aukinn
áhuga Íslendinga á svæðunum.“
Flytja í Elliðaárdal
Að því er segir í árskýrslunni hafa
fulltrúar SVFR átt í viðræðum við
Reykjavíkurborg og Orkuveituna
um möguleikann á að félagið fengi
skrifstofuaðstöðu í einu af húsum
Orkuveitunnar í Elliðaárdal.
„Þær viðræður hafa nú borið
þann árangur að okkur býðst að
flytja okkur í Elliðaárdal. Því
munum við væntanlega, ef um
semst, flytja okkur um set á árinu,
eftir 40 ára dvöl á Háaleitisbraut,“
segir í skýrslunni. Þar kemur einn-
ig fram að hugmyndin um að SVFR
flytti í dalinn hefur verið uppi frá
árinu 2000 og að gert hafi verið ráð
fyrir lóð fyrir félagið í deiliskipu-
lagi frá árinu 2004. „Á árinu 2007
ákvað stjórn félagsins að fresta
framkvæmdum, þrátt fyrir góð-
ærið sem þá ríkti, sem betur fer
getum við sagt í dag.“
Síðan er þess að geta að SVFR
hefur gert þriggja ára samning
með nýju sniði við Orkuveituna
„Nú tekur félagið árnar á leigu,
stendur straum af kostnaði við
vöktun og rannsóknir, veiðivörslu
o.fl. og ber í raun ábyrgð á öllum
rekstri ánna. Við erum stolt af
því trausti sem eigendur Elliða-
ánna sýna félaginu með þessum
samningi.“ gar@frettabladid.is
Stangveiðifélag Reykjavíkur boðar
„hóflegar hækkanir“ á veiðileyfum
BJARNARFOSS Tungufljót í Skaftaárhreppi hefur valdið vonbrigðum tvö síðustu haust. Bæði hefur ásókn í leyfi minnkað og veiðin
dalað. FRÉTTABLAÐIÐ/GARÐAR
URRIÐI, ein bleikja, tveir laxar
og fjórtán flundrur er allt og sumt
sem skráð var í veiðibók á silunga-
svæðinu í Andakílsá á liðnu sumri.
1 SENTÍMETRAR er lengdin á stærsta laxinum úr Langá í sumar. Það var söngvarinn
Jógvan Hansen sem veiddi þá hrygnu 21. júní
í Strengjum á agnið „Færeyskt jólaskraut“.
90