Fréttablaðið - 02.12.2011, Blaðsíða 70

2. desember 2011 FÖSTUDAGUR54
sport@frettabladid.is
HANDBOLTI Kvennalandsliðið í
handbolta skrifar nýjan kafla
í íþróttasögu Íslands á morgun
þegar liðið leikur sinn fyrsta leik
á heimsmeistaramótinu í Brasilíu.
Aldrei áður hefur Ísland náð í
úrslitakeppni HM í kvennaflokki.
Íslenska liðið kom til Santos í
Brasilíu á miðvikudagsmorgun
eftir langt ferðalag frá London.
Liðið hefur æft tvívegis í keppnis-
höllinni í Santos Arena þar sem A-
riðill mótsins fer fram.
Ágúst Jóhannsson, þjálfari
íslenska liðsins, var með öfluga
100 mínútna æfingu í gær þar
sem mesta áherslan var lögð á
varnarleikinn. Þjálfarinn er með
skýr markmið, að liðið komist í 16
liða úrslit. Til þess þarf margt að
ganga upp og Ísland þarf að enda
í einu af fjórum efstu sætunum.
Svartfjallaland og Noregur eru
fyrirfram talin með langsterkustu
liðin í þessum riðli. Ísland ætti
hins vegar að eiga góða möguleika
gegn Afríkumeistaraliði Angóla,
Kína og jafnvel Þjóðverjum.
Raunhæft að komast áfram
„Það er raunhæft markmið að
komast upp úr riðlinum en til
þess þurfum við að eiga góða
leiki. Þetta eru allt sterkar þjóð-
ir. Við erum búnir að skoða mynd-
bönd frá bæði Angóla og Kína. Það
verða hörkuleikir. Við þurfum að
hitta á góða daga, halda mistök-
unum í lágmarki og leika þéttan
og góðan varnarleik,“ sagði Ágúst,
en hann hefur óskað eftir því að
leikmenn Íslands tileinki sér meiri
hraða í leik sínum. „Hitinn hérna
í Brasilíu er gríðarlega mikill og
við verðum að sjá hversu mikið
álag við þolum. Við sjáum til hvað
gerist.“
Þjálfarinn er ekki í vafa um
að væntingar hans til liðsins séu
raunhæfar. Ísland lék í úrslit-
um Evrópumeistaramótsins í
Danmörku fyrir ári og það er að
mati þjálfarans góð þróun. „Það
yrði enginn heimsendir ef við
næðum ekki markmiðum okkar.
En kröfurnar eru raunhæfar og
við stefnum á að komast áfram.
Það er góð þróun í handboltanum
heima á Íslandi og sérstaklega
eftir að fleiri leikmenn fóru til
liða erlendis. Það lyftir gæðun-
um á landsliðinu. Ég vona að við
náum betri árangri á þessu stór-
móti en því síðasta,“ sagði Ágúst,
en Ísland tapaði öllum þremur
leikjum sínum í riðlakeppninni á
EM í Danmörku.
„Ætlum okkur að vinna leik“
Hrafnhildur Skúladóttir hefur
leikið í um 14 ár með íslenska
landsliðinu en hún er aldursfor-
setinn í liðinu. Hrafnhildur segir
að það sé stórafrek fyrir Ísland að
eiga lið á heimsmeistaramóti.
„Ég er búin að bíða eftir þessu
lengi. Það hafa orðið framfarir
í handboltanum á Íslandi. Hrað-
inn er meiri en áður og það hentar
okkur vel,“ sagði Hrafnhildur eftir
æfingu Íslands í Santos Arena í
gær.
Ísland lék einn æfingaleik við
enska landsliðið á meðan beðið
var eftir fluginu til Brasilíu og
það virkaði vel á liðið að mati
Hrafnhildar. „Við vorum reyndar
nokkrar með fætur eins og bjúgu
eftir 11 tíma flug til Brasilíu. Það
tekur aðeins á. Við vorum vel
undirbúnar og fórum í sérstak-
an fatnað í fluginu sem kallast
„recovery“ fatnaður,“ bætti fyr-
irliðinn við.
Hrafnhildur er í hópi tíu leik-
manna sem eru í liðinu sem léku
einnig á EM í Danmörku. Hún
segir að sú reynsla eigi eflaust
eftir að nýtast vel. „Okkur langar
til þess að vinna leik á stórmóti,
það er mjög mikilvægt og við
hlökkum mikið til þess að láta það
takast,“ sagði Hrafnhildur.
RAGNA INGÓLFSDÓTIR keppir á opna velska meistaramótinu í badminton um helgina, en hún
er nú að keppa að því að koma sér ofar á heimslistanum og inn á Ólympíuleikana í Lundúnum á næsta
ári. Rögnu er raðað inn sem sterkasta keppanda mótsins, en hún er í 66. sæti heimslistans.
Við þurfum að hitta á
góða daga, halda mis-
tökunum í lágmarki og leika
þéttan og góðan varnarleik.
ÁGÚST ÞÓR JÓHANNSSON
ÞJÁLFARI ÍSLANDS
Skýr markmið hjá íslenska liðinu
„Stelpurnar okkar“ skrifa nýjan kafla í íslenska íþróttasögu í Santos í Brasilíu. Góður gangur er í undir-
búningi liðsins fyrir fyrsta leikinn á heimsmeistaramótinu gegn Svartfjallalandi sem fer fram á morgun.
ÞÉTTUR OG GÓÐUR Ágúst Þór Jóhannsson, landsliðsþjálfari Íslands, leggur ríka áherslu á að Ísland spili góðan varnarleik á HM í
Brasilíu. Hér æfa Harpa Sif Eyjólfsdóttir og félagar hennar varnarleikinn á æfingu í gær. FRÉTTABLAÐIÐ/PJETUR
Sigurður Elvar
Þórólfsson og
Pjetur Sigurðsson
fjalla um HM í Brasilíu
seth@frettabladid.is – pjetur@365.is
HANDBOLTI Santos Arena keppnis-
höllin þar sem A-riðill HM í
handbolta kvenna fer fram er til-
tölulega nýtt mannvirki. Íþrótta-
höllin tekur um 5.000 áhorfendur
og það er futsal-lið Santos sem
er með bækistöðvar sínar í þess-
ari höll.
Santosliðið er Brasilíumeistari
í futsal sem er innanhússfótbolti
sem leikinn er á handboltavelli.
Mótshaldarar hér í Santos gætu
lent í erfiðleikum ef það rignir
mikið á meðan leikir fara fram.
Í gær rigndi eins og hellt væri
úr fötu á meðan íslenska liðið
æfði í höllinni, og kom þá í ljós að
þakið lekur töluvert á einum stað
beint yfir keppnisgólfinu. - seth
Keppnishöllin í Santos:
Þakið heldur
ekki vatni
ÞJÁLFARARNIR Ágúst Þór Jóhannesson
og Gústaf Adolf Björnsson ræða málin á
æfingu Íslands í gær. FRÉTTABLAÐIÐ/PJETUR
SKÝR FYRIRMÆLI Ágúst Þór Jóhanns-
son þjálfari fer yfir varnarleikinn með
Örnu Sif Pálsdóttur. FRÉTTABLAÐIÐ/PJETUR
MARKVERÐIRNIR MIKILVÆGIR Guðný
Jenný Ásmundsdóttir og Sunneva
Einarsdóttir verja mark Íslands á HM.
Íslenska landsliðið hefur æft síðustu
tvo dagana í Arena Santos eftir að
hafa lent í Brasilíu á þriðjudags-
morgun. Fyrsti leikurinn verður gegn
Svartfjallalandi á laugardaginn og er
hver mínúta fram að leiknum nýtt
eins vel og kostur er. Fréttablaðið
fylgdist með æfingu liðsins í gær.
Svitinn lak af leikmönnum Íslands
strax frá fyrstu mínútu æfingarinnar.
Enda ekki skrítið, lofthitinn um 28
gráður og mikill raki í loftinu. „Það
eina sem vantar í þessa keppnis-
höll er loftkælingin. Það er aðeins
erfitt að anda eftir nokkra spretti
við þessar aðstæður en við verðum
fljótar að aðlagast þessu,“ sagði fyrir-
liðinn Hrafnhildur Skúladóttir eftir
æfinguna í gær.
Þess má síðan geta að sagt var
frá því á vef danska ríkisútvarpsins
í gær að fuglar hefðu verið á sveimi
í höllinni þar sem danska liðið æfði
í gær.
Svitinn lak af stelpunum okkar á æfingunni í Santos
FÓTBOLTI Tveir íslenskir knatt-
spyrnumenn sem hafa leikið í
Noregi undanfarin ár munu spila
í úrvalsdeild karla, Pepsi-deild-
inni, á næstu leiktíð. Varnar-
maðurinn Guðmann Þórisson
ákvað að semja við FH en sóknar-
maðurinn Atli Heimisson er
genginn til liðs við Valsmenn.
Guðmann er reyndar uppalinn
Bliki og hafði verið orðaður við
félagið. „Þetta er með erfiðari
ákvörðunum sem ég hef tekið,“
sagði hann við netmiðilinn Fót-
bolta.net. „[…] En stundum þarf
að taka erfiðar ákvarðanir í líf-
inu og mér fannst hagsmunum
mínum best borgið í FH.“
Guðmann hefur spilað með
Nybergsund undanfarin ár en
liðið féll úr norsku B-deildinni í
haust. Atli hefur verið á mála hjá
Asker í sömu deild en þar áður
lék hann í tvö ár með ÍBV. Hann
hóf ferilinn hjá Aftureldingu í
Mosfellsbæ.
Atli skrifaði undir tveggja ára
samning við Val en Guðmann
mun ganga frá sínum samninga-
málum á næstu dögum. - esá
Tveir leikmenn aftur heim:
Guðmann í FH
og Atli fór í Val
VALDI FH Guðmann Þórisson varð bikar-
meistari með Breiðabliki árið 2009.
FRÉTTABLAÐIÐ/DANÍEL
FÓTBOLTI Stuðningsmenn Liverpool
fengu slæm tíðindi í gær þegar
það var staðfest að Brasilíu-
maðurinn Lucas Leiva væri með
slitið krossband í hné. Hann spil-
ar því ekki meira með liðinu á
tímabilinu.
Lucas meiddist í leik Liverpool
gegn Chelsea í enska deilda-
bikarnum eftir samstuð við Juan
Mata, leikmann Chelsea. Rann-
sóknir leiddu í ljós að kross-
bandið í vinstra hné var slitið og
þarf hann að fara í aðgerð vegna
þessa.
Lucas hefur verið einn besti
leikmaður Liverpool á tímabilinu
og var valinn leikmaður ársins
fyrir frammistöðu sína á síð-
ustu leiktíð. „Ég er viss um að ég
kem sterkari til baka og næ þeim
árangri sem mig dreymir um í
Liverpool-treyjunni,“ skrifaði
hann á Twitter-síðuna sína.
Ekki er ólíklegt að Dalglish
muni reyna að kaupa miðjumann
til liðsins nú þegar opnað verður
fyrir félagaskipti um áramótin.
Áfall fyrir Liverpool:
Lucas Leiva frá
út tímabilið
LUCAS Hefur verið lykilmaður á
miðjunni hjá Liverpool. NORDIC PHOTOS/GETTY