Morgunblaðið - 03.09.2010, Blaðsíða 4
Jónas Margeir Ingólfsson
jonasmargeir@mbl.is
Formenn stjórnarflokkanna sendu
frá sér yfirlýsingu í tilefni af breyt-
ingunum á ríkisstjórn í gær.
Í yfirlýsingunni segir að á þeim
nítján mánuðum sem flokkarnir hafa
starfað saman hafi tekist að koma á
umskiptum í efnahagslífi landsins.
Þá segir að áætlun sú er rík-
isstjórnin hefur unnið eftir hafi að
mestu gengið eftir.
Næstu skref ríkisstjórnarinnar
eru að fram fari uppstokkun í stjórn-
kerfi Íslands með fækkun ráðuneyta
og einföldun stofnanakerfis. Þessi
uppstokkun kallar á breytingar á rík-
isstjórn enda fækkar nú ráðherrum
um tvo og stefnt er að frekari fækkun
um áramótin að því er fram kemur í
yfirlýsingu formanna stjórnarflokk-
anna tveggja.
Í yfirlýsingunni eru tíunduð þau
stefnumál sem formenn stjórn-
arflokkanna eru sammála um að
leggja áherslu á. Stefnt er að því að
hrinda stefnumálunum tuttugu í
framkvæmd á næstu mánuðum.
Endurskoða gjaldeyrislán
Meðal þeirra mála sem áhersla
er lögð á er að lög um stjórn fiskveiða
verði endurskoðuð á grunni sátta-
nefndar og breytingar á stjórnarskrá.
Þannig verði sameign á auðlindum
tryggð. Ríkisstjórnin hyggst þá boða
til þjóðaratkvæðagreiðslu um kvóta-
kerfið ef ekki næst viðunandi sátt um
málið.
Stefnt er að því að nýskipun í
orku- og auðlindarmálum verði inn-
leidd og heildstæð orkustefna sam-
þykkt.
Ríkisstjórnin ætlar þá að taka
næsta skref í afnámi gjaldeyrishafta
en ekki er tekið fram hvernig eða með
hvaða hætti. Þá er ætlunin að klára
þriðju og fjórðu endurskoðun áætl-
unar með Alþjóðagjaldeyrissjóðnum
en áhersla verður lögð á að áætl-
uninni ljúki ekki seinna en síðsumars
2011. Í yfirlýsingunni er tekið fram að
endurskoða þurfi þörf fyrir töku
gjaldeyrislána.
Stefnt er að því að eyða óvissu
um lánamál fyrirtækja og ein-
staklinga, efla upplýsingaöflun,
kynna úrræði og stórefla hið nýtil-
komna embætti umboðsmanns skuld-
ara. Ætla má að liður í því verði að
eyða óvissu um réttarstöðu skuldara í
tengslum við gengistryggð íslensk lán
sem Hæstiréttur dæmdi ólögmæt nú
í sumar.
Austurríska leiðin farin
Í yfirlýsingunni kemur jafn-
framt fram að ný aðgerðaráætlun
gegn kynbundnu ofbeldi verði sam-
þykkt og austurríska leiðin lögfest. Í
austurrísku leiðinni felst að ofbeld-
ismaður verði fjarlægður af heimili
sínu en ekki brotaþolar og fjölskylda
hans.
Þá verður ráðist í frekari verk-
efni á grundvelli aðgerðaráætlunar til
að styrkja stöðu barna og ungmenna.
Mikið hefur verið rætt um op-
inberar ráðningar eftir hrun efna-
hagskerfisins og umdeildar ráðningar
nú í sumar. Ríkisstjórnin hyggst því
breyta lögum til að innleiða nýskipan
ráðningarmála og breytta stjórn-
arhætti í Stjórnarráði Íslands m.a. í
ljósi skýrslu rannsóknarnefndar.
Ríkisstjórnin hyggst þá styðja
við undirbúning og starf stjórnlaga-
þings og þjóðfundar um málefni
stjórnarskrár. Þannig verði unnið
markvisst að mótun nýrrar stjórn-
arskrár.
Ríkisstjórnin virðist því ætla að
hafa mörg járn í eldinum á næstu
misserum ef marka má yfirlýsingu
formanna stjórnarflokkanna.
Með tuttugu mál að markmiði
Boðað til þjóðaratkvæðagreiðslu um stjórn fiskveiða ef viðunandi sátt næst ekki
Austurríska leiðin lögfest Ný lög um vatn Vilja nýja stjórnarskrá
FRÉTTASKÝRING
Jónas Margeir Ingólfsson
jonasmargeir@mbl.is
Nýir ráðherrar í ríkisstjórn Jóhönnu Sigurð-
ardóttur voru formlega skipaðir í gær og öðr-
um veitt lausn frá embætti.
Rögnu Árnadóttur og Kristjáni Möller var
veitt lausn en við embættum þeirra tók Ög-
mundur Jónasson. Hann er því nú ráðherra
dóms-, mannréttinda-, samgöngu- og sveitar-
stjórnarmála.
Þá voru Gylfa Magnússyni og Álfheiði Inga-
dóttur veitt lausn frá embætti og Guðbjartur
Hannesson skipaður ráðherra.
Árni Páll Árnason færir sig þá um sæti í
ríkisstjórn og tekur við ráðuneyti Gylfa Magn-
ússonar en Guðbjartur Hannesson verður ráð-
herra félags-, trygginga- og heilbrigðismála.
Þá er stefnt að því að sameina ráðuneyti
Guðbjarts í eitt velferðarráðuneyti og ráðu-
neyti Ögmundar í eitt innanríkisráðuneyti.
Tilbúinn að láta af embættinu
Ögmundur sagði embættið leggjast vel í sig
að loknum ríkisráðsfundi á Bessastöðum í
gær. Hann sagði deilurnar sem urðu þess
valdandi að hann gekk úr ríkisstjórn fyrir ári
síðan nú vera komnar í annan farveg. Að-
spurður hvers vegna hann hafi fallist á að ger-
ast ráðherra aftur sagði Ögmundur: „Vegna
þess að ég var ekki tilbúinn að láta af skoð-
unum mínum en var tilbúinn að láta af emb-
ættinu.“
Ögmundur sagðist ekki geta sagt til um
hvort hann væri kominn inn í ríkisstjórn til að
friðþægja órólegu deild Vinstri grænna. „Það
verða aðrir að svara til um hvað fyrir þeim
vakir en ég er ekkert sérstaklega órólegur
maður. Ég er bara fullkomlega rólegur og hef
reynt að standa á mínum skoðunum og mál-
efnum. Ég er góður maður til sátta líka og hef
góða reynslu í slíku. Auðvitað geta komið upp
mál sem valda slíkum ágreiningi að leiðir
skilja líkt og síðastliðið haust. Við erum að ná
aftur saman og ég er vongóður um framtíð-
ina.“
„Þetta eru tímamót“
Álfheiður Ingadóttir kvað ellefu mánuði í
ríkisstjórn hafa verið ögrandi og spennandi
verkefni. „Ég bara hlakka til að takast á við
önnur og ný verkefni á öðrum vígstöðvum,“
sagði Álfheiður sem kvaðst ekki túlka ráð-
herraskiptin sem vantraust á sjálfa sig. „Það
er verið að styrkja þessa ríkisstjórn og þetta
eru tímamót þar sem við erum í raun að snúa
vörn í sókn. Við finnum það að landið er að
rísa og það er nauðsynlegt að styrkja rík-
isstjórnina, styrkja þingmeirihlutann sem við
höfum og til þess erum við jú að þessu öll sem
erum í pólitík,“ segir Álfheiður sem kvað rík-
isstjórnina tryggja meirihluta fyrir fjárlaga-
frumvarpinu með ráðherraskiptunum. „Það
getur engum blandast hugur um það að
vinstri græn ganga nú samhent til þeirra
verka. Það hefur verið ágreiningur í okkar
röðum en með þessu móti er verið að styrkja
stjórnina með því að víkja þeim ágreiningi til
hliðar.“
Guðbjartur Hannesson sagði í viðtali við
Morgunblaðið að honum lítist ágætlega á að
verða ráðherra. „Þetta er náttúrlega fyrst og
fremst verkefni í að sameina þessi ráðuneyti
og koma þessum málaflokki sem best fyrir.
Þ.e.a.s. bæði félags- og heilbrigðismálunum
þannig að við náum fram bæði hagkvæmni en
líka enn betri þjónustu,“ segir Guðbjartur
sem kvaðst ekki hafa fengið að vita af skipan
sinni fyrr en á þingflokksfundi Samfylking-
arinnar í gærmorgun.
„Ég hafði engan aðdraganda til að undirbúa
mig þannig. Það verður verkefnið í dag og
næstu daga að setja sig vel inn í hvað er á
borðunum en eins og ég segi þá er stóra verk-
efnið að sameina þetta og vinna vel úr því.“
Þá hafði Guðbjartur ekki jakkaföt meðferð-
is til borgarinnar, en hann er búsettur á Akra-
nesi. Það þykir ekki góður siður að mæta til
ríkisráðsfundar í gallabuxum og bol og þóttu
því góð ráð dýr. „Ég gleymdi þeim alls ekki.
Ég bara gerði ekkert sérstaklega ráð fyrir því
að verða ráðherra þannig að ég varð að láta
sækja þau, það er rétt,“ sagði Guðbjartur að
lokum og hló.
Þeim kafla lokið
Utanþingsráðherrarnir tveir víkja nú úr
ríkisstjórn en Ragna Árnadóttir sagði við
fréttamenn að nóg væri til af góðu fólki til að
vinna verk sín og því ekki óeðlilegt að hún viki
úr ríkisstjórn. Hún kvaðst ekki ætla að snúa
sér að stjórnmálum, þeim kafla í hennar lífi
væri nú lokið. Þá vildi hún ekki tjá sig um
hvað væri erfiðasta verkefnið sem biði Ög-
mundar. „Ég skal ekki segja, hann bjargar
sér.“
Tveir nýir ráðherrar taka við
Morgunblaðið/Ómar
Ríkistjórnin Tíu ráðherrar eru í ríkisstjórninni eftir breytingarnar, sex karlar og fjórar konur. Ögmundur Jónasson og Guðbjartur Hannesson
koma nýir inn í ríkisstjórnina. Gengið var formlega frá ráðherraskiptunum á ríkisráðsfundi á Bessastöðum skömmu fyrir hádegi í gær.
Ögmundur Jónasson og Guðbjartur Hannesson nýir ráðherrar Gylfi, Ragna, Álfheiður og Kristján
kveðja ríkisstjórn Flestir stjórnarliðar telja ráðherraskiptin styrkja stöðu ríkisstjórnarinnar
Morgunblaðið/Ómar
Jakkaföt Guðbjartur Hannesson var ekki í jakkafötum þegar hann lagði af stað frá Akranesi í
gærmorgun. Þegar hann fékk staðfest að hann þyrfti að fara til Bessastaða til að taka við ráð-
herraembætti lét hann senda sér jakkaföt. Bindið lét hins vegar ekki að stjórn í golunni í gær.
4 FréttirINNLENT
MORGUNBLAÐIÐ FÖSTUDAGUR 3. SEPTEMBER 2010
Í yfirlýsingu
formanna
stjórnarflokk-
anna kemur
fram að rík-
isstjórnin
hyggst setja ný
lög um vatn og
samþykkja
vatnatilskipun
Evrópu.
Vatnatilskipun Evrópu gengur
út á það að gæðum vatns í álf-
unni hraki ekki. Til að sýna fram
á að það gerist ekki þarf hvert
ríki að skila stöðuskýrslu um
ástand vatns og síðan vöktunar-
áætlun. Ástand er mælt með líf-
fræðilegum aðferðum. Fylgst er
með þörungum, smádýrum og
fiskum auk efna- og eðlisþátta.
Í ársskýrslu Veiðimálastofn-
unar kemur fram að tilskipunin
kalli því eftir talsverðri viðbót-
arvinnu af hálfu hennar.
Samþykkja
vatnatilskipun
STEFNUMÁL