Morgunblaðið - 03.09.2010, Blaðsíða 29
Minningar 29
MORGUNBLAÐIÐ FÖSTUDAGUR 3. SEPTEMBER 2010
og átti nokkur uppáhaldslög með
Metallica sem Óli var búinn að
kenna henna að meta.
Þótt heilsuleysið kallaði á sjúkra-
húsvist með reglulegu millibili var
alltaf hennar takmark að komast
aftur heim. Við gerðum allt sem í
okkar valdi stóð til að svo gæti orð-
ið.
Þótt líkaminn væri orðinn veikur
var hún andlega mjög sterk og ung
í anda. Við reyndum að gera okkur
dagamun með sumarbústaðaferð-
um af og til þó að erfitt hafi verið
orðið um vik síðustu árin.
Ég vil þakka tengdamóður minni
fyrir allt sem hún gerði fyrir mig
og fjölskylduna. Ég trúi því að hún
sé nú laus úr viðjum líkamans og
endurnærð á nýju tilverustigi.
Okkur er ofarlega í huga þakk-
læti fyrir þá góðu umönnun sem
hún fékk síðustu árin frá heima-
hjúkrun heilsugæslunnar í Garða-
bæ. Þar starfa ótrúlegar konur sem
í gegnum tíðina tengdust Marsý
sterkum böndum. Frábæru starfs-
fólki hjartadeilda, Heimahlynning-
ar og líknardeildar Landspítalans
eru færðar þakkir. Blindrabóka-
safnið fær þakkir fyrir góða þjón-
ustu en Marsý naut þess að hlusta
á hljóðbækur. Sérstakar þakkir
færum við Kolbrúnu Jónsdóttur
hjá Heimaþjónustu Garðabæjar
fyrir hjálp, vináttu og tryggð.
Ólafur Hermannsson.
Elsku amma okkar. Það er svo
óraunverulegt að þú sért farin frá
okkur. Þú varst svo stór hluti af lífi
okkar og besti vinur sem hægt er
að hugsa sér.
Minningarnar sem koma fram
eru allar um þig brosandi eða hlæj-
andi með okkur. Þú varst með svo
skemmtilegan húmor og sama hvað
bjátaði á var alltaf stutt í brosið
þitt sem lýsti upp tilveruna.
Það var svo gaman að fara með
þér í Hraunhól og við nutum þess
líka að vita að þér leið vel þar með
okkur. Það var líka svo gott að vera
bara með þér heima og hafa þig hjá
okkur. Við höfum átt yndislegar
stundir saman sem við munum búa
að allt okkar líf og ótal minningar
sem við munum varðveita um
ókomin ár.
Þú hefur verið stoð okkar og
stytta í gegnum árin. Þú hefur allt-
af hvatt okkur áfram og haft óbil-
andi trú á okkur í öllu sem við tók-
um okkur fyrir hendur.
Það hefur verið yndislegt að hafa
þig heima hjá okkur og vita af þér
ýmist prjónandi eða sitjandi með
seppana okkar. Notalegra heimili
hefur vart verið til.
Við bræðurnir erum svo þakk-
látir fyrir að hafa verið í þínu lífi og
fengið að hafa þig í okkar. Hlýjan
þín mun ylja okkur alla ævi.
Takk fyrir allt.
Þínir
Páll og Ólafur (Palli og Óli).
Við kveðjum þig kæra amma
með kinnar votar af tárum
á ást þinni enginn vafi
til okkar, við gæfu þá bárum.
Horfin er hönd þín sem leiddi
á hamingju og gleðifundum,
ástúð er sorgunum eyddi
athvarf á reynslustundum.
Margt er í minninga heimi
mun þar ljósið þitt skína,
englar hjá guði þig geymi
við geymum svo minningu þína.
(Höf. ók.)
Fyrir hönd barnabarna og
barnabarnabarna,
Sigrún María Ammendrup.
Blíð og hlý eru orðin sem fyrst
koma upp í hugann þegar ég kveð
hana Marsý, sem fyllti afar fá-
mennan hóp mikilla sæmdarkvenna
sem ég kallaði uppáhaldsfrænkur
mínar. Mér hefur alltaf þótt ég
vera einstaklega heppinn með syst-
ur foreldra minna, – þær voru
sannkallaðar perlur í mannhafinu.
Marsý er nú síðust þeirra til að
kveðja og mér finnst miklu tóm-
legra um að litast eftir en áður.
Frá blautu barnsbeini var ég
alltaf umvafinn blíðri væntumþykju
þegar ég hitti Marsý – og þegar við
bættist glaðværðin og hnyttnin í
manninum hennar, honum Tage
heitnum, varð úr heillandi blanda
sem gerði það svo eftirsóknarvert
og skemmtilegt að heimsækja þetta
sómafólk.
Fyrir allar þessar stundir með
Marsý þakka ég nú af heilum hug.
Við í fjölskyldunni kveðjum hana
með miklum söknuði og virðingu og
sendum hennar nánustu okkar
dýpstu samúðarkveðjur.
Páll Magnússon.
Í dag kveð ég mína bestu vin-
konu, hana Marsý, eftir 60 ára vin-
áttu. Alltaf var hún jafn ljúf, góð og
brosmild og kvartaði aldrei þótt oft
liði henni illa.
Ég kynntist Marsý og Tage þeg-
ar þau og maðurinn minn Kornelíus
voru í Mandólínhljómsveitinni, en
síðar stofnuðu þau MAJ-tríóið.
Það er margs að minnast; dans-
æfinga, ferðalaga innanlands og ut-
an, ótal heimsókna í sumarbústað-
inn þeirra og ævintýralandið
Dalakofann þar sem alltaf voru
hlýjar móttökur. Tennisvöllurinn
þar laðaði líka að þar sem við fjög-
ur spiluðum saman.
Marsý fór ekki varhluta af sorg-
inni þegar hún missti hann Tage,
stóru ástina í lífi sínu, og nokkrum
árum síðar ástkæran son þeirra,
Axel. Var þetta henni mikið áfall
þótt hún sýndi mikið æðruleysi. Við
áttum mörg trúnaðarsamtöl og tal-
aði hún oft um það við mig hvað við
ættum góð börn og gætum verið
þakklátar fyrir það.
Elsku vinkona, þakka þér fyrir
öll árin.
Kæru Palli, Mæja og fjölskyldur,
megi Guð styrkja ykkur í sorginni.
Sigríður Pétursdóttir.
var öllum fyrirmynd lifir áfram. Guð
blessi minningu elsku afa Matta.
Elísabet Lovísa og fjölskylda.
Elsku afi Matti. Þú varst svo góð
fyrirmynd fyrir mig og alla sem voru
í kringum þig, alltaf hress og jákvæð-
ur. Þú varst alltaf til í að prufa eitt-
hvað sem var hollt fyrir líkamann,
þaðan er sprottinn áhugi minn á að
leita í það sem náttúran hefur að
geyma og virkar svo vel fyrir heils-
una. Ég man að þú og amma Tolla
sýnduð mér fyrst Heilsupóstinn, það
var og er enn eitt aðalheilsurit sem til
er á íslensku.
Þið amma höfðuð svo mikinn
áhuga á að varðveita góða heilsu,
gera reglulegar æfingar og borða
hollan mat, mikið af grænmeti. Ekki
var nú mikið um grænmeti þegar þú
ólst upp svo það var ánægjulegt að
þið vilduð vera svona heilsusamleg.
Allar sögurnar sem þið sögðuð mér
frá því í gamla daga sem voru mjög
framandi fyrir okkur sem höfðum allt
til alls.Tæknin fannst þér alveg ótrú-
leg, ég var að tala við þig í gegnum
tölvuna og þú varst nú ekki viss um
að ég væri þarna, þetta væri senni-
lega bara upptaka eða vidió eins og
þú kallaðir það. Nei, nei, þetta er að
gerast núna og þú varst svo hlessa á
þessu öllu saman.
Ég man eftir mörgum sögum af
þér og á eftir að rifja þær upp um
ókomna tíð, sérstaklega þegar ég
hugsa til þín og ömmu Tollu. Nú eruð
þið saman loksins eftir langan að-
skilnað og bæði hress og kát í Paradís
með Guði og englunum.
Þakka þér fyrir allt sem þú hefur
kennt mér og mínum.
Blessi þig elsku afi minn og góða
ferð.
Guð veri með ykkur öllum elskurn-
ar mínar.
Saknaðarkveðja,
Matthildur.
Ertu eitthvað skyldur honum
Matta skó? Þetta heyrði ég gjarnan
er fólk í Keflavík heyrði nafnið mitt.
Já, það er afi minn, svaraði ég stoltur
og komu þá iðulega skemmtilegar
sögur af kynnum þess af honum því
allir virtust þekkja hann. Ég fann að
það bar mikla virðingu fyrir honum
og þótti hann hörkukarl, og það var
ekki ofsögum sagt. Í dag kveðjum við
elsku afa Matta. Ættarhöfðinginn er
fallinn frá en hann varð 98 ára hinn
11. ágúst síðastliðinn. Tilfinningin er
einkennileg. Hann hefur alltaf verið
hérna. Það var líkt honum að klára
afmælið sitt og kveðja svo því hann
gerði alltaf það sem hann ætlaði sér.
Fyrstu minningar mínar af afa
voru af honum að skera ístertuna á
aðfangadagskvöld. Þetta var ómiss-
andi þáttur og gaf okkur krökkunum
fastan punkt í tilverunni að hlakka til.
Við erum líka sammála krakkarnir
um að önnur sterk æskuminning
tengd afa var vindlalyktin í Skodan-
um, alltaf á fleygiferð, og ekki fyrir
bílhrædda að fá far með honum. Það
er erfitt að minnast hans í fáum orð-
um.
Ég lærði margt af þér, afi, og verð
ævinlega þakklátur fyrir samtölin
sem við höfum átt í gegnum tíðina.
Þú kenndir mér að flækja ekki hluti
að óþörfu og að góð heilsa og geta til
athafna væri okkar stærsti fjársjóð-
ur. Þér fannst mikilvægt að leggja sig
fram þegar kom að fjölskyldunni. Þú
varst af þeirri kynslóð sem gerði það
sem þurfti að gera og var oft ekkert í
líkingu við það sem nútíminn býður
upp á. Ég er betri maður eftir að hafa
átt þig sem afa. Þú varst ósáttur við
að horfa upp á eldra fólk hætta að lifa
og byrja að bíða. Bíður eftir kaffinu
sagðirðu, bíður eftir hádegismatnum,
ég ætla ekki að bíða eftir neinu, ég
ætla að vera á hlaupum þangað til ég
stingst ofan í jörðina. Þetta stóðstu
við og tókst þér aðeins stutta hvíld
áður en þú lagðir í þína hinstu ferð.
Eftirfarandi saga lýsir afa vel. Ég
var á leið frá Keflavík til Reykjavíkur
með vini fyrir um 7 árum. Ég segi við
vin minn: Ég ætla að stökkva inn og
heilsa upp á afa augnablik. Ha, segir
hann er hann á lífi ennþá? Hvað er
hann gamall? Hann er 91 árs segi ég.
Þegar við komum inn er afi að æpa á
handboltaleik í sjónvarpinu, milli
þess sem hann spyr á sama styrk á
hvaða ferðlagi við séum. Er við löbb-
um út ganginn frá honum segi ég, það
er ekki eins og við höfum verið að
hitta gamlan mann, við erum orku-
meiri en þegar við komum inn. Já,
svarar vinurinn, þetta var eins og að
labba á rafmagnsgirðingu.
Að hafa þig á brúðkaupsdaginn
okkar Evu, sama dag og þú varðst 95
ára, þar sem þú kvaðst vísur var ólýs-
anlega mikilvægt. Við geymum þá
minningu alla okkar daga.
Elsku afi, við hefðum viljað hafa
þig áfram en þar sem amma var kom-
in í bláu kápuna til að ná í þig yljar
það okkur um hjartarætur að þið
séuð sameinuð á ný. Engin orð fá lýst
þakklætinu fyrir allar stundirnar
sem við áttum saman og fyrir að eiga
þig sem afa. Ég kveð þig hinstu
kveðju með þessum fátæklegu orðum
vitandi að lífskraftur þinn lifir áfram
með okkur um ókomin ár.
Matti Ósvald Stefánsson.
✝
Ástkær móðir okkar,
SIGURLAUG ÍSABELLA ÁRNADÓTTIR,
Bleiksárhlíð 17,
Eskifirði,
lést á heimili sínu þriðjudaginn 24. ágúst.
Minningarathöfn fer fram í Eskifjarðarkirkju
laugardaginn 4. september kl. 14.00.
Vilhjálmur Árni Ragnarsson,
Kristrún Lilja Ragnarsdóttir.
✝
Systir mín og frænka okkar,
ERLA ELÍSABET GÍSLADÓTTIR,
Stillholti 19,
Akranesi,
lést á Landspítalanum við Hringbraut,
föstudaginn 27. ágúst.
Útförin fer fram frá Akraneskirkju þriðjudaginn
7. september kl. 14.00.
Aðstandendur.
✝
Móðir okkar, amma og langamma,
ANNA ÓLÖF ELÍASSON,
lést fimmtudaginn 2. september.
Nína Björk, Edda, Örn,
barnabörn og barnabarnabörn.
✝
Frænka okkar,
MARGRÉT HANNA EYJÓLFSDÓTTIR,
Fossheiði 48,
Selfossi,
lést þriðjudaginn 31. ágúst.
Guðrún Ásbjörnsdóttir,
Þorgeir Sigurðsson,
Sigurður Ingi Sigurðsson.
✝
Ástkær eiginmaður, faðir, tengdafaðir, afi og mágur,
NORMAN JOHN EATOUGH,
lést í Boca Raton, Flórída, þriðjudaginn 31. ágúst.
Svava Þórisdóttir Eatough,
Kathleen Eatough,
Chris Hora,
Kristen Hora,
Örn Þórisson,
Sigmundur Þórisson.
✝
Okkar ástkæra móðir, tengdamóðir, amma,
langamma og langalangamma,
GUÐRÚN INGVARSDÓTTIR,
Sólvangsvegi 1,
Hafnarfirði,
andaðist á St. Jósefsspítala, Hafnarfirði,
miðvikudaginn 1. september.
Útförin fer fram frá Hafnarfjarðarkirkju föstudaginn
10. september kl. 13.00.
Ingvar Viktorsson, Birna Blomsterberg,
Guðmunda Inga Viktorsdóttir,
Ingunn Elísabet Viktorsdóttir, Sigurður Ólafsson,
Matthías Viktorsson, Inga H. Andreassen,
Þorvaldur Jón Viktorsson, Magnhildur Gísladóttir,
Gunnar Viktorsson, Harpa Hrönn Sigurðardóttir,
ömmubörn, langömmubörn og langalangömmubörn.