Morgunblaðið - 19.11.2010, Page 18
18 FRÉTTIRInnlent
MORGUNBLAÐIÐ FÖSTUDAGUR 19. NÓVEMBER 2010
Í Kópavogi Verslanamiðstöðin Smáralind.
Yfir fimmtíu manns sóttu íbúafund
í Smáraskóla í Kópavogi í fyrradag
þar sem fjallað var um fjárhags-
áætlun bæjarins á næsta ári. Fjöl-
margar tillögur komu frá fundar-
gestum um það hvernig mætti
spara hjá bænum. Má þar nefna
styttingu skólaársins, lokun skíða-
svæðisins í Bláfjöllum, fækkun
nefnda, sameiningu sveitarfélaga
og endurskoðun samninga við
íþróttafélögin. Niðurstöður fund-
arins í heild verða birtar á næstu
dögum á heimasíðu bæjarins.
Margar tillögur
Meirihluti landsmanna er hlynntur
íslenskum áliðnaði samkvæmt skoð-
anakönnun sem Capacent vann fyr-
ir Samtök álframleiðenda á Íslandi
(Samál) sem stofnuð voru síðast-
liðið sumar. Samtals eru 54,4%
hlynnt áliðnaðinum samkvæmt
könnuninni á meðan 22,6% eru nei-
kvæð gagnvart honum.
Í fréttatilkynningu frá Samál
segir Rannveig Rist, stjórnar-
formaður samtakanna, að samtökin
muni „leggja sérstaka áherslu á
upplýsingagjöf enda hafa skoðana-
kannanir sýnt að aðeins 25% lands-
manna telja sig þekkja vel til áliðn-
aðar þrátt fyrir alla þá umfjöllun
sem hann hefur fengið. Þá hefur
það og sýnt sig að afstaða fólks sem
býr í nágrenni við álverin er já-
kvæðari í garð þeirra“.
Þá segir að ljóst sé að eftir því
sem fólk þekkir betur til áliðnaðar-
ins sé það jákvæðara gagnvart hon-
um. Aukin upplýsingagjöf sé því
stærsta hagsmunamál áliðnaðarins
á Íslandi í dag að því er segir í
fréttatilkynningu Samál.
Morgunblaðið/Eggert
Álið Samtök álframleiðenda á Íslandi segja að upplýsingamiðlun sé stærsta hagsmuna-
mál áliðnaðarins á Íslandi. Frá kynningarfundi á skoðanakönnun samtakanna í gær.
Meirihlutinn hlynntur áliðnaði í skoðana-
könnun fyrir samtök álframleiðenda
Þjóðminjasafn Íslands hefur búið til
spurningaskrá vegna heimildasöfn-
unar. Tilgangurinn með þessari
spurningaskrá er að kanna hvort
og í hvaða mæli fólk gerir við bús-
hluti, fatnað og annað heima hjá
sér, hvað það býr til sjálft og hversu
mikið það notar hlutina eða end-
urnýtir. Þjóðminjasafnið hvetur
fólk til að leggja söfnuninni lið og
varðveita þannig mikilvæga þekk-
ingu sem annars er hætt við að fari
forgörðum. Sækja má spurn-
ingaskrána á vefsíðu Þjóðminja-
safnsins og senda svörin á net-
fangið agust@thjodminjasafn.is.
Morgunblaðið/Kristinn
Viðgerðir Margir gera nú við fötin sín.
Spurningaskrá um
heimatilbúna hluti
Uppboð verður haldið í Góða hirðinum, nytjamarkaði
Sorpu, kl. 16.30 í dag í Fellsmúla 28. Uppboðshaldari
verður enginn annar en tónlistarmaðurinn góðkunni KK
og rennur allur ágóði uppboðsins óskiptur til Bjark-
aráss, sem er ein af stofnunum Áss styrktarfélags sem
veitir fötluðu fólki dagþjónustu, hæfingu og vinnu.
Markmið Góða hirðisins er að stuðla að endurnotkun,
minnka sóun og láta gott af sér leiða, því ágóði af sölu í
Góða hirðinum rennur til ýmissa góðgerðarmála. Ef fer
sem stefnir fara rúmlega 800 tonn af munum í end-
urnotkun með þessum hætti í ár.
Í Bjarkarás kemur fjölbreyttur hópur fullorðins fólks
með ólíkar þarfir. Margir þeirra eru í starfsþjálfun af einhverju tagi, aðrir
fá aðstoð við að efla félagslega færni og enn aðrir nýta listræna hæfileika
sína til sköpunar eða taka þátt í ræktun grænmetis í gróðurhúsinu. Um 50
manns koma í Bjarkarás í viku hverri.
Uppboð með KK í góða hirðinum
Kristján
Kristjánsson
Á sunnudag nk. kl. 20:00 standa Al-
Anon-fjölskyldudeildirnar á Íslandi
fyrir fundi í Grafarvogskirkju í til-
efni af 38 ára afmæli félagsins.
Al-Anon er félagsskapur karla,
kvenna og unglinga sem hafa orðið
fyrir áhrifum af drykkju ættingja
eða vina. Al-Anon er sjálfshjálp-
araðferð sem byggð er á tólf
reynslusporum AA-samtakanna.
Til að gerast félagi þarf aðeins
eitt, að ættingi eða vinur hafi átt
eða eigi í vanda vegna alkóhólisma.
Nafnleyndar er gætt í Al-Anon og
engra félagsgjalda er krafist.
Á fundinum munu þrír Al-Anon
félagar, einn Alateen- og einn AA-
félagi deila reynslu sinni. Allir eru
hjartanlega velkomnir.
Al-Anon-fundur
STUTT
Lionsklúbburinn Æsa í Njarðvík
stendur fyrir markaði í Vatns-
nesbásum, Víkurbraut 6 í Reykja-
nesbæ, laugardaginn 20. nóvember
frá kl. 13-17. Þá verður boðinn til
sölu ýmiss konar varningur, bæði
nýr og notaður, á frábærum kjör-
um. Allur ágóði af sölunni rennur
beint til líknarsjóðs Lionsklúbbsins
Æsu.
Lionsklúbburinn
Æsa með markað
Ágúst Ingi Jónsson
aij@mbl.is
„Það er fráleitt að eyða kröftum og
fjármunum í þennan Evrópuferil en
skera á sama tíma niður í heil-
brigðis-, mennta- og öðrum velferð-
armálum,“ segir Jón Bjarnason,
sjávarútvegs- og landbúnaðar-
ráðherra, aðspurður hvort hann vilji
hætta strax viðræðum við Evrópu-
sambandið um aðild. „Þegar við
stöndum frammi fyrir margvíslegum
erfiðum viðfangsefnum í grunnþjón-
ustunni þá velti ég fyrir mér for-
gangsröðuninni og tel mörg önnur
verkefni brýnni en þessar viðræður.“
Ættum við ekki að
skilgreina okkar kröfur?
„Það er ljóst að Evrópusam-
bandið lítur á þessar viðræður sem
aðildar- og aðlögunarviðræður,“ seg-
ir Jón. „Af þeirra hálfu er farið út í
þær á þeim forsendum að þegar og
ef að samningi kemur þá uppfylli all-
ur innri strúktúr hér á landi þær
kröfur sem Evrópusambandið gerir.
Núna erum við á forsendum Evrópu-
sambandsins í þessum viðræðum og
vinnum eftir þeirra aðferðafræði. Við
skiljum þeirra aðferðafræði og
þeirra kröfur, en ættum við ekki að
skilgreina okkar kröfur?“ spyr Jón.
Hann bendir á að ef mönnum sé
kappsmál að halda áfram sé hægt að
horfa til þeirrar aðferðafræði sem
ESB hafi lagt upp með. „ESB leggur
upp í þessar viðræður með ákveðin
skilyrði sem þeir kalla opnunarskil-
yrði eða „opening benchmarks“.
ESB löndin setja þessi skilyrði ein-
hliða og án þess að um þau sé samið.
Á sama hátt gætum við sett fram
okkar skilyrði. Í nefndaráliti meiri-
hluta utanríkismálanefndar með til-
lögunni um aðildarumsókn er gerð
grein fyrir helstu hagsmunum Ís-
lands og með því að setja þau fram
sem okkar skilyrði fyrir því að fara í
viðræður þá getum við fengið úr því
skorið hvort það þurfi að eyða hér
mikilli fyrirhöfn og fjármunum.
Við erum hér að tala um atriði
eins og þau hvort Ísland haldi var-
anlega fullum yfirráðum yfir fisk-
veiðiauðlindinni og hafi fullan rétt til
að semja um deilistofna. Það yrði
líka horft til þess að við getum stýrt
landbúnaðinum út frá okkar eigin
þjóðhagslegu sjónarmiðum. Afstaða
til framhaldsviðræðna yrði svo tekin
þegar svör við slíkum grundvallar-
spurningum liggja fyrir.
Þessi ríkisstjórn hefur gert
margt mjög gott við mjög erfiðar að-
stæður. Hvaða ríkisstjórn önnur
hefði til dæmis getað tekið á efna-
hagsmálunum og uppgjöri eftir hrun-
ið? Það hefði verið fróðlegt að sjá
Sjálfstæðisflokkinn og Framsókn-
arflokkinn koma að því verki, en
þessir flokkar eru arkitektar hruns-
ins. Af minni hálfu er hins vegar frá-
leitt að halda að þessi ríkisstjórn sé
mynduð utan um ESB-umsókn,“
segir Jón.
Mörg verkefni brýnni en
aðildarviðræður við ESB
Morgunblaðið/Árni Sæberg
Deiluefni Afstaða Jóns Bjarnasonar til ESB hefur legið fyrir í langan tíma.
Jón og Jóhanna Sigurðardóttir, forsætisráðherra, í ræðustóli á Alþingi.
Segir fráleitt að kröftum og fjármunum sé eytt í ESB-
viðræður um leið og hert sé að í heilbrigðis- og menntamálum
Evrópumálin verða til umræðu á
flokksráðsfundi Vinstri-grænna
sem hefst í kvöld. Fram kom í
Morgunblaðinu í gær að á fund-
inum yrði lögð fram tillaga um að
„yfirstandandi aðlögunarferli að
Evrópusambandinu verði stöðvað,
svokallaðri rýnivinnu vegna máls-
ins hætt og að ekki komi til boð-
aðra fjárveitinga úr sjóðum ESB
inn í íslenskt efnahags- og stjórn-
málalíf“.
Jón segir að ferillinn varðandi
aðild að ESB hafi verið mjög um-
deildur innan Vinstri-grænna og
bendir á fjölmargar ályktanir í
þeim efnum. „Ég bendi á ályktun
sem gerð var á flokksráðsfundi VG
fyrir tæpu ári en þá var samþykkt
ályktun um að standa vörð um
sjálfstætt sjávarútvegs- og land-
búnaðarráðuneyti og allra síst að
gera breytingar þar á meðan Evr-
ópusambandsumsóknin er í gangi.
Sú samþykkt stendur og sýnir
áherslu Vinstri-grænna á hversu
mikilvægt það er að vera með
sterkt og öflugt ráðuneyti þessara
höfuðatvinnuvega þjóðarinnar og
fletja það ekki út með sameiningu
við önnur ráðuneyti. Í viðræðunum
verður ekki hvað minnst tekist á
um málaflokka sem eru á forræði
þessa ráðuneytis,“ segir Jón.
Fjölmargar ályktanir
UMDEILDUR EVRÓPUSAMBANDSFERILL
Einar Örn Gíslason
einarorn@mbl.is
„Við ætlum að létta þeim lífið. Þeir fá
að koma með sinn eigin aðstoðar-
mann inn á kjörstað,“ segir Hjalti
Zóphóníasson, skrifstofustjóri borg-
ara- og neytendaskrifstofu dóms-
málaráðuneytisins, spurður að því
hvernig fyrirkomulagi atkvæða-
greiðslu blindra og sjónskertra verði
háttað í stjórnlagaþingskosningun-
um eftir rúma viku. Þetta er breyt-
ing á því fyrirkomulagi sem haft hef-
ur verið á undanfarna áratugi.
Blindum og sjónskertum hefur stað-
ið til boða að notast við þar til gerð
spjöld, sem lögð eru ofan á kjörseðl-
ana. Spjöldin eru merkt með blindra-
letri og kjósandanum þannig gert
auðvelt um vik að velja þann fram-
bjóðanda eða framboðslista sem
hann vill kjósa. Hjalti segir þetta
óframkvæmanlegt nú, vegna hins
mikla fjölda fram-
bjóðenda. Auk
aðstoðarmanns-
ins verður fulltrúi
kjörstjórnar að
vera viðstaddur í
kjörklefanum.
Hjalti segir þetta
gert til þess að
tryggja það að að-
stoðarmaðurinn
fari í raun að vilja
kjósandans.
„Gróf mannréttindabrot“
Arnþór Helgason sendi skrifstofu
Stjórnlagaþings nýverið tilkynningu
þess efnis að hann ætlaði sér ekki að
kjósa í kosningunum, þar sem hópi
fólks væri ekki gert kleift að neyta
atkvæðisréttar síns á sama hátt og
öðrum borgurum landsins. Hann
segir það ekki koma neinum við hvað
hann kjósi, og fyrirkomulagið nú sé
ekkert annað en mannréttindabrot
af grófustu gerð. „Ég held að almenn
lög um kosningar hljóti að gilda um
réttindi blindra og sjónskertra. Ég
er t.d. undrandi yfir því að ekki skuli
reynt að hafa rafræna kosningu.“
Hjalti segir Blindrafélagið fella
sig við aðstoðarmannafyrirkomulag-
ið. Kristinn Halldór Einarsson, for-
maður Blindrafélagsins, segir það að
hluta til rétt. Félagið leggist hins
vegar gegn því að fulltrúi kjörstjórn-
ar sinni „eftirliti“ í kjörklefanum.
„Þetta er þessi gamaldags hugsun-
arháttur, sem við erum að benda á,
að eitthvert yfirvald, hvort sem það
er starfsmaður í félags- eða heil-
brigðisþjónustu, eða yfirvald eins og
kjörstjórn, telur sig þess umkomið
að geta tekið sjálfræðið af einhverj-
um fötluðum og dæmt um það hvort
verið sé að fara að vilja hans. Þetta
er margra áratuga gömul hugsun og
forræðishyggja.“
Blindir og sjónskertir kjósa
með tvo aðra sér við hlið
Óánægja vegna fyrirkomulags stjórnlagaþingskosninga
Arnþór Helgason