Morgunblaðið - 19.11.2010, Síða 36

36 MENNING
MORGUNBLAÐIÐ FÖSTUDAGUR 19. NÓVEMBER 2010
Lífið á Íslandi
væri áreiðanlega
betra ef IKEA stjórnaði
landinu. 39
»
Nemendur við Söngskólann í
Reykjavík munu gleðja kirkjugesti
á Reykjavíkursvæðinu og nágrenni
með söng sínum á sunnudaginn
kemur, í tilefni af degi heilagrar
Sesselju, verndara tónlistarinnar,
söngvara og tónlistarmanna.
Nemendur Söngskólans munu
syngja einsöng eða tvísöng við
guðsþjónustur í Reykjavík, Sel-
tjarnarnesi, Kópavogi, Garðabæ og
Hafnarfirði.
Syngja 15 söngvarar í nær 20
kirkjum þennan dag, í guðsþjón-
ustum sem hefjast ýmist klukkan
11, 14 eða 20.
Ungir
söngvarar
í kirkjum
Nemendur Syngja fyrir kirkjugesti.
Súlan, menning-
arverðlaun
Reykjanesbæjar
fyrir 2010, var
afhent í vik-
unni. Veitt voru
tvenn verðlaun,
eins og vera
ber, til ein-
staklings og
fyrirtækis.
Gunnar Marel
Eggertsson skipasmiður hlýtur
Súluna í ár fyrir smíðina á vík-
ingaskipinu Íslendingi, siglinguna
til Ameríku og þátttöku sína við
uppbyggingu Víkingaheima í
Reykjanesbæ.
Þá hlýtur veitingastaðurinn
Paddy’s Súluna fyrir eflingu tón-
listarlífs í bænum, með því að
skapa ungu tónlistarfólki tæki-
færi til flutnings tónlistar.
Gunnar og
Paddy’s fá
Súluna
Gunnar Marel
Eggertsson
Haldið verður upp á útgáfu
geisladisksins Little Things
Mean a Lot á tónleikum í Ís-
lensku óperunni á morgun,
laugardaginn 20. nóvember
klukkan 17.
Á diskinum og á tónleik-
unum sameina krafta sína
Auður Gunnarsdóttir óp-
erusöngkona og kammer-
hljómsveitin Salon Islandus,
en hana skipa margir kunn-
ustu hljóðfæraleikarar þjóðarinnar.
Á tónleikunum hljómar tónlist af disknum, ljúf-
lingslög á borð við Moon River, Over the Rain-
bow, So in Love, Smoke Gets in Your Eyes og All
the Things You Are.
Tónlist
Tónleikar Auðar og
Salon Islandus
Auður
Gunnarsdóttir
Tónlistarskólinn í Reykjavík
fagnar um þessar mundir 80
ára afmæli og er ýmislegt gert
til hátíðarbrigða af því tilefni.
Á morgun, laugardaginn 20.
nóvember, klukkan 17 verða
sérstakir hátíðartónleikar í
Neskirkju þar sem Hljómsveit
Tónlistarskólans í Reykjavík
flytur Sinfóníu nr. 9 eftir A.
Dvorák og Fiðlukonsert nr. 3
eftir C. Saint-Saëns. Auk þess
verður frumflutt verkið „Streng stillir fingur“ sem
Tryggvi M. Baldvinsson samdi og tileinkaði Tón-
listarskólanum í Reykjavík í tilefni af áttræð-
isafmæli skólans. Einleikari á tónleikunum er Sól-
veig Steinþórsdóttir, 15 ára.
Tónlist
Hátíðartónleikar
Tónlistarskólans
Sólveig
Steinþórsdóttir
Myndlistarfélagið stendur fyr-
ir málþingi á RUB á Akureyri
á morgun, laugardag 20. nóv-
ember, milli kl. 14-17.
Yfirskrift þingsins er: Eru
skólarnir skapandi?
Framsögumenn verða Krist-
inn G. Jóhannsson, Kristín
Dýrfjörð, Ragnheiður Þórs-
dóttir, Guðmundur Ármann
Sigurjónsson og Þorvaldur
Þorsteinsson. Einnig mun Ivar
Hollanders tala um upplifun sína af skólakerfinu.
Fundarstjóri er Ingibjörg Auðunsdóttir.
Stjórn Myndlistarfélagsins telur þarft að öll
skólastigin mætist og velti fyrir sér tilgangi
myndlistarkennslu og hvernig henni er háttað.
Myndlist
Spyrja hvort skólar
séu skapandi
Kristinn G.
Jóhannsson
Kolbrún Bergþórsdóttir
kolbrun@mbl.is
Hjá bókaforlaginu Sögum koma út þrjú skáld-
verk þetta árið. Óttar Norðfjörð sendir frá sér
spennusöguna Áttablaðarósin. „Þetta er gríð-
arlega góð spennusaga. Óttar hefur verið kall-
aður krónprins glæpasögunnar og á eftir að
verða einn af stóru höfundunum í íslenska
glæpasagnageiranum,“ segir Tómas Her-
mannsson útgáfustjóri og minnir á að Illugi Jök-
ulsson hafi nýlega sagt að Óttar Norðfjörð sé
miklu betri höfundur en Dan Brown.
Tregðulögmálið er skáldsaga eftir Yrsu Þöll
Gylfadóttur og er fyrsta bók höfundar. Hún seg-
ir frá Úlfhildi háskólastúdínu og skoðunum og
skilgreiningum hennar á samfélagi nútímans.
„Gráglettin og skemmtileg lesning,“ segir Tóm-
as. Sú þriðja, Raddir úr fjarlægð, er smásagna-
safn eftir Ingva Þór Kormáksson, sem Tómas
segir vera hrífandi og óvæntar sögur frá hæfi-
leikaríkum rithöfundi.
Geirfinnsmálið og kokkalandsliðið
19. nóvember er svo saga Hauks Guðmunds-
sonar, fyrrverandi rannsóknarlögreglumanns,
sem vann við hið ógurlega Geirfinnsmál á sínum
tíma, en hið óupplýsta hvarf Geirfinns átti sér
einmitt stað þann 19. nóvember 1974 og átti
heldur betur eftir að draga dilk á eftir sér.
„Haukur liggur ekki á skoðunum sínum um
þetta hryllilega mál sem varð að einum stærsta
skandal íslensks réttarkerfis fyrr og síðar.“
Einfalt með kokkalandsliðinu er aðeins léttari
bók sem kom út fyrir skömmu og hefur að sögn
Tómasar fengið frábærar viðtökur.
„Þú þarft í mesta lagi að kaupa fjögur hráefni
í hvern rétt, sem gerir matreiðsluna einfalda og
skemmtilega. Kokkarnir leiðbeina fólki með að
nota mikilvægasta eldhúsáhaldið – sköpunargáf-
una, í hvívetna, skipta út hráefnum og nýta það
sem til er í eldhúsinu hverju sinni,“ segir Tóm-
as.
Pétur Pan og sálfræði einkalífsins
Fimmta bókin í Ripley’s-flokknum, Ótrúlegt
en satt, kemur út en þær bækur hafa notið mik-
illa vinsælda hjá unglingum og eldri krökkum.
Afar falleg bók um Pétur Pan með flettimynd-
um og hljóðum er einnig á útgáfulistanum og
þar er sömuleiðis bók um Dóru landkönnuð, en
hún hefur ekki komið áður út á íslensku. Frá
hugmynd til veruleika er viðskiptabók eftir
Scott Belsky.
Sögur endurútgefa Saumahandbókina sem
hefur ekki verið fáanleg árum saman og sömu-
leiðis er komin ný útgáfa af Sálfræði einkalífsins
eftir Álfheiði Steinþórsdóttur og Guðfinnu Ey-
dal. Í bókinni svara Álfheiður og Guðfinna
spurningum eins og: Hvað er mikilvægt í lífinu?
Er hægt að læra á lífið? Er til góður skilnaður?
„Margir sem ég þekki hefðu gott af að lesa
þessa bók,“ segir Tómas útgáfustjóri.
Spenna og sálfræði
 Bókaforlagið Sögur sendir frá sér fjölbreytilegar bækur í ár  Spennusaga
eftir Óttar Norðfjörð  Saga lögregluþjóns sem vann að Geirfinnsmálinu
Morgunblaðið/Eggert
Tómas Hermannsson Hann stýrir bókaforlaginu Sögur sem gefur út fjölda bóka þetta árið. Á
útgáfulistanum eru meðal annars skáldsögur, smásagnasafn, ævisaga og matreiðslubók.
Tónleikar Kammermús-íkklúbbsins á sunnudagflíkuðu fáheyrðri tóngrein(„genre“ á alþjóðsku).
Nefnilega strengjatríói. Það er oft-
ast skipað fiðlu, víólu og sellói – jafn-
vel þótt fágætari afbrigði, þ. á m.
fiðlur og víóla eða fiðlur og kontra-
bassi, þekkist líka.
Elzta áhöfnin er fyrir tvær fiðlur
og selló, sprottin af tríósónötu bar-
okksins þegar fylgibassaritháttur
(með hljómfyllandi sembal um „tölu-
setta“ bassalínu sellósins) lagðist af
upp úr 1750. Ku Haydn hafa verið
manna fyrstur til að skipta 2. fiðlu út
fyrir víólu, er síðan festist í sessi
sem aðaláhöfn. En þó að rómantíkin
sinnti greininni lítið, hafa allnokkrir
tónhöfundar, einkum á 20. öld, hins
vegar tekið upp þrenningarhanzk-
ann, þótt einatt stæði í skugga
strengjakvartettsins.
Ástæðan er m.a. hversu erfitt er
að skrifa fyrir þrjár raddir við
ríkjandi fjórhljómskröfu, þó að
slyngir kompónistar geti að vísu fyllt
upp í með tvígripum. Líkt og oft
heyrðist í hinu enn vanmetna en
stórskemmtilega 3. tríói Beethovens
úr Op. 9 setti hans frá um 1797.
Sannast sagna var verkið það safa-
ríkt að hljómfyllingu að furðu gegnir
hvers vegna örninn ungi frá Bonn
hvarf aldrei aftur til sömu áhafnar.
Úr Netannálum Kammermúsík-
klúbbsins fannst aðeins eitt dæmi
um samskonar strengjatríó þegar
Es-dúr Dívertímentó Mozarts K563
var flutt í marz 2006. Sé svo, var
vissulega kominn tími á annað – og
raunar skemmtileg tilviljun að Op.
9,3 sé einmitt talið innblásið af téðri
meistaralegu fyrirmynd Vínar-
undrabarnsins. Og þó að kammer-
tækifæri hérlendra spilara séu að
vanda allt of fá – fyrir utan hvað tríó-
formið er kviknakið og vægðarlaust í
samleik – þá var gríðarleg ánægja
að snörpu og jafnvel rytmískt
fyndnu samspili þeirra þremenn-
inga, er sannaði hér sem oftar hvað
íslenzkir hlustendur fá yfirleitt
vandaða vöru í blóra við aðstæður.
Konungur tilbrigðaverka fyrir
barokkhljómborð, Goldberg-
tilbrigði Bachs (1743), var fluttur
eftir hlé í þegar rómaðri tríó-
umritun Dmitrys Sitkovetskys frá
1985. Líklega í fyrsta skipti hér á
landi, enda bentu hvorki tónskrá né
KMK-annáll til annars. Þó að umrit-
unin breytti að sögn hvergi nótu úr
sembalfrumgerðinni, mátti samt
eiga von á að Sitkovetsky gerði sér
a.m.k. annt um dýnamík umfram fá-
breytt styrkfyrirmæli Bachs, enda
heyrðust á stangli strengjalitir á við
glerkennt „sul ponticello“ og (öllu
sjaldnar en viðbúið) pizzicatoplokk.
Hreint burtséð frá nokkrum köflum,
þar sem frumgerðin virtist nánast
óumritanlega bundin við sembal en
gekk samt furðuvel upp.
En hvað sem öllu líður, þá reynd-
ist túlkun tríóspilaranna oftar en
ekki bæta nýrri vídd við meistara-
verkið. Gamla sagan um að bezta
músíkin þolir nánast allt! Og þó
maður væri ekki alltaf jafnsáttur við
stundum fullhraðskreitt tempóval,
þá var meðferðin almennt borin uppi
af þeirri samstilltu músíkölsku inn-
lifun sem brúað getur ólíklegustu
bil.
Allt þá þrennt er
Bústaðakirkja
Kammertónleikarbbbbn
Beethoven: Strengjatríó op. 9 nr. 3 í c-
moll. Bach/Sitkovetsky: Goldberg-
tilbrigðin í umritun fyrir strengjatríó.
Ari Þór Vilhjálmsson fiðla, Þórunn Ósk
Marinósdóttir víóla og Sigurgeir Agn-
arsson selló. Sunnudaginn 14. nóv-
ember kl. 20.
RÍKARÐUR Ö.
PÁLSSON
TÓNLIST
Strengjatríóið „... reyndist túlkun tríóspilaranna oftar en ekki bæta nýrri
vídd við meistaraverkið,“ segir meðal í umsögn um tónleika þeirra.