Morgunblaðið - 19.11.2010, Side 38

38 MENNING
MORGUNBLAÐIÐ FÖSTUDAGUR 19. NÓVEMBER 2010
 Högni Egilsson og félagar hans
í hljómsveitinni Hjaltalín heldur út-
gáfutónleika í kvöld og annað kvöld
kl. 21 í Tjarnarbíó og mun þar
fagna útgáfu hljóm- og mynddisks
með tónleikum sveitarinnar og Sin-
fóníuhljómsveitar Íslands sem
haldnir voru í sumar. Þá kemur
Hjaltalín einnig fram á morgun í
versluninni Havarí í Austurstræti,
kl. 16. Platan og mynddiskurinn
nefnist Alpanon - Hjaltalín / á tón-
leikum með Sinfóníuhljómsveit Ís-
lands.
Hjaltalín fagnar útgáfu
með tónleikum
Fólk
Tryggvi Hübner gaf út plötuna Betri ferð árið
1995 en nú sendir hann frá sér plötu sem heitir
því digitalíska nafni 2.0. „Þetta er meiri gítar-
plata en gamla platan sem var mjög róleg. Það
eru aðeins meiri tilþrif á þessari og betra sánd.
Ég held mig samt við svona melódíska gítar-
tónlist. Það eru níu instrumental lög á plötunni
en tvö lög eru sungin. Sara Blandon syngur eitt
þeirra, blúslagið „Need your love so bad“ sem
Fleetwood Mac gerði frægt á sínum tíma. Í hinu
laginu syngur Sigurður Kristmann Sigurðsson.
Hann var söngvari hljómsveitarinnar Eight og í
Íslenskri kjötsúpu. Þannig að ég er með einn
gamlan og einn nýjan söngvara.“
Eitt laganna heitir „Yfir Hekluna“ en hann
neitar því að það sé tilbrigði við „Yfir Esjuna“
eftir Magnús Eiríksson sem Ragnar Bjarnason
gerði frægt. „Nei, það er sér íþróttagrein að
gefa instrumental lögum nöfn, maður miðar við
einhverja tilfinningu sem er í gangi. Maður var
bara á einhverju flugi yfir fjallinu og því kom
þetta nafn. Eitt lagið heitir „Gíslabær“ og það er
tileinkað vini mínum sem hét Ottó Sveinsson.
Við vorum vinir í Kópavoginum þegar við vor-
um litlir strákar en fjölskylda hans flutti út á
Snæfellsnes í hús sem nefnist Gíslabær og ég var
mikið þar á sumrin, það var mikil upplifun að
vera þar. Hann dó af slysförum fyrir nokkrum
árum.“ Þeir sem eru með Tryggva á plötunni
eru Jóhann Ásmundsson á bassa, Einar Schev-
ing á trommur og Þórir Úlfarsson á hljómborð.
borkur@mbl.is.
Tryggvi Hübner með melódíska gítartónlist
Gítaristi Tryggvi sendir frá sér plötuna 2.0.
 Í kvöld verður blásið til fyrsta
konukvölds skemmtistaðarins Só-
dómu Reykjavík við Tryggvagötu,
en til stendur að halda slík kvöld
reglulega í vetur og er tilgang-
urinn sá að „vekja athygli á sköp-
un, hæfileikum og athöfnum
kvenna í íslensku tónlistarlífi og
upphefja þær með sérstökum tón-
leikum þar sem eingöngu koma
fram hljómsveitir sem hafa að lág-
marki einn kvenkyns meðlim inn-
anborðs“, eins og því er lýst í til-
kynningu. Í kvöld koma fram
hljómsveitirnar Pascal Pinon,
Bárujárn, Hellvar og Skelkur í
bringu en hljóðmeistari kvöldsins
er Guðrún Ísaksdóttir. Konukvöld-
ið hefst kl. 22 og er 18 ára aldurs-
takmark á það. Miðverð er kr.
1.000. Þess má geta að vinkonur fá
„tvær fyrir eina“, kostar því 500
kr. fyrir hvora og er þess getið að
karlmenn séu einnig velkomnir en
þurfi að greiða þúsundkall.
Fyrsta konukvöldið
haldið á Sódómu
 Þeir sem gaman hafa af aflraun-
um og vöðvastæltu fólki ættu að
geta notið helgarinnar þar sem sýn-
ingin Icelandic Fitness and Health
Expo hefst í dag og lýkur á sunnu-
dag. Meðal þess sem boðið verður
upp á er aflraunakeppni sterkustu
manna heims, vaxtar-
ræktar- og fitness-
keppni karla og
kvenna, hnefa-
leikar og jiu jitsu-
keppni. Meðal
gesta á þess-
um viðburði
er vaxtar-
ræktar-
meist-
arinn Hr.
Olympia,
Jay Cut-
ler, og
þekktasta kven-
fyrirsæta fitness-
heimsins, Monica
Brant. Hún mun
taka nokkrar
„pósur“. Frekari
upplýsingar má
finna á icelandic-
expo.com.
Vöðvatröll í Mos-
fellsbæ og ReykjavíkBörkur Gunnarsson
borkur@mbl.is
Dagur kvennanna - ástarsaga er hressandi bók
fyrir pempíur. Árið 1975 er heilagur dagur í
sögu kvenfrelsisbaráttunnar er þúsundir kvenna
söfnuðust saman á Austurvelli og kröfðust jafn-
réttis kynjanna á öllum sviðum. Þessum helga
degi er lýst í bókinni en söguhetjurnar Dagur og
Máney eru öðruvísi en hetjur kvenfrelsisins, þau
lenda í áfalli við boðun breyttrar heimsmyndar.
Það er dúndrandi taktur í texta þeirra Þórunnar
og Megasar sem skrifa verkið. Mikill húmor er
ofinn í gróteskuna sem þau leika sér með.
Gaman að skrifa þessa bók
Bersögli og gróteska ögra ekki lengur en
þarna er aftur á móti gert grín að kvenfrels-
isbaráttunni eins og þegar þau skrifa: „Alda
gamall skortur á kynferðislegri áreitni á vinnu-
stað veldur heilagri reiði“ sem þau segja við
blaðamanninn að sé „galgopalegur viðsnún-
ingur“ þeirra og á Máneyju ráðast kvenfrels-
iskonurnar og krefjast þess af henni að hún
beisli girndina. Þórunn og Megas hlæja þegar
þau eru spurð út í þetta. „Við skemmtum okkur
við skriftirnar,“ segir Þórunn. „Kynjafræði-
menntuð útvarpskona greindi bókina þannig að í
henni væri þriðju bylgju femínismi að gagnrýna
annarrar bylgju femínisma. Hún skildi að útgef-
endur hefðu veigrað sér við að gefa bókina út
fyrir tuttugu árum, en nú væri fjórða bylgja ris-
in og viðkvæmnin runnin undir brúna,“ segir
Þórunn. Höfundar fóru forðum með handritið til
þriggja útgefenda sem veigruðu sér við að gefa
það út. Gott er að kynjafræðin hefur náð að
greina fyrirbærið og skýra hræðsluna við text-
ann á sínum tíma. En í dag eru breyttir tímar
og bókin féll ljúflega í faðm forlagsins Upp-
heima.
„Það fóru ekki allir vel út úr kvenfrelsisbar-
áttunni og Dagur og Máney eru dæmigerð, eins-
konar Barbie og Ken. Kvenfrelsi þessara tíma
demóníseraði alla karla, meðan flestir og nær
allir karlar voru og eru bestu skinn,“ segir Þór-
unn og Megas bætir við: „Og þeir fáu slæmu
voru hvort eð er illa séðir meðal karlmanna.“
Þau tala um hvernig sumar konur langaði bara
til að vera heima en voru úthrópaðar af bar-
áttukonunum. „Ungir femínistar muna ekki
þessa afkynjunartíma, þær gæla við kvenleika
sinn í klæðaburði, lúkki og hreyfingum og eru
um leið skínandi femínistar,“ segir Þórunn.
Þriðji hugurinn tekur völdin
Þau tala í belg og biðu svo að óhjákvæmilega
spyr ég hvernig hafi gengið að skrifa saman?
„Fyrsta samverk okkar var barnskáldævisagan
Sól í Norðurmýri og þá upplifðum við það fyr-
irbæri er þriðji hugurinn tók stjórnina. Hann er
sterkur eins og þriðja augað og þriðja ríkið, tók
völd og er okkar rödd,“ segir Megas. Þau tala
sem eitt í bókinni og því er best að ég beini
spurningum mínum þangað það sem eftir er við-
talsins. „Við færum þjóðinni bókina af fullri
gleði núna,“ segir þriðji hugurinn, „því kvenna-
baráttan gerði kraftaverk. Í landinu sem okkur
ól var óhugsandi að kona væri forseti, borg-
arstjóri, háskólarektor, formaður bandalags
listamanna og í geimferðafjarlægð að svört kona
yrði forsætisráðherra. Í raun var ei hægt að
ljúka degi kvennanna af gleði og í sátt fyrr en
nú. Aflið sem leiðir byltingu er alltaf ýkt og
snurður hlaupa á þráð sem síðar eru lagaðar.
Konur áttu um tvennt að velja: 1) vinna tvö-
falda vinnu og eyða lífi sínu í blóðmóðri panik
eða: 2) gribbast við karla sína og fæla þá burt.
Þetta var sársaukaferli ótal spælinga og skiln-
aða. Hvorki mátti daðra á vinnustöðum né opna
hurð fyrir konu, nei, nei, bara skella hurðinni á
konuna. Bæði kyn lentu í vandræðum með þessi
nýju viðmið. Það hefur sársauka í för með sér
þegar mörg þúsund ára samskiptamenningu
kynjanna er snögglega kastað,“ segir þriðji hug-
urinn. „Von bókarinnar er sú að kynjastríði
megi ljúka með póstfemínískum kærleika á öll-
um sviðum.“ Þriðji hugurinn þagnar við. Þór-
unn ítrekar hvað það hafi verið gott að skrifa á
fullu gasi og binda ritdómarann bak við eyr-
að. „Ég var hissa hvað endir sögunnar kom
auðveldlega eftir allan þennan tíma, alveg af
sjálfu sér,“ segir hún. „Mín fróma blygðun
átti bágt á köflum 1991, en ég þoldi gróf-
leikann vegna formsins, stíllinn byggist á
miðaldahefð og er í viðsnúningsstíl okkar
íslenska Skraparots, gróteskur og súrreal-
ískur.“ „En þannig eimitt er boðskapurinn
bestur,“ segir Megas. „Kjarnraunsæið býr í
súrrealismanum.“
Kynjastríðinu ljúki með
póstfemínískum kærleika
 Barbie og Ken fóru ekki vel út úr kvenfrelsisbaráttunni  Saga Megasar
og Þórunnar af kvennakirkjugörðum og tímaritinu Láttu mig vera!
Morgunblaðið/Eggert
Gróteskan Þessir ljúfu vinir, Megas og Þórunn Erla, eru með gróteska og bersögla ástarsögu á bókamarkaðnum í ár; tilvalin jólagjöf fyrir pempíur.