Morgunblaðið - 09.04.2011, Síða 6

FRÉTTASKÝRING
Einar Örn Gíslason
einarorn@mbl.is
Svo gæti farið að úr þyrluskorti
Landhelgisgæslunnar (LHG) yrði
bætt fyrir tilstuðlan lífeyrissjóða.
Hugmyndir í þá veru hafa verið til
alvarlegrar skoðunar undanfarið og
meðal annars kynntar á fundum í
innanríkisráðuneytinu. Kveikjan að
þessari vinnu var umræða um vega-
framkvæmdir og fjármögnun þeirra
„framhjá“ ríkissjóði, þ.e.a.s. með ut-
anaðkomandi fjármögnun.
Líkt og fjallað hefur verið um í
Morgunblaðinu, síðast nú í gær,
glímir LHG við töluverðan vanda
þar sem hún hefur einungis á tveim-
ur þyrlum að skipa. Þar sem önnur
þeirra er nú í skoðun er ekki hægt
að fljúga lengra en 20 mílur frá
landi. Það er kunnara en frá þurfi
að segja að fjölmörg skip eru utan
þess svæðis hverju sinni.
Þyrlusveitin hafi forgang
„Þetta er einfaldlega sjúkrabíll-
inn okkar,“ segir Sævar Gunnars-
son, formaður Sjómannasambands
Íslands, um þyrlur LHG. Sam-
bandið hefur ítrekað látið í sér
heyra hvað þetta varðar og meðal
annars átt fund með dómsmálaráð-
herra um það, þar sem sjómönnum
finnst mjög að öryggi sínu vegið.
„Við höfum lagt höfuðáherslu á
það í öllum niðurskurði, og við erum
ekki að neita því að við Íslendingar
erum í bölvuðum vandræðum, að
þyrlusveitin sé númer eitt, tvö og
þrjú. Hún verði að hafa allan for-
gang hjá gæslunni. Þessu komum
við á framfæri við dómsmálaráð-
herra,“ segir Sævar. Viðmælandi
blaðsins, sem þekkir vel til starfa
LHG, segir flugmenn setta í „óþol-
andi“ stöðu hvað 20 mílna viðmiðið
varðar og þrýstingur sé á þá að taka
of mikla áhættu með því að fljúga of
langt. Sævar tekur undir þetta.
„Það er nefnilega erfitt að segja nei
þegar menn eru í neyð.“
Líkt og áður segir hefur LHG nú
á tveimur þyrlum að skipa, TF-LÍF
og TF-GNÁ, en þær þyrftu að vera
fjórar, ef vel ætti að vera, og helst
allar af sömu gerð. Á ríkisstjórn-
arfundi í gærmorgun dró til tíðinda
þegar Ögmundur Jónasson, innan-
ríkisráðherra og yfirmaður mála-
flokksins, tók þyrlumál LHG upp.
Þar gerði hann grein fyrir sam-
komulagi Íslendinga og Norðmanna
um sameiginleg kaup og rekstur
langdrægra björgunarþyrla, sem á
uppruna sinn að rekja til ársins
2007. Í sinni upphaflegu mynd gerði
samkomulagið ráð fyrir því að Ís-
lendingar keyptu þrjár þyrlur og
Norðmenn 19. Í ljósi efnahags-
þrenginga hér á landi gerðu Íslend-
ingar Norðmönnum grein fyrir því
að hugsanlega þyrftu Íslendingar
að endurmeta þátttöku sína, þar
sem um miklar fjárhæðir væri að
ræða.
Útilokar ekki hvort annað
Á fundinum í gær lagði Ögmund-
ur það til að samstarfinu við Norð-
menn yrði haldið áfram, en í stað
kaupa á þremur þyrlum skuldbindi
Ísland sig til þess að kaupa eina
þyrlu og semji um kauprétt á tveim-
ur til viðbótar. Þyrlan sem keypt
yrði fengist afhent í fyrsta lagi árið
2017.
Þeir lífeyrissjóðir sem komið hef-
ur verið að máli við hafa tekið vel í
það að fjármagna kaup á þyrlu eða
jafnvel þyrlum. Guðmundur Ragn-
arsson, formaður Félags vélstjóra
og málmtæknimanna og stjórnar-
maður í lífeyrissjóðnum Gildi, hefur
verið helsti talsmaður þess að sú
leið verði farin. Hann segir að með
því móti verði hægt að tryggja LHG
þyrlu fyrr en ella og með minni til-
kostnaði. Sparnaðurinn gæti numið
tugum milljóna króna á ári, en það
færi eftir vaxtakjörum og lánstíma.
Jóhannes Tómasson, upplýsinga-
fulltrúi innanríkisráðuneytisins,
segir þessar hugmyndir ekki hafa
áhrif á framhald samstarfsverkefn-
isins með Norðmönnum.
Morgunblaðið/Árni Sæberg
Ein TF-GNÁ er eina þyrlan sem Landhelgisgæslan hefur yfir að ráða nú um stundir. TF-LÍF er í svokallaðri 500 stunda skoðun og því úr leik næstu vikur.
Nýjar leiðir til þyrlukaupa
 Unnið er að áætlun um aðkomu lífeyrissjóða að fjármögnun þyrlukaupa  Yrði
leigð Landhelgisgæslunni  Sjómenn segja þyrluskort ógna öryggi sínu á hafi úti
6 FRÉTTIRInnlent
MORGUNBLAÐIÐ LAUGARDAGUR 9. APRÍL 2011
Kitchen býður upp á Nepalska,
Indverska & heilsusamlega
matargerð sem er engu lík og
í hæðsta gæðaflokki.
Hringdu í dag og pantaðu borð í síma 51-777-95
Kitchen - Eldhús Laugarvegi 60 A
Fyrsti Nepalskiveitingastaðurinná Íslandi
Bókanir í flug og gistingu benda til
þess að margir ætli til Akureyrar og
Ísafjarðar um páskana.
Skíðavikan á Ísafirði hefur verið
haldin árlega um páska síðan 1935
og fer nú fram í 77. sinn. Hálfdán
Bjarki Hálfdánsson, upplýsinga-
fulltrúi Ísafjarðarbæjar, segir að
Ísafjörður hafi verið páskabær allan
þennan tíma og hafi verið leitast við
að bjóða upp á sem fjölbreyttasta
dagskrá. Rokkhátíðin „Aldrei fór ég
suður“ hafi verið hluti dagskrár-
innar síðan 2004, en auk þess sé boð-
ið upp á listsýningar, leiksýningar,
dansleiki og fleira. Íbúafjöldinn tvö-
eða þrefaldist um páskana og öll
gistiheimili fyllist suður í Dýrafjörð
og út í Bolungarvík. „Þetta er
þjóðhátíð okkar Ísfirðinga og hefur
alltaf verið,“ segir hann.
Straumurinn í Hlíðarfjall
María H. Tryggvadóttir, verk-
efnastjóri ferðamála á Akureyri,
segir að hefð sé fyrir því að fólk
leggi leið sína til Akureyrar um
páskana. Straumurinn liggi í Hlíð-
arfjall en einnig sé ýmiskonar af-
þreying í boði í bænum eins og tón-
leikar og fleira. „Bærinn fyllist af
fólki um páskana,“ segir hún.
Margir á
ferðinni
innanlands
Íbúafjöldi Ísafjarðar
tvöfaldast á páskum
Morgunblaðið/Ernir
Fjöldi Frá hátíðinni „Aldrei fór ég
suður“ á Ísafirði um páska í fyrra.
Héraðsdómur Reykjaness hefur
dæmt lettneskan karlmann í 8 mán-
aða fangelsi fyrir að smygla 482
grömmum af efninu mefedrone til
landsins í desember í fyrra. Efnið
fannst í þremur gjafapakkningum
merktum sem baðsalt þegar mað-
urinn kom til landsins með flugvél
frá Kaupmannahöfn. Dómarinn
sagði hafið yfir skynsamlegan vafa
að maðurinn hafi vitað af efninu og
verið svonefnt burðardýr.
Átta mánaða
fangelsi
Bæjaryfirvöld í Hafnarfirði hafa ekki enn samið um
hvernig ríflega 4,2 milljarða lán sem gjaldféll fyrir tveim-
ur dögum verður greitt. Samningaviðræður við lánar-
drottininn, hinn þýska Depfabank, standa enn yfir og
einnig er rætt við aðra mögulega lánveitendur. Drátt-
arvextir hafa ekki lagst ofan á lánið og vaxtakjörin, sem
eru hagstæð, eru enn óbreytt, samkvæmt upplýsingum
frá Hafnarfjarðarbæ.
Guðmundur Rúnar Árnason, bæjarstjóri Hafnarfjarð-
ar, og Gerður Guðjónsdóttir fjármálastjóri fóru í síðustu
viku til London, ásamt ráðgjöfum bæjarins, og hittu þar
fulltrúa Depfabankans. Viðræður héldu áfram í vikunni
án þess að botn fengist í málið. Frekari frétta er ekki að
vænta fyrr en eftir helgi, að sögn Steinunnar Þorsteins-
dóttur, upplýsingafulltrúa bæjarins. „Viðræðunum mið-
ar vel,“ segir hún.
Þegar og ef samið verður um endurfjármögnun lánsins
þurfa bæjaryfirvöld fljótlega að fara að huga að endur-
fjármögnun vegna næsta stóra gjalddaga. Í janúar 2012
er komið að gjalddaga láns sem er upp á 5,3 milljarða.
Lánveitandinn er sá sami, Depfabankinn. runarp@mbl.is
Halda áfram viðræðum
um endurfjármögnun
 Hittu fulltrúa Depfabankans í London  Enn sömu kjör
Morgunblaðið/Rax
Skuld Mikil uppbygging í Hafnarfirði kostaði sitt.
Gangi fyrirætlanir um aðkomu líf-
eyrissjóða að þyrlukaupum eftir
yrði sett upp „skúffufyrirtæki“
sem fengi lán frá sjóðunum, keypti
eina eða fleiri þyrlur og leigði síð-
an áfram til Landhelgisgæslunnar.
„Eftir 10-20 ár, þegar búið væri að
fjármagna skuldabréfið, myndi rík-
ið eiga þyrlurnar og skúffunni yrði
bara læst,“ segir Guðmundur
Ragnarsson, formaður Félags vél-
stjóra og málmtæknimanna. Þyrl-
ur halda verði sínu vel þar sem við-
haldskröfur eru mjög stífar og því
um langtímafjárfestingu að ræða.
„Þetta er í raun sama verkefni
og átti að ráðast í varðandi vega-
framkvæmdir „framhjá“ fjár-
lögum,“ segir hann, en kveður
kjarasamningaviðræður hafa tafið
vinnu sína við málið. Hann segir að
fyrir utan sparnaðinn á ári hverju,
sem meðal annars hlytist af hag-
stæðari vaxtakjörum, myndu líf-
eyrissjóðir greiða þyrlurnar í er-
lendum gjaldeyri. Ríkið greiddi
þeim hins vegar til baka í krónum,
og því gætu milljarðar sparast í er-
lendri mynt.
Framhjá, en ekki fram úr
FJÁRLÖG
Morgunblaðið/G.Rúnar
Mikill gjaldeyrir gæti sparast með að-
komu lífeyrissjóða að þyrlukaupum.
1.800.000
ferkílómetrarnir sem björg-
unarsvæðið umhverfis Ísland þekur.
1
fjöldi þyrlna sem Landhelgisgæslan
hefur á að skipa þessa dagana.
‹ ÞYRLUR ›
»