Morgunblaðið - 09.04.2011, Qupperneq 37

UMRÆÐAN 37Bréf til blaðsins
MORGUNBLAÐIÐ LAUGARDAGUR 9. APRÍL 2011
Sem atvinnurekandi í 40 ár velti ég
fyrir mér, hvers vegna og í umboði
hvers SA blanda kvótanum inn í
kjarasamningana. Höfum við ekki
fengið nógu margar hótanir og
þvinganir frá AGS og vinaþjóðum
okkar í Evrópu? Útspil SA, að ekki
verði skrifað undir kjarasamninga
verði Icesave fellt, skýrir málið. Það
er nefnilega þannig að SA og sumum
verkalýðsforingjum er mikið kapps-
mál að ganga í Evrópuklúbbinn.
Helsta hindrun þess að hneppa þjóð-
ina í þá fjötra er að auðlindin í sjónum
haldist í þjóðareign.
Til sanns vegar má færa að við ráð-
um yfir auðlindinni fái þeir, sem við
höfum trúað fyrir kvótanum, yfir-
ráðarétt á honum í 30 ár í viðbót. Mál-
ið er samt ekki svona einfalt. Kvótinn
verður ekki þjóðareign við það frekar
en þessi ár sem kvótagreifarnir hafa
höndlað með hann. Nema síður sé. Á
bakvið tjöldin eru sömu aðilar og
komu á framsali kvótans. Afleiðing
þess var að máttarstólpar margra
minni byggðarlaga seldu kvóta „sinn“
og eyðilögðu um leið samfélagið, sem
treysti þeim fyrir uppsprettu auðsins.
Það er næsta víst að nái SA markmiði
sínu þá munu kvótahafar finna leið til
að framselja kvót-
ann úr landi –
beint eða óbeint –
og þannig selja
eða stela honum
aftur. Þetta er
ekki hræðsluáróð-
ur. Það er bara
nákvæmlega
svona í Evrópu-
sambandinu.
Dæmi eru um að aldagömul og
gjöful vínhéruð á Spáni framleiði ekki
lengur vín. Franskir vínbændur
keyptu kvótann af smábændunum og
fluttu til Frakklands. Af þessum
ástæðum hvet ég launþegasamtök til
að skrifa ekki undir kjarasamninga
án þess að tryggt sé að kvótanum
verði skilað til þjóðarinnar. Jóhanna
hefur talað fyrir þjóðaratkvæða-
greiðslum. Vonandi endar hún ekki
framan af glæstan feril sinn á því að
skipta á kvótanum og ESB. Ég hvet
landsmenn til að fella Icesave. Verði
Icesave samþykkt er í viðbót við allt
hitt komið fordæmi fyrir því, að í þar-
næstu kjarasamningum verði ekki
skrifað undir, nema fyrst verði sam-
þykkt að ganga í fallit ESB.
SIGURÐUR ODDSSON,
verkfræðingur.
Samtök atvinnu-
lífsins (SA)?
Frá Sigurði Oddssyni
Sigurður Oddsson
Þorgerður Katrín Gunnarsdóttir blés
mikinn og heimtaði að forsætisráð-
herra segði af sér, af því að hún fól öðr-
um að meta flokks- og kynsystur sína
til hæfis í embætti.
Jóhanna á að segja af sér! – Ráð-
herrans er jú ábyrgðin! – Ja! svei!
Mér er spurn: hvaða gögn hefur
jafnréttisnefnd undir höndum, sem
fluttu konukindina upp um fimm sæti í
hæfnismati?
Hvenær hefur ráðherra Sjálfstæð-
isflokksins sagt af sér fyrir að draga
vilholla menn upp fyrir þá sem voru
hærri að hæfnismati?
Hverjir hafa skipað í Hæstarétt
undanfarin ár aðrir en sjálfstæð-
ismenn?
Hvers vegna fellir Hæstiréttur
svona fáránlega dóma og hengir sig í
aukaatriði, þegar það stendur skýrt í
lögum að ekki skuli ógilda kosningar,
nema ljóst sé að vankantarnir hafi haft
áhrif á kosningarnar (hvar eru áhrif-
in)?
Englendingar og Hollendingar neit-
uðu að setjast að samningaborði, fyrr
en allir stjórnmálaflokkar settust að
því, eftir að hæstvirtur forseti neitaði
að staðfesta fyrri samning. Allir Ís-
lendingar þakka forsetanum nú fyrir
það, enda varð það til þess að allir
vinnumennirnir okkar á þingi settust
að borðinu, þótt sumir gerðu það með
hangandi hendi. Þetta hafði í för með
sér mun hagstæðari samning, sem var
samþykktur með sannfærandi meiri-
hluta á Alþingi Íslendinga.
Nema hvað forsetinn tekur sér það
bessaleyfi (enda býr hann á Bessa-
stöðum) að hundsa ákvörðun Alþingis
í skjóli þess að áður hafði farið fram at-
kvæðagreiðsla um að vísa málinu til
þjóðarinnar, sem hafði með minni
meirihluta verið felld af Alþingi.
Auk þess hafði hann í höndum vafa-
saman undirskriftalista, sem hann hef-
ur ekki enn sagt
mér hvort ég er á
eða ekki, en þar
var ég ekki svo að
ég viti til.
Hann vísaði
einnig til þess að
hann hefði áður
vísað samningnum
til þjóðarinnar, svo
að hann liti svo á
að málið væri enn í höndum hennar.
Hann gleymdi því bara að þetta var
allt annar samningur og eftir þessum
rökum ætti hann hér eftir að vísa öll-
um málum til þjóðarinnar, fyrst hann
væri á annað borð byrjaður á því.
Ég vona bara að þjóðin hafi vit til að
bjarga forsetanum og orðstír Íslend-
inga með því að segja JÁ! á laugardag-
inn. Það hefur aldrei verið talið vitlegt
að berja höfðinu við steininn og þeir,
sem vilja gera það núna, hefðu átt að
gera það meðan Sjálfstæðisflokkurinn
var enn við völd en ekki bíða þangað til
að hægt væri að nota það til að gera
stjórnsýslu íslenska ríkisins ómerka
og skipa okkur á bekk með þeim ríkj-
um, sem hafa verið nefnd banana-
lýðveldi af lítilli virðingu a.m.k. hingað
til.
Að lokum langar mig til að spyrja,
af hverju á að hengja Geir Haarde ein-
an fyrir afglöp Davíðs Oddssonar og
Halldórs Ásgrímssonar sem seldu
bankana án þess að fá þá borgaða og
létu ríkisábyrgðina fylgja með í kaup-
bæti? Hingað til hefur ekki verið sak-
næmt að vera heimskur. Hvar er svo
hátæknisjúkrahúsið, sem átti að
byggja fyrir það sem fékkst (eða
fékkst ekki?) fyrir Símann.
Hver ætlar að axla ábyrgð á gjald-
þroti Seðlabankans, sem er trúlega
stærra en Icesave?
ÞÓRHALLUR
HRÓÐMARSSON,
fyrrv. framhaldsskólakennari.
Sitt af hverju tagi
Frá Frá Þórhalli Hróðmarssyni
Þórhallur
Hróðmarsson
Kröfuhafarnir í
þrotabúi Landsbank-
ans eru mörg af
stærstu fjármálafyr-
irtækjum veraldar.
Þau vinna nú að því
með færustu lög-
mönnum í heimi að
reyna að hnekkja
neyðarlögunum. Ef
þeim tekst að hnekkja
neyðarlögunum þá
verða innistæður ekki lengur for-
gangskröfur í þrotabúi Lands-
bankans. Ef þessum aðilum tekst
að hnekkja neyðarlögunum þá þýð-
ir það að þessir aðilar munu fá
stærstan hluta af eignum þrota-
búsins í sinn hlut. Lítið fæst þá
upp í Icesave-innistæðurnar. Átt-
um okkur á því að með því að sam-
þykkja Icesave-samninginn þá er-
um við að ábyrgjast að greiða
Bretum og Hollendingum Icesave
óháð því hvort neyðarlögin halda
eða ekki. Þessir aðilar eru í dag að
reyna að hnekkja neyðarlögunum
fyrir íslenskum dómstólum með
því að leggja til grundvallar
stjórnarskrárvarinn eignarétt sem
er skýr í íslensku stjórnarskránni
annars vegar og í Mannréttinda-
sáttmála Evrópu hins vegar.
Á föstudaginn birtist á mbl.is
frétt af viðbrögðum talsmanns eins
þessara lánardrottna við dómi hér-
aðsdóms um heildsöluinnlánin þar
sem neyðarlögin voru óbeint stað-
fest. Á þessum talsmanni var eng-
an bilbug að finna og sagði hann að
dómur héraðsdóms færi gegn ís-
lensku stjórnarskránni og Mann-
réttindasáttmála Evrópu og hann
er þess fullviss að Hæstiréttur
muni komast að annarri nið-
urstöðu.
Neyðarlögin fyrir Mannrétt-
indadómstól Evrópu?
Vel getur því farið svo að það
verði fyrst þegar Mannréttinda-
dómstóll Evrópu kveður upp sinn
dóm eftir 3 til 5 ár að við vitum
hvort neyðarlögin halda. Vel getur
farið svo að þá fyrst vitum við
hvort eignirnar sem eru í þrotabúi
Landsbankans verða til ráðstöf-
unar upp í Icesave. Ef neyðarlög-
unum verður hnekkt þá falla hátt í
674 milljarðar á ríkissjóð. Sam-
kvæmt upplýsingum frá samninga-
nefndinni þá kostar það 674 millj-
arða að tryggja
lágmarksinnistæður, 20.887 evrur
á öllum Icesave reikningunum.
Verði neyðarlögunum hnekkt þá
fellur mjög stór hluti af þessari
fjárhæð á ríkissjóð. Það er að
segja ef við samþykkjum Icesave
samninginn þann 9. apríl nk. og
höfum þar með veitt þessa rík-
isábyrgð.
Þetta staðfesti Lee
Buchheit í viðtali í
Silfrinu á sunnudag-
inn. Verði neyðarlög-
unum hnekkt sagði
hann, þá falla gríð-
arlegar skuldbind-
ingar á ríkissjóð. Lee
Buchheit upplýsti að
gert væri ráð fyrir
þessum möguleika í
Icesave-samningnum.
Hann sagði að menn
hefðu reiknað með því
að þetta gæti gerst.
Þess vegna er gert ráð fyrir því í
Icesave-samningnum að það geti
tekið ríkissjóð næstu 37 árin að
greiða upp Icesave. Þess vegna má
ekki veita þessa ríkisábyrgð. Þess
vegna má ekki samþykkja Icesave.
Icesave er rétt að byrja, hvort
heldur við segjum já eða nei.
Gerum okkur grein fyrir því að
þetta Icesave-mál er rétt að byrja,
hvort heldur þjóðin velur já eða
nei á laugardaginn. Gríðarleg
óvissa mun ríkja um afdrif þessa
máls þar til dómur fellur fyrir
Hæstarétti og hugsanlega í fram-
haldi fyrir Mannréttindadómstól
Evrópu um það hvort neyðarlögin
halda. Sérstaklega mun þessi
óvissa plaga okkur ef við sam-
þykkjum Icesave og veitum þessa
ríkisábyrgð. Við skulum líka muna
að ef við höfnum Icesave 3 og
neyðarlögin halda þá fá Bretar og
Hollendingar, vegna neyðarlag-
anna, 94% af sínum ýtrustu kröf-
um, þ.e. tæpa 1.200 ma. Ef við
segjum nei þá borgum ekkert á
næstu tveim til þrem árum og það
sem mest er um vert, engin rík-
isábyrgð verður veitt. Málið fer þá
fyrir dómstóla og þá gefst tæki-
færi til að taka tillit til þess hvort
neyðarlögin halda eða ekki. Eins
gefst þá tækifæri, ef menn vilja, til
að bjóða Bretum og Hollendingum
aftur að samningaborðinu þegar
réttaróvissunni um neyðarlögin
hefur verið eytt. Ef við segjum já
og neyðarlögin halda ekki þá falla
gríðarlegar fjárhæðir á ríkissjóð
og þjóðin verður skattpínd og slig-
uð næstu 37 árin að borga Ice-
sasve.
Að samþykkja Icesave meðan
það ríkir réttaróvissa um hvort
neyðarlögin halda er óásættanlegt
fjárhættuspil. Að segja nei er eina
skynsamlega leiðin út úr þessu
klúðri.
Gríðarlegar fjárhæðir
falla á ríkissjóð verði
neyðarlögunum hnekkt
Eftir Friðrik
Hansen
Guðmundsson
» Þess vegna má ekki
veita þessa rík-
isábyrgð. Þess vegna
má ekki samþykkja Ice-
save.
Friðrik Hansen
Guðmundsson
Höfundur er verkfræðingur.
Erindi:
Íslandsljóð
En, - gáfum gædda þjóð!
Gleymdu ei, hver svefni þeim þig svæfði,
Sérhvert lífsmark Íslands deyddi og kæfði,
hungurs ár þín,
tjón þitt, tár þín
tíndi í maura sjóð.
Skildu rétt, hvar skórinn að þér kreppir.
Skildu, hver í bönd þig hneppti og hneppir.
Engu að gleyma
í Höfn né heima.-
Heil, mín ættarslóð.
Höfundur Einar Benediktsson
Ég er sammála Davíð Oddssyni hvað
skuldir óreiðumanna varðar.
Þjóðinni ber ekki lagaleg skylda
til að greiða skuldir sem hún hefur
ekki stofnað til.
Málarekstur gegn henni vegna
þessa máls er fyrirfram tapaður.
Ég skil ekki alveg ákafa minnar
ágætu vinkonu, Jóhönnu Sigurð-
ardóttur, í að berja þetta í gegn. Að
vísu sagðist hún í viðtali vera orðin
þreytt á málinu og vildi skvera það
af borðinu svo hægt væri að fara í
önnur. Skiljanlega hafa undanfarnir
mánuðir tekið á, og ráðherrann
þreyttur, en það réttlætir ekki fljót-
færni.
Reynumst þjóð okkar vel og segj-
um nei.
ALBERT JENSEN
trésmíðameistari
Nei við Icesave-skuldum
Frá Albert Jensen