Morgunblaðið - 09.04.2011, Page 51

MENNING 51
MORGUNBLAÐIÐ LAUGARDAGUR 9. APRÍL 2011
Ámálverkasýningu ÞorraHringssonar og Sig-tryggs Bjarna í Hafn-arborg er fjöldi lands-
lagsmálverka sem eiga það
sammerkt að vera unnin eftir ljós-
myndum en með ólíkum hætti þó.
Kvöld- eða sumarnæturstemmur
Þorra eru unnar beint eftir ljós-
myndum og stundum röðum ljós-
mynda sem teknar eru á sama stað
og sama tíma.
Tilfinningin fyrir skyndimynd
tengir málverkin óneitanlega við
svokölluð „plein air“ málverk sem
vísa til málara sem máluðu iðulega
úti og innlimuðu náttúrulega birtu
í landslagið. Málverk Þorra bera
hins vegar með sér yfirlegu þar
sem yfirborð málverksins nær með
mörgum lögum silkimjúkri og
flatri áferð sem minnir á ljósmynd-
ina. Myndirnar eru málaðar með
ljósmyndaraunsæi í anda Hrings
föður listamannsins, í vinnustofu
hans og af viðfangsefnum kring
um æskuheimili Þorra.
Gegnumgangandi þema mynd-
anna, þokustemmur, dalalæður og
mistur minna óneitanlega á mál-
verk Georgs Guðna eða hins
breska J.M. Williams Turner um
leið og hægt er að fullyrða að
lengra nær samlíkingin varla. Mál-
verk Þorra eru af meiði ljósmynda-
raunsæis sem virðist vitna um
smekkleysi sjálfrar náttúrunnar
þegar hún líkir eftir póst-
kortamyndum og um leið einhvers-
konar tilraun til endurheimtar.
Móðan í myndum Þorra og
spegluð lognmollin vötn kallast
óneitanlega á við blikandi áferð yf-
irborðs vatna í myndum Sigtryggs
Bjarna. Þar gárast vatnið vegna
regndropa eða vindstiga úr mis-
munandi áttum og af mismunandi
styrkleika. Sigtryggur Bjarni vinn-
ur sínar ljósmyndir, sem eru oft
nærmyndir af náttúru Íslands, í
tölvu áður en hann málar eftir
þeim. Útkoman er áhrifarík og um
leið kunnugleg. Hin fræga trérista
af flóðbylgjunni (The Great wave)
eftir átjándualdarlistamanninn
Katsushika Hokusai kemur t.d.
upp í hugann ásamt tölvugraf-
ískum málverkum Sigríðar Melrós-
ar Ólafsdóttur og annarra lista-
manna sem vinna með
ljósmyndatölvugrafík.
Ljósmyndir Sigtryggs af vindi
sem hann nær að fanga á vatns-
flötum, í gróðri eða eldi eru spegl-
aðar um miðhverfan ás og þannig
gerðar samhverfar og einstaklega
grípandi. Enda tekst Sigtryggi
sérstaklega vel upp í myndum sem
leysast upp í mynstur sem glampa
og speglast. Sigtryggur er með
nokkrar grúppur af ólíkum verkum
á sýningunni og ekki laust við að
himnamyndunum í hringforminu
sé ofaukið í heildarmyndinni..
Sýningin er viðamikil og
skemmtileg heim að sækja en
hvorugur listamaðurinn nær hér
að toppa sín bestu verk. Hið „var-
anlega augnablik“ líður of fljótt úr
minni að þessu sinni og ekki er
heldur víst að verk listamannanna
fari eins vel saman og ætla mætti í
fyrstu.
Blikandi vatn og dalalæða
Hafnarborg
Varanleg augnablik
bbbmn
Sigtryggur Bjarni Baldvinsson og Þorri
Hringsson. Málverk og ljósmyndir.
Sýningin stendur til 1. maí. Opið alla
daga nema þriðjudaga frá kl. 12-17. Á
fimmtudögum til kl 21.
Aðgangur ókeypis.
ÞÓRA ÞÓRISDÓTTIR
MYNDLIST
Morgunblaðið/Sigurgeir S
Verk eftir Þorra og Sigtrygg Bjarna „Tilfinningin fyrir skyndimynd tengir málverkin óneitanlega við svokölluð
„plein air“ málverk sem vísa til málara sem máluðu iðulega úti og innlimuðu náttúrulega birtu í landslagið.“
Listmunauppboð verð-
ur haldið í Galleríi
Fold við Rauðarárstíg
á mánudaginn kemur
og hefst það klukkan
18.
Á meðal verkanna
sem boðin verða upp
má nefna tvö málverk
eftir Gunnlaug Blön-
dal en annað þeirra
prýddi forsíðu Politi-
ken í Danmörku árið
1930 í hátíðarútgáfu í
tilefni af Alþingishá-
tíðinni. Verkið málaði
Gunnlaugur í París
1929. Einnig verða
boðin upp verk eftir
Mugg, Svavar Guðna-
son, Ásgrím Jónsson,
Jón Engilberts og
Þórarin B. Þorláks-
son. Þá verða fimm
olíumálverk eftir Jó-
hannes S. Kjarval auk
fjögurra pappírsverka
á uppboðinu, og verk
samtímalistamanna á
borð við Kristján
Davíðsson, Karólínu
Lárusdóttur, Georg
Guðna, Tolla,
Tryggva Ólafsson og
Bilson.
Verkin verða sýnd í
Galleríi Fold um
helgina.
Uppboð í Galleríi
Fold á mánudag
Þjóðleg Málverk Gunn-
laugs Blöndal sem prýddi
forsíðu Politiken.
Fæst e innig í bókabúðum víða um land
Frábærfermingargjöf!
Allt sem þú
þarft að vita
um útivist,
fjallgöngur
og útilegur!
w w w . b o k a k a f f i d . i s
Sæmundur útgáfa Skógarhlí› 18 • 105 Reykjavík • Sími 595 1000 • Fax 595 1001 Akureyri sími: 461 1099 • www.heimsferdir.is
Spænsk vika
hjá Heimsferðum
Við verðum í Kringlunni í dag á Spænskum
ferðadegi.
Mörg tilboð í gangi hjá okkur í vikunni
Allir sem skrá sig í netklúbb Heimsferða eiga
möguleika á ferð fyrir tvo til Costa del Sol.
Dregið verður mánudaginn 18. apríl
Við erum á facebook
www.facebook.com/heimsferdir
B
irt
m
eð
fy
rir
va
ra
um
p
re
nt
vi
llu
r.
H
ei
m
sf
er
ð
ir
ás
ki
lja
sé
r
ré
tt
til
le
ið
ré
tt
in
g
a
á
sl
ík
u.
A
th
.a
ð
ve
rð
g
et
ur
b
re
ys
t
án
fy
rir
va
ra
.
E
N
N
E
M
M
/
S
IA
•
N
M
46
22
0