Morgunblaðið - 09.04.2011, Blaðsíða 52

52 MENNING
MORGUNBLAÐIÐ LAUGARDAGUR 9. APRÍL 2011
Einar Falur Ingólfsson
efi@mbl.is
Bryndís Halla Gylfadóttir sellóleik-
ari og Edda Erlendsdóttir píanóleik-
ari koma fram á Tíbrártónleikum í
Salnum í dag, laugardag, og hefjast
þeir klukkan 17.
Þær Bryndís Halla og Edda hafa
leikið af og til saman síðasta áratug-
inn en árið 2005 kom út geisladiskur
þar sem þær leika verk eftir Kodaly,
Martinu, Enescu og Janacek. Að
þessu sinni hafa þær æft upp nýja
efnisskrá, fyrir utan Tilbrigði við
slóvensk stef eftir Bohuslav Martinu
sem er á diskinum.
„Við byrjum á að leika lítil syngj-
andi ljóð án orða eftir Franz Liszt.
Sum þeirra samdi hann sérstaklega
fyrir selló og píanó og þau eru mjög
söngræn, einföld og falleg,“ segir
Edda um tónleikana.
„Síðan leikum við sónötu eftir
Frank Bridge en hún er rómantísk
og krefjandi og kallast á við verkin
eftir Liszt. Þessi sónata heyrist ekki
oft en er gullfalleg. Hljómagang-
urinn er safaríkur og söngrænn.
Eftir hlé leikum við sónötu eftir
Benjamin Britten og þá er hörku-
stuð; hún er í fimm ólíkum köflum.
Við endum á verkinu eftir Martinu
en í því er mjög slavneskur andi.“
Bryndís Halla með nýtt selló
Eins og kunngt er býr Edda í
Frakklandi en hún segir að þær
Bryndís Halla hittist reglulega þeg-
ar hún er á landinu, enda séu þær
góðar vinkonur. „Stundum æfum við
líka saman,“ segir hún. „En fyrir
tónleika sem þessa eru stífar æfing-
ar. Við erum með nýja efnisskrá og
þá þýðir ekkert annað en vera mjög
duglegar.“
Er auðveldara fyrir hljóðfæraleik-
ara að koma saman og byrja að æfa
ef þeir þekkjast vel?
„Við Bryndís Halla þurfum ekki
mikið að spila okkur saman en þó
verð ég að segja að þessi efnisskrá
er mjög krefjandi í samspili. Sér-
staklega er sónatan eftir Britten
strembin en í henni eru flóknir
rytmar og hröð tempó.
Þótt við þekkjumst vel verður
ákveðin grunnvinna að vera til stað-
ar. En músíkalskt séð hefur alltaf
gengið vel hjá okkur.“
Gríðarlega mikið hefur verið
skrifað gegnum tíðina af tónlist fyrir
dúó sem þetta, selló og píanó.
„Það eru til ótrúlega falleg verk
fyrir þessa hljóðfæraskipan,“ segir
Edda. „Sellóið er svo fallegt og
syngjandi. Mér finnst jafnvægið
milli þessara hljóðfæra vera sérlega
fínt.“
Þess má geta að á tónleikunum
leikur Bryndís Halla í fyrsta skipti
opinberlega á nýtt selló sem Hans
Jóhannsson hljóðfærasmiður hefur
gert fyrir hana.
Annir á árinu
Þrátt fyrir að Edda sé lungann af
árinu í Frakklandi leikur hún reglu-
lega á tónleikum hér heima. Hún
verður með einleikstónleika í Hörpu
2. júní í sumar, á Listahátíð.
„Ég er hér alltaf á sumrin og hef
alltaf haldið miklum tengslum við
landið, vini mína og tónlistarfólk
sem ég leik reglulega með,“ segir
hún. „Fyrir utan tónleikana í Hörpu
verð ég með tónleika úti á landi
seinna á árinu. Svo er ég mikið að
leika opinberlega í Frakklandi. Ég á
býsna annríkt á árinu.“
Morgunblaðið/RAX
Æft í Salnum „Mér finnst jafnvægið milli þessara hljóðfæra vera sérlega fínt,“ segir Edda um sellóið og píanóið.
Hún situr við flygilinn en Bryndís Halla leikur á nýtt selló eftir Hans Jóhannsson hljóðfærasmið.
Ótrúlega falleg verk til
fyrir þessi hljóðfæri
 Bryndís Halla og Edda Erlendsdóttir á Tíbrártónleikum
Sópransöngkonan Frédérique
Friess, sem tilnefnd var bjartasta
vonin meðal ungra söngvara í óp-
erutímaritinu Opernwelt árið
2003, kemur fram ásamt Ólöfu
Sigursveinsdóttur sellóleikara og
Hrönn Þráinsdóttur píanóleikara í
15:15 tónleikasyrpunni í Norræna
húsinu á morgun, sunnudag, og
hefjast tónleikarnir klukkan 15.15.
Tónleikarnir eru tileinkaðir
minningu Sigursveins D. Krist-
inssonar en 24. apríl næstkomandi
verður öld liðin frá fæðingu hans.
Á tónleikunum er í öndvegi verk
Sigursveins, Romanza. Einnig
verða flutt verk eftir Nadia Bou-
langer, Schumann, Poulenc, Schu-
bert, Gounod, Satie og Debussy.
Söngkonan Frédérique Friess er
fædd í Strassbourg á mörkum
landamæra Þýskalands og Frakk-
lands og mun á þessum tónleikum
túlka ljóð frá þessum tveimur
löndum. Ólöf mun kynna franska
tónskáldið Nadia Boulanger með
þremur verkum fyrir selló og pí-
anó og þá munu Ólöf og Hrönn
flytja Verk í þjóðlegum stíl (Fünf
Stücke im Volkston) eftir Schu-
mann.
Kunn söngkona
á 15:15 tónleikum
Flytjendur á tónleikunum Hrönn,
Frédérique Friess og Ólöf.
Á sýningunni IS
(not) í Listasafni
Árnesinga í
Hveragerði má
sjá Íslands-
myndir sem eru
afrakstur úr
ferðalögum fimm
pólskra ljós-
myndara og jafn
margra íslenskra
rithöfunda sem
ferðuðust í pörum um Ísland á síð-
asta ári. Rithöfundarnir Kristín
Heiða Kristinsdóttir og Sindri
Freysson munu á morgun, sunnu-
dag klukkan 15, ræða við gesti
safnsins um þetta samstarfsverk-
efni.
Klukkan 17 mun síðan hljóma
pólsk og íslensk tónlist frá sex
kammersveitum Kammerklúbbsins.
Hann er vettvangur ungra ís-
lenskra tónlistarnemenda á aldr-
inum 8–18 ára.
Leiðsögn
um IS(not) í
Hveragerði
Sindri Freysson
Stúlknakór Reykjavíkur heldur vor-
tónleika með yfirskriftinni „Hætt’að
gráta Hringaná“ í Grensáskirkju í
dag, laugardag, og hefjast þeir klukk-
an 15.00.
Efnisskráin er alíslensk og þar á
meðal má nefna frumflutning á lagi
eftir aðalgest tónleikanna, Möggu
Stínu. Auk hennar koma fram Stefanía Ólafsdóttir víóluleikari og Halldór
Smárason píanóleikari. Saman mynda þau litla strengjasveit með nokkrum
kórstúlkum. Þá verður flutt Litla hryllingssyrpan eftir Ríkarð Örn Pálsson.
Tónleikarnir eru hluti undirbúnings vegna tónleikaferðar til þriggja borga í
Evrópu í júní næstkomandi. Stjórnandi kórsins er Margrét J. Pálmadóttir
Stúlknakór Reykjavíkur
heldur vortónleika
Stúlknakór Reykjavíkur
Þrátt fyrir að lítið virðist eftir, mið-
að við það sem þegar hefur verið
gert, hefur verið ákveðið að ljúka
rannsóknarverkefninu sem kallað
hefur verið upp á ensku The Rem-
brandt Research Project (RRP).
Síðustu áratugi hafa helstu sér-
fræðingar listheimsins í málverkum
Rembrandts rýnt í verk sem honum
hafa verið eignuð, og í ítarlegum
útgáfum hafa þeir kveðið upp úr
um hver verkanna séu eftir meist-
arann, hver eftir lærisveina hans,
eftirlíkingar eða falsanir.
Á þeim 42 árum sem starfshóp-
urinn hefur unnið að verkinu hafa
fimm bækur komið út, sú síðasta í
október síðastliðnum. Til stóð að
gefa út eina stóra bók til viðbótar
en hætt hefur verið við það.
Í bókunum hefur verið fjallað ít-
arlega um 240 málverk sem hafa
verið staðfest eftir Rembrandt, auk
162 sem efast er um að séu eftir
hann eða hefur verið hafnað. Þá á
enn eftir að úrskurða um 80 verk en
samkvæmt The Art Newspaper
verður látið nægja að fjalla stutt-
lega um þau í minni bók.
Verkinu hefur verið stýrt frá
Amsterdam, af Erst van de Weter-
ing. Þrátt fyrir að áætlað hafi verið
að ljúka verkinu á áratug, þegar
það hófst árið 1968, þá hefur það
orðið ævistarf hans. Ástæða þess að
verkinu lýkur nú í skyndi, er að Van
de Wetering, sem er 72 ára gamall,
segist ekki hafa orku til að skrifa
þessa 800 síðna bók sem þörf er á,
um síðustu verkin. Engir yngri sér-
fræðingar virðast hafa kunnáttuna
sem þarf til að ljúka verkinu.
Þá er einnig vandamál með fjár-
mögnum verksins. Hollenski vís-
indasjóðurinn styrkti það um árabil
en hætti stuðningi árið 1998.
Rannsókn
málverka lýkur
 Hætta við rann-
sóknina á verkum
Rembrandts
Eftir áhanganda Maður með gyllt-
an hjálm var lengi talið meðal fín-
ustu verka Rembrandts. RRP hefur
úrskurðað að það sé í raun eftir
áhanganda eða lærisvein hans.