Morgunblaðið - 14.05.2011, Qupperneq 4

4 FRÉTTIRInnlent
MORGUNBLAÐIÐ LAUGARDAGUR 14. MAÍ 2011
Ágúst I. Jónsson
Kristján Jónsson
Fulltrúar Alþýðusambands Íslands,
Samtaka atvinnulífsins, nokkurra
stéttarfélaga og helstu hagsmuna-
aðila í sjávarútvegi áttu fund með
Jóni Bjarnasyni sjávarútvegsráð-
herra í gær um kvótafrumvöp
stjórnvalda. Var um að ræða svo-
nefndan trúnaðarfund sem ríkis-
stjórnin hét í aðdraganda kjara-
samninga fyrir skömmu að yrði
haldinn. Sjávarútvegsráðherra
hyggst kynna frumvörpin á fundi kl.
11 fyrir hádegi í dag.
Frumvörpin tvö eru enn til um-
fjöllunar í þingflokkum Samfylking-
arinnar og VG. Heimildarmaður í
öðrum þingflokknum tjáði blaða-
manni að búist væri við að þeir
myndu báðir samþykkja þau á
mánudag. Rætt hefur verið um að
sett verði á sumarþing ef þörf krefji
til að koma í gegn minna frumvarp-
inu, um breytingar á núgildandi lög-
um um fiskveiðistjórnun. Hitt frum-
varpið, sem veldur mestu deilunum,
er um ný fiskveiðistjórnunarlög sem
myndu umbylta kvótakerfinu, m.a.
takmarka gildistíma veiðiheimilda,
banna að mestu framsal og alla veð-
setningu kvóta.
Adolf Guðmundsson, formaður
Landssambands íslenskra útvegs-
manna, sagði að á fundinum með
ráðherra hefði verið beðið um að
trúnaður ríkti um frumvörpin þar til
ráðherra kynnti þau í dag. Stjórn-
arfundur var hjá LÍÚ í gær.
„Við fórum efnislega yfir málin og
það er óhætt að segja að menn séu
mjög áhyggjufullir, líst engan veg-
inn á þetta,“ sagði Adolf. „Menn
verða bara meira eða minna á póli-
tískum veiðum ef þetta gengur eftir.
Við erum að láta vinna lögfræðilega
úttekt á málinu og fáum einnig hag-
fræðinga til að skoða það fyrir okk-
ur.“
Gunnþór Ingvason er fram-
kvæmdastjóri eins af stærstu sjáv-
arútvegsfyrirtækjum landsins, Síld-
arvinnslunnar á Neskaupstað. „Það
liggur auðvitað fyrir að verið er að
veikja atvinnugreinina, þjóðnýta
hana og taka burt allt frumkvæði,“
segir Gunnþór. „Menn geta tekist á
um veiðileyfagjald, hvernig eigi að
skipta hagnaðinum af auðlindinni.
En það má ekki búa til kerfi sem
drepur niður alla hagnaðarmyndun
og framlegð, þá tapar öll íslenska
þjóðin.“ Hann segist þurfa að kynna
sér málið betur til að meta til hlítar
áhrifin á Síldarvinnsluna.
„En almennt séð stöðvar þetta
frumvarp alla framþróun í greininni.
Síldarvinnslan er mjög sterkt félag
og ég hélt ekki að það væri neitt sem
stjórnvöld gætu gert til að veikja
hana jafn mikið og nú á víst að verða
raunin. Þetta mun koma illa niður á
henni, á starfsmönnum og öllu sam-
félaginu kringum Síldarvinnsluna.“
„Verða á pólitískum veiðum“
 Talsmenn sjávarútvegsfyrirtækja álíta að ríkisstjórnin ætli að þjóðnýta atvinnuveginn
 Framkvæmdastjóri Síldarvinnslunnar segir frumvörpin geta stöðvað alla hagnaðarmyndun
Morgunblaðið/Árni Sæberg
Á miðunum Loðnuskip eru oft að veiðum nálægt landi, hér er Vilhelm Þorsteinsson EA á Faxaflóa.
Stórfyrirtæki
» Síldarvinnslan hf. í Nes-
kaupstað er eitt af stærstu
sjávarútvegsfyrirtækjum
landsins, þar og hjá tengdum
fyrirtækjum vinna um 250
manns.
» Fyrirtækið er stærst á land-
inu í veiðum og vinnslu á upp-
sjávarfiski og stærsti framleið-
andi fiskimjöls og lýsis.
» Síldarvinnslan gerir út tvö
skip til veiða á uppsjávarfiski,
eitt frystiskip og eitt ís-
fiskiskip, tengd félög gera auk
þess út sex fiskiskip.
„Þetta er slæmt fyrir útgerðina, bölvað fyrir sjómenn og
risaskref aftur á bak fyrir þjóðfélagið,“ sagði Árni
Bjarnason, forseti Farmanna- og fiskimannasambands
Íslands og fulltrúi í starfshópi um fiskveiðistjórn-
arfrumvarpið, eða sáttanefndinni svokölluðu. Hann seg-
ir að ákvæðið um framsalið í frumvarpið sé þvert á það
sem rætt var um í starfshópnum. Árni segir að sér lítist
stöðugt verr á frumvarpið eftir því sem hann les það oft-
ar yfir.
„Ég kallaði stöðugt eftir því að niðurstaðan hefði ekki
í för með sér kjaraskerðingu og afkomubrest fyrir þá sem ég kalla at-
vinnusjómenn. Þá á ég við menn sem hafa gert sjómennsku að ævistarfi,
sumir unnið í greininni í áratugi og alltaf farið að lögum og reglum. Ég sé
ekki hvernig við eigum að setjast niður með okkar viðsemjendum og búa til
kjarasamning í framhaldi af þessu. Þó svo að við værum gallharðir og vild-
um ekki breyta einu einasta orði í samningnum þýddi það gífurlega kjara-
skerðingu fyrir venjulegan atvinnusjómann. Það er verið að taka björgina
frá þeim eins og stefnt var að allan tímann. Útgerðin krefst eflaust auk-
innar þátttöku sjómanna, til dæmis í hækkuðu veiðigjaldi, og sjómenn eru
síðan að missa sjómannaafsláttinn auk alls annars.“
Risaskref aftur á bak fyrir þjóðfélagið
„Þegar ég heyri af efni þessa frumvarps spyr ég mig
hvers vegna þessi starfshópur var yfirleitt skipaður á
sínum tíma,“ segir Sigrún Björk Jakobsdóttir, fyrrver-
andi bæjarstjóri á Akureyri, sem var tilnefnd í starfs-
hópinn af Sambandi íslenskra sveitarfélaga.
„Í starfshópnum sátu yfir 20 manns í heilt ár við að
berja þessa sátt saman og það hafðist. Mér fannst það
reyndar ganga kraftaverki næst því þarna sátu fulltrúar
margra og ólíkra hópa. Mér sárnar hversu lítið tillit hef-
ur verið tekið til vinnu okkar,“ segir Sigrún.
Hún segir að í hópnum hafi verið reynt að ná inn heildarhugsun. Reynt
hafi verið að meta hverjar afleiðingar tiltekinna breytinga yrðu fyrir sjáv-
arbyggðir, en með nýju frumvarpi séu stjórnvöld að rasa um ráð fram.
„Þarna er ekki verið að vinna í þeirri sátt sem starfshópurinn lagði til
grundvallar,“ segir Sigrún. „Ég óttast að þarna sé verið að slátra heilli at-
vinnugrein og það veldur mér miklum áhyggjum að verið sé að taka ör-
lagarík skref sem erfitt verður að bakka með.“
Óttast að verið sé að slátra atvinnugrein
„Það sem ég skynja er að þetta er ekki í anda þess sem
við vorum að tala um í sáttanefndinni svokölluðu,“ sagði
Aðalsteinn Baldursson, formaður Framsýnar á Húsavík.
„Ég bendi hins vegar á að nefndin komst að ákveðinni
niðurstöðu um þessa samningaleið og ég hafði þá von og
trú á að stjórnvöld færu eftir þeim línum, sem þar voru
lagðar,“ sagði Aðalsteinn. „Ég hef ekki lesið frumvarpið
en heyrt meginniðurstöðurnar og sé ekki að þar sé að
öllu leyti farið að tillögum hópsins. Þess vegna velti ég
því fyrir mér hvers vegna stjórnvöld höfðu þennan hóp
að störfum í heilt ár ef ekki var ætlunin að fara eftir niðurstöðunum.
Ég veit líka að innan stjórnarflokkanna hafa verið mjög misjafnar skoð-
anir um fiskveiðistjórnunarkerfið og Samfylkingin viljað keyra harða línu,
meðan VG hefur frekar viljað fara ákveðna sáttaleið,“ sagði Aðalsteinn.
Ekki í anda sáttanefndarinnar
„Þetta er alger skrumskæling á
vinnu sáttanefndarinnar og ég er
undrandi á því að formaður starfs-
hópsins og varaformaður, Guð-
bjartur Hannesson og Björn Valur
Gíslason, hafi látið troða þeirri
vinnu svona gersamlega ofan í kok-
ið á sér og farið með niðurstöðuna
eins og raun ber vitni,“ segir Einar
K. Guðfinnsson, fyrrverandi sjávar-
útvegsráðherra og fulltrúi Sjálf-
stæðisflokksins í starfshópnum.
„Mér finnst þetta niðurlægjandi
gagnvart þeirri miklu vinnu sem
unnin var á vettvangi sáttanefnd-
arinnar og þeirri sátt sem þar náð-
ist,“ segir Einar. „Þetta er að mínu
mati vísbending um að ríkisstjórn-
inni stendur slétt á sama um allt
samráð og ég mun ekkert mark
taka á ríkisstjórninni og hennar tali
um samráð hér eftir. Þetta eru
brigð og svik við alla þá sem að
þessu máli komu.
Í starfs-
hópnum var farið
rækilega yfir
þær forsendur
sem fyrir okkur
voru lagðar,
meðal annars
hugmyndir um
fyrningu afla-
heimilda. Þær
voru einfaldlega
reiknaðar út af borðinu, enda svo
fáránlegar að þær náðu hvergi
máli. Núna er verið að reyna að
fara með einhvers konar fyrningu
bakdyramegin inn í þetta frum-
varp.“
Einar segir kaflann um framsalið
í frumvarpinu óskiljanlegan að
mestu og þannig uppsettan að hann
mun fyrst og fremst hafa það í för
með sér að hinir veikari gefi eftir
og hinir sterkari lifi af.
Jón Bjarnason helsti
útgerðarmaður landsins
„Sjávarútvegs- og landbún-
aðarráðherra er síðan falið gríð-
arlegt vald til að seilast inn í þær
aflaheimildir sem losna, til dæmis
við gjaldþrot fyrirtækja. Ef þetta
gengur eftir verður Jón Bjarnason
helsti útgerðarmaður landsins.
Ráðstöfun hluta veiðigjaldsins til
sjávarbyggðanna er í sjálfu sér ekki
óskynsamlega hugmynd. Ég vek þó
athygli á því að 70% af þessari
skattlagningu eiga ekki að fara til
sjávarplássa. Þannig að það er ljóst
að enn er verið að færa skatttekjur
atvinnulífsins, í þessu tilviki skatt-
tekjur sem verða til á landsbyggð-
inni, til ráðstöfunar á höfuðborg-
arsvæðinu. Nóg er nú samt,“ sagði
Einar K. Guðfinnsson.
Brigð og svik – stjórninni
slétt sama um allt samráð
 Reynt að koma fyrningu bakdyramegin inn í frumvarpið
Einar K.
Guðfinnsson
Ársfundur 2011
Ársfundur Lífeyrissjóðs starfsmanna Reykjavíkurborgar
2011, verður haldinn þriðjudaginn 31. maí kl. 16.00 í
húsakynnum BSRB að Grettisgötu 89, Reykjavík.
Dagskrá
1. Venjuleg ársfundarstörf samkvæmt samþykktum sjóðsins.
2. Breyting á samþykktum.
3. Önnur mál löglega upp borin.
Allir sjóðfélagar sem og launagreiðendur og viðkomandi
stéttarfélög eiga rétt til fundarsetu með málfrelsi og
tillögurétti og eru þeir hvattir til að mæta.
Fundargögn verða afhent á fundarstað fyrir setningu
fundarins.
Reykjavík, 3. maí 2011.
Stjórn Lífeyrissjóðs starfsmanna Reykjavíkurborgar.
Lífeyrissjóður
starfsmanna
Reykjavíkurborgar
Skannaðu kóðann
til að lesa meira
um kvótann.