Morgunblaðið - 14.05.2011, Side 8

8 FRÉTTIRInnlent
MORGUNBLAÐIÐ LAUGARDAGUR 14. MAÍ 2011
Á Evrópuvaktinni fjallar StyrmirGunnarsson um að rökunum
gegn aðild að Evrópusambandinu
fjölgi. Sú hafi verið tíðin að rökin
gegn aðild hafi fyrst og fremst snú-
ist um það að við mundum missa yf-
irráð yfir fiskimiðum okkar og sjáv-
arútvegsmálum að öðru leyti, svo
sem forræði í samningum um skipt-
ingu deilistofna í Norður-Atlants-
hafi.
  
Rökin séu hins vegar orðin fleiriog í dag sé til dæmis augljóst
að Evrópusambandið stefni hrað-
byri að því að verða eins konar
Bandaríki Evrópu.
  
Miðstýringin eykst stöðugt. Sí-vaxandi kröfur eru um sam-
ræmda efnahagsstefnu allra aðild-
arríkja, samræmda
ríkisfjármálastefnu, samræmda
skattastefnu o.s.frv. Nú stefnir í að
þjóðþing aðildarríkjanna verði að
sætta sig við að fjárlagafrumvörp
hvers árs verði fyrst send til Bruss-
el til samþykktar og síðan lögð fyr-
ir þjóðþingin til afgreiðslu,“ segir
Styrmir.
  
Þá bendir hann á að komið sé íljós að ekki sé allt sem sýnist
með evruna: „Í raun og veru er hún
aðferð stóru ríkjanna í Evrópu til
þess að gera litlu ríkin háð sér. Evr-
an er fyrst og fremst til hagsbóta
fyrir stóru ríkin. Fyrir litlu ríkin er
hún eitrað peð eins og fengin
reynsla Grikkja, Íra og Portúgala
sýnir.“
  
Óhætt er að taka undir það, aðrökin gegn aðild Íslands að
ESB snúa ekki aðeins að sjáv-
arútvegsmálum, heldur að allri þró-
un Evrópusambandsins.
Röksemdum gegn
aðild fjölgar
STAKSTEINAR
Veður víða um heim 13.5., kl. 18.00
Reykjavík 8 skúrir
Bolungarvík 6 léttskýjað
Akureyri 7 alskýjað
Egilsstaðir 7 skýjað
Kirkjubæjarkl. 11 skýjað
Nuuk 1 léttskýjað
Þórshöfn 8 súld
Ósló 13 skúrir
Kaupmannahöfn 16 skýjað
Stokkhólmur 12 skýjað
Helsinki 12 heiðskírt
Lúxemborg 18 heiðskírt
Brussel 17 heiðskírt
Dublin 8 skúrir
Glasgow 10 skýjað
London 17 heiðskírt
París 21 heiðskírt
Amsterdam 17 heiðskírt
Hamborg 16 léttskýjað
Berlín 18 heiðskírt
Vín 20 léttskýjað
Moskva 12 heiðskírt
Algarve 26 heiðskírt
Madríd 26 léttskýjað
Barcelona 22 léttskýjað
Mallorca 22 léttskýjað
Róm 23 léttskýjað
Aþena 21 léttskýjað
Winnipeg 2 alskýjað
Montreal 22 skýjað
New York 16 alskýjað
Chicago 23 skýjað
Orlando 27 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
14. maí Sólarupprás Sólsetur
REYKJAVÍK 4:17 22:33
ÍSAFJÖRÐUR 3:58 23:02
SIGLUFJÖRÐUR 3:40 22:45
DJÚPIVOGUR 3:40 22:08
Jón Kr. Sólnes hæsta-
réttarlögmaður lést á
Landspítalanum við
Hringbraut fimmtu-
daginn 12. maí, 62 ára
að aldri. Hann fæddist
á Akureyri hinn 17.
júní 1948 og var sonur
hjónanna Ingu P. Sól-
nes húsfreyju og Jóns
G. Sólnes, bankastjóra
og alþingismanns.
Jón Kr. lauk stúd-
entsprófi frá Mennta-
skólanum á Akureyri
árið 1969. Kandídats-
prófi frá lagadeild Háskóla Íslands
lauk hann árið 1975 og öðlaðist rétt-
indi sem héraðsdómslögmaður 1976.
Hann varð hæstaréttarlögmaður ár-
ið 1984 og fékk réttindi til fast-
eigna- og skipasölu árið 1988.
Samhliða námi var Jón Kr. ritari
fjárveitinganefndar Alþingis. Að
námi loknu var Jón Kr. einn af
stofnendum Lögmannsstofunnar
ehf. og starfaði sem lögmaður til
dánardags. Þá stofnaði hann Fast-
eignasöluna Byggð ehf. sem hann
rak á árunum 1988 til 2007.
Jón Kr. gegndi fjölmörgum
nefndar- og stjórnunarstörfum.
Hann sat í bæjarstjórn Akureyrar á
árunum 1986 til 1994, sat í jafnrétt-
isnefnd bæjarins og var formaður
félagsmálaráðs og skipulags-
nefndar. Jón Kr. var formaður
skólanefndar Akureyr-
arbæjar árin 1998 til
2008, sat í stjórn
Rannsóknarstofnunar
Háskólans á Akureyri
1998 til 2008 og í
skólanefnd Mennta-
skólans á Akureyri
2000 til 2008.
Þá sat hann í nefnd
um heildarend-
urskoðun laga um
grunnskóla árin 2006
til 2008. Jón Kr. var
formaður yfirkjör-
stjórnar Norðaust-
urkjördæmis 2003 til 2007, sat í
stjórn Akureyrardeildar Rauða
Kross Íslands um áratugaskeið og
var formaður hennar á árunum
1988 til 1989 og 1994 til 2000.
Hann var ábyrgðarmaður og
stjórnarmaður Sparisjóðs Norð-
lendinga og forvera hans, síðar
Byrs sparisjóðs, samfellt frá 1980 til
2009, þar af var hann formaður
stjórnar 1993 til 2008 og á árinu
2009. Samhliða átti hann sæti í
stjórnum ýmissa félaga á vegum
sparisjóðsins, þ. á m. í Tækifæri hf.
og Íslenskum verðbréfum hf. Þá var
Jón Kr. formaður Sambands ís-
lenskra sparisjóða um þriggja ára
skeið.
Jón Kr. lætur eftir sig eiginkonu,
Höllu Elínu Baldursdóttur grunn-
skólakennara, og fimm börn.
Andlát
Jón Kr. Sólnes
Bandaríska dagblaðið The New
York Times fjallar ítarlega um hrun-
ið, uppbygginguna og efnahagsbat-
ann á Ísland í stórri grein sem nefn-
ist Icelands Big Thaw, sem mætti
útleggja á íslensku sem Ísland er að
þiðna.
Posche-bíllinn seldur 5 sinnum
á hálfu ári, ávallt með hagnaði
Tekið er sem dæmi um ástandið í
góðærinu að bílasali hafi selt sama
sportbílinn fimm sinnum á hálfu ári
og alltaf með hagnaði.
Blaðamaðurinn Jake Halpern
skrifar greinina, sem birtist á vef
blaðsins í gær. Hann heimsótti land
og þjóð og ræddi við fjölmarga Ís-
lendinga, m.a. Guðfinn Halldórsson,
Guffa bílasala, sem Halpern fær til
að útskýra hvernig staðan hafi verið
á Íslandi fyrir bankahrun.
Sagan, sem greinin hefst á, snýst
um Porsche-bifreið og hvernig Guð-
finni tókst að selja sömu bifreiðina
fimm sinnum á hálfu ári. Í hvert sinn
var hærra verð rukkað fyrir bílinn
og komu menn því ávallt út í hagn-
aði. Halpern segir frá því hvernig
bankakerfið hafi starfað á Íslandi í
góðærinu og aðgengi almennings að
ódýru lánsfé. Einnig um þær breyt-
ingar sem hafi orðið í íslensku sam-
félagi í kjölfar hrunsins, uppbygg-
ingarstarfið og leiðina fram á við.
Evran er ekki svöl
Í greininni er m.a. birt viðtal við
Jón Gnarr borgarstjóra sem
segir þá spurningu hvort Ísland
ætti að taka upp evruna sem gjald-
miðil brenna á mörgum. „Ýmsir
halda að við eigum að ganga í evru-
svæðið en það virðist ekki svalt. Það
er ekkert heillandi við hönnun evr-
unnar. Ég skil ekki hvers vegna við
getum ekki bara tekið upp banda-
ríkjadal,“ segir Jón Gnarr.
Hann mælir sjálfur með upptöku
bandaríkjadals. „Dollarinn er svalur.
Það er dollarinn sem þú sérð í bíó-
myndunum – honum fylgir sú
ímynd. Setja mætti dollarann á
geisladiskahulstur og það yrði svalt.
En þú gætir ekki sett evrumerkið á
það – það myndi líta kjánalega út.“
NYT fjallar um þíðuna á Íslandi
Hálftfæðiogallarskoðunarferðirinnifaldar
Sp
ör
eh
f.
s: 570 2790www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
SUMAR 10
Höfuðborgin Madríd, Segovia, Ávila og Toledo eru með skemmtilegri borgum Spánar, en
ferðin hefst með flugi til Madrídar, ökum þaðan til Segovia þar sem gist er í 3 nætur.
Borgin státar af ýmsum merkum mannvirkjum og ber þar hæst hinn 2000 ára
rómverska bunustokk sem er ásamt gamla borgarhlutanum á heimsminjaskrá UNESCO.
Farið verður í skoðunarferð til Ávila, en hún er fræg fyrir miðaldamúra sína. Einnig
heimsækjum við El Escorial, en þar stendur höll Filippusar II Spánarkonungs frá 16. öld.
Í Madríd sjálfri er gist í 4 nætur og kynnumst við þessari líflegu borg í skoðunarferðum
og öðru útstáelsi. Förum m.a. í Prado-safnið sem hefur að geyma málverk eftir meistara
á borð við Velázquez, El Greco og Goya og förum á flamengókvöld með mat, tónlist og
dansi. Við kveðjum Madríd og ökum til miðaldaborgarinnar Toledo þar sem saman
tvinnast fegurð mannvirkja, náttúru og sögufrægð. Auk skoðunarferðar um Toledo mun
gefast tími til að kanna líf bæjarbúa og fá sér hressingu, áður en haldið er heim á leið.
Fararstjóri: Kristinn R. Ólafsson
Verð: 184.400 kr. á mann í tvíbýli
Innifalið: Flug, skattar, hótelgisting, allar skoðunarferðir með rútu,
aðgangseyrir samkvæmt ferðalýsingu, hálft fæði og íslensk fararstjórn.
20. - 27. ágúst
Flamengó í Madríd