Húsfreyjan - 01.07.1963, Blaðsíða 16

fyrir hver jól er þeim færður glaðning-
ur, sem þess þurfa mest með
Fé þarf til allra framkvæmda og hef-
ur kvenfélagið safnað fé með ýmsu móti
og heldur a. m. k. alltaf einn bazar ár
hvert, en þegar stórátök hefur þurft,
hefur verið leitað fleiri leiða, haldnar
hlutaveltur, happdrætti o.s.frv. Á fyrstu
starfsárum félagsins gerðist margt í bar-
áttunni fyrir réttindamálum kvenna og
þar sem félagið vildi sneiða hjá beinni
þáttöku í stjórnmálum, taldi stjórnin
sig ekki geta orðið við tilmælum Kven-
réttindafélagsins um að taka þátt í
undirbúningi þeim, sem konur beittu
sér fyrir við bæjarstjórnarkosningar ár-
ið 1908, en síðar breytti félagið um
stefnu og ákvað að gerast þátttakandi í
félagasamtökum kvenfélaga, enda þau
ekki bundin stjórnmálaflokkum. Gerð-
ist félagið aðili að Kvenréttindafélaginu,
Bandalagi kvenna í Reykjavík og Kven-
félagasambandi fslands. I Mæðrastyrks-
nefnd hefur félagið einnig átt fulltrúa
frá stofnun hennar og hefur núverandi
formaður átt sæti í nefndinni frá upp-
hafi.
En félagið hefur einnig lagt fé til
fleiri góðra málefna, ,til dæmis keypti
það hlutabréf fyrir 150 krónur í Eim-
skipafélagi íslands þegar það var stofn-
að. Til Vífilstaðahælis hefur það lagt
fram fé og það var einnig meðal þeirra
fyrstu, sem lögðu fé í Landsspítalasjóð-
inn, svo að eitthvað sé nefnt. Fulltrúar
frá félaginu hafa starfað með fulltrúum
annarra kvenfélaga að heimilisiðnaðar-
sýningum og ýmsu öðru.
Auk fjárframlaga til kirkjunnar sjálfr-
ar, lagði kvenfélagið drjúgan skerf til
byggingar prestsseturshúss safnaðarins,
en það var fyrsta prestsseturshús, sem
reist var í kaupstað hérlendis. f því er
lítil kapella og lagði kvenfélagið að sjálf-
sögðu einnig fram fé til að búa hana, m.
a. til orgelkaupa.
Kvenfélagið hefur jafnan séð um innri
búnað kirkjunnar að verulegu leyti t. d.
látið teppaleggja hana o. s. frv. og nú í
sumar ætlar það að láta mála hana alla.
Hefur Hörður Ágústsson listmálari verið
ráðinn til að gera tillögur um litaval og
skreytingu.
Garð umhverfis kirkjuna hefur kven-
félagið látið girða og rækta og annast
viðhald hans. Það aflaði fjár til að
leggja hitaveitu i kirkjuna og þannig
mætti lengi telja.
Fermingarkyrtlar voru kirkjunni gefn-
ir til minningar um látna safnaðarmeð-
limi og sér kvenfélagið um viðhald
þeirra, sem og skrúðans alls.
Félagsfundir eru einu sinni í mán-
uði yfir vetrarmánuðina og er janúar-
fundur hvers árs jafnan skemmtifundur.
Samstarfsandi er mikill og góður innan
félagsins og hafa sömu konur löngum
setið í stjórn. Aðeins þrjár konur hafa
skipað formannssætið öll þessi ár, þær
frú Guðriður Guðmundsdóttir, sem var
fyrsti formaðurinn og gegndi starfinu
nær óslitið aldarfjórðungsskeið, frú Ingi-
leif Aðils og frú Bryndís Þórarinsdóttir,
sem nú hefur gegnt formennsku í þrjá-
tiu ár. Aðrar konur í stjóm eru nú frú
Elín Þorkelsdóttir gjaldkeri, frú Lóa
Kristjánsdóttir ritari. Varastjórn: frú
Sigurrós Torfadóttir varaform. og Mar-
grét Þorsteinsdóttir. En lengst hefur
setið í stjórn frú Ingibjörg Steingríms-
dóttir, sem var ritari félagsins í 37 ár.
Kvenfélag Frikirkjusafnaðarins hefur
orðið fyrirmynd safnaðarfélaganna, sem
nú fer stöðugt f jölgandi og alls staðar eru
safnaðarlífinu ómetanlegur styrkur.
Verkefni þess eru ótæmandi, því engin
kirkja þrifst án þess að til komi lifandi
safnaðarstarf.
Á fimmtugsafmæli félagsins var gefin
út starfssaga þess og eru þar rakin þau
fjölmörgu málefni, sem félagið hefur
látið til sín taka, en þau eru að sjálf-
sögðu miklu fleiri en drepið er á í þess-
ari stuttu frásögn.
,,Húsfreyjan“ óskar Kvenfélagi Frí-
kirkjusafnaðarins í Reykjavík allra
heilla í starfi um ókomin ár.
S. Th.
16
HÚSPRE YJAN