Húsfreyjan - 01.04.1964, Page 4

hef ég tekið eftir því, að tollur á inn-
fluttum leikföngum er mjög hár og það
verður meðal annars til þess, að inn eru
flutt léleg leikföng og ódýr, en sem verzl-
anir geta hagnast mikið á. Þau eru fyrst
og fremst miðuð við, hvað gengur í aug-
un á fullorðna fólkinu, ekki hvað börnum
hentar, og margt fullorðið fólk veit sára
lítið um, hvað helzt ætti að fá börnunum
í hendur.
Þeir eiginleikar, sem góð leikföng eiga
að vera búin, eru þessir:
Þau eiga að vera sterk, endast vel, —
vera algerlega hættulaus, það mega til
dæmis ekki vera í þeim lausir smáhlutir,
sem börn geta gleypt, eins og augun, sem
voru í mörgum bángsum, eða komin inn-
an í hringlunum. Þau eiga að geta haldið
áhuga barnsins vakandi lengur en ör-
skotsstund, það á helzt að vera hægt að
hagnýta sér þau í leik á fleiri en einn hátt,
eins og t.d. er hægt með byggingaklossa
og önnur leikföng til að setja saman. Það
er æskilegt, að hægt sé að bæta við leik-
föngin smám saman, en ekki þurfi endi-
lega að fá allt nýtt.
Þá þarf leikfangið í senn að geta glætt
ímyndunaraflið og gefið því svigrúm. má
ekki vera svo einhæft, að ekki geti spunn-
ist um það nýjar hugmyndir. Það verður
líka að vera fallegt, til að skapa góðan
smekk hjá barninu og það á að vera nota-
legt viðkomu og gott að hafa hönd á því.
Eitt bezta efni í leikföng er góður viður,
hann hefur svo marga eiginleika, sem
nauðsynlegir eru. Gott leikfang á líka að
vera þannig, að hægt sé að gera við það,
ef það skemmist og einnig í því tilliti er
viðurinn góður.
Svo verður auðvitað að miða við
þroska barnsins, hvaða leikföng því eru
fengin í hendur. Allra fyrstu leikföngin
verða að hafa þá eiginleika, að gott sé að
halda á þeim og að það megi bíta í þau.
Ungbörnum er mimnurinn mikilvægt
skilningarvit. Því er gott fyrir þau að fá
hringi, annaðhvort úr tré eða gúmmí.
Næst er gott að fá eitthvað, sem gefur frá
sér notalegt hljóð. Þar næst eitthvað,
sem raða má saman, bæði hlaða úr og
láta hvað ofan í annað, og svo gripi, sem
má ýta á undan sér og draga á eftir sér.
Menn ættu að hafa það í huga, að leik-
urinn er starf barnsins. Með honum kem-
ur örvun til að æfa stjórn huga og hand-
ar.
Eitt atriði ættu foreldrar að taka ræki-
lega til athugunar og það er að gera ekki
greinarmun á leikfangavali drengja og
stúlkna á bernskuskeiði.
Það er vanræksla á hæfileikaþroskun
stúlknanna, ef þeim eru aðeins gefið
brúðudót og leikföng til að líkja eftir
eldhússtörfum. Þær þurfa, alveg eins og
strákar, að fá leikföng, sem kalla fram
sköpunargáfuna, leikföng til að setja
saman, til að byggja úr.
Og það er vanræksla við drengina, að
gefa þeim aðeins eitthvað til að aka purr-
andi um gólfið, en ekki eitthvað til þess
að þykja vænt um. Þeir þurfa líka að fá
brúður og dýr. Sumar mæður vilja helzt
fara með það í felur, ef drengimir leika
sér að brúðum. Þetta er regin misskiln-
ingur. Drengimir verða líka að fá tæki-
færi til að láta x ljós tilfinningar í leik.
En þó ég tali nú mikið um leikföng,
vil ég samt taka fram að ég tel barn, sem
nær engin leikföng á, betur sett en það,
sem á of mikið að þeim. Allslausa barnið
getur skapað leikföng með hugmynda-
flugi sínu úr einföldustu efnum. Steinar,
skeljar og spýtur geta verið dýrmæt leik-
föng.
Foreldrar ættu að muna, að gefa börn-
um sínum einhverskonar efni til þess að
þau geti notið sköpunargleðinnar, það efni
þarf ekki að kosta neitt, aðeins að hugar-
flugið fái að njóta sin. Á því geta börnin
byrjað 4—5 ára gömul. Ef foreldrarnir
vildu gefa sér tíma til að vinna sjálf með
börmmum í leik, myndi margt gott upp
af því spretta. Það er foreldrunum, ekki
síður en bömunum, nauðsyn, að gefa sér
tíma til að hafa skemmtun af börnunum
og gleðjast með þeim í starfi og leik. Það
er gaman að leika sér með bömunum
sínum. Framhald á bls. 34
2
HÚBFREYJAN