Íslenskt mál og almenn málfræði - 01.01.1999, Qupperneq 140

138
Þorsteinn G. Indriðason
Samkvæmt þessu má ætla að eignarfallseinkunnin í forlið eignarfalls-
samsetningar sé beygð í orðasafhi en að sjálf samsetning hennar og höf-
uðorðsins fari ekki fram fyrr en í setningahluta og það skýri þann mun
sem er á stofnsamsettum orðum og mörgum eignarfallssamsetningum.
4.5 Dregið saman
í þessum kafla var fyrst rætt um hugmyndir manna um tengsl orða-
safnsins, orðhlutafræðinnar og setningafræði. Eftir það voru stofn-
samsett orð skoðuð í ljósi kenningarinnar um orðhlutahljóðkerfis-
fræði. Hér hefur þó sjónum einkum verið beint að myndun eignarfalls-
samsetninga sem hafa sterk merkingarleg og formleg tengsl við setn-
ingarliði með höfuðorði og eignarfallseinkunnum. Með því að tengja
þessar formgerðir saman má „elta uppi“ eignarfallsendinguna í forlið-
um slíkra eignarfallssamsetninga. Sett var fram sú tilgáta að margar
eignarfallssamsetningar séu myndaðar í setningahluta. Hin tæknilega
útfærsla á því hvemig sú myndun fer nákvæmlega fram skiptir ekki
meginmáli hér, en vel má gera sér í hugarlund að ferlið sé eitthvað líkt
því sem lýst er hér. Það er a.m.k. ljóst að illa gengur að gera grein fyr-
ir myndun eignarfallssamsetninga innan ramma þeirra hugmynda sem
menn hafa gert sér um orðasafnið.
Og þá er spumingin sú hvort yfirleitt sé búið að leysa öll vandamál
í sambandi við eignarfallssamsetningar. Svo er auðvitað ekki, því eins
og við komumst að í 2. kafla em eignarfallssamsetningar ekki allar þar
sem þær em séðar. I næsta kafla verður hugað nánar að því eðli þeirra.
5. Nánar um tengsl eignarfallssamsetninga og eignarfallsein-
kunna
5.1 Inngangur
Eins og drepið var á í niðurstöðum við 2. kafla og víðar em eignar-
fallssamsetningar í íslensku ekki einnar gerðar. í því felst einkum að
ekki er hægt að segja að merkingarleg tengsl sumra þeirra við setning-
arliði með eignarfallssamböndum séu skýr eða yfirhöfuð fyrir hendi, í
skilningi þess sem kom fram í 4. kafla. í þessum kafla er ætlunin að
reyna að gera nokkra grein fyrir þeim tegundum eignarfallssamsetn-