Íslenskt mál og almenn málfræði - 01.01.2010, Blaðsíða 96

94
Margrét Jónsdóttir
(5) a. þín hægra hönd (Nýja testamentið)
b. hin hægra hönd (Guðbrandsbiblía)
c. þeir hinir æðru postular (Nýja testamentið)
d. sinna fýrru forfeðra (Guðbrandsbiblía)
Spyrja má hvaða dæmi skipta máli um hugsanlega aðlögun miðstigs að
veikri beygingu lýsingarorða. Svarið er að það eru einungis dæmin í karl-
kyni eintölu. Þar voru endingarnar hinar sömu en eru það ekki lengur,
eins og sjá má í töflu 5. Hér verður líka að geta þess að formlega séð eru
sömu endingarnar í hvorugkyni eintölu. Það segir þó ekkert enda hafa
bæði veika beygingin og miðstigið alla tíð haft endinguna ~a í því kyni.
I nútímamáli eru dæmi um miðstigsorðin fyrru, meiru, st&rru og <xðru
notuð hliðstætt í veikri beygingu. I (6) eru nokkur dæmi sem öll koma af
Netinu nema (6c) sem er úr ritmálssafni Orðabókar Háskólans.15
(6) a. Okkar fýrru notendanöfn sem kannski voru í einhverjum rökræð-
um við aðra notendur breytir engu (malefnin.com)
b. I einhverri af fýrru færslum á kommentum kom fram að þeir sem
skrifa upp á lyfið séu skráðir niður (skessa.blog.is)
c. Margrét var í meiru uppáhaldi (JÁÞj2 I, 68; aldur I9m)
d. Þið eruð nú meiru vitleysingarnir (liberal.blog.is)
e. Hann er með stærru dvergum og getur verið ágengur við aðra dverg-
engla og fiska af svipaðri stærð, einkum ef þrengt er að honum
(tjorvar.is)
f. Hann talar um hvernig hinir æðru kynstofnar myndu þurrka út
hina óæðri eins og svertingjar [svo] (malefnin.com)
Dæmi eru um að sum orðanna hér að ofan, svo og önnur, séu notuð sér-
stætt. Það má sjá í (7). Dæmi (70) og (7e) eru úr ritmálssafni Orðabókar
Háskólans en hin eru af Netinu.
(7) a. Pasta með ofnbökuðum tómötum og fleiru (uppskriftir.seia.is)
b. Sennilega ekkert á hreinu þessa dagana frekar en þá fýrru og er það
eitt af þeim atriðum sem ég á erfitt með að sættast við (atlithor
oddsen.bloggar.is)
c. Til að reyna að komast að einhverju meiru um lengd íslenskra lok-
hljóða ... (ÍM 2, 37; aldur 20s)
d. Heimilin herða sultarólina, ferðamenn eyða meiru (visir.is)
15 Dæmi sem tekin eru af Netinu voru síðast skoðuð 19. nóvember 2009. Það á þ°
ekki við um tvö dæmanna og verður þess getið á viðeigandi stöðum.