Vera - 01.07.1983, Page 2

VERA
4/1983 JÚU
Finnst ykkurþað ekki skrýtið, hvað allt í einu er orðið /nik-
ið utnfegurðarsamkeppni? Og finnst ykkur þær ekkert í mót-
sögn við þann árangur, sem hefur náðst í jafnréttisátt síðustu
þrjú misserin, t.a.m. með bættum h/ut kvenna ísveitarstjórn-
um og á Alþingi? Hvers vegna fœrist einmitt núna þvílíkur
fjörkippur í keppnina um að vera fegurst, grennst, leggja-
lengst og broshreiðust?
Það nýjasta á þessu sviði er keppnin um titilinn „One
Million Dollar Pet OfThe Year“ sviðsett af tímaritinu Pent-
house. Réttilega þýddur er titillinn þessi á íslensku: „Einnar
milljón dala gæludýr ársins“ þótt fulltrúar Penthouse á ís-
landi hafi ekki þorað að segja það upphátt, heldur kosið að
slá ryki í augu þeirra grandvaralausu með því að segjast vera
að velja „Stúlku ársins". Bœði Penthouse og íslenska af-
sprengi þess, Samúel, byggja afkomu sína á að selja nektar-
myndir af konum til karla, sem — já einmitt — líta svo á að
konur eigi að vera gæludýr karla. Og svo vel gengur sú sala,
að Penthouse hefur efni á að veita einnar milljón dala verð-
laun til þeirrar konu, sem að dómi viðskiptavinanna þykir
einna gœlugefnust í útliti!
Ásama tíma ogslíkum viðburðum erslegið uppsem mark-
verðum fréttum, gerist það að annað íslenskt tímarit er kært
og leitt fyrir dómstóla fyrir að hafa birt Ijósmyndir af karl-
mannstippi. Það tók ekki langan tíma að kippa þeim Ijós-
myndum af búðarborðunum í nafni velsæmisins. Enginn
yppirþó öxlum vegna Ijósmynda af nöktum kvenlíkömum og
kynfærum kvenna, sem hanga uppi líkt og krossfest íþvísem
nœst hverri einustu sjoppu í landinu.
Já, þetta er allt dálítið skrýtið og mótsagnakennt. Það er
nærri að halda að um sé að ræða krók á móti bragði okkar,
sem glímum gegn gömlu viðhorfunum í garð kvenna. Og það
er öruggt, að árangurinn, sem hrópað var húrra fyrir íkjölfar
síðustu þingkosninga, verður óttalega endasleppur ef hann er
íengu samræmi við hugarfarið í landinu. Að því skulum við
gæta vel.
Útgefandi:
Kvennaframboðið í Reykjavík
Hótel Vík
Sími 22188 og 21500
Ritnefnd:
Helga Thorberg
Hlín Agnarsdóttir
Jóhanna V. Þórhallsdóttir
Kristín Jónsdóttir
Magdalena Schram
Útlit:
Andrea Jónsdóttir
Hlín Agnarsdóttir
Jóhanna V. Þórhallsdóttir
Kristín Jónsdóttir
Ábyrgðarmaður:
Hlín Agnarsdóttir
Ljósmyndari:
Anna Gyða Gunnarsdóttir
Forsiða:
Elín Edda Árnadóttir
Auglýsing og dreifing:
Guðrún Alfreðsdóttir
Setning og umbrot:
Alprent
Prentun:
Hólar h.f.
Ath. Greinar í Veru eru birtar á ábyrgð
höfunda sinna og eru ekki endilega
stefna Kvennaframboðsins í Reykjavík.
Vera kostar kr. 80 í lausasölu.
2
Ms
Áskriftarsími:
22188 og 21500